Balancing Compassion and Safety: Addressing Begging and Public Security

Posted on June 22, 2025 by Laiq Ahmed Atif

Photo: Khanchit Khirisutchalual/iStockphoto

Il-bilanċ bejn il-mogħdrija u s-sigurtà: il-kwistjoni tat-tlib u s-sigurtà pubblika

It-Torċa, 22.06.2025 | IMAM Laiq Ahmed Atif — amjmalta@gmail.com

Ftit jiem ilu, tnax-il persuna u aktar tard erba’ persuni oħra ġew arrestati u mressqa l-qorti fuq ir-rapporti dwarhom li kienu involuti fi tlib aggressiv u li kienu qed jorqdu fi rkejjen improvvizzati jew f’xi postijiet wara l-kontejners.

Naħseb li din hija sitwazzjoni kumplessa ħafna, u għandha tiġi indirizzata b’mod tajjeb, b’kompassjoni u ħniena, kif qalet mara waħda meta tressqet il-qorti, “Mhux għall-pjaċir li norqod barra. M’għandkom l-ebda idea minn xiex irrid ngħaddi kull lejl.”

Stejjer ta’ wġigħ ta’ nies bla dar

Huwa ta’ wġigħ kbir li tisma’ l-istejjer ta’ nies bla dar, bla xogħol u foqra fis-soċjetajiet tagħna. Dan jiġbed l-attenzjoni tagħna biex inkunu aktar ġenerużi, b’qalb tajba u ta’ għajnuna għal dawk fil-bżonn. Iżda biex tinżamm il-paċi tas-soċjetà u sabiex in-nies jimxu fil-paċi u s-sigurtà fit-toroq mingħajr ebda biża’, sa ċertu punt, huwa inevitabbli għall-awtoritajiet biex jindirizzaw il-kwistjoni tat-tallaba.

Meta tressqu dawn il-persuni fil-qorti, dan qanqal dibattitu li nies vulnerabbli għandhom bżonn l-appoġġ, mhux l-akkużi. Mingħajr ma nidħol fil-mertu tal-każ, nixtieq nikteb kelmtejn dwar dan is-suġġett b’mod bilanċjat u mimli b’kompassjoni, mingħajr ma niġġudika.

Il-benesseri tal-umanità

Nemmen li l-iskop ta’ kull reliġjon, stat u gvern huwa li jipprovdi serħan lin-nies u jtejbilhom ħajjithom f’kull qasam tal-ħajja, kemm jekk ekonomikament, finanzjarjament, soċjalment, moralment u spiritwalment.

Bl-istess mod, l-Iżlam jippromwovi wkoll il-benesseri tal-umanità. L-Iżlam huwa reliġjon li għandha għeruq fondi fil-kompassjoni, il-ġustizzja u r-responsabbiltà soċjali. Jagħmel enfasi qawwija fuq il-benesseri kollettiv tas-soċjetà, u jiżgura li l-bżonnijiet bażiċi tal-individwi kollha—bħall-ikel, il-ħwejjeġ, il-kenn u d-dinjità—jiġu sodisfatti.

Id-dmirijiet soċjali tagħna

L-Iżlam jemmen f’soċjetà bħal din fejn ir-riżorsi huma mqassma b’mod ġust, u ħadd ma jitħalla jbati fil-faqar jew fl-umiljazzjoni. F’qafas bħal dan, it-tlib ma jitqiesx bħala prattika ideali jew imħeġġa, iżda pjuttost sintomu soċjali li għandu jiġi indirizzat mill-għeruq permezz ta’ sistemi ta’ appoġġ effettivi u responsabbiltà komunitarja.

Il-Koran Imqaddes jiggwidana lejn ir-responsabbiltajiet tagħna lejn ħutna fis-soċjetajiet b’mod bilanċjat u matur ħafna u jgħallem il-benesseri ta’ kull sezzjoni tas-soċjetà tagħna li ngħixu fiha; u li rridu nkunu ġenerużi ma’ dawn in-nies; u dejjem nuru ħniena magħhom. Dawn huma l-linji gwida li ġejna mgħallma f’dak li għandu x’jaqsam mat-tbatijiet ekonomiċi.

Mhux sew li wieħed ikollu jittallab

Madankollu, fl-istess ħin l-Iżlam ifakkar li meta wieħed jittallab żgur li mhuwiex it-triq ’il quddiem. Il-Qaddis Profeta Muhammad, is-sliem għalih, skoraġġixxa t-tlib b’kull mod, iżda fl-istess ħin poġġa l-enfasi fuq l-għajnuna lil dawk in-nies li huma fil-bżonn. Is-servizz lejn l-umanità hija parti integrali mid-dmirijiet tagħna lejn ħutna.

Il-Koran Imqaddes f’għadd ta’ versi jitkellem dwar l-obbligu tagħna li nieħdu ħsieb ta’ persuni fil-bżonn u l-foqra. Il-foqra għandhom sehem mill-ġid tal-għonja. Għalhekk, meta nonfqu għall-persuni fil-bżonn, niftakru li għandna nkunu nafu li m’aħniex qed nagħmlu favur lilhom iżda dan huwa d-dritt tagħhom, u obbligu fuqna li ngħinu lill-persuni fil-bżonn.

Dan jispjega l-kunċett sħiħ ta’ soċjetà li temmen fl-għajnuna soċjali. L-istat għandu d-dmir li jgħin lil dawk fil-bżonn. Madankollu, xi kultant in-nies isibu ruħhom f’sitwazzjoni fejn ma jkunux jistgħu jissodisfaw il-bżonnijiet tagħhom u jirrikorru għall-karità.

Dak li jagħti hu aħjar minn dak li jirċievi

L-Iżlam jippromwovi x-xogħol u l-qligħ tal-għajxien permezz ta’ mezzi legali. Sieħeb tal-Qaddis Profeta Muħammad, is-sliem għalih, jirrakkonta li sema’ lill-Profeta Muħammad waqt li kien fuq pjattaforma jitkellem dwar il-karità, l-għajnuna lil dawk fil-bżonn, li wieħed m’għandux joqgħod jittallab għall-flus u ħwejjeġ oħra, “Dak li jagħti hu aħjar minn dak li jirċievi.” L-id ta’ fuq hi dik ta’ dak li jagħti u l-id ta’ taħt hija dik tat-tallab; jiġifieri aħjar tagħti milli tirċievi. L-id ta’ fuq hija aħjar minn dik ta’ taħt, ta’ fuq tagħti u tonfoq u ta’ taħt tittallab u tirċievi.

