The World Stands on the Brink of Destruction and the Road to Peace

Posted on May 18, 2025 by Laiq Ahmed Atif

ID-DINJA TINSAB FUQ XIFER IL-QERDA U T-TRIQ LEJN IL-PAĊI!

It-Torċa, 18.05.2025 | Imam Laiq Ahmed Atif – WhatsApp+356 79 655 255

Fl-aħħar jiem, it-tensjoni dejjem tikber bejn iż-żewġ potenzi nukleari tad-dinja, l-Indja u l-Pakistan, kienet tabilħaqq kwistjoni ta’ tħassib għad-dinja kollha. Is-sitwazzjoni kienet tassew inkwetanti. Iż-żewġ pajjiżi, minflok ma mxew lejn it-tnaqqis tat-tensjoni u wrew trażżin, kienu involuti f’azzjonijiet militari.

Xi kliem ta’ gwida

Naħseb li, il-kliem ewlieni li għandu dejjem ikun prinċipju gwida f’sitwazzjonijiet bħal dawn huwa paċenzja, trażżin, għerf, għaqal, dehen, raġunament, rikonċiljazzjoni u paċi.

Jien inkwetat ħafna dwar il-fatt li hemm tant gwerer u kunflitti fid-dinja li qed jikkawżaw it-telf ta’ mijiet ta’ ħajjiet umani innoċenti, ħsara lill-infrastruttura u l-ekonomija nazzjonali, u jdgħajfu l-paċi u l-prosperità tal-umanità.

Atti kontra d-dinjità tal-bniedem

Il-gwerra bejn ir-Russja u l-Ukrajna, l-aggressjoni Iżraeljana f’Gaża, il-kunflitt Sudaniż, biex insemmi biss ftit, huma kollha aspetti inkwetanti għall-umanità kollha, fejn intilfu għadd kbir ta’ ħajjiet innoċenti u jidher li m’hemm l-ebda tmiem għal dan.

X’inhu l-benefiċċju tat-tixrid tad-demm innoċenti ta’ bnedmin sħabhom? Dan mhux kontra d-dinjità tal-bniedem?

Xi tfisser l-umanità?

Bl-Għarbi, persuna tissejjaħ ‘insan’, li jfisser li fin-natura tal-bniedem, hemm żewġ imħabbiet, jiġifieri, l-imħabba ta’ Alla, l-Aktar Grazzjuż, u l-imħabba tal-umanità. Dan in-nom ifisser tnejn, kif ngħidu bil-Malti ‘l-għadd imtenni’ li jfisser li dawn iż-żewġ elementi jew żewġ imħabbiet dejjem jindikaw dawn iż-żewġ attributi fin-natura tal-bniedem.

Fil-qosor dan ifisser li n-natura umana hija mogħnija b’żewġ tipi ta’ mħabbiet. U sakemm dawn iż-żewġ imħabbiet ma jilħqux il-quċċata tagħhom, persuna ma tistax verament tissejjaħ bniedem.

Għatxan għad-demm ta’ bnedmin

L-imħabba għall-Ħallieq hija obbligatorja għall-bniedem minħabba l-barkiet u t-tjubija infiniti Tiegħu fuqna. Li turi gratitudni għall-barkiet, il-grazzji u l-benedizzjonijiet bla għadd tal-Ħallieq huwa att ta’ korteżija. Iżda Alla li Jista’ Kollox poġġieha wkoll fin-natura umana li tħobb lil ħaddieħor.

Alla ħalaq ukoll imħabba għall-ħolqien u l-umanità fil-bniedem sabiex, filwaqt li jista’ jtejjeb il-kundizzjoni spiritwali tiegħu billi jesprimi mħabba għal Alla li Jista’ Kollox, jista’ wkoll itejjeb il-ħajja soċjali tiegħu, il-virtujiet, il-morali u l-valuri tiegħu billi jħobb u jaqdi l-ħolqien ta’ Alla, u l-umanità skont l-abbiltajiet u l-kapaċitajiet tiegħu.

Billi nżommu f’moħħna t-tifsira msemmija hawn fuq li tkun bniedem, kif jista’ wieħed isir għatxan għad-demm ta’ bnedmin oħra? Dak l-istatus huwa ċaħda tal-attributi umani, u dan huwa kontra d-dinjità tal-bniedem.

L-imħabba għall-Ħallieq u l-ħolqien: L-unika triq għall-paċi

Għalhekk, wasal iż-żmien li nuru l-ogħla standards taż-żewġ imħabbiet—l-imħabba ta’ Alla, u l-imħabba tal-umanità. U dik hija l-unika triq li twassal għal paċi sostenibbli u dejjiema fis-soċjetajiet tagħna u tabilħaqq fid-dinja kollha.

Għalhekk, minħabba din ix-xewqa profonda u sinċiera li d-dinja timtela bl-imħabba, bl-għożża, u bil-ħbiberija, u biex tikber l-imħabba ta’ Alla fil-qlub tal-bnedmin ħalli jerġgħu jitgħallmu mill-ġdid it-toroq li jwasslu għall-paċi u jevitaw id-distruzzjoni, il-Komunità Ahmadiyya Musulmana dejjem taħdem bil-ħerqa għall-ġid komuni.

Aħna nemmnu u nispjegaw il-fehma tagħna li hemm mod wieħed biss li jista’ jsalva lid-dinja mill-qerda u l-ħerba li riesqa lejhom, u dan huwa li lkoll kemm aħna rridu nistinkaw biex inxerrdu l-imħabba, l-affezzjoni, u sens ta’ komunità.

Aktar importanti minn hekk, id-dinja għandha bżonn tagħraf il-Ħallieq tagħha, li huwa Alla l-Waħdieni. Huwa dan l-għarfien tal-Ħallieq li jwassalna għall-imħabba u l-mogħdrija lejn il-Ħolqien Tiegħu, u meta dan isir parti mill-karattru tagħna, inkunu wasalna fi stat fejn inkunu nistgħu nirċievu l-imħabba tiegħu, li żgur se twassalna għall-paċi dejjiema u sostenibbli.

Id-dinja tinsab fuq xifer il-qerda

Il-Kap tal-Komunità Ahmadiyya Musulmana, Ħażrat Mirża Masroor Aħmad, ħeġġeġ talb kontinwu għall-paċi globali, partikolarment rigward is-sitwazzjoni tensa bejn ċerti pajjiżi, appoġġja d-diplomazija fuq il-kunflitt, enfasizza t-tbatija tal-innoċenti fil-gwerra, esprima tħassib serju dwar id-dinja li tinsab fuq xifer ta’ kunflitt mifrux.

Huwa enfasizza li, meta sseħħ gwerra, iż-żewġ naħat isofru telf. Barra minn hekk, mhux biss is-suldati, iżda ċ-ċivili u l-vulnerabbli li jinqatlu bla sens. Dan huwa preċiżament dak li naraw fil-gwerer tal-lum; dan qed jiġri kullimkien. Fi kwalunkwe każ, itolbu għall-popli oppressi kollha madwar id-dinja.

Filwaqt li ħeġġeġ għal sforzi kontinwi għall-bini tal-paċi, huwa enfasizza wkoll l-importanza tat-talb u qal: “Komplu itolbu għall-istat ġenerali tad-dinja, kif insemmi b’mod konsistenti. Itolbu speċjalment għas-sitwazzjoni attwali li qed tiddomina bejn il-Pakistan u l-Indja. Jalla Alla li Jista’ Kollox iġib tmiem għall-oppressjoni, jipproteġi lill-magħkusin, u jagħti l-għerf lill-gvernijiet, sabiex minflok ma javvanzaw lejn il-gwerra, isolvu l-kwistjonijiet permezz tal-paċi u r-rikonċiljazzjoni, u jkunu parteċipi fi ftehimiet internazzjonali.”

Waqt li spjega s-sitwazzjoni fraġli tad-dinja, il-Qdusija Tiegħu qal: “Jidher li d-dinja tinsab fuq xifer il-qerda. Jalla Alla li Jista’ Kollox biss isalvaha minn katastrofi. Dan jista’ jiġri biss jekk in-nies jersqu lejn Alla li Jista’ Kollox. Jalla Alla li Jista’ Kollox jagħtihom il-ħila għal dan, u jalla jagħtina wkoll il-ħila għat-talb.” Ammen.

Posted in Ahmadiyya Malta, Ahmadiyya: The True Islam, Article, Peace, www.Ahmadiyya.mt | Tagged , , , , , , , , , , , , , , , | Leave a comment

Euthanasia and the Sanctity of Human Life

Posted on May 18, 2025 by Laiq Ahmed Atif

L-Ewtanasja Assistita…

“L-Iżlam ma jaqbilx… għax japprezza l-qdusija tal-ħajja fuq kollox” – Imam Laiq Ahmed Atif, President ta’ Ahmadiyya Muslim Jamaat

It-Torċa, 18.05.2025 | Carmen Cachia

“L-ewwel nett, l-Iżlam ma jaqbilx mal-kunċett tal-ewtanasja. Dan għax l-Iżlam japprezza l-qdusija tal-ħajja fuq kollox. L-Iżam japprezza tassew id-dinjità u l-qdusija tal-ħajja. Barra minn hekk Alla jgħid fil-Koran Imqaddes (10:57) li: Alla jagħti l-ħajja u Alla jagħti l-mewt u għandu nerġgħu lura. Għalhekk, ħadd ma għandu dritt li jieħu l-ħajja ta’ xi ħadd, għal kwalunkwe raġuni.

Iva, nifhmu l-argument tat-tbatija u l-uġigħ tal-bniedem imma hemm ukoll Alla li jagħtina l-aħbar it-tajba. L-ewwel Alla ma jpoġġix piż iktar milli tiflaħ u t-tieni l-Qaddis Profeta Muħammad, is-sliem għalih, kien qal li meta l-bniedem jgħaddi minn xi tbatija, sofferenza u wġigħ, Alla jaħfer id-dnubijiet tiegħu u jippremjah b’mod diferenti biex l-ispirtu, li huwa r-ruħ tal-bniedem, ikun mill-aħjar.

Jekk se nibdew xi ħaġa, allura fejn se nispiċċaw? Dan il-ftuħ tat-tieqa se jikkonverti fl-bieb u mbagħad fl-bieb beraħ. Il-Qaddis Profeta Muħammad, is-sliem għalih, qal li, ‘ebda fdil ma jkun milqut minn xi ħsara u wġigħ ħlief li Alla se jneħħi dnubietu hekk kif il-weraq tas-siġra jaqgħu’. Jiġiferi, l-ebda fidil ma jkun milqut minn xi ħsara matul iż-żminijiet ta’ tbatija peress li huma ppremjati meta jibqgħu sodi u Alla jaħfrilhom dnubiethom.

“Jekk se nibdew xi ħaġa, allura fejn se nispiċċaw? Dan il-ftuħ tat-tieqa se jikkonverti fl-bieb u mbagħad fl-bieb beraħ.” — Imam Laiq Ahmed Atif

Barra minn hekk, jekk ma jkunx hemm tbatija, kif nistgħu nifhmu l-filosofija u l-importanza tal-kuntentizza u l-hena? Jekk ma jkunx hemm dlam, kif nistgħu nifhmu x’inhu d-dawl? Iljieli mudlama, jagħtuna l-fehim tal-jiem imdawlin.

It-tbatija hija importanti għax tgħallimna l-virtujiet u l-valuri bhall-ħniena, il-kompassjoni, l-imħabba u l-mogħdrija lejn ix-xulxin. Għalhekk, minflokk li neħħu l-ħajja, għandna nitgħallmu kif nistgħu nsiru ġentili u ħanina.”

Posted in Article, Interviews | Tagged | Leave a comment

The moral compass in times of spiritual and moral blindness

Posted on May 11, 2025 by Laiq Ahmed Atif

Photo: Shutterestock

Il-kumpass morali fi żminijiet ta’ għama spiritwali u morali

It-Torċa, 11.05.2025 | IMAM Laiq Ahmed Atif – WhatsApp: +35679655255

Fid-dinja tal-lum hemm diversi kwistjonijiet ewlenin li qed tiffaċċja d-dinja inklużi l-perikli tal-materjaliżmu, il-midja soċjali, u l-kilba għall-flus. Huwa minnu li f’din l-era moderna seħħew ħafna l-avvanzi teknoloġiċi, partikolarment fil-qasam tal-komunikazzjoni tal-massa.

Qed ngħixu fi żmien ta’ materjaliżmu u mondanità li dejjem jiżdiedu fejn, minkejja li l-bnedmin huma intelliġenti u minkejja li għandhom għajnejn biex jaraw bihom, ħafna nies qed jgħixu ħajja ta’ għama spiritwali u morali fejn iqisu kull ħaġa li tleqq jew tidher sabiħa bħala magħmula mid-deheb.

Mhux kulma jleqq huwa deheb

Iżda, għandna nifhmu b’mod tajjeb li, mhux kulma jleqq huwa deheb; mhux kulma naraw madwarna huwa tajjeb. Għandna nifhmu wkoll li mhux kulma toffri d-dinja moderna huwa tajjeb fiżikament, moralment, soċjalment u spiritwalment.

Il-bniedem tal-lum għandu ħafna responsabbiltà fuq spallejh biex jieħu kull pass b’mod attent u jiżen kollox b’mod tajjeb qabel jaċċettah.

Huwa fatt li l-lussu kollu li naraw xi kultant jaffaxxina l-persuna, iżda dawk li verament jemmnu f’Alla huma mistennija li jaħsbu jekk dawk l-affarijiet jeħduhomx ’il bogħod mill-Mulej jew iressquhomx lejn il-Mulej!

Għax, għall-fidil veru, il-ħajja ’l bogħod minn Alla hija bħall-ħajja tal-ħut mingħajr l-ilma. Kif il-ħut ma jistax jibqa’ ħaj mingħajr l-ilma, il-fidil veru ma jistax jgħix mingħajr Alla l-Ħanin.

Falliment morali

Sfortunatament, jidher li s-sbuħija materjalistika qed tirbaħ ammont konsiderevoli ta’ qlub in-nies. Id-dinja se tkun imġiegħla tammetti li l-għana tad-dinja ħalla lil ħafna nies spiritwalment bla flus u moralment falluti. Il-mistoqsija hi li, din hija l-ħajja li aħna mistennija li ngħixu mill-Ħallieq tagħna jew jeżisti xi kumpass morali u spiritwali għalina?

Nemmen li huwa l-kuntrarju mill-attributi tal-Mulej li jħalli l-bnedmin tiegħu mingħajr xi skop ta’ ħajjithom, u mingħajr il-gwida morali u spiritwali. Kif jista’ jkun li l-Mulej li ħalaq ħafna barkiet għalina qabel it-twelid tagħna, bħax-xemx, l-ikel, l-ilma, l-ossiġnu, eċċetra, ma jiħux ħsiebna wara t-twelid tagħna fid-dinja?

Mingħajr l-iċken dubju, Alla dejjem ħa ħsieb lill-umanità tiegħu u wrieha t-triq it-tajba u spjegalha l-virtujiet kollha li huma l-qofol tal-bniedem. Għalhekk, huwa d-dover tal-bniedem li dejjem jgħix ħajja mimlija morali u virtujiet; u qatt ma nitilfu l-kumpass morali.

Definizzjoni tal-morali

L-ewwel u qabel kollox huwa importanti li nifhmu x’inhu l-morali. Dawk l-azzjonijiet umani li jirrigwardjaw lill-bnedmin u jagħmlu parti integrali tal-karattru uman jissejħu morali.

Jiġifieri, it-trattament tajjeb u xieraq tagħna tal-bnedmin l-oħra, u l-azzjonijiet li nwettqu bħala parti mit-tradizzjoni soċjali jew kultura jissejħu morali. Persuna li hija konxja fir-rigward ta’ azzjonijiet bħal dawn tissejjaħ persuna moralment tajba.

L-għemejjel tagħna li noffru lill-Mulej jissejħu spiritwali. Għalhekk l-istati morali u spiritwali huma konnessi mill-qrib. L-unika differenza bejn it-tnejn hija li meta l-attivitajiet tagħna huma marbuta mal-bniedem, jissejħu attivitajiet morali; meta huma diretti lejn Alla, isiru spiritwali. Il-bniedem veru huwa dak li dejjem jieħu ħsieb lill-istat morali u spiritwali tiegħu, għax huma marbuta ma’ xulxin.

L-għemejjel huma ġġudikati bl-intenzjonijiet

Għandna nżommu f’moħħna wkoll li l-intenzjonijiet u l-motivi huma ħafna importanti, kif il-Qaddis Profeta Muħammad, is-sliem għalih, qal: “Tassew l-għemejjel huma ġġudikati bl-intenzjonijiet u għal kulħadd huwa premju, skont l-intenzjoni tiegħu.”

Jiġifieri, meta l-azzjonijiet ikunu motivati ​bl-intenzjonijiet tajba u l-bniedem jagħmel dak kollu minħabba r-raġuni li hekk il-Mulej jixtieq minna, imbagħad biss jistgħu jkunu morali vera. Mingħajr il-motivazzjoni tagħhom, l-azzjonijiet tagħna huma eżerċizzji materjalistiċi. M’hemmx dubju li anke dawn l-eżerċizzji huma ta’ xi użu.

Imma jekk il-bnedmin ma jaspirawx li jkunu tajbin u perfetti, u jekk l-approvazzjoni ta’ Alla mhix l-għan tagħhom, kif se jiksbu t-twettiq li għalih huma maħluqa u li għalih għandhom naturalment jaspiraw? L-azzjoni u l-isforz mentali u spiritwali jiddependu ħafna fuq motivi tajbin.

Tpoġġi l-ikel f’ħalq martek

Il-Qaddis Profeta Muħammad, is-sliem għalih, spjega dan is-suġġett b’mod meraviljuż u qal li, anke ftit ikel li tpoġġi f’ħalq martek bix-xewqa li taqla’ mertu quddiem Alla huwa att virtuż u morali, u se jġib il-premju tiegħu.

Barra minn hekk, jekk l-imħabba bejn il-koppja hija mmexxija mill-emozzjonijiet tagħhom biss, huwa biss att ta’ mħabba, imma jekk ir-relazzjoni tagħhom hija mmexxija taħt il-kmand divin li Alla kkmandahom juru rispett u mħabba lejn xulxin, allura dan l-att isir att virtuż.