Id-dinjità tax-xogħol

It-tlib żgur li mhux inkoraġġit; l-Iżlam jiskoraġġixxi t-tlib fit-tul u jippromwovi l-indipendenza u d-dinjità. Il-Qaddis Profeta Muħammad kien qal: huwa ferm aħjar għal xi ħadd fostkom li jieħu ħabel u jaqta’ l-injam mill-foresta u jġorru fuq dahru u jbigħu bħala mezz kif jaqla’ l-għajxien tiegħu, u jiekol minn dan id-dħul u jagħti karità minnu, milli jittallab lin-nies li jistgħu jagħtuh jew le.

Dan jerġa’ jenfasizza li tridu tagħmlu dak kollu li tistgħu biex tippruvaw taqilgħu l-għajxien tagħkom b’idejkom stess, aktar milli tirrikorru għat-tlib fit-toroq.

L-Iżlam jipprovdi approċ komprensiv għall-benesseri tal-bniedem li jsostni d-dinjità, jinkoraġġixxi x-xogħol, u jenfasizza r-responsabbiltà fuq is-soċjetà. Filwaqt li t-tlib huwa skoraġġut, ir-rispons lejh m’għandux ikun il-kundanna iżda l-appoġġ strutturat. Għandu jkollna soċjetà li verament tieħu ħsieb tħabrek, mhux biss biex ittaffi l-faqar, iżda biex tipprevenih għalkollox, filwaqt li tiżgura li kull individwu jgħix fis-sigurtà u l-unur.

Dawn in-nies għandhom bżonn l-għajnuna tagħna bħala nazzjon. Ejjew ngħinuhom iqumu fuq saqajhom stess u, kif issuġġeriet il-Pulizija, noħolqu ‘care plan’ għalihom flimkien ma’ organizzazzjonijiet mhux governattivi. Ikun tassew pass pożittiv ’il quddiem jekk ngħinuhom isibu kenn u impjieg, filwaqt li jinżammu l-paċi u s-sigurtà fit-toroq.

Posted in Ahmadiyya, Ahmadiyya Malta, Article | Tagged Ahmadiyya Malta, Article, Begging, Islam, It-Torċa, Laiq Ahmed Atif, Malta, Maltese, Quran | Leave a comment

Id-Dawl 88

Posted on June 22, 2025 by Laiq Ahmed Atif

ID-DAWL 88

Id-Dawl 88 Download

Posted in Ahmadiyya Malta, Id-Dawl, Id-Dawl Magazine | Tagged Ahmadiyya Malta, Humbleness, Humility, Id-Dawl, Id-Dawl 88, Id-Dawl Magazine, Islam, Laiq Ahmed Atif, Malta, Maltese, Quran | Leave a comment

Overcoming addiction through faith and positive action

Posted on June 15, 2025 by Laiq Ahmed Atif

Negħlbu d-dipendenza fuq id-droga permezz tal-fidi u l-għemejjel tajba

It-Torċa, 15.06.2025 | Imam Laiq Ahmed Atif — http://www.ahmadiyya.mt

It-tajjeb għandu saħħa li jneħħi l-ħażen. Alla jgħid fil-Koran Imqaddes li: “Għid it-talb fiż-żewġt itruf tan-nhar, u fil-bidu tal-lejl. L-għemejjel tajba tabilħaqq ibiegħdu lil dawk ħżiena. Żgur li t-tajjeb ineħħi l-ħażin. Din hija tifkira għal dawk li jiftakru f’Alla.” (11:115)

Dan il-vers juri biċ-ċar li jekk il-bniedem għandu xi nuqqasijiet iżda jibqa’ jagħmel l-għemejjel tajba, allura żgur se jiġi l-mument meta jirbaħ it-tajjeb fuq il-ħażin.

Jistgħu ċ-ċirasa u l-frawli jikbru fuq l-arbuxelli?

It-tjubija qiegħda hemm biex tirnexxi u biex tirbaħ. Fuq in-naħa l-oħra, il-ħażen naturalment għandu jiġi megħlub; il-ħażen dejjem jitlef għax il-ħażen qatt ma jista’ jirbaħ fuq it-tajjeb. Iżda l-kundizzjoni hi li persuna għandha tippersisti fit-tjubija u twettaq għemejjel tajba b’sinċerità u lealtà sħiħa.

Huwa ċert li meta l-għemejjel tajba jsiru b’sinċerità u konsistenza sħiħa, dawn żgur jegħlbu l-ħażen. Is-suċċess tal-bniedem jinsab f’li ma jiġix megħlub mill-ħażen, iżda f’li jegħleb il-ħażen u jirnexxi fil-qasam tat-tjubija.

Tabilħaqq, it-tmiem tal-ħażen huwa dejjem il-ħażen; u l-ħażen qatt ma jista’ jkun sinjal ta’ suċċess. Jekk mhux illum, allura għada, il-ħażen naturalment jitlef u t-tjubija dejjem tagħti frott pożittiv. Qatt ra xi ħadd tuffieħ ħelu u bnin jikber fuq arbuxelli? Xi ħadd qatt ra ċ-ċirasa u l-frawli jikbru fuq l-arbuxelli?

Frott delizzjuż, tajjeb, u fragranti jikber biss fuq siġar tajbin u produttivi. Il-larinġ jikber biss fuq is-siġar tal-larinġ. It-tuffieħ jikber biss fuq is-siġar tat-tuffieħ u l-ħawħ jikber biss fuq is-siġar tal-ħawħ.

Il-ħażen ma jwellidx it-tjubija

Din is-sistema tan-natura għallmitna li l-ħażen ma jwellidx it-tjubija, iżda pjuttost iwelled id-dnub u t-telf, u t-tjubija twelled is-suċċess u l-grazzja.