Jiġifieri, dak li nagħmlu bl-intenzjonijiet u l-motivi li nirbħu l-pjaċir ta’ Alla, huwa jsir virtù u morali.

Ir-responsabbiltà morali tagħna

Għalhekk, hija r-responsabbiltà tagħna li ngħixu ħajjitna bil-virtujiet u l-morali skont il-gwida divina, u nsiru konxji u ġenerużi man-nies kollha ta’ madwarna. Għandna dejjem nimxu mal-kumpass morali u mhux sempliċement nimxu wara l-emozzjonijiet tagħna bħal ħlejjaq oħra. Għandna noffru xaqq dawl u tama f’dinja li llum inħakmet minn kull tip ta’ tentazzjonijiet moderni, biex ngħixu l-ħajja ta’ kuljum b’mod tajjeb, ġenwin u b’mod uman.

Posted in Ahmadiyya, Ahmadiyya Malta, Ahmadiyya: The True Islam, Article, www.Ahmadiyya.mt | Tagged , , , , , , , , , , , , , , , , , , , | Leave a comment

Paradise lies under the feet of the mothers

Posted on May 10, 2025 by Laiq Ahmed Atif

Il-ġenna tinsab taħt saqajn l-omm

Meta naħseb dwar l-imħabba tal-omm, insib li l-imħabba ta’ omm hija aktar profonda mill-fond tal-oċean, ogħla mill-għoli tas-smewwiet, u aktar ħelwa mill-għasel. L-omm hija persuna u bniedma bla paragun.

In-Nazzjon, 10.05.2025 | IMAM Laiq Ahmed Atif – amjmalta@gmail.com

L-omm hija persuna u bniedma bla paragun. L-omm huwa l-isem ta’ torri tal-kobor, is-sbuħija, ir-rispett u d-dinjità. Il-pożizzjoni ta’ omm hija kbira ħafna u ħafna. M’hemm l-ebda bniedem ieħor bħall-omm, li hija eżempju eċċellenti ta’ mħabba u kompassjoni.

Meta naħseb dwar l-imħabba tal-omm, insib li l-imħabba ta’ omm hija aktar profonda mill-fond tal-oċean, ogħla mill-għoli tas-smewwiet, u aktar ħelwa mill-għasel.

Il-Qaddis Profeta Muħammad, is-sliem għalih, iddeskriva l-persuna tal-omm b’mod meraviljuż u qal li, “Il-ġenna tagħkom tinsab taħt saqajn ommkom.” Jiġifieri li aħna nistgħu niksbu l-ġenna billi naqdu lil ommijietna u nkunu ġentili u ubbidjenti lejhom. Fil-fatt l-omm hija waħda mill-bibien tal-ġenna.

Żomm ma’ saqajn l-omm

Il-Qaddis Profeta Muħammad, is-sliem għalih, wera l-importanza tal-imħabba tal-omm f’diversi okkażjonijiet. Darba xi ħadd ġie għand il-Qaddis Profeta Muħammad biex jitlob il-permess tiegħu biex imur għall-gwerra kontra l-għadu. Il-Profeta staqsieh jekk ommu kinitx ħajja. Huwa wieġeb fil-pożittiv. Il-Profeta qallu biex jibqa’ ma’ ommu u jaqdiha. Ir-raġel reġa’ staqsa u l-Qaddis Profeta tah l-istess parir. Meta staqsa għat-tielet darba, il-Profeta qallu, “Żomm ma’ saqajha għax hemm tinsab il-ġenna.”

Kemm hu sabiħ! Tabilħaqq l-omm hija persuna li tassew jistħoqqilha t-trattament tagħna ta’ qalb tajba, ġentili, ħanina u b’kompassjoni. Meta nisimgħu l-kliem sabiħ bħal li semmejt hawn fuq, wieħed malajr jista’ jikkonkludi li l-omm hija persuna tal-glorja u ta’ pożizzjoni għolja ħafna; u bla dubju ta’ xejn l-ommijiet huma parti importanti u integrali tas-soċjetà li jridu jiġu moqdija u rispettati ħafna u mingħajr limiti.

Il-premju tat-tieba għaxar darbiet aktar

Għax, ir-rispons tat-tjubija għandu jkun tjubija simili, pjuttost aħjar minn hekk, kif jgħid Alla li Jista’ Kollox fil-Koran Imqaddes li, “Min jagħmel għemil tajjeb ikollu premju aħjar minn hekk” (28:85); “Min jagħmel it-tajjeb ikollu għaxar darbiet aktar” (6:161).

Jiġifieri, għemil tajjeb huwa bħal żerriegħa tajba li tipproduċi prodott għaxar darbiet aktar minnu. Għalhekk, għandna biex inkunu bħaż-żerriegħa tajba u nroddu l-imħabba tal-omm għaxar darbiet aktar minnha; jekk dan mhux possibbli minħabba l-limiti tagħna, għall-inqas għandna nroddu l-istess, u nuru mogħdrija ġenwina lejha u nħobbuha minn qiegħ il-qalb.

L-imħabba u l-ġustizzja

Kull sena f’Mejju niċċelebraw “Jum l-Omm”, li jiġi jfakkarna dwar l-importanza u d-dinjità tal-omm. Meta jibda x-xahar ta’ Mejju, naraw xi ċaqliq fl-iskejjel u fil-ħwienet dwar il-bejgħ ta’ rigali għall-omm.

Meta jasal “Jum l-Omm”, ħafna mit-tfal jagħtu rigal lil ommhom biex jasserixxu l-imħabba tagħhom. L-iskejjel ukoll jenfasizzaw fuq l-imħabba għall-omm u jgħallmu l-istudenti biex ipinġu xi ħaġa, jiktbu xi messaġġ u jixtru xi rigal għal ommhom bħala turija tar-rispett lejhom.

Iżda għandna nżommu quddiem għajnejna li “l-imħabba ta’ ġurnata” mhijiex biżżejjed li tista’ tagħmel ġustizzja mal-maestà tal-omm, il-glorja u l-pożizzjoni tagħha. Għalhekk, għandna nuru l-imħabba lejn ommijietna s-sena kollha.

Photo: Inna Kot | Shutterestock

‘Jum l-Omm’ is-sena kollha

Għandna niċċelebraw “Jum l-Omm” is-sena kollha, 365 ġurnata matul is-sena. Kif diġà ktibt li t-tweġiba tat-tjubija għandha tkun xejn ħlief it-tjubija. Meta konna żgħar kif ommijietna kienu jittrattawna? Kienu jiċċelebraw xi ġurnata partikolari għat-turija tal-imħabba tagħhom għalina?

Din mhix mistoqsija tal-ġurnata, iżda, l-omm tħobb lil uliedha kull mument, 365 ġurnata fis-sena, 24 siegħa kuljum, u 60 sekonda f’kull minuta. Allura, jista’ jum ta’ ċelebrazzjoni ta’ Jum l-Omm jagħmel xi ġustizzja lil dik l-imħabba u l-kompassjoni bla kundizzjonijiet?

Meta nħarsu lejn ir-reliġjonijiet u s-soċjetajiet ċivili, nindunaw li kull waħda minnhom tat importanza kbira għar-rispett lejn l-omm. Alla jgħid fil-Koran Imqaddes:

“L-amar tagħna lill-bniedem huwa li juri tjubija mal-ġenituri tiegħu (għaliex jeħtieġlu jiftakar li) ommu ġġorru (f’ġufha) bi dgħufija fuq dgħufija, u jinfatam fi żmien sentejn. (Mela ftakar u) iżżi ħajr lili u lill-ġenituri tiegħek! (La tinsiex li) lejja t-tmiem.” (31:15)

Dan u l-vers li jmiss jiffurmaw klawsola parentetika u jirreferu għat-tieni l-aktar dmir importanti tal-bniedem, wara d-dmir tiegħu lejn Alla—l-obbligi tiegħu lejn l-umanità, li jibdew bl-obbligi tiegħu lejn il-ġenituri tiegħu. Jingħadlu li jrid ikun tajjeb u ġentili mal-ġenituri tiegħu.

Sidi ħenn għall-ġenituri tagħna

Alla jiggwida lill-bniedem lejn id-dmir tiegħu lejn il-ġenituri tiegħu u jagħti wkoll ir-raġuni għal dan, jiġifieri li l-ġenituri jagħmlu kull xorta ta’ sagrifiċċju għal uliedhom, partikolarment l-omm.

Nixtieq nagħlaq bit-talb li Alla għallimna għall-ġenituri tagħna. Alla jgħid li għandna biex nuru l-ħniena lejn il-ġenituri tagħna u nitolbu għalihom: “Sidi, ħenn għalihom bħalma rabbewni meta kont żgħir.” Ammen.

Nawgura lill-ommijiet kollha ‘Jum l-Omm’ hieni u mbierek.

Posted in Ahmadiyya Malta, Ahmadiyya: The True Islam, Article, www.Ahmadiyya.mt | Tagged , , , , , , , , , , , , , , , , , , , , | Leave a comment

Gratitude as a Source of Growth and Blessings

Posted on May 5, 2025 by Laiq Ahmed Atif
Posted in Ahmadiyya, Ahmadiyya Malta, Ahmadiyya: The True Islam, www.Ahmadiyya.mt | Tagged , , , , , , , , , , , , , , | Leave a comment

Id-Dawl 87

Posted on May 5, 2025 by Laiq Ahmed Atif

ID-DAWL 87

Id-Dawl 87Download
Posted in Id-Dawl, Id-Dawl Magazine | Tagged , , , , | Leave a comment

Faith and Sensitivity: Respecting Religious Sentiments

Posted on May 4, 2025 by Laiq Ahmed Atif

FIDI U SENSITTIVITÀ: IR-RISPETT GĦAS-SENTIMENTI RELIĠJUŻI

Fid-dinja li saret bħal raħal globali ma nistgħux niżirgħu ż-żerriegħa tal-paċi mingħajr ma niżirgħu ż-żerriegħa tar-rispett reċiproku bejnietna. Barra minn hekk, huwa importanti wkoll li nuru rispett għas-sentimenti reliġjużi ta’ xulxin. Dan is-sens ta’ rispett reċiproku se jistabbilixxi l-pedament għall-fratellanza universali, l-armonija, it-tolleranza u l-paċi, xi ħaġa li qed tisparixxi malajr mid-dinja.

It-Torċa, 04.05.2012 | Imam Laiq Ahmed Atif – amjmalta@gmail.com

F’dan iż-żmien meta d-dinja litteralment saret bħal raħal globali b’mod li ma setax jiġi immaġinat qabel, irridu nirrealizzaw ir-responsabbiltajiet tagħna bħala bnedmin u għandna nippruvaw nagħtu kas lit-tixrid tal-paċi, l-imħabba u l-fratellanza fost xulxin. Barra minn hekk, huwa importanti wkoll li nuru rispett għas-sentimenti reliġjużi ta’ xulxin.

Meta xi ħadd iweġġa’ s-sentimenti ta’ ħaddieħor billi jgħid kliem bla rispett kontra r-reliġjon tiegħu jew kontra l-personaġġi qaddisin tiegħu, dan iwassal għall-ħolqien ta’ tensjonijiet u kunflitti bejn in-nies. Dan id-diskors ma jibbenefika lill-umanità bl-ebda mod. X’jista’ jkun il-benefiċċju li tweġġa’ sensittivitajiet ta’ ħaddieħor li jżidu biss il-mibegħda u n-nuqqas ta’ rispett bejn in-nies?

Niżirgħu ż-żerriegħa tal-paċi

Għalhekk irridu nifhmu li ma nistgħux niżirgħu ż-żerriegħa tal-paċi mingħajr ma niżirgħu ż-żerriegħa tar-rispett reċiproku bejnietna. Flimkien, ejjew nibnu l-ambjent reċiproku biex dejjem nuru rispett għal xulxin, għar-reliġjonijiet ta’ xulxin kif ukoll għall-personaġġi qaddisin, il-messaġġiera ta’ Alla u għall-Fundaturi tar-reliġjonijiet kollha.

Il-Koran Imqaddes jiddikjara li Alla bagħat il-Messaġġiera Tiegħu lil kull nazzjon biex jurihom it-triq it-tajba — it-triq li twassal Għandu. Barra minn hekk, il-Koran Imqaddes jiddikjara l-pjetà u l-verità ta’ kull profeta. Il-Koran Imqaddes jgħid:

“Lil kull ġens (intbagħat) Messaġġier, u meta jiġi l-Messaġġier tagħhom, isir ħaqq minnhom kif jixraq, u ma jiġux trattati ħażin.” (10:48)

“M’hemmx poplu (fid-dinja) li għalih ma bgħatniex il-Widdieb.” (35:25)

Fid-dawl ta’ dawn il-versi mill-Koran Imqaddes, huwa ċar li l-Iżlam jiddikjara u jenfasizza kategorikament li matul l-istorja tal-bniedem, f’kull żmien u f’kull parti tad-dinja, Alla kien qed jieħu ħsieb il-bżonnijiet reliġjużi u spiritwali tal-bnedmin billi bagħat il-messaġġiera tiegħu biex iwasslu l-messaġġ divin lill-poplu rispettiv tagħhom.

Il-pedament għall-fratellanza universali

Dan is-sens ta’ rispett u unur reċiproku għall-messaġġiera u l-Fundaturi kollha tar-reliġjonijiet tad-dinja jistabbilixxi l-pedament għall-fratellanza universali, l-armonija, it-tolleranza u l-paċi, xi ħaġa li qed tisparixxi malajr mid-dinja.

Bħala Musulmani, aħna nirrispettaw u nonoraw il-profeti u l-messaġġiera kollha (il-paċi tkun fuqhom ilkoll). Aħna nemmnu li huma kollha l-messaġġiera mibgħuta minn Alla li Jista’ Kollox u ma ngħidu xejn ta’ tmaqdir kontrihom.

Alla li Jista’ Kollox jibgħat il-messaġġiera Tiegħu lin-nies sabiex ikunu jistgħu juruhom il-modi li jressqu lin-nies eqreb lejn Alla u eqreb lejn l-umanità. Meta naqraw it-tagħlim tar-reliġjonijiet ewlenin tad-dinja nsibu li l-objettivi ewlenin ta’ kull reliġjon dejjem kienu li jressqu lin-nies eqreb lejn Alla u li jistabbilixxu valuri umani.

L-ebda fundatur ta’ xi reliġjon ma għallem lid-dixxipli tiegħu biex jiċħdu d-drittijiet ta’ ħaddieħor jew biex jaġixxu b’mod krudili lejn bnedmin oħra.

Ir-rispett lejn il-profeti u l-messaġġiera

L-Iżlam jgħallimna nuru rispett inkondizzjonat lejn il-profeti u l-messaġġiera kollha ta’ Alla, jagħmilha imperattiv fuq il-Musulmani biex jemmnu fil-profeti u l-messaġġiera kollha li ġew imsemmija fil-Bibbja Mqaddsa jew fil-Koran Imqaddes, u biex ma jagħmlu l-ebda distinzjoni bejn il-messaġġiera ta’ Alla.

“Il-Mibgħut emmen f’dak li tniżżel lilu minn Sidu, u (hekk ukoll) dawk li jemmnu. Kollha emmnu f’Alla, fl-anġli tiegħu, fil-kotba tiegħu, u fil-Messaġġiera tiegħu. Huma jgħidu: ‘Ma nagħmlu distinzjoni bejn ħadd mill-Mibgħutin tiegħu.’”(Koran, 2:286)

Noħolqu atmosfera ta’ mħabba u affezzjoni

Għalhekk, sabiex tinżamm il-paċi fis-soċjetà, huwa meħtieġ li kulħadd jelimina s-sentimenti kollha ta’ ostilità minn qalbu u jżid il-livelli ta’ tolleranza tiegħu. Hemm bżonn li niddefendu r-rispett u r-riverenza tal-Profeti ta’ xulxin.

Jekk nanalizzaw is-sitwazzjoni internazzjonali attwali, nirrealizzaw li d-dinja għaddejja minn żminijiet ta’ inċertezza u taqlib kbir. Dan jirrikjedi li noħolqu atmosfera ta’ mħabba u affezzjoni sabiex inkunu nistgħu nneħħu t-tensjoni u l-biża’, inwasslu messaġġ ta’ mħabba u paċi lil dawk kollha ta’ madwarna, nitgħallmu ngħixu f’armonija ferm akbar minn qatt qabel u għalhekk noħolqu ħajja aħjar u nsiru nafu l-valuri veri tal-umanità.

Nibnu soċjetajiet armonjużi u koeżivi

Tabilħaqq, ir-rispett huwa prinċipju ewlieni biex nibnu soċjetajiet armonjużi u koeżivi. Għalhekk, ejjew ilkoll nibnu dinja ġdida, dinja li tieħu ħsieb u tħobb, billi niżirgħu ż-żerriegħa tal-paċi u l-armonija permezz ta’ mħabba u rispett reċiproku.

Huwa t-talba ferventi tiegħi li aħna kollha nifhmu r-responsabbiltajiet tagħna u flimkien naqdu r-rwoli effettivi tagħna fit-tixrid tal-paċi, l-imħabba, il-fratellanza u r-rispett fost in-nies kollha u biex insaħħu r-relazzjoni tagħna mal-Ħallieq tagħna. Ammen.

Posted in Ahmadiyya Malta, Ahmadiyya: The True Islam, Article, www.Ahmadiyya.mt | Tagged , , , , , , , , , , , , , , , , , , , , , | Leave a comment

Pope Francis’s enduring legacy in interfaith dialogue

Posted on May 3, 2025 by Laiq Ahmed Atif

IMAM Laiq Ahmed Atif, President Ahmadiyya Muslim Jamaat Malta – Mob: +356 79 655 255 – amjmalta@gmail.com

I truly believe that religion is one of the greatest instruments of change and prosperity. When studying religions more profoundly, we find that their teachings fall under two main categories: the rights we owe to our Lord, the Creator, and the rights we owe to our fellow human beings.

In other words, we are expected to deepen our understanding of God and show deep humility and love for Him, while also increasing our compassion for humanity and working tirelessly to serve others in the best manner possible.

However, both of these objectives cannot be achieved affectively if there are divisions and conflicts among religions. Therefore, to fully achieve these objectives and bring hope and peace to the world, there is only one path: the path of unity, harmony, cohesion, understanding, dialogue and cooperation among all major religions.

Keeping the above in view, we find that Pope Francis has left a profound legacy in fostering interfaith understanding and interreligious dialogue, particularly between Christians and Muslims.

From the very beginning of his papacy in 2013, Pope Francis underlined a message of peace and inclusivity; and he was very eager to engage in interfaith dialogue and interreligious peace building. Furthermore, the title of his book “Fratelli Tutti” (we all are brothers) is in itself a manifestation of his openness towards dialogue and respect.

On 6 June 2015, while addressing an interreligious gathering in Bosnia and Herzegovina, he appreciated the work of a local Council for Interreligious Dialogue, which brings together Muslims, Christians and Jews. On this occasion while highlighting the dire need of interfaith dialogue he said, “Interreligious dialogue here, as in every part of the world, is an indispensible condition for peace, and for this reason is a duty for all believers.” [1]

Throughout his papacy, Pope Francis visited many Muslim majority countries like, Turkey, Morocco, Egypt and Iraq, reinforcing his desire of interreligious unity between Christians and Muslims. His historic trip to Abu Dhabi in 2019, where he signed the ‘Human Fraternity Document’ along with the Grand Imam of Egypt’s Al-Azhar Mosque, Sheikh Ahmed El-Tayeb, was a powerful gesture of unity and brotherhood. [2]

He demonstrated a deep understanding of interfaith dialogue and had meaningful conversations about Islam, which fostered respect and appreciation for the core principles of Islam.

On 28 October 2015, in Saint Peter’s Square, on the 50th anniversary of the declaration Nostra Aetate in relationship to other religions, while addressing Muslims, Pope Francis stated: “I am thinking in particular of Muslims, who —as the Council recalls— worship God, who is one, living and subsistent, merciful and almighty, the Creator of heaven and earth, who has also spoken to men. (Nostra Aetate, n. 3). They acknowledge Abraham’s paternity, venerate Jesus as a prophet, honour his virgin Mother, Mary, await the Day of Judgment, and practice prayer, almsgiving and fasting (cf. ibid.)” [3]

This emphasis on shared values is also echoed in Islamic scripture, where unity and cooperation are paramount. Almighty God calls towards the unifying approach in the Holy Quran (3:104) and states that, “And hold fast, all together, by the rope of God and be not divided.”

Furthermore, in chapter 3, verse 65 of the Holy Quran, Almighty God invites the Abrahamic religions towards the ‘love and worship of God’, a common fundamental doctrine that can serve as a unifying factor between them. Indeed, it is a milestone for further cooperation and joining hands for the wellbeing and prosperity of the entire humanity—the second core objective of all world religions.

Indeed, unity is strength. United we stand, divided we fall. Therefore, let us strengthen our efforts in interfaith harmony and deepen the bonds of love, kindness, understanding and mutual respect. Despite the present global political and economic challenges, we must rise to the occasion; heal our fractured world, and work together to build a peaceful, harmonious, and prosperous future through interreligious dialogue and understanding.

  1. https://www.vatican.va/content/francesco/en/speeches/2015/june/documents/papa-francesco_20150606_sarajevo-incontro-ecumenico.html
  2. https://uaepapalvisit.org/human-fraternity-meeting
  3. https://www.vatican.va/content/francesco/en/audiences/2015/documents/papa-francesco_20151028_udienza-generale.html
Posted in Ahmadiyya Malta, Article | Tagged , , , | Leave a comment

Pope Francis: A humble and simple pope

Posted on April 27, 2025 by Laiq Ahmed Atif

Photo by Ashwin Vaswani on Unsplash

Papa Franġisku: Il-bniedem umli u sempliċi

Il-Mument, 27.04.2025 | Imam Laiq Ahmed Atif – amjmalta@gmail.com

Il-mewt hija forsi l-aktar fenomenu ċert fin-natura u hija parti integrali mill-ħajja. Il-ħajja tal-bniedem, bħall-ħajja ta’ ħlejjaq oħra, hija limitata fuq din l-art u kulħadd irid iħalli din id-dinja xi darba biex jingħaqad mal-ħajja l-oħra. Ġenerazzjonijiet qodma jgħaddu u ġenerazzjonijiet ġodda jieħdu posthom, għalhekk din is-sistema naturali għadha għaddejja mill-bidu nett tal-ħajja umana fuq din il-pjaneta.

Il-mewt hija realtà vera daqs il-ħajja fuq din il-pjaneta. Ġurnata jew oħra, kull ruħ għandha t-togħma tal-mewt. Il-mewt hija realtà innegabbli, u ma teħlisha lil ħadd u ma tafx konfini. Alla jgħid fil-Koran Imqaddes, “Kull ruħ idduq il-mewt, imbagħad lejna titreġġgħu lura.” (29:58)

Ir-ritorn lejn il-Mulej

Kull meta tmut xi persuna, aħna ġejna mgħallma fil-Koran Imqaddes kif għandna nirrispondu għal kwalunkwe aħbar bħal din, billi ngħidu: “Aħna tabilħaqq ta’ Alla, u aħna lejh nerġgħu lura.” (2:157)

Jiġifieri, kull bniedem għandu jitlaq minn din id-dinja f’xi mument fil-ħajja tiegħu u r-ritorn finali huwa lejn il-Mulej tagħna.  

Meta persuna tmut tħalli lill-maħbubin tagħha mnikktin għal ġranet sħaħ, iżda hi tibda l-vjaġġ tagħha għal ħajja oħra. Huwa minnu li l-mewt tifred fiżikament lill-persuna mill-familja tagħha, għeżież u maħbubin, iżda dawn jgħixu fil-qlub tal-maħbubin tagħhom u l-wirt tagħhom jipprova l-eżistenza tagħhom fin-nies.

Il-mewt tal-Papa Franġisku

L-aħbar tal-mewt tal-Papa Franġisku nxterdet daqshekk malajr madwar id-dinja kollha, u kulħadd beda jitkellem dwaru; u fi ftit minuti n-nies bdew jiktbu l-messaġġi tagħhom ta’ kondoljanzi.

F’isem il-Komunità Ahmadiyya Musulmana Malta, esprimejt il-kondoljanzi tagħna lill-Knisja Kattolika u lill-membri tagħha f’Malta u madwar id-dinja għall-mewt tal-Qdusija Tiegħu l-Papa Franġisku, li ddedika ħajtu għas-servizz tal-paċi, id-dinjità umana, il-kompassjoni, u t-tama.

Il-Kap Dinji tal-Komunità Ahmadiyya Musulmana, il-Qdusija Tiegħu Ħażrat Mirża Masroor Aħmad, esprima wkoll il-kondoljanzi tiegħu lill-Knisja Kattolika u lill-membri tagħha madwar id-dinja f’isem il-Komunità Ahmadiyya Musulmana internazzjonali. Il-Qdusija Tiegħu qal:

“Kont imdejjaq ħafna meta tgħallimt bil-mewt tal-Qdusija Tiegħu l-Papa Franġisku. Tul ħajtu, il-Papa Franġisku fittex li jaqdi lill-foqra u ’l-vulnerabbli, u wera simpatija immensa għal dawk li qed ibatu taħt il-piż kbir tal-gwerer, il-persekuzzjoni, u l-inġustizzja. Kien bniedem ta’ kompassjoni, umiltà u fidi li stinka biex jibni pontijiet ta’ ideat differenti bejn nies u twemmin.

Waqt il-Papat tiegħu, il-Papa Franġisku rċieva rappreżentanti tal-Komunità Ahmadiyya Musulmana b’ħeġġa u grazzja fil-Vatikan, li għaliha aħna dejjem inkunu grati. F’isem il-Komunità Ahmadiyya Musulmana, inwassal il-kondoljanzi sinċieri tagħna lill-Knisja Kattolika u lill-membri tagħha madwar id-dinja.”

Bniedem umli

Il-Papa Franġisku kien bniedem umli ħafna li għex ħajtu għall-paċi, l-imħabba, id-dinjità umana u għat-tama. Il-karattru umli u sempliċi tiegħu kien eżempju tajjeb anke għall-mexxejja biex juru umiltà u sempliċità. Matul ħajtu enfasizza ħafna fuq il-paċi u kien dejjem jitkellem dwar il-paċi u l-imħabba kull fejn żar. Tkellem ċar u tond kontra l-gwerer li hawn fid-dinja.

Matul il-papat tiegħu ta’ 12-il sena, Franġisku kien ċampjin vokali tal-foqra u l-marġinalizzati u appella għall-mogħdrija u l-ġenerożità lejn ir-refuġjati u s-sezzjonijiet il-foqra tas-soċjetà. Kien dejjem kritiku tar-regħba korporattiva u l-inugwaljanza soċjali u ekonomika.

Id-djalogu bejn ir-reliġjonijiet

Il-Papa Franġisku kien jemmen fil-libertà reliġjuża u dejjem enfasizza fuq id-drittijiet tal-bniedem u l-libertà reliġjuża.

L-isforzi tiegħu biex jippromwovi d-djalogu bejn ir-reliġjonijiet u l-armonija interreliġjuża huma riflessjoni qawwija tan-natura paċifika, il-ħarsa pożittiva u l-qalb tajba tiegħu.

Il-koperazzjoni għall-paċi mill-Komunità Ahmadiyya

Meta l-Papa Franġisku ġie elett fil-kariga tiegħu fl-2013, il-Kap tal-Komunità Ahmadiyya Musulmana, il-Qdusija Tiegħu Ħażrat Mirża Masroor Aħmad, kiteb ittra biex joffri l-awgurji tiegħu lill-Papa Franġisku u lill-Kattoliċi madwar id-dinja. Hu kiteb li, “Jalla l-ħatra tal-Papa l-ġdid tkun imbierka mhux biss għall-Insara iżda għan-nies kollha madwar id-dinja. Nittama u nitlob li fl-era li ġejja l-Papa juża l-influwenza tiegħu biex jiżviluppa l-paċi u l-armonija fid-dinja.”

Huwa offra wkoll il-koperazzjoni sħiħa tiegħu biex naħdmu flimkien għat-titjib u l-benesseri tal-umanità, u qal: “Fejn jirrigwarda l-Komunità Ahmadiyya Musulmana, aħna dejjem konna fuq quddiem biex nippromwovu l-armonija interreliġjuża u nħabirku għall-paċi. Aħna dejjem nikkoperaw man-nies u l-għaqdiet kollha li jaħdmu għall-paċi u t-tolleranza u nibqgħu nwettqu dan sal-aħħar.”

Fl-għaqda hemm is-saħħa

Nemmen li din hija s-sejħa ta’ żmienna li naħdmu flimkien u nużaw il-kapaċitajiet u l-abbiltajiet tagħna biex inġibu flimkien in-nies tad-dinja lejn il-paċi, ir-rikonċiljazzjoni u l-fehim reċiproku u nistinkaw biex nipprevjenu lid-dinja mill-qerda. Nemmen li s-saħħa tal-umanità hija li tibqa’ magħquda, għax fl-għaqda hemm dejjem is-saħħa, u fejn hemm l-għaqda, hemm paċi, serenità, armonija, fratellanza u prosperità.

Posted in Ahmadiyya, Ahmadiyya Malta, Article | Tagged , , , , , , , , , , , , , , , , , , , , , , | Leave a comment

Our condolences on the death of Pope Francis

Posted on April 27, 2025 by Laiq Ahmed Atif

Photo by Ashwin Vaswani on Unsplash

Il-kondoljanzi tagħna għall-mewt tal-Papa Franġisku

Il-Leħen, 27.04.2025 | Imam Laiq Ahmed Atif – amjmalta@gmail.com

Il-mewt hija realtà vera daqs il-ħajja fuq din il-pjaneta. Ġurnata jew oħra, kull ruħ għandha t-togħma tal-mewt. Il-mewt hija realtà innegabbli, u ma teħlisha lil ħadd u ma tafx konfini. Alla jgħid fil-Koran Imqaddes, “Kull ruħ idduq il-mewt, imbagħad lejna titreġġgħu lura.” (29:58)

Kull meta tmut xi persuna, aħna ġejna mgħallma fil-Koran Imqaddes kif għandna nirrispondu għal kwalunkwe aħbar bħal din, billi ngħidu: “Aħna tabilħaqq ta’ Alla, u aħna lejh nerġgħu lura.” (2:157)

Jiġifieri, kull bniedem għandu jitlaq minn din id-dinja f’xi mument fil-ħajja tiegħu u r-ritorn finali huwa lejn il-Mulej tagħna.  

Meta persuna tmut tħalli lill-maħbubin tagħha mnikktin għal ġranet sħaħ, iżda hi tibda l-vjaġġ tagħha għal ħajja oħra. Huwa minnu li l-mewt tifred fiżikament lill-persuna mill-familja tagħha, għeżież u maħbubin, iżda dawn jgħixu fil-qlub tal-maħbubin tagħhom u l-wirt tagħhom jipprova l-eżistenza tagħhom fin-nies.

L-aħbar tal-mewt tal-Papa Franġisku nxterdet daqshekk malajr madwar id-dinja kollha, u kulħadd beda jitkellem dwaru; u fi ftit minuti n-nies bdew jiktbu l-messaġġi tagħhom ta’ kondoljanzi.

Il-kondoljanzi

F’isem il-Komunità Ahmadiyya Musulmana Malta, esprimejt il-kondoljanzi tagħna lill-Knisja Kattolika u lill-membri tagħha f’Malta u madwar id-dinja għall-mewt tal-Qdusija Tiegħu l-Papa Franġisku, li ddedika ħajtu għas-servizz tal-paċi, id-dinjità umana, il-kompassjoni, u t-tama.

Il-Kap Dinji tal-Komunità Ahmadiyya Musulmana, il-Qdusija Tiegħu Ħażrat Mirża Masroor Aħmad, esprima wkoll il-kondoljanzi tiegħu lill-Knisja Kattolika u lill-membri tagħha madwar id-dinja f’isem il-Komunità Ahmadiyya Musulmana internazzjonali. Il-Qdusija Tiegħu qal:

“Kont imdejjaq ħafna meta tgħallimt bil-mewt tal-Qdusija Tiegħu l-Papa Franġisku. Tul ħajtu, il-Papa Franġisku fittex li jaqdi lill-foqra u ’l-vulnerabbli, u wera simpatija immensa għal dawk li qed ibatu taħt il-piż kbir tal-gwerer, il-persekuzzjoni, u l-inġustizzja. Kien bniedem ta’ kompassjoni, umiltà u fidi li stinka biex jibni pontijiet ta’ ideat differenti bejn nies u twemmin.

Waqt il-Papat tiegħu, il-Papa Franġisku rċieva rappreżentanti tal-Komunità Ahmadiyya Musulmana b’ħeġġa u grazzja fil-Vatikan, li għaliha aħna dejjem inkunu grati. F’isem il-Komunità Ahmadiyya Musulmana, inwassal il-kondoljanzi sinċieri tagħna lill-Knisja Kattolika u lill-membri tagħha madwar id-dinja.”

Il-Papa Franġisku kien bniedem umli u sempliċi

Il-Papa Franġisku kien bniedem umli ħafna li għex ħajtu għall-paċi, l-imħabba, id-dinjità umana u għat-tama. Il-karattru umli u sempliċi tiegħu kien eżempju tajjeb anke għall-mexxejja biex juru umiltà u sempliċità. Matul ħajtu enfasizza ħafna fuq il-paċi u kien dejjem jitkellem dwar il-paċi u l-imħabba kull fejn żar. Tkellem ċar u tond kontra l-gwerer li hawn fid-dinja.

Matul il-papat tiegħu ta’ 12-il sena, Franġisku kien ċampjin vokali tal-foqra u l-marġinalizzati u appella għall-mogħdrija u l-ġenerożità lejn ir-refuġjati u s-sezzjonijiet il-foqra tas-soċjetà. Kien dejjem kritiku tar-regħba korporattiva u l-inugwaljanza soċjali u ekonomika.

Il-Papa Franġisku kien jemmen fil-libertà reliġjuża u dejjem enfasizza fuq id-drittijiet tal-bniedem u l-libertà reliġjuża. L-isforzi tiegħu biex jippromwovi d-djalogu bejn ir-reliġjonijiet u l-armonija interreliġjuża huma riflessjoni qawwija tan-natura paċifika, il-ħarsa pożittiva u l-qalb tajba tiegħu.

Il-koperazzjoni għall-paċi

Meta l-Papa Franġisku ġie elett fil-kariga tiegħu fl-2013, il-Kap tal-Komunità Ahmadiyya Musulmana, il-Qdusija Tiegħu Ħażrat Mirża Masroor Aħmad, kiteb ittra biex joffri l-awgurji tiegħu lill-Papa Franġisku u lill-Kattoliċi madwar id-dinja. Hu kiteb li, “Jalla l-ħatra tal-Papa l-ġdid tkun imbierka mhux biss għall-Insara iżda għan-nies kollha madwar id-dinja. Nittama u nitlob li fl-era li ġejja l-Papa juża l-influwenza tiegħu biex jiżviluppa l-paċi u l-armonija fid-dinja.”

Huwa offra wkoll il-koperazzjoni sħiħa tiegħu biex naħdmu flimkien għat-titjib u l-benesseri tal-umanità, u qal: “Fejn jirrigwarda l-Komunità Ahmadiyya Musulmana, aħna dejjem konna fuq quddiem biex nippromwovu l-armonija interreliġjuża u nħabirku għall-paċi. Aħna dejjem nikkoperaw man-nies u l-għaqdiet kollha li jaħdmu għall-paċi u t-tolleranza u nibqgħu nwettqu dan sal-aħħar.”

Nemmen li din hija s-sejħa ta’ żmienna li naħdmu flimkien u nużaw il-kapaċitajiet u l-abbiltajiet tagħna biex inġibu flimkien in-nies tad-dinja lejn il-paċi, ir-rikonċiljazzjoni u l-fehim reċiproku u nistinkaw biex nipprevjenu lid-dinja mill-qerda. Nemmen li s-saħħa tal-umanità hija li tibqa’ magħquda, għax fl-għaqda hemm dejjem is-saħħa, u fejn hemm l-għaqda, hemm paċi, serenità, armonija, fratellanza u prosperità.