Bl-istess mod, l-użu ħażin tad-drogi qatt mhu garanzija ta’ ferħ, kuntentizza, suċċess u saħħa. Xi drabi l-bniedem jaħseb li jekk ibigħ id-drogi se jsir għani u se jgħix ħajja kuntenta, prospera u dinjituża. Xi drabi l-bniedem jaħseb li l-użu tad-drogi se jkun mezz ta’ faraġ veru, konsolazzjoni u evitar tat-tbatija u d-diffikultajiet tal-ħajja.

Fiż-żewġ każijiet, id-drogi huma destinati li jaqgħu u jintilfu. Bl-istess mod, bħalma arbuxell ma jistax jagħti ħawħ ħelu, id-drogi ma jistgħux jagħtu frott ta’ prosperità u lanqas ta’ paċi u serħan il-moħħ.

Nedukaw lil uliedna minn tfulithom

Għalhekk, irridu nifhmu din ir-realtà b’mod tajjeb ħafna u ngħallmu u nedukaw lil uliedna minn tfulithom li dejjem irridu nsegwu l-mezzi t-tajba biex naqilgħu l-għajxien tagħna, u nimxu fit-triq tas-sewwa biex insibu l-paċi u l-faraġ veru f’ħajjitna.

Madankollu, jekk xi ħadd jaqa’ vittma tal-użu illeċitu tad-drogi jew tas-suq iswed tal-bejgħ tad-drogi, allura għandu jipprova jagħti lilu nnifsu t-tieni ċans u jitgħallem mill-vers tal-Koran Imqaddes li, “żgur li t-tajjeb ineħħi l-ħażen”, u jipprova li jiżdied fit-tjieba sabiex jirbaħ fuq dan il-vizzju.

Xi prattiki sinifikanti li jistgħu jgħinu lill-individwi jegħlbu l-vizzju

Nixtieq nenfasizza xi prattiki sinifikanti li jistgħu jgħinu lill-individwi jegħlbu l-vizzju ta’ ħsara tad-dipendenza fuq id-droga. Wieħed mill-aktar passi importanti lejn ir-riforma u t-trasformazzjoni huwa l-iżvilupp ta’ relazzjoni mill-qrib mal-Mulej u t-tfittxija tas-saħħa u l-gwida Mingħandu.

Il-vers imsemmi fil-bidu jħeġġiġna nfittxu l-għajnuna Divina permezz ta’ talb regolari u t-tifkira ta’ Alla. Permezz ta’ dawn l-atti, wieħed jista’ jikseb l-imħabba u l-appoġġ tal-Omnipotenti. Kif jgħid il-Koran Imqaddes:

“Dawk li jemmnu, u qlubhom isibu serħan fit-tifkira ta’ Alla. Tabilħaqq li fit-tfakkir ta’ Alla jsibu s-serħan tagħhom il-qlub.” (Il-Koran, 13:29) Dan huwa elaborat aktar billi, “it-tifkira ta’ Alla tassew hija l-akbar virtù.” (29:46)

L-involviment f’attivitajiet pożittivi

Flimkien mal-konnessjoni spiritwali, l-involviment f’attivitajiet pożittivi jista’ jkun mod tajjeb ħafna biex neliminaw id-drawwiet distruttivi. Il-volontarjat, li tqatta’ ħin ta’ kwalità mal-familja—speċjalment mat-tfal u l-ġenituri—il-qari, l-eżerċizzju regolari, il-mixi, u li tħares u taħseb dwar in-natura huma kollha alternattivi kostruttivi u pożittivi li jappoġġjaw il-benesseri emozzjonali u mentali; u jfasslu t-triq lejn it-titjib personali ’l bogħod mill-vizzji.

Ix-xogħol fil-ġnien mal-ħamrija huwa attività oħra fundamentali u trasformattiva. Il-konnessjoni mal-art tista’ toffri esperjenza kalma, kważi terapewtika li tgħin biex tqawwi l-attenzjoni u l-enerġija lejn attivitajiet li jaffermaw il-ħajja.

L-għażla bir-reqqa tal-ħbieb

Bl-istess mod kruċjali hija l-għażla bir-reqqa tal-ħbieb. Il-kumpanija għandha rwol ewlieni fil-vjaġġ ta’ persuna lejn l-irkupru. Jingħad b’mod ġust, “A man is known by the company he keeps.” Il-Koran Imqaddes jiġbed l-attenzjoni għal dan ukoll u jgħid: “Intom li temmnu! Kunu konxji tad-dmir tagħkom lejn Alla u żommu kumpanija mal-ġusti u mal-verità.” (9:119)

Il-Qaddis Profeta Muħammad, is-sliem għalih, enfasizza dan il-punt b’mod sabiħ meta qal: “L-eżempju ta’ ħabib ġenwin u ħabib ħażin huwa bħal dak ta’ bejjiegħ tal-fwieħa u dak li jonfoħ l-imniefaħ tal-ħaddied. Il-bejjiegħ tal-fwieħa jista’ jagħtik ftit fwieħa, inti tista’ tixtri wkoll, jew għall-inqas tgawdi fwieħa pjaċevoli. Min-naħa l-oħra l-ħaddied, jista’ jaħraqlek ħwejġek, jew inti tkun espost għal riħa li ddejqek.”

Bħala konklużjoni, il-fidi, il-konnessjoni spiritwali ma’ Alla, l-azzjoni pożittiva, l-għemejjel tajba, u ambjent ta’ appoġġ huma pilastri ewlenin fil-vjaġġ mill-vizzju għal ħajja bilanċjata u sinifikanti.

Posted in Ahmadiyya Malta, Ahmadiyya: The True Islam, Article | Tagged Addiction, Ahmadiyya Malta, Article, Drogi, Drugs, good deeds, il-vizzju, Imam Atif, Imam Malta, Islam, It-Torċa, Malta, Maltese, Quran, vizzju | Leave a comment

The growing threat to global peace

Posted on June 15, 2025 by Laiq Ahmed Atif

Tikber it-theddida għall-paċi globali

Il-Mument 15.06.2025 | Imam Laiq Ahmed Atif — amjmalta@gmail.com

Qed ngħixu fi żminijiet prekarji u perikolużi ħafna. Id-dinja qed tintilef dejjem aktar f’kunflitt, firda, u diżordni, li qed jheddu l-paċi u s-sigurtà globali.