Posted in Ahmadiyya, Ahmadiyya Malta, Ahmadiyya: The True Islam, www.Ahmadiyya.mt | Tagged , | Leave a comment

Why is man not happy and satisfied?

Posted on April 27, 2025 by Laiq Ahmed Atif

Għaliex il-bniedem mhuwiex kuntent u sodisfatt?

It-Torċa, 27.04.2025| Imam Laiq Ahmed Atif – amjmalta@gmail.com

Ir-reliġjon hija t-triq li twassal lill-bniedem lejn il-kuntentizza u s-sodisfazzjon vera. Għalhekk, il-fidil veru dejjem iħoss ferħ meta jissodisfa r-rekwiżiti tar-reliġjon u jobdi l- kmandamenti tagħha b’mod tajjeb u ma jsib l-ebda obbligu tagħha bħala piż. Anzi, jieħu pjaċir u jsir grat lejn il-Mulej li tah l-opportunità biex jipprattika l-kmandamenti tal-fidi kemm jista’.

Il-fidi vera hija fejn il-qima ta’ Alla hija biss sors ta’ ferħ u kuntentizza. Il-fidi vera hija fejn bil-ferħ tagħmel is-sagrifiċċji kollha meħtieġa għall-ġid ta’ Alla, għall-ġid ta’ ħaddieħor u għall-ġid tal-komunità tiegħek. Il-bnedmin li jgħixu ħajjithom b’dan il-mod, ħajjithom issir mimlija kuntentizza vera u jħossu dan kull jum ta’ ħajjithom.

Attrazzjoni tal-materjaliżmu

Iżda, fid-dinja tal-lum naraw li n-nies qed isiru aktar attratti lejn il-mezzi tad-dinja, minflok il-benesseri reliġjuż u spiritwali. Barra minn hekk, f’termini ta’ mezzi tad-dinja, flok bżonnijiet, in-nies qed isiru l-iskjavi tax-xewqat tagħhom. In-nies rari jagħmlu xi differenza bejn “need” u “want”. Kulħadd donnu jixtieq u jiġri wara l-qligħ materjalistiku, u jixtiequ li jkollhom flejjes kbar, anke jekk ma jistgħux igawduhom jew m’għandhomx bżonnhom.

Huwa minnu li, iktar ma jiġi l-ġid, aktar tikber ir-regħba. Ix-xewqa għall-ġid żdiedet tant li l-bniedem jipprova jaqla’ l-ġid akkost ta’ kollox u b’kull mezz. Xi drabi din ir-regħba tiżdied tant li n-nies ma joqogħdux lura milli jadottaw anke mezzi illegali u inġusti biex jaqilgħu l-flus.

Ferħ, prosperità, kuntentizza u moderazzjoni

Minkejja dawn il-ħafna sforzi u l-ġiri kollu, il-bniedem ma jidhirx kuntent u sodisfatt. Għaliex il-bniedem mhuwiex sodisfatt u bla kwiet minkejja l-oġġetti, il-kumdità, u l-konvenjenzi kollha tad-dinja? X’inhi l-kawża tal-ansjetà umana u l-qalb maqsuma?

Alla jgħid fil-Koran Imqaddes: “Iżżejnet lin-nies l-imħabba tax-xewqat (imqanqla) min-nisa, l-ulied, il-qnatar fuq qnatar ta’ deheb u fidda, iż-żwiemel immarkati, il-frat u l-għelieqi. Din hija t-tgawdija (fiergħa) tal-ħajja ta’ din id-dinja. Għand Alla l-aħjar wasla u ħlas (għat-tajbin).” (3:15)

In-nies tad-dinja jixtiequ l-ġid materjali biss b’hekk jinħolqu spirali ta’ regħba u pjaċiri personali. Kif jindika l-vers ta’ hawn fuq, dawn kollha huma miżuri temporanji ta’ din id-dinja u huma kuntrarji għad-dinjità ta’ fidi li l-għan tiegħu għandu jkun il-qima ta’ Alla u s-servizz tal-ħolqien Tiegħu. Sfortunatament il-bnedmin illum daħlu fix-xibka materjalistika li qed teqred il-virtujiet u l-morali.

Inkunu responsabbli f’din il-klima negattiva

F’din il-klima negattiva r-responsabbiltà fuqna hija dejjem akbar biex nadottaw modi ta’ kuntentizza u sempliċità sabiex nersqu aktar u nkunu aktar inklinati lejn Alla l-Ħanin aktar milli nordmu lilna nfusna fl-affarijiet tad-dinja.

Tabilħaqq il-barkiet ta’ Alla qegħdin hemm sabiex jitgawdew u nibbenefikaw minnhom, madankollu huwa l-element ta’ regħba u materjaliżmu żejjed li jħammġu l-ħsibijiet tagħna.

Għalhekk, f’dan l-ambjent materjalistiku, huwa importanti li nagħżlu t-tieba fuq il-ġid dinji. Għandna nagħmlu l-prijoritajiet tagħna tajbin u dejjem nagħtu preċedenza lill-fidi tagħna u lil Alla li Jista’ Kollox, fuq kull xewqa tad-dinja.

Jekk m’hemmx Alla, m’hemmx kuntentizza

Jekk m’hemmx Alla, m’hemmx paċi, kuntentizza u sodisfazzjon. Mhux il-kisbiet materjalistiċi li jipprovdulna paċi, serħan tal-moħħ u sodisfazzjon, anzi, hija l-imħabba ta’ Alla u tal-umanità li twitti t-triq biex ittaffi l-uġigħ u t-tbatijiet tagħna; u jinfetħu l-bibien tal-paċi u s-sliem dejjiema.

Il-Qaddis Profeta Muħammad, is-sliem għalih, ordna li jekk wieħed ikun ġust jikseb qrubija Divina u jekk ikun kuntent jikseb l-ogħla livell ta’ ringrazzjament. Huwa għallem prinċipju tad-deheb u qal li, il-moderazzjoni fin-nefqa hija nofs ekonomija u min hu ubbidjenti fi żminijiet diffiċli u jibqa’ kuntent isib kenn f’Alla.

Nemmen li dan il-prinċipju huwa l-bżonn ta’ żminijietna. Illum il-ġurnata naraw li nonfqu aktar minn dak li għandna, u ħafna drabi minħabba li l-kumpanji kbar joffru loan sabiex inkunu nistgħu nixtru dar, karozza, għamara, u ħafna affarijiet. Ħafna minna ma jaħsbuhiex darbtejn u jieħdu din il-loan u jixtru l-affarijiet u ma jaħsbux li, dan qisu jissellfu mill-gwadann tagħhom tal-futur. Dan iżid id-drawwa li ngħixu b’mod li ma nkunux nifilħu għalih. U b’hekk nispiċċaw nonfqu aktar milli naqilgħu.  

Minħabba dan in-nies mhux biss ma jgawdux il-preżent tagħhom, iżda, anke l-futur tagħhom ma jistax jibqa’ tagħhom. Minflok li jgawdu ħajjithom illum, huma dejjem ikunu mħassba kif u meta se jħallsu s-self tagħhom.

Il-Qaddis Profeta Muħammad wissa li l-bniedem m’għandux jgħix lil hinn mir-riżorsi tiegħu u ma jikbirx f’regħba għax b’dan il-mod ma jistax igawdi ħajtu. Barra minn hekk, huwa qal li jekk raġel għandu anki wied mimli deheb, ikun jixtieq għal wied ieħor. Għalhekk, għallem li nkunu dejjem konxji ta’ dawk li huma inqas ixxurtjati minna aktar milli nixtiequ l-ġid ta’ dawk li huma f’qagħda aħjar minna.

Fil-qosor, nemmen bis-sħiħ li inqas ma persuna ma tkun okkupata bl-isforzi u x-xewqat tad-dinja iktar tkun sodisfatta u kuntenta.

Posted in Ahmadiyya Malta, Ahmadiyya: The True Islam, Article, www.Ahmadiyya.mt | Tagged , , , , , , , , , , , , , , , , , , , , | Leave a comment

Islam: Respect and Dignity for the Dead

Posted on April 26, 2025 by Laiq Ahmed Atif

Photo by Игорь Антипов on Unsplash

Il-mewt tal-Papa Franġisku u r-rispett u d-dinjità għall-mejtin

L-Orizzont, 26.04.2025 | Imam Laiq Ahmed Atif – amjmalta@gmail.com

L-Iżlam jiggwidana biex nuru rispett kbir u dinjità għall-mejtin, għalhekk, kull meta tmut xi persuna, aħna ġejna mgħallma fil-Koran Imqaddes (2:157) li ngħidu: “Aħna tabilħaqq ta’ Alla, u aħna lejh nerġgħu lura.” Jiġifieri li aħna lkoll jappartjenu għal Alla, ilkoll għandna nerġgħu lura lejh.

Barra minn hekk, il-Qaddis Profeta Muħammad, is-sliem għalih, qal li, dejjem nitkellmu tajjeb dwar il-mejtin u nuru rispett u nattendu l-funeral tagħhom u nitolbu għalihom.

Nixtieq ukoll nirrakkonta storja tal-Qaddis Profeta Muħammad, is-sliem għalih, fejn wera rispett kbir lejn funeral. Darba l-Qaddis Profeta Muħammad, is-sliem għalih, kien ma’ sħabu, meta għadda l-funeral ta’ Lhudi. Il-Profeta Muħammad qam malajr b’turija ta’ rispett u baqa’ wieqaf sakemm il-funeral kien għadda minn ħdejhom. Meta għaddiet il-purċissjoni tal-funeral, il-kumpanni qalu, “O Profeta, din kienet il-purċissjoni tal-funeral ta’ Lhudi, għalfejn qomt?” Il-Qaddis Profeta Muħammad, is-sliem għalih, qal, “Jekk kien Lhudi, ma kienx hu wkoll bniedem?” U qal, “Kull meta taraw funeral, qumu u uru rispett.”

Il-Qaddis Profeta Muħammad, is-sliem għalih, għallimna wkoll li nirrispettaw lill-kapijiet rispettabbli ta’ nies oħra u nuruhom ir-rispett dovut.

Il-legat tal-Papa Franġisku

Bħala Musulmani, huwa dmirna li nuru rispett lejn il-mexxejja tan-nazzjonijiet u r-reliġjonijiet. Għalhekk, f’isem il-Komunità Ahmadiyya Musulmana Malta, nesprimi l-kondoljanzi tagħna lill-Knisja Kattolika u lill-membri tagħha f’Malta u madwar id-dinja għall-mewt tal-Qdusija Tiegħu l-Papa Franġisku, li ddedika ħajtu għas-servizz tal-paċi, id-dinjità umana, il-kompassjoni, u t-tama.

Matul il-papat tiegħu ta’ 12-il sena, il-Papa Franġisku wera kuraġġ kbir biex jgħolli leħnu għall-foqra, l-immigranti u l-marġinalizzati; u għal dawk li ġew ippersegwitati minħabba l-fidi tagħhom u anke għal dawk li għaddew minn żminijiet diffiċli minħabba gwerer u kunflitti. In-natura sempliċi u umli tiegħu kienet prinċipju ta’ gwida kif ried imexxi.

Nammira wkoll il-ħidma tiegħu lejn il-libertà reliġjuża u l-bini ta’ pontijiet bejn komunitajiet u reliġjonijiet differenti. Huwa dejjem kien favur id-djalogu interreliġjuż u l-armonija interreliġjuża.

Hekk kif qed ngħixu f’dinja mifnija b’ħafna problemi, gwerer u kunflitti, nixtieq li l-Papa l-ġdid jaħdem u juża l-influwenza tiegħu biex iġib l-għaqda fir-reliġjonijiet tad-dinja, u għalhekk, minflok kunflitti reliġjużi, inkunu magħqudin għall-ġid tal-umanità.

Fl-għaqda hemm is-saħħa

Nemmen bis-sħiħ li fl-għaqda hemm is-saħħa. Għalhekk, ir-reliġjonijiet kollha għandhom ikunu magħqudin f’ġieħ l-umanità. Huwa importanti li noqorbu lejn xulxin, inħobbu lil xulxin, ngħidu kelma tajba favur xulxin, u niffukaw fuq dak li jgħaqqadna. Sabiex flimkien niġbdu ħabel wieħed tal-ġid tal-umanità; u flimkien nippruvaw nistabbilixxu l-paċi dejjiema fid-dinja.

Posted in Ahmadiyya, Ahmadiyya Malta, Article, www.Ahmadiyya.mt | Tagged , , , , , , , , , , , , | Leave a comment

Eid-Ul-Fitr 2025 Celebration

Posted on April 23, 2025 by Laiq Ahmed Atif

The Ahmadiyya Muslim Jamaat Malta celebrated Eid-Ul-Fitr with refugee families living at the Ħal-Far Family Open Centre (HFO). The gathering was filled with warmth and generosity, as community members shared delicious food and drinks with the residents.

On this occasion, President of the Community, Imam Laiq Ahmed Atif, expressed heartfelt sentiments, saying, “It is always a joy to celebrate special occasions together. Eid is a time of sacrifice, kindness, brotherhood, and unity.”

Eid-Ul-Fitr marks the end of the holy month of Ramadan and is a time of joy, gratitude, and togetherness. It is a celebration of spiritual renewal and a reminder to care for one another, especially those in need. The event at HFO reflected these values, bringing people from diverse backgrounds together in the spirit of harmony and compassion.

Posted in Ahmadiyya Malta | Tagged | Leave a comment

Pope Francis: His Death and Legacy

Posted on April 23, 2025 by Laiq Ahmed Atif
Posted in Ahmadiyya, Ahmadiyya Malta, Ahmadiyya: The True Islam, www.Ahmadiyya.mt | Tagged , , , , , , , , , , , , , , , , , , | Leave a comment

Ahmadiyya Muslims extend thier condolences on the passing of Pope Francis

Posted on April 21, 2025 by Laiq Ahmed Atif

On behalf of the Ahmadiyya Muslim Community Malta, I extend our deepest and most sincere condolences to the Catholic Church and its members in Malta and across the world on the passing of His Holiness Pope Francis. He dedicated his life to the service of peace, human dignity, compassion, and hope.

The Worldwide Head of the Ahmadiyya Muslim Community, His Holiness Hazrat Mirza Masroor Ahmad, has also expressed his heartfelt condolences to the Catholic Church and its members around the globe on behalf of the international Ahmadiyya Muslim Community. His Holiness said:

“I was deeply saddened to learn of the passing of His Holiness Pope Francis. Throughout his life, Pope Francis sought to serve the poor and vulnerable, demonstrating immense sympathy for those suffering under the heavy weight of warfare, persecution, and injustice. He was a man of compassion, humility, and faith who strived to build bridges between people of different faiths and beliefs.

During his Papacy, Pope Francis received representatives of the Ahmadiyya Muslim Community with warmth and grace at the Vatican, for which we will always be grateful.

On behalf of the Ahmadiyya Muslim Community, I extend our sincere condolences to the Catholic Church and its members around the world.”

Posted in Ahmadiyya Malta, Interfaith, Interfaith dialogue | Tagged , , , , , , , , , , , , , , , | Leave a comment

Replacing greed and envy with love and compassion

Posted on April 20, 2025 by Laiq Ahmed Atif

Photo: Vlad Antonov | Shutterestock

Nibdlu r-regħba u l-għira bl-imħabba u l-mogħdrija

It-Torċa, 20.04.2025 | IMAM Laiq Ahmed Atif – amjmalta@gmail.com

Id-dinja tal-lum saret post ta’ problemi kbar. Il-problemi kienu diġà qed jagħmluha diffiċli biex tieħu n-nifs, u issa jidher li qed tibda gwerra kummerċjali ġdida, li tista’ tieħu xejra perikoluża ħafna.

Għalhekk, il-pajjiżi kollha għandhom jeżerċitaw paċenzja, tolleranza u trażżin u jsibu soluzzjonijiet għall-problemi permezz ta’ negozjar u djalogu reċiproku. U minflok jiġu monopolizzati r-riżorsi tad-dinja,  għandna nikkunsidrawhom bħala l-wirt u l-ġid komuni tal-umanità, u nibbenefikaw minnhom billi jinqasmu bejnietna, sabiex kulħadd ikollu riżorsi għall-għajxien tiegħu.

Il-wirt u l-ġid komuni tal-umanità

Dan l-univers u r-riżorsi kollha fih inħolqu minn Alla li Jista’ Kollox, li ħalaqhom għall-umanità kollha, u dawn ma jappartjenux għal xi nazzjon jew pajjiż partikolari, iżda huma għal kulħadd. Alla jgħallem li l-kwistjonijiet ekonomiċi kollha għandhom jitwettqu b’għerf u konsiderazzjoni xierqa.

Alla l-Ħanin jgħid fil-Koran Imqaddes: “Huwa Alla li ħalaq għalikom dak kollu li jinsab fl-art.” (2:30)

Għalhekk, il-Koran jgħallem li kollox fid-dinja nħoloq għall-benefiċċju tal-umanità kollha, u mhux għal xi nazzjon jew pajjiż partikolari. Fuq livell primarju, jekk xi pajjiż ikun imbierek b’riżorsi naturali allura dawn ikunu għall-benefiċċju tan-nies ta’ dak in-nazzjon. Madanakollu, l-Iżlam ikompli jestendi l-iskop ta’ dan u jgħid li għandna nieħdu ħsieb u ngħinu wkoll lill-ġirien tagħna.

Għalhekk, fejn minn naħa nazzjon jaħsad il-frott tar-riżorsi li Alla tah, min-naħa l-oħra għandu juża wkoll dak il-ġid biex jgħin lil dawk il-pajjiżi u nies li huma fil-bżonn. Tali ġid irid jiġi utilizzat b’mod ġust, ugwali u bla egoiżmu mingħajr ebda forma ta’ diskriminazzjoni u mingħajr regħba jew xewqa għall-akkwisti personali.

Il-firxa tar-riżorsi bejn il-pajjiżi

Jekk inħarsu lejn id-dinja naturali, insibu kif Alla firex ir-riżorsi naturali bejn il-pajjiżi, li kull wieħed għandu rwol importanti fil-progress ekonomiku tad-dinja. L-Iżlam jgħallem li dawn ir-riżorsi kollha huma l-proprjetà u l-ġid magħqud tal-umanità kollha.

Għalhekk, dawn il-barkiet kollha huma għan-nies kollha u għalhekk il-bnedmin kollha għandhom jibbenefikaw minnhom. Dawn it-teżori bla għadd li Alla l-Ħanin tagħna, kemm fuq kif ukoll taħt l-art, mhumiex biss għal ftit individwi magħżula, iżda huma għall-benefiċċju ta’ kull persuna, f’kull parti tad-dinja.

Ovvjament, hemm xi pajjiżi li huma mbierka b’riżorsi taż-żejt, hemm li għandhom art agrikola tajba, hemm li għandhom muntanji, hemm li għandhom xmajjar, hemm li għandhom ġebel u minerali prezzjużi li huma siewja ħafna. Hemm insibu firxa kbira tar-riżorsi madwar id-dinja, għalhekk, meta ngħixu flimkien huwa importanti li naqsmu dak li għandna mal-pajjiżi l-oħra u, bl-istess mod, għandhom jaqsmu r-riżorsi tagħhom magħna. Sabiex id-dinja kollha tgawdi mill-barkiet ta’ Alla u ħadd ma jibqa’ lura.

L-ikbar biċċa tal-kejk

Iżda, sfortunatament ħafna naraw li hemm pajjiżi li jixtiequ li jkollhom l-ikbar biċċa tal-kejk minn ħaddieħor, u jekk jaħsbu li hemm xi nuqqasijiet fit-taqsima tar-riżorsi, minflok li jidduskutu bejniethom u jsibu xi soluzzjoni li taqbel lil kulħadd, qed jimponu tariffi ġodda fuq il-pajjiżi l-oħra.

Jidher li n-nazzjonijiet huma impenjati fi gwerra kummerċjali, mhux biss mal-ġirien tagħhom iżda ma’ diversi pajjiżi oħra wkoll. Dawn l-eskalazzjonijiet ekonomiċi li qed jiżdiedu qed jirriżultaw f’kunflitti u diżordnijiet madwar id-dinja.

Minħabba dan l-inkwiet kollu rajna inċertezza kbira fis-suq internazzjonali. Naħseb li dawn l-azzjonijiet mhux biss jheddu u jikkompromettu l-paċi globali iżda wkoll ikollhom impatt kbir fuq l-ekonomija dinjija.

Nibqgħu viġilanti u kawti

Għalhekk, hija s-sejħa taż-żmien li nibqgħu viġilanti u kawti f’dawn is-sitwazzjonijiet fraġli. Il-pajjiżi kbar tad-dinja u l-pajjiżi stabbli għandhom iħossu l-bidla madwar id-dinja u jieħdu ħsieb l-interessi ta’ nazzjonijiet aktar dgħajfa sabiex jiżirgħu ż-żerriegħa tal-paċi u l-armonija fuq din il-pjaneta. In-nazzjonijiet għandhom ifittxu li jistabbilixxu ġustizzja anke jekk ikollhom jissagrifikaw il-kisbiet u l-benesseri nazzjonali tagħhom.

Għandna nifhmu wkoll li jekk dawn il-passi jitfgħu ż-żejt fuq in-nar, allura, kulħadd se jbati. Allura, minflok it-tbatija, huwa għaqli li nagħżlu l-paċi, is-sliem u l-armonija. Għax il-paċi hija l-aħjar.

Photo: Keyframelab | Shutterestock

Ir-regħba u l-għira

Għall-paċi u l-istabbiltà fid-dinja hemm prinċipju ieħor li dwaru aħna tgħallimna biex ma nixxennqux għall-ġid tal-oħrajn. Il-Koran Imqaddes jgħid:

“Ara li ma tmiddx għajnejk (bir-regħba) fuq dak (il-ġid materjali) li tajna lil xi wħud minnhom biex igawdu għal ftit ħin – is-sbuħija ta’ din id-dinja – biex inġarrbuhom bih. Il-ġid ta’ Sidek huwa aħjar u jdum aktar.” (20:132)

Il-Mexxej tal-Komunità Ahmadiyya Musulmana jispjega dan b’mod tajjeb u jgħid: “Ir-regħba u l-għira għall-ġid tal-oħrajn huma l-kawża ta’ aktar inkwiet fid-dinja. Fuq bażi personali, il-fatt li kulħadd jipprova jagħmel bħal ħaddiehor, kif jgħidu, irriżulta f’regħba ma taqta’ xejn u fit-tkissir tal-paċi soċjali. Il-kompetizzjoni ta’ regħba fuq bażi nazzjonali bdiet u ħaditna lejn il-qerda tal-paċi fid-dinja. Dan hu ppruvat bl-istorja u kull bniedem sensibbli jista’ jifhem li x-xenqa għall-ġid tal-oħrajn tkattar l-għira u r-regħba u hija s-sors ta’ telfien.”

Għalhekk, minflok li nippruvaw naħtfu r-riżorsi ta’ ħaddieħor, huwa importanti li r-riżorsi naturali tal-pajjiżi kollha jiġu utilizzati b’mod tajjeb biex id-dinja ssir kenn ta’ paċi u prosperità għall-umanità kollha. Minflok ir-regħba u l-għira, is-sentimenti tal-imħabba u l-kompassjoni jiġu żviluppati bejn l-umanità.

Posted in Ahmadiyya Malta, Article, www.Ahmadiyya.mt | Tagged , , , , , , , , , | Leave a comment

Not different, but unique! Because humans are like a bouquet of flowers and the crown of creation

Posted on April 13, 2025 by Laiq Ahmed Atif

Photo: Dmitry Demidovich | Shutterestock

Mhux differenti, iżda uniċi! Għax, il-bnedmin huma bħal bukkett fjuri, u l-kuruna tal-ħolqien

It-Torċa, 13.04.2025 | Imam Laiq Ahmed Atif – amjmalta@gmail.com

Meta nħarsu lejn il-ħolqien manjifiku tal-univers, insibu li hemm ħafna sinjali u lezzjonijiet li għandna nitgħallmu minnhom. Mingħajr dubju, huwa ħolqien ta’ Ħallieq l-aktar għaqli, li Jaf Kollox u li huwa l-Aktar Infurmat — Alla l-Qawwi.

Waħda mil-lezzjonijiet li nsibu hi li nirriflettu fuq id-diversità fil-ħolqien u nifhmu l-filosofija li hemm fil-forom varji tal-ħolqien fl-univers tagħna. Il-ħolqien tal-qamar, l-istilel u l-galassji differenti juru dan il-kunċett uniku fil-ħolqien ta’ Alla, meta x-xemx waħedha kienet tkun biżżejjed biex tipprovdi dawl, sħana u enerġija.

Verament hemm sinjali u messaġġi li nistgħu nitgħallmu minn kull ħolqien, bħall-bidla bejn il-lejl u l-jum; u d-diversità fl-istaġuni, l-ikel, il-kuluri, eċċ.

Tagħlim mill-ħolqien tal-univers

Alla li Jista’ Kollox jenfasizza dan il-punt fil-Koran Imqaddes u jikkmandana biex nirriflettu u ntejbu l-fehim tagħna. Nixtieq nippreżenta bħala eżempju xi versi mill-Koran Imqaddes  biex nifhmu l-għan u l-ħsieb wara d-diversità fil-ħolqien. Alla jgħid:

“Huwa li għamel ix-xemx sors ta’ dawl brillanti u l-qamar li jagħti dawl, u stabbilixxa għaliha stadji u taqsimiet, biex tkunu tafu l-għadd tas-snin u l-kalkolu taż-żmien. Huwa ma ħalaqx dak kollu jekk mhux bis-sewwa u l-verità. Huwa jfisser bir-reqqa dawn is-sinjali tiegħu fl-univers għal poplu li għandu għerf. Verament, fil-bidla bejn il-lejl u n-nhar, u f’dak kollu li Alla ħalaq fis-smewwiet u fl-art, hemm sinjali għal nies li jibżgħu minn Alla.” (10:6-7)

“Fost is-sinjali tiegħu hemm il-ħolqien tas-smewwiet u l-art, u d-diversità tal-ilsna tagħkom u fi lwienkom. Tabilħaqq li f’dan kollu hemm sinjali għall-persuni li għandhom għerf.” (30:23)

“Mela ma tarax li Alla jniżżel l-ilma mis-sema, u bih noħorġu frott ta’ bosta lwien u kuluri differenti. U fost il-muntanji hemm mogħdijiet bojod u ħomor, ta’ lwien diversi, u oħrajn suwed.” (35:28)

“Huwa ħalaq is-smewwiet u l-art bl-għan etern, u sawwarkom u għamilkom fl-aħjar għamla.” (64:4)

Photo: EssentiallyNomadic | Shutterestock

Il-liġi naturali għaqlija u d-diversità fil-ħolqien

Dawn il-versi jindikaw li hemm liġi naturali għaqlija ħafna, u d-diversifikazzjoni tal-ħolqien u r-rwoli tagħhom li kollha għandhom raġuni u skop, iżda biss dawk li verament jemmnu f’Alla jistgħu jiksbu benefiċċji spiritwali veri minn studju profond tal-ħolqien għaqli. Dan ifisser li dawk li għandhom għerf u li jemmnu u jibżgħu minn Alla se jifhmu l-għan tad-diversità li l-ħolqien isostni.

Fil-fatt, il-progress u l-avvanz tal-bniedem huma marbuta mill-qrib mad-diversità tal-ilsna u l-kuluri li wasslu għal diversi ċiviltajiet u kulturi. Din id-diversità għal darb’oħra tindika li hemm disinn u disinjatur. Dak id-Disinjatur huwa l-Ħallieq tas-smewwiet u l-art.

Il-kuruna u l-qofol tal-ħolqien

Dawn il-versi wkoll juru li l-univers huwa mgħammar u kkontrollat mil-liġijiet naturali stabbiliti, u l-bniedem mhux vittma tal-kumbinazzjoni, imma bħala l-kuruna u l-qofol tal-ħolqien kollu ġie mogħni b’dawk is-setgħat u l-fakultajiet li huma xierqa għall-pożizzjoni tiegħu bħala delegat ta’ Alla fuq l-art: u minħabba dawn is-setgħat ikollu jagħti rendikont lil Alla tal-għemejjel u l-azzjonijiet tiegħu. Minħabba l-barkiet ta’ Alla bla għadd fuq il-bniedem, hu se jkun iwieġeb quddiem Alla għal kull għemil tiegħu.

Fil-qosor, dawn il-versi jinkorporaw l-importanza tad-diversità u l-għan tagħha. Għalhekk, meta ddiskutejna d-diversifikazzjoni tar-razez tal-bnedmin, il-kuluri, in-nazzjonalitajiet, u d-dehra fiżika tagħhom, irridu nifhmu li mhix bla sens. Pjuttost, Alla l-Għaqli ħalaq din id-diversità mill-isbaħ fil-bnedmin biex jitgħallmu minn xulxin u jkabbru l-fehim tagħhom tal-ħajja.

L-umanità hija bħal bukkett fjuri

Aħna l-istess u ugwali bħala bnedmin bid-diversità kollha tagħna. Id-diversità fil-qies, il-kulur, ir-razza, il-lingwa, ir-reliġjon u n-nazzjonalità tagħna ma jagħmluniex inqas minn ħaddieħor, iżda din id-diversità qed tagħmilna uniċi.

Bla dubju ta’ xejn kull bniedem għandu ċertu kwalitajiet li jagħmluh uniku minn ħaddieħor. Kull soċjetà hija magħmula minn nies ta’ klassi, valuri u età differenti; u kulħadd għandu rwol importanti, essenzjali u kruċjali fis-soċjetà.

L-umanità hija bħal bukkett fjuri fejn kull fjura tipparteċipa biex tagħmel bukkett mill-isbaħ, u kull fjura għandha kulur, riħa u daqs differenti imma flimkien huma l-bukkett u għalhekk jidhru isbaħ.

L-uniċità tad-DNA tagħna

Biex nifhmu dan il-kunċett ta’ uniċità b’mod tajjeb ħafna, huwa importanti li naqraw dwar id-DNA tagħna, li ħafna drabi tissejjaħ “blueprint of life—il-pjan tal-ħajja.”

Id-DNA—blueprint of life— hija unika għal kull bniedem. Kull persuna għandha sekwenza tad-DNA unika li tagħmilha distinta u partikolari. Id-DNA tintiret miż-żewġ ġenituri, l-omm u l-missier. Il-kombinazzjoni ta’ dawn il-ġeni u kif jiġu msawra joħolqu d-diversità ġenetika qalb in-nies.

Tassew, id-diversità hija sabiħa, u tkun mill-isbaħ meta ningħaqdu flimkien biex niċċelebraw din id-diversità u l-identità ta’ kull individwu, sabiex inkabbru l-fehim, it-tagħlim u l-esperjenza tal-ħajja tagħna, minflok nikkritikawha.

Immaġina biss għal ftit dinja bl-istess frott, ħaxix, fiżiku tal-bniedem, kuluri u fehim, kemm tkun iebsa, monotona, għajjiena u bla sens. Hija lil hinn mill-immaġinazzjoni.

Il-pizza u l-għerf wara d-diversità

Ftit xhur ilu, waqt attività interreliġjuża fi skola, staqsejt lit-tfal jekk togħġobhomx il-pizza, u kif kien mistenni, kollha wieġbu fl-affermattiv, li iva l-pizza togħġobhom ħafna.

Imbagħad staqsejthom, kif iħossuhom jekk ikollhom l-ikel favorit tagħhom—pizza kuljum? It-tweġiba kienet mill-istint naturali li: “Le, għax tkun ta’ dwejjaq, boring u bla sens.”

Nemmen li r-risposta tagħhom kienet mimlija b’għaqal. Bl-istess mod, id-diversità tal-bnedmin ma tagħmilniex differenti imma tagħmilna lkoll uniċi ġewwa nfusna. M’aħniex differenti minn xulxin, iżda aħna kollha uniċi.

Posted in Ahmadiyya Malta, Ahmadiyya: The True Islam, www.Ahmadiyya.mt | Tagged , , , , , , , , , , , , , , , , , , , , , | Leave a comment

Wisely using the modern-day weapons of words and the pen

Posted on April 8, 2025 by Laiq Ahmed Atif
Posted in Ahmadiyya, Ahmadiyya Malta, Ahmadiyya: The True Islam, Interviews, TV interviews, www.Ahmadiyya.mt | Tagged , , , , , , , , , , , , | Leave a comment

The true meaning and philosophy of humanity

Posted on April 6, 2025 by Laiq Ahmed Atif

Photo: Kharaim Pavlo | Shutterestock

IL-VERU SENS U L-FILOSOFIJA TAL-UMANITÀ

It-Torċa, 06.04.2025 | IMAM Laiq Ahmed Atif – amjmalta@gmail.com

Xi jagħmilna l-aħjar mill-ħlejjaq oħra?

Alla li Jista’ Kollox jgħid fil-Koran Imqaddes (17:71): “Aħna tajna ġieħ lil ulied Adam, ġarrejniehom fuq l-art u l-baħar, u tajniehom mill-ħwejjeġ tajbin (għall-għajxien tagħhom), kif ukoll għażilniehom fuq ħafna ħlejjaq oħra li ħlaqna.”

Allah li Jista’ Kollox ħoloq il-bniedem fl-aħjar forma meta mqabbel mal-ħlejjaq ħajjin kollha fl-univers, tah intellett u sensi għolja, għanieh bil-ħila ta’ diskors eċċellenti u loġika, tah barkiet bla għadd, għallmu l-prinċipju li dejjem “kellem tajjeb lin-nies” u tah il-kapaċità li jagħmel l-aħjar użu mill-abbiltajiet tiegħu u jagħmel progress f’ħajtu. Dawn l-affarijiet saru l-kawża ta’ unur u rispett lejn il-bniedem u, għal din ir-raġuni, il-bniedem kien imsejjaħ l-iktar ħlejqa nobbli.

L-għemejjel tajbin jiddistingwu min hu aħjar

Fil-qosor, l-użu mill-aħjar tal-ħiliet, it-talenti u l-abbiltajiet tal-bniedem għall-ġid u l-benesseri tal-umanità u l-ħlejjaq kollha jagħmel lill-bniedem l-aħjar mill-ħolqien kollu. Fi kliem ieħor, jekk il-bniedem ma jibqax iċ-ċentru u l-qofol tat-tjubija, allura, ma jistax jissejjaħ l-aħjar u ma jibqax l-aħjar tal-ħolqien kollu. Jiġifieri, mhux id-dehra jew il-fiżiku jagħmilna magħżulin, iżda, l-għemejjel tajba tagħna.

Fl-istorja umana naraw li Alla l-Ħanin bagħat ħafna Profeti fid-dinja sabiex jgħallmuna l-veru sens u l-filosofija tal-umanità u jdawlu lid-dinja bid-dawl tal-Mulej, u kif nistgħu nsiru l-aħjar mill-ħlejjaq l-oħra.

Alla l-Ħanin jispjega fil-Koran Imqaddes il-karatteristiċi li jagħmluna uniċi fil-ħolqien. Alla jgħid li, “Intom l-aħjar nazzjon li nħareġ għall-fejda tal-umanità, għax tordnaw u tħeġġu t-tajjeb, u tipprojbixxu u tevitaw il-ħażen, u temmnu f’Alla.” (3:111)

Photo: art4all | Shutterestock

Mingħajr kompassjoni wieħed isir bħall-bhejjem

Il-Fundatur tal-Komunità Ahmadiyya Musulmana, filwaqt li jsemmi l-kompassjoni tal-ħolqien u l-umanità tal-bniedem, jgħid li l-kompassjoni tal-ħolqien hija tali ħaġa li jekk bniedem jabbandunaha u jitbiegħed minnha, allura gradwalment isir bħall-annimali u bħall-bhejjem. Din hija l-ħtieġa tal-umanità ta’ persuna u hija umana sa dak iż-żmien, sakemm tittratta lil ħuha b’qalb tajba, mogħdrija u rispett, u m’hemm l-ebda diskriminazzjoni f’dan. Tabilħaqq, il-bnedmin huma membri ta’ xulxin.