Kull jum iġib miegħu aħbarijiet ġodda li huma ta’ diqa kbira u jkissru l-qalb—storji ta’ gwerra, kriżijiet umanitarji, inġustizzji bla preċedent, u inugwaljanza dejjem tikber. L-aħħar eskalazzjoni tal-Iżrael fuq l-Iran hi biss l-aktar eżempju reċenti ta’ kemm saret fraġli d-dinja tagħna.

Maqbudin bejn żewġ estremi

Jidher li ninsabu maqbudin bejn żewġ estremi. Min-naħa waħda, qed naraw avvanzi bla preċedent fis-saħħa militari, bin-nazzjonijiet jaħżnu armi qawwija kapaċi għal qerda massiva.

Min-naħa l-oħra, naraw faqar mifrux, ġuħ, mard, u privazzjoni—miljuni qed jitħabtu biss biex jgħixu u li qed jittalbu għal biċċa ħobż u qatra ilma safi. Filwaqt li xi nazzjonijiet jkollhom ġid u influwenza kbira, oħrajn jibqgħu marġinalizzati, minsija, u bla vuċi.

Dan l-iżbilanċ qawwi bejn il-privileġġ u l-faqar, il-poter u l-vulnerabbiltà, jinsab fil-qalba tal-instabbiltà globali. Hekk kif il-pajjiżi jikkompetu għad-dominanza, ifittxu li jagħmlu pressjoni fuq oħrajn biex jissottomettu ruħhom, id-dinja ssir inqas sigura u aktar frammentata u mifruda. Din it-tfittxija għas-superjorità kompliet biss tkabbar l-għadwa u esponiet l-umanità għal theddid akbar.

L-inġustizzja, l-inugwaljanza u l-arroganza

Il-paċi ma tistax tiffjorixxi f’dinja fejn jipprevalu l-inġustizzja, l-inugwaljanza u l-arroganza. It-tfittxija aggressiva għall-qawwa, flimkien ma’ nuqqas ta’ rispett għall-benesseri ta’ ħaddieħor, toħloq ostakli allarmanti għar-rikonċiljazzjoni u l-armonija.

Fid-dawl ta’ din ir-realtà inkwetanti, irridu nerġgħu nikkunsidraw id-direzzjoni tal-affarijiet globali. Minflok ma nuru s-saħħa permezz tal-armi u d-dominanza, irridu nadottaw approċċ aktar uman u rikonċiljatorju, wieħed bażat fuq l-empatija, ir-rispett, u l-fehim reċiproku. Wasal iż-żmien li nibdlu l-attenzjoni u d-direzzjoni tagħna milli noħolqu għedewwa għal li nagħmlu ħbieb.

Li tagħmel ħabib veru huwa ħafna aktar ta’ sfida milli tagħmel għadu. Jeħtieġ fiduċja, kompassjoni, u sinċerità. Madankollu huwa preċiżament dan l-isforz—dan l-impenn għal konnessjoni ġenwina—li għandu ċ-ċavetta għal paċi dejjiema. Irridu nibdew niżirgħu ż-żerriegħa tal-ħbiberija, il-fratellanza, u l-kooperazzjoni, aktar milli dawk tal-kunflitt, id-diviżjoni, u l-mibegħda.

Nixtiequ għall-oħrajn dak li nixtiequ għalina nfusna

Prinċipju eċċellenti mgħallem mill-Qaddis Profeta Muħammad, is-sliem għalih, joffri pedament qawwi għall-paċi, huwa qal: “Ixtiequ għall-oħrajn dak li tixtiequ għalikom infuskom.”

Dan it-tagħlim sempliċi iżda profond ifakkarna li l-ebda bniedem ma jixtieq gwerra, ostilità, għadwa, jew vjolenza għalih innifsu, u għalhekk, m’għandniex nixtiequha fuq ħaddieħor. Huwa permezz ta’ dan il-prinċipju ta’ umanità li nistgħu nibdew nittrasformaw id-dinja tagħna.

Hemm diskors ieħor tiegħu li tigwidana f’dan ir-rigward. Huwa qal li, kun ġust, u tkun l-aħjar fost dawk li jqimu; kun kuntent b’li għandek, u b’hekk tkun l-aħjar fost dawk li jiżżu ħajr. Ara li tixtieq għal ħaddieħor dak li tixtieq għalik innifsek u b’hekk tkun tassew temmen. Ġib ruħek tajjeb ma’ ġarek, u b’hekk tkun tassew bniedem. Naqqas id-daħk, għaliex ħafna daħk joqtol lill-qalb.

Kemm hu prinċipju sabiħ li nixtiequ għal ħutna dak li nixtiequ għalina nfusna. X’nixtiequ għalina? Bla dubju ta’ xejn kull bniedem jixtieq li jkollu ħajja dinjituża, mimlija ferħ, paċi u sliem; u li jkollu l-bżonnijiet neċessarji kollha biex jgħix ħajja tajba. Allura, għaliex ma nixtiqux l-istess lil ħutna?

Ejjew nibdlu l-firda bl-għaqda, u l-mibegħda bil-ħbiberija

Għalhekk, irridu naħdmu b’mod attiv biex nibdlu d-diviżjoni bl-għaqda, l-ostilità bid-djalogu, is-suspett bil-fiduċja, u l-mibegħda bil-ħbiberija. Punt tat-tluq huwa t-trawwim ta’ relazzjonijiet sinċieri u ta’ ħbiberija partikolarment mal-ġirien tagħna, u ġeneralment ma’ kulħadd.

Ejjew ngħixu bil-motto: “Imħabba għal kulħadd, mibegħda għal ħadd.”

Din hi t-triq għall-paċi u l-prosperità. Għalhekk, ejjew nikbru fil-ħbiberija bejnietna, u qatt ma nħallu l-ostilitajiet jikbru bejnietna, iżda pjuttost, inneħħu l-ostilitajiet u l-mibegħda bejnietna darba għal dejjem.