Ftakru, għalija l-ambitu tal-kompassjoni huwa wiesa’ ħafna. Tiddiskriminawx bejn xi nazzjon jew individwu. Ma rridx ngħid, bħan-nies injoranti tal-lum, li għandek tillimita s-simpatija tiegħek biss għall-Musulmani. Assolutament le. Iżda, jien ngħid li inti għandu jkollok mogħdrija għall-ħlejjaq kollha ta’ Alla, huma min huma. Kemm jekk Ħindu jew Musulman jew Nisrani jew xi ħadd ieħor. Qatt ma jogħġobni l-kliem ta’ nies li jridu jillimitaw is-simpatija biss għan-nies tagħhom stess.

Jekk inħarsu lejn il-kundizzjonijiet ġenerali tad-dinja llum, f’ċerti postijiet in-nies qed jiġu soġġetti għal moħqrija u krudeltà fuq il-bażi tar-reliġjon u n-nazzjonalità, f’xi postijiet in-nies, kemm ħajjin jew mejtin, qed jiġu suġġetti għal eżempji ta’ brutalità, u f’xi postijiet qed isiru massakri minħabba mibegħda, ħdura jew minħabba diskriminazzjoni razzjali.

Nixtieq nippreżenta xi eżempji tajbin li jiggwidawna kif nistgħu nuru rispett għall-umanità u kif nistgħu nibnu soċjetajiet armonjużi mibnija fuq il-valuri tar-rispett, l-imħabba u l- mogħdrija.

Eżempji eċċellenti tar-rispett għall-umanità

Darba l-Qaddis Profeta Muħammad, is-sliem għalih, kien ma’ sħabu, meta għadda l-funeral ta’ Lhudi. Il-Profeta Muħammad qam malajr b’turija ta’ rispett u baqa’ wieqaf sakemm il-funeral kien għadda minn ħdejhom. Meta għaddiet il-purċissjoni tal-funeral, il-kumpanni qalu, “O Profeta, din kienet il-purċissjoni tal-funeral ta’ Lhudi, għalfejn qomt?” Il-Profeta Muħammad qal, “Jekk kien Lhudi, ma kienx hu wkoll bniedem?” U qal, “Kull meta taraw funeral, qumu u uru rispett.”

Dan l-​inċident jgħallimna lezzjoni mill-aqwa li dejjem inpoġġu r-​rispett tal-​bniedem fuq il-​kulur, ir-​razza, ir-​reliġjon, u n-​nazzjon. Il-għaliex kull bniedem huwa ugwali fir-rispett u d-dinjità.

Il-Qaddis Profeta Muħammad enfasizza ħafna fuq l-ugwaljanza tal-bnedmin sa tali punt li anke neħħa d-distinzjoni tal-kulur u r-razza u stabbilixxa d-drittijiet tal-iskjavi, stabbilixxa l-ugwaljenza bejn it-tfal—subien u bniet u għolla d-dinjità tal-mara fis-soċjetà. Huwa ordna li l-priġunieri tal-gwerra, li kienu eżempji ta’ brutalità, jiġu trattati b’rispett u qalb tajba.

Kien hemm mara b’ġilda skura li kienet tiknes l-art tal-moskea. Ġurnata waħda hi mietet. Meta l-Profeta Muħammad ma rahiex għal diversi jiem, staqsa dwarha, u fuqha l-kumpanni infurmawh li kienet mietet. Meta sema’ dan, huwa saqsa, għaliex ma għedtulix li ħallietna? Imbagħad il-Qaddis Profeta żar il-qabar tagħha u mexxa t-talb tal-funeral tagħha.

Ir-rispett lejn l-għedewwa

Huwa enfasizza ħafna biex jiġu stabbiliti r-rispett u d-dinjità umana fid-dinja, sa tali punt li qal li anke jekk ikun hemm battalja jew gwerra, id-dinjità tal-bniedem m’għandha qatt tiġi kompromessa. Għalhekk, qal li, it-tfal, in-nisa, ix-xjuħ, ir-refuġjati, il-persuni reliġjużi u n-nies ċivili m’għandhomx jiġu attakkati, u r-rispett tagħhom għandu dejjem jiġi protett u salvagwardjat. Huwa saħaq li l-ebda persuna ma tingħata n-nar; għall-kuntrarju tal-għadu, l-ebda persuna m’għandha tiġi mċaħħda mill-imnieħer jew il-widnejn. Huwa pprojbixxa b’mod strett il-ħruq tal-mejtin li kien prattika ta’ dak iż-żmien, u żamm id-dinjità umana.

Ir-rispett hu l-aqwa virtù

Biex jenfasizza l-​importanza tad-​dinjità u r-​rispett tal-​bniedem, hu ta xi istruzzjonijiet ċari li, “Wieħed li m’għandux mogħdrija għaż-​żgħażagħ tagħna u li ma jagħrafx id-​drittijiet u d-dinjità tal-​anzjani tagħna mhuwiex minna.”

Barra minn hekk, huwa ta attenzjoni speċjali lill-kura tat-tfal orfni. Huwa qal, “L-aqwa dar hija dik li fiha orfni jiġi ttrattat b’qalb tajba, u l-agħar hija dik li fiha l-orfni jiġi ttrattat b’mod żbaljat.”

Tabilħaqq, ir-rispett hu l-aqwa virtù. Għalhekk, għandna biex dejjem inkunu rispettużi lejn kulħadd. Jalla Alla jagħtina l-abbiltà li nkunu xempju eċċellenti ta’ rispett għall-umanità.

Posted in Ahmadiyya, Ahmadiyya Malta, Ahmadiyya: The True Islam, Article, www.Ahmadiyya.mt | Tagged , , , , , , , , , , , , , , , , , , , , | Leave a comment

The secret of a strong and healthy family

Posted on April 3, 2025 by Laiq Ahmed Atif
Posted in Ahmadiyya, Ahmadiyya Malta, Ahmadiyya: The True Islam, Malta, www.Ahmadiyya.mt | Tagged , , , , , , , , , , , , , , , , , , , | Leave a comment

Eid-Ul-Fitr 2025 Mubarak

Posted on March 30, 2025 by Laiq Ahmed Atif

Photo: Annandistock | iStockphoto

Posted in Ahmadiyya Malta, Eid, Eid-ul-Fitr | Tagged , , , , , | Leave a comment

Countering fake news and disinformation

Posted on March 30, 2025 by Laiq Ahmed Atif

IL-ĠLIEDA KONTRA L-AĦBARIJIET FOLOZ U D-DIŻINFORMAZZJONI

Intom li temmnu, ibżgħu minn Alla u dejjem għidu kliem sewwa. Jekk tisimgħu xi aħbar, iflu sew, ħalli ma tagħmlux ħsara lin-nies fl-għama. Dejjem kunu konxji, responsabbli u ġusti, għax, il-fidil veru huwa dak li minn idejh u minn ilsienu l-oħrajn kollha jkunu protetti u jkunu fil-paċi.

It-Torċa, 30.03.2025 | IMAM Laiq Ahmed Atif – amjmalta@gmail.com

Fid-dinja diġitali, kemm-il darba niltaqgħu ma’ artikli u video clips b’titli jew thumbnails sensazzjonali li jġagħluna nagħfsu fuqhom. Madanakollu ħafna minn dawn it-titli u viżwali li jiġbdulna l-attenzjoni huma foloz u qarrieqa. Din il-moda, magħrufa bħala “click-bait”, qed issir aktar komuni fuq il-midja soċjali u qed tippreżenta sfidi ġodda dwar il-mod kif nistgħu nifhmu d-dinja.

Ironikament, dawn it-titli manipulattivi jinħolqu biex jiġbdu l-attenzjoni madanakollu jnaqqsu l-fiduċja u jgħawġu r-realtà. Tiffany Hsu, korrispondenta dwar it-teknoloġija ma’ The New York Times, tikteb, “Il-periklu tal-midja manipulata jinsab fil-mod kif issir aktar ħsara fl-abbiltà ta’ ħafna utenti tal-midja soċjali li jiddependu fuq kunċetti bħall-verità u l-evidenza… Ħafna espożizzjoni ta’ midja falza tista’ żżid il-polarizzazzjoni u therri l-abbiltà u r-rieda tan-nies biex jiddistingwu bejn il-verità u l-finzjoni.”

Għajdut u stejjer mhux ivverifikati

Sfida oħra bl-informazzjoni falza mhix biss minħabba l-eżistenza tal-għajdut iżda wkoll dwar kif in-nies jirrispondu għalih.

Ħafna stejjer mhux ivverifikati jiġu aċċettati minnufih, u n-nies jibnu l-opinjonijiet tagħhom ibbażati fuqhom mingħajr ma jippruvaw jivverifikawhom. Dawn l-opinjonijiet imbagħad mhux biss jiġu aċċettati, iżda jixterdu aktar malajr, biex b’hekk l-informazzjoni falza tkompli titkattar.

Nikkumbattu l-aħbarijiet foloz

Hemm proverbju antik, daqsxejn aħrax, li jgħid: “Il-qlajjiet jibdew minn dawk li jobogħdu, jixterdu mill-boloh, u jiġu aċċettati mill-boloh.”

B’ħasra, dan kollu jinstema’ veru fid-dinja li ngħixu fiha. Ftit snin ilu fil-Pakistan, sid ta’ restorant ġie akkużat b’mod qarrieqi mir-rivali tiegħu li kien qed iservi l-laħam tal-klieb. Inxtered video falz biex juri dan kollu, li wassal għall-arrest tiegħu. Għalkemm il-pulizija aktar tard ikkonfermaw li l-akkużi kienu foloz, il-ħsara li saret lir-reputazzjoni u lin-negozju tiegħu kienet irriparabbli.

Madwarna qed iseħħu episodji simili kważi kuljum, fejn ir-reputazzjoni tan-nies tiġi mħassra permezz ta’ aħbarijiet foloz, informazzjoni ħażina jew diżinformazzjoni.

Kif nistgħu nikkumbattu ż-żieda ta’ aħbarijiet u informazzjoni foloz?

Biex nikkjarifikaw, il-midja soċjali mhijiex fiha nnifisha negattiva; il-problema tinsab fl-użu ħażin tagħha minn dawk li jxerrdu l-istejjer foloz u joħolqu l-firda. It-tixrid ta’ aħbarijiet foloz u qlajjiet jagħmel ħafna ħsara lis-soċjetà, il-għaliex ikattar in-nuqqas ta’ fiduċja u l-inkwiet. Irridu nindirizzaw dan billi ma nittolleraw qatt it-tixrid ta’ informazzjoni falza u qarrieqa, u ninkoraġġixxu l-użu responsabbli tal-midja soċjali.

Il-fidili veri, jew dawk li għandhom l-integrità, huma mistennija li jikkomunikaw biċ-ċarezza u bil-ġenwinità. Fil-Koran Imqaddes (33:71), Alla jgħid, “Intom li temmnu, agħrfu d-dmir tagħkom lejn Alla, u għidu l-kelma onesta u ġusta.” Din l-onestà hija essenzjali biex inrażżnu l-informazzjoni falza u l-qlajjiet.

Kif aħna nirreaġixxu għal xi aħbar?

Alla wkoll jipprovdi gwida dwar kif aħna nirreaġixxu għal xi aħbar li nistgħu nirċievu: “Intom li temmnu, meta xi ħadd li mhux affidabbli u qarrieqi jwasslilkom xi aħbar, investigawha u aċċertaw irwieħkom sewwa mill-korrettezza tar-rapport, ħalli ma tagħmlux ħsara lin-nies fl-għama, u mbagħad tindmu minn dak li tkunu wettaqtu.” (Il-Koran, 49:7)

Dan il-prinċipju li wieħed jivverifika l-informazzjoni qabel ma tinxtered hija kruċjali biex wieħed iwaqqaf it-tixrid ta’ aħbarijiet bla bażi li jagħmlu ħafna ħsara.

Is-suspettar, l-ispijar u l-kliem malizzjuż

Barra minn hekk, il-Koran Imqaddes iwissi kontra “s-suspettar, l-ispijar u l-kliem malizzjuż”, il-għaliex jagħraf lil dawn l-imġibiet bħala l-għeruq tal-qlajjiet u l-aħbarijiet malafamanti.

Il-Qaddis Profeta Muħammad, is-sliem għalih, enfasizza dan bil-parir, “Li tisma’ mhux bħal meta tara,” fejn ħeġġeġ investigazzjoni bir-reqqa qabel ma wieħed jaċċetta jew ixerred l-informazzjoni, tkun xi tkun. Profeta Muħammad qal ukoll, “Tkun gidba wkoll għal dak li jirrakkonta kulma jisma’,” fejn saħaq li t-tixrid ta’ informazzjoni mhux verifikata huwa diżonestà.

L-Iżlam jippromovi l-valuri pożittivi fl-interazzjonijiet u l-komunikazzjoni. Il-Qaddis Profeta  Muħammad, is-sliem għalih, għallem, “Il-Musulman jew il-fidil veru huwa dak li minn idejh u minn ilsienu l-oħrajn kollha jkunu protetti u jkunu fil-paċi.” Dan il-prinċipju ta’ ħarsien u rispett jenfasizza l-bżonn biex ma nferrxux qlajjiet jew li nagħmlu l-ħsara bi kliemna.

Saffu rwieħkom

Il-Fundatur tal-Komunità Ahmadiyya Musulmana jkompli jisħaq fuq dawn il-valuri, billi jħeġġiġna biex inkattru l-ġenerożità u l-integrità. Huwa jgħid, “Uru ħniena u mogħdrija mal-umanità, għaliex kollha huma ħolqien ta’ Alla: tjassruhomx bi lsienkom, jew b’idejkom, jew b’xi mod ieħor. Dejjem ħabirku għall-ġid tal-bniedem… Wara li tkunu naddaftu lil qlubkom, u saffejtu lil ilsienkom, u lil għajnejkom u lil widnejkom, ejjew għand il-Mulej, u Huwa jaċċettakom.”

Din id-direzzjoni hija kruċjali fil-klima tal-lum. Il-midja soċjali u l-komunikazzjoni veloċi jitfgħu responsabbiltà fuqna lkoll biex inkunu attenti u responsabbli bi kliemna. Il-ħsara li ssir bl-informazzjoni falza ħafna drabi hija irreparabbli, u aħna rridu nkunu responsabbli u naraw li l-kontribuzzjonijiet tagħna lejn id-diskussjonijiet ikunu onesti, ġenwini, ġenerużi u kostruttivi.

Posted in Ahmadiyya Malta, Ahmadiyya: The True Islam, Article, www.ahmadija.org.mt, www.Ahmadiyya.mt | Tagged , , , , , , , , , , , , , , , , , , , , , , , , , , | Leave a comment

Community support through appliance donation

Posted on March 27, 2025 by Laiq Ahmed Atif

The Ahmadiyya Muslim Jamaat Malta donated kitchen appliances such as microwaves and juicers to refugee families living at the Ħal Far Family Open Centre (HFO). This thoughtful gesture aims to support the families’ daily needs and help make their living conditions more comfortable and independent.

Posted in www.ahmadija.org.mt | Leave a comment

Faith and True Certainty

Posted on March 26, 2025 by Laiq Ahmed Atif

Photo: Shutterstock

Il-fidi u ċ-ċertezza vera

In-Nazzjon, 26.03.2025 | Imam Laiq Ahmed Atif – amjmalta@gmail.com

Il-fidi tagħmel ġid lill-bniedem meta jemmen b’ġismu u b’ruħu kollha, u għandu l-fiduċja u ċ-ċertezza sħiħa f’dak li jemmen. Fidi b’nofs qalb ma tagħmilx sens, u din ma tistaxtittrasforma u tippurifika lill-bniedem.

Tista’ persuna tgawdi kejk nofsu moħmi, jew ikel nofsu msajjar? Assolutament le! Allura, kif tista’ persuna tikseb il-benefiċċju massimu jekk il-fidi tagħha ma tkunx ċerta; jekk ma temminx b’konvinzjoni sħiħa?

Għalhekk, il-bniedem għandu jemmen bis-sħiħ sabiex il-fidi tkun il-qawwa tiegħu, il-mezz importanti tar-riformazzjoni u t-trasformazzjoni.

Ir-rabta tissaħħaħ bil-mod

Meta nitkellmu dwar il-fidi f’Alla u fit-tagħlim Tiegħu, anke jekk il-bniedem ma jifhimx kollox fil-bidu, għandu jkollu fidi b’ċertezza sħiħa. Għax fil-bidu l-bniedem jimxi fit-triq tas-sewwa iżda ċ-ċertezza ma waslitx f’ċertu livell; għalhekk, xi darba jitlef id-direzzjoni, iżda jqum u jsib triqtu, bħal dak it-tifel żgħir li jimxi u jaqa’, imbagħad jerġa’ jqum u jerġa’ jibda jimxi.

Kif bil-mod il-mod it-tifel isir aħjar fil-mixi, bl-istess mod meta l-bniedem jibda l-mixja lejn il-fidi jew lejn il-Mulej, din ir-rabta u r-relazzjoni tissaħħaħ bil-mod il-mod u fl-aħħar il-persuna tasal sal-istat fejn tesperjenza lil Alla b’ċertezza assoluta.

Il-fidi tfisser aċċettazzjoni fi stadju meta l-għarfien għadu mhux komplut, u l-ġlieda mad-dubji u s-suspetti għadha għaddejja. Min jemmen, jiġifieri għandu l-fidi, fuq il-bażi tal-probabbiltà u minkejja d-dgħufija u n-nuqqas ta’ mezzi perfetti ta’ ċertezza, jitqies ġust quddiem il-Mulej. Minn hemm ’il quddiem, għarfien perfett jingħatalu bħala għotja, u jingħata l-fehim wara li jemmen bis-sħiħ fil-fidi.

Il-bibien ta’ fehim perfett

Meta wieħed jemmen b’mod sempliċi u sinċerament, allura Alla li Jista’ Kollox isir kuntent bil-fidi tiegħu u jiftaħlu l-bibien ta’ fehim perfett għalih u jwassal lill-bniedem għal ċertezza perfetta permezz ta’ viżjonijiet, rivelazzjoni, ħolm u sinjali divini.

Għalhekk, il-bniedem għandu dejjem ikollu natura safja u dejjem ikun lest biex jemmen purament fuq il-bażi ta’ rieda tajba, mingħajr ma jistenna prova perfetta u konklużiva. Għax iċ-ċertezza tinkiseb biss b’grazzja ta’ Alla, allura, meta l-bniedem jemmen b’mod ġenwin, Alla żgur jiggwidah, jagħtihid-dwal ta’ gwida, jilluminah b’kull mod possibbli, u jikxef is-sbuħija Tiegħu bħala l-Maħbub Veru lid-devoti kollha.

Il-bniedem jimxi pass pass

Huwa prinċipju naturali li ħadd ma jista’ jsir perfett f’kwalunkwe ħaġa fl-ewwel jum, iżda, huwa naturali li bniedem jimxi pass pass.

Meta persuna tibda l-vjaġġ tagħha lejn il-fidi u Alla, issib lil Alla hemmhekk. Il-Qaddis Profeta Qaddis Muħammad, is-sliem għalih, qal li Alla l-Qawwi u l-Għoli jgħid:

“‘Jiena nġib ruħi mal-qaddej tiegħi skont dak li jifhem dwari u dak li jistenna minni, u Jiena nkun miegħu kull fejn jiftakarni.’ Alla jifraħ aktar bl-indiema tal-qaddej tiegħu milli jifraħ xi ħadd minnkom li kieku kellu jitlef il-ġemel tiegħu fid-deżert, imbagħad isibu. All jgħid: ‘Min joqrob lejja b’xiber, noqrob lejh b’tul ta’ driegħ, u min joqrob lejja b’tul ta’ driegħ, noqrob lejh b’tul ta’qama. Jekk jiġi lejja bil-mixi, arani nersaq lejh mgħaġġel.’”

Nitilgħu fuq it-taraġ tarġa tarġa

Persuna tilħaq l-aħħar skaluna tas-sellum f’nifs wieħed, jew titla’ tarġa tarġa? Tabilħaqq, titlaʼ fuq it-taraġ tarġa tarġa sakemm tasal fid-destinazzjoni tagħha.

Bl-istess mod, dan huwa wkoll il-każ tad-dinja spiritwali. Dan huwa l-każ ta’ progress fil-fidi u li tintlaħaq iċ-ċertezza. Meta persuna temmen, imbagħad gradwalment timxi ’l quddiem u tavvanza fil-fidi u tilħaq il-post ta’ fidi soda u b’saħħitha.

Fl-aħħar, meta persuna tikseb ċertezza vera, allura dik il-fidi hija aċċettabbli f’għajnejn Alla, u allura nies bħal dawn isiru l-werrieta tal-ġenna eterna ta’ Alla li Jista’ Kollox. Imbagħad l-ebda qawwa tad-dinja, diżastri u maltempati ma jistgħu jħawduhom fil-fidi tagħhom.

L-eżempju eċċellenti

Meta persuna tikseb iċ-ċertezza vera, ħadd ma jista’ jagħmel il-ħsara lilu, u hu jsib lil Alla maġenbu f’kull mument. Ħa nirrakkonta storja vera tal-Qaddis Profeta Muħammad, is-sliem għalih, kif kellu fidi vera u ċertezza f’Alla.

Jabir (kumpann tal-Profeta) jirrakkonta li konna mal-Qaddis Profeta Muħammad fil-kampanja. Wasalna f’wied ta’ siġar tax-xewk fejn il-Qaddis Profeta għamel waqfa taħt siġra dellija u ħallenieh jistrieħu, u sħabu mxerrda fit-tfittxija tad-dell.

Ġie pagan Għarbi tad-deżert li kien għadu tal-Iżlam, u meta ra x-xabla tal-Profeta Muħammad li kien imdendel mas-siġra, ġibdu u resaq lejh biex joqtluh u qallu: Muħammad, issa min se jeħlisek minni?

Il-Qaddis Profeta Muħammad, is-sliem għalih, li kellu fidi f’Alla b’ċertezza sħiħa wieġeb: ‘Alla’. Huwa wieġeb b’tali ċertezza u fidi li, meta l-pagan sema’ isem ta’ Alla, beża’ u s-sejf waqa’ minn idejh.

Iċ-ċertezza vera

Dan huwa l-post li huwa l-livell taċ-ċertezza vera. Dan huwa l-post li għandna dejjem nistinkaw biex niksbu. Dan huwa l-ogħla pożizzjoni li huwa l-pożizzjoni tal-imħabba u l-affezzjoni eterna ta’ Alla, il-Ħanin.

Jalla Alla li Jista’ Kollox jagħtina lkoll il-fidi perfetta, b’ċertezza soda u vera. Ammen.

Posted in Ahmadiyya Malta, Ahmadiyya: The True Islam, Article, www.Ahmadiyya.mt | Tagged , , , , , , , , , , , , , , , , , , , | Leave a comment

A kind word is a charity

Posted on March 26, 2025 by Laiq Ahmed Atif

Photo: Maria Marganingsih | Shutterestock

Kelma tajba hija karità

Il-Leħen, 23.03.2025 | IMAM Laiq Ahmed Atif – amjmalta@gmail.com

Ħafna drabi nisimgħu li hemm nies li jagħmlu wegħdiet u klejms kbar biex jgħinu lill-oħrajn. Jgħidu li għandhom pjanijiet ambizzjużi li, meta jkollhom flus bil-miljuni, żgur se jiftħu skola għat-tfal li ma jaffordjawx, u li se jibnu l-isptar fil-parti fqira u inqas ixxurtjata tad-dinja, u li se jipprovdu l-ilma safi fil-pajjiżi l-foqra ta’ din il-pjaneta li aħna ngħixu fiha.

Bla dubju ta’ xejn dawn huma kollha pjanijiet sinċiera u importanti, iżda, dawn għandhom ‘jekk’ jew ‘meta’ jkolli l-flus biżżejjed, jiġifieri, sakemm ma jkollix il-miljuni ma nagħmel xejn?

Għeżież ħuti, jekk għandna klejms kbar u pjanijiet ambizzjużi għas-servizz tal-umanità dawn kollha huma tajbin. Iżda, dan hu wkoll importanti ħafna li nħarsu madwarna u ngħinu lin-nies li qed jgħixu fis-soċjetajiet tagħna b’kwalunkwe mod possibbli.

Għaliex ninsew li l-karità ma tfissirx li nagħtu l-flus biss, u nagħtu biss meta jkollna flejjes kbar. Assolutament le. Din hija idea mhix korretta. Il-karità fil-veru sens tagħha hi li l-bniedem jagħti lil ħutu li huma fil-bżonn parti minn dak kollu li għandu—ħin, flus, għerf, simpatija, eċċ.

Il-Qaddis Profeta Muħammad, is-sliem għalih, għallimna xi ħaġa tad-deheb għall-karità fejn ma għandniex bżonn miljuni, iżda għandna bżonn qalb tajba u ratba. Huwa għallimna li: “Kelma tajba hija wkoll karità.”

Huwa jispjega iktar li, “Ma tinjora u tiddisprezza xejn fit-tjubija, anke jekk tiltaqa’ ma’ ħuk fidil b’wiċċ jitbissem.” “Persuna li temmen ma tqarraqx jew tisħet jew tabbuża jew titkellem b’mod indiċenti.”

Bla dubju ta’ xejn il-valuri morali huma l-ġojjell tal-bniedem li jagħmlu lill-bniedem jidher mill-isbaħ u attraenti f’għajn in-nies kif ukoll f’għajn il-Mulej.

Għalhekk, il-Qaddis Profeta Muħammad, is-sliem għalih, iggwidana li, “L-indiċenza tisfigura kollox u l-pudur isaħħaħ is-seħer ta’ kollox.” Huwa wissa li, “M’hemm ebda karatteristika oħra agħar għall-bniedem minn persuna bi lsien twil.”

Għeżież ħuti, ejjew naqsmu din il-karità kullimkien—fid-djar, fis-soċjetajiet, fil-komunitajiet, tassew fil-pajjiż kollu tagħna. Għal din il-karità tant sabiħa m’għandniex bżonn il-flejjes kbar li jgħoddu l-miljuni, iżda, għandna bżonn li jkollna qalb tajba, qalb ratba u nkunu sensittivi biżżejjed għal dawk kollha li niltaqgħu magħhom matul il-ġurnata.

Huwa minnu li xi kultant il-bniedem jibża’ meta jonfoq ħafna. Iżda, għeżież ħuti, nassigurakom li din hija karità li m’għandha l-ebda biża’ li tispiċċa. Anzi, iktar ma tonfoq, aktar tikber u tifrex il-fwieħa tagħha kullimkien sakemm il-pajjiż kollu jitfewwaħ bil-fwieħa sabiħa tiegħu.

Posted in Ahmadiyya Malta, Ahmadiyya: The True Islam, Article, www.Ahmadiyya.mt | Tagged , , , , , , , , , , , , , | Leave a comment

Reconciliation, harmony and peace are truly the best

Posted on March 23, 2025 by Laiq Ahmed Atif

Photo: AndriiKoval | Shutterestock

IR-RIKONĊILJAZZJONI, L-ARMONIJA U L-PAĊI HUMA TASSEW L-AĦJAR

It-Torċa, 23.03.2025 | IMAM Laiq Ahmed Atif — amjmalta@gmail.com

Tal-biki! Forsi l-aktar kliem xieraq biex jiddeskrivi l-qagħda politika globali attwali. Id-dinja tidher dejjem eqreb tat-Tielet Gwerra Dinjija u tinsab fix-xifer ta’ diżastru u qerda li l-umanità qatt ma rat quddiem għajnejha.

Matul dawn l-aħħar snin rajna ħafna gwerer u kunflitti u tensjonijiet qed jiżvolġu quddiem għajnejna. Il-gwerra bejn ir-Russja u l-Ukrajna, il-kunflitt tal-Ħamas u l-Iżrael, l-inkwiet fil-Lvant Nofsani, is-sitwazzjoni diviżiva fis-Sudan, biex insemmi biss ftit, introduċew episodji orribbli fil-qagħda terribbli globali li qed tiżvolġi quddiem id-dinja.

Minkejja li l-kunflitti jidhru li huma ’l bogħod minn soluzzjonijiet fattibbli, bdiet gwerra oħra u din id-darba hija ekonomika u kummerċjali li tista’ tkun l-aħħar musmar fit-tebut biex il-kunflitti reġjonali jiddawru f’wieħed globali.

Ir-riżultat hu li d-dinja saret post dejjem aktar instabbli, ostili u delikat li n-nies li qabel kienu jaħsbu li gwerra dinjija kienet possibbiltà remota qed jirrealizzaw li hi tista’ tkun eminenti.

Il-bidu ta’ gwerra dinjija

Hekk kif l-aqwa setgħat fid-dinja jidhru li qed ilestu għal aktar tilwim, iċ-ċans li dan kollu jwassal għal gwerra dinjija qiegħed dejjem jikber; il-logħob tal-gwerra li qed jilagħbu qed ipoġġi l-ħajja ta’ miljuni ta’ nies innoċenti f’riskju, li ma jridux jaraw gwerra.

Din m’għandhiex tkun kompetizzjoni ta’ egotiżmu, bil-qawwa ekonomika u militari, iżda dik li titlob lill-mexxejja tad-dinja kollha biex jimxu b’għaqal u attenzjoni kbira flimkien mal-alleati ta’ kull pajjiż biex jimmedjaw bejniethom kif iddikjarat fil-Koran Imqaddes:

“Jekk żewġ gruppi ta’ fidili jiġġieldu kontra xulxin, ippruvaw ġibu l-paċi bejniethom; imbagħad, jekk wara dan kollu wieħed minnhom ikun ħati ta’ trasgressjoni kontra l-ieħor, iġġieldu kontra dak li hu trasgressur sakemm jerġa’ jkun taħt il-kmand ta’ Alla. Imbagħad, jekk dan isir, agħmlu l-paċi bejniethom bl-ekwità u aġixxu b’ġustizzja. Tassew, Alla jħobb lill-ġust.” (Il-Koran, 49:10)

It-tifi tan-nar

Nemmen li jekk il-mexxejja tad-dinja ma jirrealizzawx ir-responsabbiltà tagħhom li jitfu dan in-nar qabel ma jinfirex f’pajjiżi oħra u lil hinn mill-fruntieri, allura l-piż jaqa’ fuq dawk kollha li baqgħu siekta u qagħdu fil-ġenb waqt li d-dinja kienet qed taqbad.

Il-Qdusija Tiegħu, Ħażrat Mirża Masroor Aħmad, il-kap tal-Komunità Ahmadiyya Musulmana, ħeġġeġ ripetutament lill-qawwiet dinjin kollha biex inaqqsu l-kunflitt billi stqarr: “Sakemm il-mexxejja tad-dinja ma jistinkawx b’kuraġġ għal waqfien mill-ġlied, huma dejjem responsabbli biex jieħdu d-dinja lejn il-qerda.”

Għalhekk hija stramba li n-nies jallegaw li r-reliġjon hija l-kawża tal-inkwiet fid-dinja. Il-Kap tal-Komunità Ahmadiyya Musulmana, il-Qdusija Tiegħu, Ħażrat Mirża Masroor Aħmad, ilu aktar minn għoxrin sena jwissi dwar gwerra dinjija globali hekk kif ra l-inġustizzja tinfirex u d-drittijiet ordinarji tal-individwi ma jiġux rispettati. Fl-2008, fid-diskors tiegħu ġewwa l-Parlament Britanniku, il-Qdusija Tiegħu qal:

“Hu l-biża’ tiegħi li meta nħarsu lejn id-direzzjoni li fiha mexjin l-affarijiet illum, id-dinamika politika u ekonomika tal-pajjiżi tad-dinja tista’ tressaqna lejn gwerra dinjija. Mhux biss il-pajjiżi foqra tad-dinja, iżda wkoll il-pajjiżi sinjuri li qed jiġu affettwati. Għalhekk, hu d-dmir tas-superpotenzi li joqogħdu bilqiegħda u jsibu soluzzjoni biex isalvaw l-umanità mix-xifer tad-diżastru.”

Inwarrbu d-differenzi għall-ġid tal-umanità

Kif semmejt qabel, huwa ħabrek għal diversi deċennji jenfasizza l-instabbiltà tad-dinja tal-lum, u sejjaħ lill-mexxejja tad-dinja, gvernijiet u nazzjonijiet biex iwarrbu kwalunkwe differenzi li jeżistu għall-ġid akbar tal-umanità, u għall-fini li jistabbilixxu ġustizzja, armonija u paċi fid-dinja.

Bla dubju ta’ xejn, il-ġustizzja u l-paċi huma ta’ importanza kbira għall-progress soċjali, kulturali, politiku u ekonomiku tagħna. L-istorja tal-umanità tagħti xhieda ta’ dan il-fatt li ħafna mill-iżvilupp u l-progress li kisbet id-dinja kien fi żmien il-paċi u s-sigurtà.

Għalhekk, irridu nifhmu l-valur veru tal-paċi u nagħmlu lilna nfusna konxji bis-sħiħ tar-riskji ta’ policies inġusti u ta’ firda li jservu biss biex iqanqlu d-diżgwid u jwasslu għal frustrazzjonijiet li eventwalment jispiċċaw biex jiżbroffaw.

Ejja ngħajtu ħalli jisimgħuna

Irridu nisimgħu s-sejħa taż-żmien u rridu nuru li neżistu, irridu nagħtu sehemna u naqdu r-rwoli tagħna u ma rridu qatt nieqfu nħabirku biex niksbu din il-kawża nobbli ta’ paċi u armonija.

Kull meta jinqalgħu xi differenzi jew kunflitti, irridu nħeġġu lill-mexxejja u lill-politiċi tagħna biex jimpenjaw ruħhom fi djalogu kostruttiv biex isibu soluzzjonijiet vijabbli biex isolvu dawk il-kwistjonijiet, u biex jersqu lura mill-preċipizzju għax m’hemmx dubju li jekk ikun hemm gwerra globali, se tkun differenti minn kull ħaġa li qatt rat id-dinja. Żgur, il-konsegwenzi katastrofiċi u devastanti tagħha huma ferm lil hinn mill-fehim u l-immaġinazzjoni tagħna.

Min hu tassew b’saħħtu?

Il-kliem għaqli tal-Qaddis Profeta Muħammad, is-sliem fuqu, huma l-prinċipji ta’ gwida f’sitwazzjonijiet bħal dawn fejn qal: “L-aktar b’saħħtu mhux dak li jitfa’ fl-art lill-oħrajn waqt il-ġlied, l-aktar b’saħħtu hu dak li jrażżan lilu nnifsu meta jkun imqanqal, imxewwex jew provokat.”

Nixtieq nikkonkludi bi prinċipju ta’ gwida ta’ dejjem tal-Koran Imqaddes (4:129) li hija: “Ir-rikonċiljazzjoni, l-armonija, it-tolleranza u l-paċi huma tassew l-aħjar.”

Posted in Ahmadiyya, Ahmadiyya Malta, Article, www.Ahmadiyya.mt | Tagged , , , , , , , , , , , , , , | Leave a comment

Inner and outer wars and the need of Spirituality and moral wellbeing

Posted on March 21, 2025 by Laiq Ahmed Atif
Posted in Ahmadiyya Malta, Ramadan | Tagged , , , , , , , , , , , , , , , , | Leave a comment

The time of spiritual uplifting

Posted on March 16, 2025 by Laiq Ahmed Atif

IŻ-ŻMIEN TA’ TIĠDID SPIRITWALI

It-Torċa, 16.03.2025| IMAM Laiq Ahmed Atif — amjmalta@gmail.com

VRT TEST

Wara kull sena jew sentejn huwa obbligatorju bil-liġi li nagħmlu VRT test tal-vettura tagħna. VRT test ifisser eżami ta’ vettura biex inkunu nafu li hija f’kundizzjoni tajba għat-triq u li tissodisfa l-istandards stabbiliti. Jekk ikun hemm xi nuqqasijiet fil-kundizzjoni ta’ vettura, huwa meħtieġ li nirranġawhom qabel insuqu l-vettura, sabiex ma tkunx ta’ periklu għal ħadd u tkun f’kundizzjoni tajba li tkun fit-triq.