Posted in Ahmadiyya, Ahmadiyya Malta, Article | Tagged Ahmadiyya, Ahmadiyya Malta, Friends, friendship, Global Peace, Il-Mument, Il-Paċi, Il-Ħbieberija, Islam, Israel-Iran war, It-theddida għall-paċi globali, Justice, L-Għaqda, L-Iran, L-Iżrael, l-mibegħda, Like for others what you like for yourself, Love for all - Hatred for none, Malta, Maltese, Peace, Quran, Threat, threat to global peace | Leave a comment

Our children are dying slowly — of hunger and disease

Posted on June 11, 2025 by Laiq Ahmed Atif

Uliedna qed imutu bil-mod il-mod bil-ġuħ u bil-mard

In-Nazzjon, 11.06.2025 | Imam Laiq Ahmed Atif – amjmalta@gmail.com

Kont bil-ġuħ u ma tajtnix ikel

Meta naraw it-tbatija indeskrivibbli f’Gaża u l-Palestina—fejn il-ġuħ, il-mard, id-disperazzjoni, in-nuqqas ta’ tama, u l-uġigħ jipprevalu, u d-dinja tibqa’ indifferenti—dan ifakkarni f’diskors li jmisslek qalbek tal-Qaddis Profeta Muħammad, is-sliem għalih. Huwa qal li f’Jum il-Ġudizzju Alla se jikkonfrontakom u jgħidilkom li:

“Kont marid u inti ma staqsejtx dwar saħħti.” Il-bniedem se jgħid: “O Alla Inti s-Sid tad-dinja kollha, u qatt ma timrad, u ma kellekx bżonn tal-għajnuna tagħna.” Alla se jgħid: “Le, wieħed mill-qaddejja Tiegħi kien marid u kellek tistaqsi dwar saħħtu u kont issibni hemm.”

Imbagħad, wara dan se jkompli jafferma u se jgħid: “Kelli l-ġuħ u ma tajtnix ikel, kelli l-għatx u ma tajtnix ilma, ma kellix libsa u ma libbistnix.” U kull darba l-bniedem se jgħid: “O Alla Inti s-Sid tad-dinja kollha, għandek kollox, u ma kellekx bżonn tal-għajnuna tagħna.” Alla se jgħid: “Wieħed mill-qaddejja Tiegħi kellu bżonn ta’ dak kollu.” U kull darba se jgħid: “Li kieku inti għamilt dan kollu, kont issibni hemm.”

Ftit biss qed jisimgħu s-sejħiet

Bla dubju ta’ xejn, qed naraw din is-sitwazzjoni quddiem għajnejna, kull ġimgħa, kuljum, anke kull mument f’Gaża u l-Palestina, fejn mhux wieħed, tnejn, tlieta, jew xi wħud qaddejja ta’ Alla, iżda eluf kbar ta’ nies, inkluż tfal, nisa, anzjani, u morda qed jitolbu ikel, ilma, mediċina, ħwejjeġ, kenn, u affarijiet oħra, anke l-aktar bżonnijiet bażiċi tal-ħajja. Qed jitolbu, imma ftit biss qed jisimgħu.

Ejjew nimmaġinaw is-sentimenti li aħna—it-tmien biljun ruħ kollha fuq din il-pjaneta—nistgħu nesperjenzaw meta Alla jindirizzana f’Jum il-Ġudizzju. X’tweġiba se nagħtu meta ma nistgħux niċħdu li rajna l-orrur iseħħ quddiem għajnejna stess? Konna xhieda. Ma nistgħux nistqarru li aħna injoranti.

Kif se nħossuna? X’se tkun ir-risposta tagħna?

Ejjew ma nkunux fost dawk li jiffaċċjaw l-umiljazzjoni u l-korla ta’ Alla f’dak il-jum. Illum huwa ż-żmien li nuru xi nsarrfu. Illum huwa l-jum li nqumu fuq in-naħa t-tajba tal-istorja—mhux biss bil-kliem, iżda bl-azzjoni, bil-fatti u l-kuraġġ morali.

Kont imħasseb ħafna bl-intervista reċenti tal-Ambaxxatriċi Iżraeljana għar-Renju Unit, Tzipi Hotovely, fil-konverżazzjoni tagħha ma’ Piers Morgan. Hija ċaħdet bla dubju l-qtil indisputabbli tat-tfal f’Gaża u l-Palestina. Hija stqarret b’negazzjoni tar-realtà, “Aħna qatt ma nattakkaw in-nies ċivili; Iżrael mhux qed joqtol tfal,” u kompliet tiddeskrivi l-gwerra bħala ġustifikata, billi ddikjarat, “Qed niġġieldu l-aktar gwerra ġustifikata fid-dinja kontra grupp terroristiku.”

Krimini tal-gwerra

Huma n-nies li ma jarawx il-qtil tat-tfal, waqt li d-dinja kollha qed tixhed—u hekk kif il-mexxejja dinjija madwar id-dinja tkellmu kontra dak li qed jiġri. Fosthom hemm Ehud Olmert, eks Prim Ministru ta’ Iżrael, li kkritika pubblikament l-aggressjoni militari ta’ Iżrael f’Gaża, u ddeskrivieha bħala “qrib ħafna ta’ krimini tal-gwerra.”

Bl-istess mod, il-Kanċillier Ġermaniż Friedrich Merz esprima t-tħassib tiegħu, fejn stqarr li “m’għadux jifhem” l-objettivi ta’ Iżrael f’Gaża. Huwa qal, “X’qed tagħmel l-armata Iżraeljana issa fil-Medda ta’ Gaza, żgur ma nifhimx aktar b’liema għan.”

Xi veritajiet jistgħu jidhru biss mill-għajn tal-qalb

Il-mexxejja Iżraeljani ma jistgħux jaraw—għax mhux kollox huwa viżibbli għall-għajnejn, speċjalment meta l-verità hija morra u ta’ wġigħ, u meta tħawwad il-kuxjenza tagħhom fis-skiet tal-lejl. Barra minn hekk, xi veritajiet jistgħu jidhru biss mill-għajn tal-qalb—qalb li hija ratba u ġentili, li tħabbat għat-titjib tal-umanità, u li mhix ikkunsmata minn motivi ulterjuri, aġendi personali, jew interessi personali.

Ftit jiem ilu biss, id-dinja ġiet imwissija mill-kap umanitarju tan-Nazzjonijiet Uniti, Tom Fletcher, li 14,000 tarbija jistgħu jmutu bil-ġuħ f’Gaża fi żmien jumejn. Bl-istess mod, smajna t-talba ddisprata ta’ missier f’Gaża, li kien qed ifittex l-ikel, li qal: “Uliedna qed imutu bil-mod il-mod.”

Nemmen li l-imblukkar tal-għajnuna umanitarja u ċ-ċaħda tal-bżonnijiet bażiċi tal-ħajja huwa assolutament inaċċettabbli. Ħalli dan ma jaqax fuq widnejn torox: f’Jum il-Ġudizzju, Alla se jgħid, “Kont bil-ġuħ, u ma tajtunix ikel; kont bil-għatx, u ma tajtunix ilma; kont marid, u ma ħadtux ħsiebi.”

Kunu umli fl-ispirtu

Il-Fundatur tal-Komunità Ahmadiyya Musulmana jispjega dan iktar u jgħid li: “Kunu ġenerużi u qalbkom tajba mal-umanità kollha. Kunu umli fl-ispirtu, kunu ġenerużi u ġentili, u aħfru, uru simpatija lejn kulħadd u awguraw lil kulħadd, ħalli tkunu aċċettati.

Hemm ħafna li jippretendu li huma qalbhom tajba, ġentili u li jaħfru lil għajrhom, iżda minn ġewwa huma lpup; hemm ħafna li minn barra jidhru safja, imma f’qalbhom huma sriep. Ma tistgħux tiġu aċċettati fil-preżenza tal-Mulej jekk m’intomx safja, kemm minn ġewwa kif ukoll minn barra.”

Mument ta’ riflessjoni

Nixtieq nagħlaq bil-kliem tad-deheb tiegħu, li jista’ jservi bħala prinċipju gwida għalina lkoll—speċjalment fil-kuntest tal-gwerra f’Gaża. Huwa qal li,

“Oqogħdu attenti mit-toroq tal-qirda... Kull għodwa għandha tkun xhieda għalikom li qattajtu l-lejl fit-tjubija u kull għaxija għandha tkun xhieda għalikom li qattajtu l-jum bil-biża’ ta’ Alla f’qalbkom.”

Ejjew nirriflettu fuq il-jiem u l-iljieli tagħna—huma xhieda tal-ġustizzja, il-mogħdrija u s-servizz tagħna lejn l-umanità, jew jibqgħu mmarkati bil-ġenoċidji, il-krimini tal-gwerra, il-qtil, u t-tixrid tad-demm?

Posted in Ahmadiyya, Ahmadiyya Malta, Article | Tagged a moment of reflection, Ahmadiyya Malta, art, “Our children are dying slowly”, Books, Children, Disease, Food, Gaza, Gaza war, Gaża, hunger, il-Palestina, Imam Atif, Imam Malta, Islam, Krimini tal-gwerra, Laiq Ahmed Atif, Malta, Mument ta’ riflessjoni, Palestine, parenting, photography, Quran, Tfal, Umli, war crime, Ġuħ | Leave a comment

Eid-Ul-Adha 2025 Celebration

Posted on June 8, 2025 by Laiq Ahmed Atif

The Ahmadiyya Muslim Jamaat Malta celebrated Eid-Ul-Adha with the residents of Dar il-Liedna on Sunday, 8 June 2025, sharing the occasion with traditional cuisine. Dar il-Liedna is an Open Centre located in Fgura that offers accommodation to unaccompanied minors and is managed by the Agency for the Welfare of Asylum Seekers (AWAS).

Eid-Ul-Azha, also known as the Festival of Sacrifice, is one of the most significant holidays in the Islamic calendar. The day is marked by prayer, reflection, and acts of generosity, especially towards those in need. Sharing this special occasion with the residents of Dar il-Liedna made the celebration even more meaningful, fostering unity, compassion, and community spirit.

Posted in Ahmadiyya Malta | Tagged Dar il-Liedna, Eid-Al-Adha, Eid-Ul-Adha, Fgura | Leave a comment

A thriving, sensitive and considerate economy

Posted on June 8, 2025 by Laiq Ahmed Atif

EKONOMIJA LI TIFFJORIXXI, SENSITTIVA U KKUNSIDRATA

It-Torċa, 08.06.2025 | Imam Laiq Ahmed Atif – http://www.ahmadiyya.mt

Ir-reliġjon tgħallimna li l-bnedmin huma l-ifjen kreazzjonijiet ta’ Alla, mogħnija b’għan ogħla. Skont din il-perspettiva, il-kreaturi u r-riżorsi l-oħra kollha nħolqu biex jappoġġjaw lill-umanità fit-twettiq tal-objettivi nobbli tagħha. Għalhekk, kull sistema u riżorsa pprovduta minn Alla li Jista’ Kollox hija maħsuba biex jinħoloq ambjent fejn il-bnedmin jistgħu jirnexxu, jikbru fit-tjieba, u jaqdu lil xulxin b’kompassjoni u sinċerità.

L-ekonomija għandha rwol sinifikanti fil-ħajja tal-bniedem, u huwa għalhekk li ta’ spiss nisimgħu l-frażi: “L-ekonomija għandha taqdi lin-nies, u mhux bil-maqlub.”

Dan jirrifletti l-idea li l-ekonomija hija mezz biex tippromwovi d-dinjità u l-benesseri tal-bniedem—mhux forza li għandha tiġi servuta għad-detriment tad-drittijiet, il-benesseri, jew il-valuri morali tan-nies.

Ekonomija bbażata fuq l-individwu

Filosofija ekonomika ċċentrata fuq il-bniedem bħal din tqarreb lejn il-prinċipji ekonomiċi Iżlamiċi, li jenfasizzaw il-ġustizzja soċjali, id-distribuzzjoni ugwali tal-ġid, il-kompassjoni, il-benevolenza, u li nagħtu l-prijorità lill-benesseri tas-soċjetà fuq sempliċi profitt jew tkabbir ekonomiku.