Kważi bl-istess mod, jeżisti VRT test spiritwali li aħna mitluba li nagħmlu darba kull sena, u dan huwa test f’forma tas-sawm matul ix-xahar ta’ Ramadan.

Dan huwa żmien ta’ tiġdid spiritwali, u l-fidili huma mitluba li jaraw b’mod xieraq jekk saru xi nuqqasijiet fil-ħajja tagħhom ta’ kuljum, fil-karattru jew fl-għemejjel tagħhom, jew tilfu t-triq tas-sewwa.

Allura għandhom jippruvaw jiġu lura f’posthom, jerġgħu lura fit-triq tas-sewwa, u jirranġaw in-nuqqasijiet kollha tagħhom u mill-ġdid isiru bnedmin twajba, ġusti, leali, fidili u onesti sabiex jiġu aċċettati minn Alla.

X’inhu s-sawm?

Fil-qosor is-sawm ifisser ‘li tastjeni minn kull tip ta’ ikel u xorb speċjalment bħala osservanza reliġjuża’. Iżda ġeneralment, is-sawm huwa meqjus mir-reliġjonijiet tad-dinja primarjament bħala mod ta’ riflessjoni ġewwiena, taħriġ morali, u avvanz spiritwali.

Is-sawm Iżlamiku ma jfissirx biss astensjoni mill-ikel jew mill-ħażen imma li timxi fit-triq tas-sewwa. Ir-Ramadan huwa x-xahar ta’ riformazzjoni rivoluzzjonarjaġewwa fina. Dan huwa x-xahar ta’ trasformazzjoni minn attivitajiet dinjin lejn l-ispiritwalità u t-tjubija.

L-għan tas-sawm

Alla jispjega l-għan ewlieni tas-sawm fil-Koran Imqaddes u jgħid: “Intom li temmnu, is-sawm huwa obbligatorju għalikom, bħalma kien għal dawk ta’ qabilkom, ħalli tkunu tistgħu ssiru devoti u ġusti.”(Il-Koran, 2:184)

Is-sawm huwa obbligatorju għal kull Musulman adult, madankollu, jekk persuna tkun marida jew tkun qed tivvjaġġa allura m’għandhiex issum matul dak iż-żmien iżda tlesti s-sawm li jifdal wara x-xahar tar-Ramadan. Madankollu, jekk tkun marda fit-tul jew kronika u wieħed ma jistax isum, allura m’għandux għalfejn issum.

Huwa importanti li niftakru li sempliċement nesperjenzaw u ngħaddu mix-xahar tar-Ramadan mhux biżżejjed; fil-fatt, flimkien mas-sawm, Alla li Jista’ Kollox jikkmanda li nġibu bidla radikali virtuża fina nfusna. Alla l-Ħanin ta diversi kmandamenti fir-rigward tas-sawm u tana l-aħbar tajba li meta naġixxu fuq dawn il-kmandamenti, Hu jagħtina l-qrubija tiegħu u jaċċetta t-talb tagħna.

Barra minn hekk, is-sawm huwa mezz ta’ taħriġ spiritwali, li naġixxu fuq il-kmandamenti ta’ Alla, li nsaħħu l-fidi tagħna, kif ukoll mezz biex insaħħu r-relazzjoni tagħna ma’ Alla tal-Ħniena.

Għaliex insumu?

Insumu b’ubbidjenza għall-kmandament ta’ Alla li Jista’ Kollox. Alla huwa l-Ħallieq u aħna l-ħolqien ta’ Alla, allura, biex inkunu nies ubbidjenti u fidili lejn il-Ħallieq huwa importanti li nemmnu, nobdu u nipprattikaw il-kmandamenti tiegħu.

Is-sawm mhux jibbenifika lil Alla, iżda, huwa għall-benifiċċju tagħna stess. Is-sawm jgħallimna nagħmlu kontroll fuqna nfusna u jikkultiva d-dixxiplina fil-ħajja tagħna. Huwa xahar ta’ riflessjoni u biex nifhmu xi jfisser li tkun bniedem veru. Kif nistgħu niżviluppaw il-valuri morali.

Huwa wkoll importanti li nifhmu li, is-sawm mhuwiex sempliċiment astensjoni mill-ikel, imma minn kull ħażen u kull għemil ħażin. Il-Qaddis Profeta Muħammad, is-sliem għalih, qal li, Alla m’għandux bżonn persuna li tastjeni mill-ikel u x-xorb jekk ma tabbandunax il-falsità matul ir-Ramadan. Jiġifieri, il-bniedem għandu jastjeni minn kull tip ta’ ħażen u ma jagħmel xejn ħlief dak li hu tajjeb u ta’ ġid għalih u għas-soċjetà.

L-iżvilupp tad-dispożizzjoni tal-għoti

Is-sawm jgħin biex nifhmu t-tbatijiet u l-privazzjoni ta’ bnedmin oħra sħabna; u jiżviluppa d-dispożizzjoni tal-għoti, l-għajnuna lill-oħrajn, il-ġenerożità, l-empatija u s-simpatija għall-persuni fil-bżonn.

Is-sawm jagħtina opportunità biex nirriflettu fuq il-barkiet bla għadd ta’ Alla li Jista’ Kollox fuqna; jgħinna wkoll biex naħsbu jekk insiru tassew grati u nuru l-gratitudni tagħna lejn Sidna.

Huwa żmien ta’ sagrifiċċju għall-fini tal-Mulej biex nogħġbu lilu. Huwa żmien biex tinkiseb qrubija lejn Alla. Ir-Ramadan jipprovdi atmosfera li tiffaċilita l-kisba ta’ pjetà, tieba, purità, elevazzjoni spiritwali u tisħiħ morali. Alla l-Ħanin jaċċetta t-talbiet tal-qaddejja Tiegħu.

Il-bibien għall-Ġenna

Il-Qaddis Profeta Muħammad, is-sliem għalih, qal li matul ir-Ramadan Alla jiftaħ il-bibien kollha għall-Ġenna u jagħlaq il-bibien li jwasslu għall-Infern u jrażżan lix-Xitan.

Dan ifisser li, atmosfera spiritwali hija stabbilita għal dawk kollha li verament jixtiequ jibbenefikaw mill-grazzja ta’ Alla l-Ħanin u l-Grazzjuż, ikollhom dnubiethom maħfura u jimlew ħajjithom b’barkiet bla għadd mingħand Sidhom.

Għalhekk, dawk li jemmnu huma mistennija li jippruvaw jiksbu benefiċċji massimi minn dawn il-barkiet speċjali tar-Ramadan, u jilħqu livell għoli ta’ spiritwalità u moralità.

Fil-qosor, is-sawm għandu benefiċċji ta’ żewġ dimensjonijiet, fuq naħa jipprovdi tarka kontra l-ħażen u l-għemejjel ħżiena, u fuq naħa oħra jipprovdi atmosfera ta’ elevazzjoni spiritwali, ta’ tisħiħ morali u jagħmel kull sforz possibbli biex insiru persuni aħjar – li nduru għalkollox u għal Alla biss, u li jkollna xewqa kbira li naqdu lil ħutna l-bnedmin kollha.

Jalla dan ir-Ramadan ikun iż-żmien fejn nistgħu nġibu trasformazzjoni straordinarja fir-relazzjoni tagħna mal-Ħallieq, inġeddu l-fidi u l-ispiritwalità tagħna u ngħollu l-livell ta’ tjubija, pjetà, ġustizzja, onestà u spiritwalità tagħna. Ammen.

Posted in Ahmadiyya Malta, Article, Ramadan, www.ahmadija.org.mt | Tagged , , , , , , , , , , , , , , , , , , , , , , , , , , , | Leave a comment

Social Justice speech with English subtitles

Posted on March 12, 2025 by Laiq Ahmed Atif
Posted in Ahmadiyya Malta | Tagged , , , , , , , , , , , , , | Leave a comment

The real treasure is at home

Posted on March 9, 2025 by Laiq Ahmed Atif

IT-TEŻOR REALI JINSAB FID-DAR

Il-mara hija t-teżor reali u ġenwin u l-pilastru ewlieni tad-dar. Il-mara hija l-punt ċentrali tal-familja; hija l-veru dell tad-dar; hija x-xemgħa li ddawwal id-dar u l-ambjent kollu; hija l-kapital u l-ġid u d-dinja tal-familja. Awguri lin-nisa kollha f’Jum il-Mara!

It-Torċa, 09.03.2025 | IMAM Laiq Ahmed Atif — amjmalta@gmail.com

Illum nixtieq niddedika dan l-artiklu tiegħi lit-teżor reali li jinsab fid-djar tagħna, il-mara. Il-mara hija l-pilastru ewlieni tad-dar. Il-mara tagħmel il-bini ta’ briks u siment verament ‘id-dar’, u tbiddel il-bini f’residenza ta’ paċi, prosperità, imħabba, kompassjoni u ħniena bla limiti.

Din hija mħabba bla kundizzjoni; l-imġiba tajba u n-natura safja tagħha tagħmel ‘a house a home’, u ‘an abode of peace’. Mingħajr l-iċken dubju, il-mara hija l-fus tal-familja.

L-attribut kbir lill-mara f’Jum il-Mara

Nixtieq nipproduċi poeżija ta’ poeta fi kliemi għax hija verament attribut kbir lill-mara.

Huwa jgħid li, ix-xogħol, il-ġid u l-flus ta’ barra jiġu u jmorru; illum għandna u għada m’għandniex. Iżda ma ninsew qatt li, it-teżor reali jinsab fid-dar, dan huwa t-teżor ġenwin li dejjem hemm għalina. It-teżor li jagħtini d-dell għal kull xemx huwa l-veru dell tad-dar.

Dawk li mhumiex informati bis-sħiħ dwar is-sitwazzjoni tal-bniedem ma jafux dwar it-tbatija, is-sofferenzi u l-uġigħ tal-bniedem, iżda, hemm referenza u realtà li taf kollox li qiegħda fid-dar.

Il-mara hi x-xemgħa li ddawwal id-dar u l-ambjent kollu

Qbadt u ktibt kull mument tal-ħajja bil-kliem; tkun xi tkun nitlef jew nirbaħ, il-kapital u l-ġid kollu jinsab fid-dar. Inti x-xemgħa żgħira u mixgħula u jien il-baħar mudlam; inti tixgħel u ddawwal id-dar u l-ambjent kollu.

X’inhu dak li għamilt għall-glorja, għad-dinjità, għall-fama, u għall-ħobż? Isma’ sar filgħaxija, issa ejja mmorru d-dar, xi ħadd hi waħedha fid-dar u tistenniek. Hija maħbuba tal-missier, iżda, ħalliet id-dar tal-familja tagħha u ġiet tgħix miegħek. Dik li kienet prinċipessa ta’ missierha, issa hija għajjiena wara ġurnata ta’ ħsieb fuq it-tfal, hi għażiża mitlufa għat-tfal imqajmin.

Id-dinja tinsab id-dar

O poeta, f’liema dinja tgħix int, id-dinja biss tinsab id-dar. Dan huwa dak li ġie żvelat lili wara ħafna snin, li, kemm jekk tkun problema tad-dar jew ta’ barra, kull uġigħ jitfejjaq fid-dar.

Xi ġmiel! X’attribut meraviljuż lill-mara.

Jien, personalment, naqbel mija fil-mija ma’ dak li qed jgħid il-poeta. Nista’ ngħid li dawn huma s-sentimenti tiegħi, jidher bħallikieku li din hija poeżija tiegħi. Bħallikieku, nesprimi l-ħsibijiet tiegħi u niftaħ qalbi kollha dwar ‘it-teżor reali tiegħi li tinsab f’dari li hija l-għażiża marti’.

Ladies first — in-nisa l-ewwel

Nixtieq naqsam xi ħaġa personali mal-qarrejja tiegħi. F’ċerti kulturi madwar id-dinja, u hija wkoll naturali, meta xi ħadd jistaqsi lil xi bniedem, min hu l-aktar għażiż tiegħek fil-familja? Ħafna drabi nisimgħu t-tweġiba li, ‘it-tfal’, u dejjem ipoġġu t-tfal l-ewwel, iżda jinsew li t-tfal ġew fid-dinja permess tal-mara u mhux viċiversa.

Għalhekk, jien, personalment, dejjem inpoġġi lil marti l-ewwel, imbagħad it-tfal. Għax hi mhix marti biss, iżda, l-omm ta’ wliedna. Hi hija t-teżor meraviljuż li, minbarra li tatni kull paċi u kuntentizza, welldet ukoll iż-żewġt itfal sbieħ tagħna, tatni żewġ anġli sbieħ. Allura, kif nista’ ninjora li npoġġiha l-ewwel fil-lista ta’ prijorità?

Il-mara hija ċ-ċavetta tas-suċċess tad-dar

Il-mara hija ċ-ċavetta tas-suċċess tal-familja u tad-dar. Ħafna drabi x-xogħol tagħha mhuwiex apprezzat kif xieraq. Is-soltu, hi tqum filgħodu qabel kulħadd u torqod billejl wara l-membri kollha tal-familja. Hi tagħmel minn kollox biex tipprovdi l-aħjar ikel li tista’ lil żewġha u lil uliedha, tieħu ħsieb id-dar, tagħmel it-tfal lesti għall-iskola u tgħin lil żewġha jħejji ruħu għax-xogħol tiegħu.

Fil-qosor, il-mara hija l-forza wara kull suċċess tad-dar, u wara kull suċċess ta’ żewġha. Sewwa jingħad li, ‘behind every successful man, there’s always a strong woman’.

Il-mara hija l-omm

Fil-veru sens tal-kelma, hija biss il-mara li tagħmel minn kollox biex toħloq l-ambjent naturali fid-dar għall-familja kollha. Iżda, meta ssir omm, hi taqdi dmirijietha ħafna drabi aktar milli kienet tagħmel qabel.

Il-vjaġġ tat-tqala tagħha u tat-twelid tat-tfal huwa aspett ieħor brillanti u apprezzabbli tal-mara. Tgħaddi minn ħafna tbatijiet u tant tħassib matul dan il-perjodu, iżda mbagħad meta jasal il-mument li ġġorr it-tarbija tagħha f’dirgħajha, tinsa kollox; u hemm jifdal biss it-tbissima sabiħa fuq wiċċha u l-gratitudni lejn il-Mulej għal barka daqshekk sabiħa.

L-Iżlam jemmen ħafna fid-drittijiet, l-unur, id-dinjità u l-qagħda tan-nisa. Qabel il-miġja tal-Iżlam, in-nisa kienu meqjusa daqs l-ilsiera u ħafna drabi l-qagħda tagħhom kienet agħar minn tal-annimali.

In-nisa jiġu ttrattati b’rispett, ġenerożità u mħabba

Huwa bil-miġja tal-Iżlam li l-qagħda tan-nisa tjiebet u l-importanza tagħhom fis-soċjetà ġiet enfasizzata. L-Iżlam ta lin-nisa d-drittijiet umani fundamentali tagħhom f’soċjetà li lanqas biss kienet tqishom bħala bnedmin ugwali, u tahom ukoll drittijiet soċjali u ekonomiċi. Il-Koran Imqaddes dejjem inkoraġġixxa li n-nisa jiġu ttrattati b’rispett, ġenerożità u mħabba (4:20).

Il-Qaddis Profeta Muħammad, is-sliem għalih, qal, “L-aqwa fostkom huma dawk li jittrattaw l-aħjar lin-nisa tagħhom.” Dan juri li l-irġiel huma mħeġġa biex ikollhom relazzjoni tajba man-nisa tagħhom billi jħarsu l-aspetti emozzjonali, mentali, fiżiċi u spiritwali tagħhom.

Żewġt iħbieb ġenwini u sinċiera

Il-Fundatur tal-Komunità Ahmadiyya Musulmana fisser dan b’aktar dettall u qal li, “Ir-relazzjoni bejn raġel u mara għandha tkun bħal ta’ żewġt iħbieb ġenwini u sinċiera.” Dan huwa mod sabiħ ta’ kif wieħed ifisser ir-relazzjoni matrimonjali fl-Iżlam.

Fid-dawl ta’ hawn fuq, mingħajr l-iċken dubju, wieħed malajr jista’ jikkonkludi li, it-teżor reali jinsab fid-dar, li hu l-mara.

Posted in Ahmadiyya, Ahmadiyya Malta, Ahmadiyya: The True Islam, www.Ahmadiyya.mt | Tagged , , , , , , , , , , , , , , , , | Leave a comment

Happy Women’s Day 2025

Posted on March 8, 2025 by Laiq Ahmed Atif

The Ahmadiyya Muslim Jamaat Malta’s women organisation visited Caritas Malta Women Centre to celebrate ‘International Women’s Day 2025’, and presented gifts to residents of women’s rehab programme and the female staff members.

During the visit they also highlighted that Islam grants women a very high status in the society. The Holy Quran contains hundreds of teachings, which apply both to men and women alike; and underlines the moral, spiritual and economic equality of men and women, and their respective roles within the society.

Follow us on: Tiktok — Instagram — Facebook https://www.tiktok.com/@ahmadiyyamalta https://www.instagram.com/ahmadiyyamalta/

Posted in Ahmadiyya Malta, www.Ahmadiyya.mt | Tagged , , , , , , , , , , , , , , , , , | Leave a comment

The Concept of Fasting in Religions

Posted on March 6, 2025 by Laiq Ahmed Atif
Posted in Ahmadiyya Malta, Ahmadiyya: The True Islam, www.Ahmadiyya.mt | Tagged , , , , , , , , , , , , , , , , | Leave a comment

Raising children in multi-cultural and multi-religious societies

Posted on March 5, 2025 by Laiq Ahmed Atif
Posted in Ahmadiyya Malta, Ahmadiyya: The True Islam, www.Ahmadiyya.mt | Tagged , , , , , , , , , , , , , , , | Leave a comment