Meta nħarsu lejn ix-xenarju ekonomiku globali attwali, nosservaw sfidi kbar f’dinja li qed tevolvi b’rata mgħaġġla. Pereżempju, l-impożizzjoni ta’ tariffi mill-amministrazzjoni tal-President Donald Trump—imfissra minnu bħala “rivoluzzjoni ekonomika”—ikkontribwiet għall-instabbiltà fl-ordni ekonomiku globali, u għamlitu inqas reżiljenti. Dan juri wkoll il-fraġilità tas-sistemi ekonomiċi attwali u jżid it-tħassib dwar gwerra emerġenti fil-kummerċ, kif jiġi diskuss fi ċrieki politiċi influwenti madwar id-dinja.

B’kuntrast, rajna wkoll lill-President Trump jappoġġja pubblikament il-kumpanija tal-karozzi elettriċi ta’ Elon Musk, Tesla, avveniment irrappurtat b’mod wiesa’ mill-midja internazzjonali. Dawn l-avvenimenti kuntrastanti juru l-kumplessitajiet u l-inkonsistenzi fil-prattiki ekonomiċi kontemporanji.

Mill-perspettiva Iżlamika, imġiba ekonomika bħal din tikkuntrasta bil-qawwa mal-ideali ta’ sistema ekonomika Iżlamika. L-Iżlam isostni li għandu jappoġġja lill-foqra, jevita piżijiet inġusti, jippromwovi l-paċi, ir-rikonċiljazzjoni, u t-tkabbir ekonomiku ġust. Huwa favur distribuzzjoni ġusta tal-ġid u r-riżorsi madwar l-umanità kollha.

Bħas-sistema soċjali rrakkomandata mill-Iżlam, is-sistema ekonomika Iżlamika tibda bl-iskop li dak kollu li hemm fis-smewwiet u fl-art inħoloq minn Alla, li ta lill-bniedem diversi provvedimenti taħt fiduċja. Bħala depożitarji, in-nies huma responsabbli għal kif jimmaniġġjaw u jqassmu dawn ir-riżorsi.

Il-ġid kemm ħafna kif ukoll ftit huwa test

Il-ġid, kemm jekk ikun abbundanti kif ukoll jekk ikun ftit, fl-Iżlam jitqies bħala test—opportunità biex wieħed jiddistingwi lil dawk li huma konxji tar-responsabbiltajiet tagħhom u juru kompassjoni lejn ħaddieħor minn dawk li huma indifferenti għat-tbatija umana u l-benesseri tas-soċjetà.

L-għan tas-sistema ekonomika Iżlamika huwa li tiżgura l-aktar distribuzzjoni wiesgħa u ta’ benefiċċju tal-ġid fis-soċjetà. Il-ġid għandu jiċċirkola kontinwament fost is-segmenti kollha tal-komunità u m’għandux jikkonċentra f’idejn il-ftit. Kif jgħid il-Koran: “… sabiex ma jiċċirkolax biss fost l-għonja fostkom.” (59:7)

Il-ġenerazzjoni tal-ġid mhijiex mertu tal-individwi

Il-ġenerazzjoni tal-ġid mhijiex biss ir-riżultat ta’ talent individwali jew investiment kapitali. Għalhekk, l-ebda individwu jew grupp m’għandu jkollu kontroll esklussiv fuqu.

Is-sorsi oriġinali kollha tal-ġid—bħax-xemx, il-qamar, il-kwiekeb, l-art, is-sħab li jġibu x-xita, ir-riħ li jċaqlaq is-sħab u jferrex il-polline, u l-fenomeni naturali l-oħra kollha—huma rigali divini mingħand Alla, mogħtija lill-umanità kollha, għall-ġid tal-bnedmin kollha.

Il-ġid jiġi prodott permezz tal-applikazzjoni tal-isforz u l-ħila tal-bniedem għar-riżorsi naturali pprovduti minn Alla għas-sostenn u l-kumdità tal-bniedem. Filwaqt li l-Iżlam jirrikonoxxi li wieħed jista’ jkollu dritt ta’ possessjoni, jagħmel dan fi ħdan qafas ta’ responsabbiltà u obbligu ta’ rendikont soċjali, filwaqt li jiżgura li dawn id-drittijiet ma jmorrux kontra l-ġid pubbliku wiesa’.

Iċ-ċħid tal-esplojtazzjoni u t-tiġmigħ

Waħda mill-karatteristiċi distintivi u tajbin tas-sistema ekonomika Iżlamika hija ċ-ċaħda tagħha ta’ kull forma ta’ esplojtazzjoni u prattiki inġusti, bħat-tiġmigħ tal-ġid, il-kapital, jew komoditajiet essenzjali. Dawn il-prattiki spiss iwasslu għal inflazzjoni tal-prezzijiet u instabbiltà ekonomika wiesgħa. Il-Koran Imqaddes iwissi kontra mġiba bħal din: “U dawk li jġemmgħu d-deheb u l-fidda u jonfquhom mhux kif jixtieq Alla—agħtuhom l-aħbar ta’ kastig aħrax.” (9:34–35)

Fl-istess ħin, l-Iżlam jagħti lill-individwi l-libertà li jaqilgħu l-ġid permezz ta’ kwalunkwe mezz legali, sakemm jibqgħu fil-limiti tal-prinċipji etiċi u legali. L-individwi għandhom id-dritt li jippossjedu proprjetà u jinvolvu ruħhom f’intrapriża privata.

Enfasi dwar id-dħul kif ukoll l-infiq tal-ġid

Madankollu, għall-kuntrarju ta’ ħafna sistemi ekonomiċi moderni li primarjament jiffokaw fuq kif jiġi ġġenerat id-dħul, l-ekonomija Iżlamika tpoġġi wkoll enfasi qawwija fuq kif jintefaq il-ġid. F’ħafna stati, it-tħassib tal-politika nazzjonali huwa fil-biċċa l-kbira limitat għas-sorsi tad-dħul; kif l-individwi jużaw id-dħul tagħhom—kemm jekk miksub kif ukoll jekk maħżun—ħafna drabi jitħalla mhux regolat. Hawnhekk fejn ir-reliġjon għandha rwol kritiku.

L-Iżlam mhux biss jipprovdi gwida morali u spiritwali dwar kif għandu jinkiseb id-dħul iżda joffri wkoll direzzjonijiet ċari dwar kif għandu u m’għandux jintefaq.

L-Iżlam jipprojbixxi l-infiq u t-tberbiq bl-addoċċ. Li wieħed jadotta stil ta’ ħajja sempliċi, l-infiq modest fuq ċerimonji taż-żwieġ, il-prattika tal-moderazzjoni fl-ikel, u l-issodisfar ta’ bżonnijiet bażiċi oħra b’attenzjoni huma kollha prattiki tajbin li jikkontribwixxu għal ekonomija li tiffjorixxi, sensittiva, u kkunsidrata.

Posted in Ahmadiyya, Ahmadiyya Malta, Ahmadiyya: The True Islam, Article, www.Ahmadiyya.mt | Tagged Caring economy, economy, Ekonomija, exploitation, hoarding, il-ġid, Islam and Economy, it-tiġmigħ, L-ekonomija għandha taqdi lin-nies, l-esplojtazzjoni, u mhux bil-maqlub. | Leave a comment

Eid-Al-Adha 2025 Mubarak

Posted on June 5, 2025 by Laiq Ahmed Atif

Photo: RantauVector | Shutterstock

— Eid-Al-Adha Mubarak! —

— The Ahmadiyya Muslim Community Malta wishes you a joyful and blessed Eid-Al-Adha 2025 Mubarak.

— May this blessed day bring peace, joy, and countless blessings to you and your loved ones. Wishing you a joyful and meaningful Eid!

Posted in Ahmadiyya Malta | Tagged Ahmadiyya, Ahmadiyya Malta, Eid, Eid Mubarak, Eid-Al-Adha, Eid-Al-Adha 2025, Eid-Al-Adha Mubarak, Hajj, House of God, Islam, Malta, Mecca, Muslim, Quran | Leave a comment

Help both the oppressor and the oppressed

Posted on June 1, 2025 by Laiq Ahmed Atif

Għinu lill-oppressi kif ukoll lill-oppressur

It-Torċa, 01.06.2025 | IMAM Laiq Ahmed Atif – amjmalta@gmail.com

Is-sitwazzjoni tal-gwerra, jew aħjar ngħidu l-ħruxijiet Iżraeliti f’Gaża, il-Palestina, qabżu l-limiti kollha u laħqu punt fejn l-ebda ġustifikazzjoni mhi possibbli. Fi kliem ieħor, enough is enough. Għalhekk, irridu mmorru lil hinn minn sempliċi kundanna u protesta vokali — id-dinja trid tieħu azzjoni deċiżiva biex twaqqaf dan il-barbariżmu, illum qabel għada. Huwa importanti anzi sar kruċjali li dan il-barbariżmu għandu jieqaf darba għal dejjem.

Il-Qaddis Profeta Muħammad, is-sliem għalih, għallimna l-prinċipju prezzjuż li verament jgħodd ħafna għal din is-sitwazzjoni. Huwa għallimna li għandna ngħollu leħinna kontra inġustizzji bħal dawn u ngħinu kemm lill-oppressi kif ukoll lill-oppressur. Huwa qal li, għinu kemm lil dawk li qed ibatu kif ukoll lil dawk li qed joħolqu t-tbatija.

L-Imsieħba tal-Profeta Muħammad staqsew li, waqt li jifhmu li tista’ tingħata għajnuna lil dawk li huma mweġġgħin, kif jistgħu jgħinu bniedem li jkollu qalbu ħadra? Setgħu jgħinu biex isalvaw lill-oppressi minn idejn l-oppressuri, kif setgħu jgħinu lill-oppressuri?

Il-Profeta Muħammad wieġeb billi qal li l-għajnuna lill-oppressuri kienet tfisser li twaqqfuhom milli jwettqu l-inġustizzji tagħhom, billi żżommulhom idejhom milli jikkommettu aktar krudeltà għaliex, jekk jimxu ’l quddiem fil-krudeltajiet, il-ħruxijiet u l-inġustizzji tagħhom, isiru soġġetti għad-diżapprovazzjoni ta’ Alla li Jista’ Kollox u l-kastig Tiegħu, u b’hekk jeqirdu ħajjithom f’din id-dinja u fil-ħajja ta’ wara. Għalhekk, f’ġieħ il-ħniena, ippruvaw salvawhom.

Dan il-prinċipju jgħodd għall-iżgħar ħjut tas-soċjetà sal-livell internazzjonali. Għalhekk, fil-kuntest tal-ħruxijiet Iżraeljani f’Gaża, huwa minnu li d-dinja għandha żżomm idejhom mill-krudeltajiet, il-brutalitajiet, id-diżumanità, u l-qtil orribbli ta’ nies ċivili innoċenti inklużi tfal u nisa.

Nero fiddled while Rome burned

Meta naraw l-inġustizzji u l-għemejjel ħżiena madwarna huwa obbligu tagħna li nirranġawhom bl-aħjar mod possibbli. Li sempliċement nibqgħu siekta u passivi mhijiex għażla għal xi ħadd li verament jemmen f’Alla u jieħu ħsieb il-ħolqien Tiegħu.

Ma nistgħux sempliċement nibqgħu maqbudin bħal “Nero fiddled while Rome burned.” Minflok, irridu nqumu għall-okkażjoni, sabiex l-aggressuri jkunu mġiegħla jtemmu r-reati tagħhom kontra l-umanità.

Għalhekk, kull wieħed u waħda minna għandu rwol x’jaqdi bi kwalunkwe mod li jista’, fil-limiti tiegħu. Il-Profeta Muħammad kompla jiggwidana f’dan billi qal: “Kull min fostkom jilmaħ il-ħażen, ħalluh ibiddlu, ineħħih, b’idu. Jekk ma jirnexxilux, mela juża lsienu u jgħolli leħnu. Jekk ma jirnexxilux, mela juża qalbu u jħoss diqa ġo qalbu, u dak huwa l-aktar livell baxx tal-fidi.”

Hawnhekk, ħa nagħmilha ċara li dan ma jfissirx li l-individwi għandhom jieħdu l-liġi f’idejhom u jikkontribwixxu għal aktar kaos fid-dinja. Pjuttost, hija r-responsabbiltà tal-gvernijiet li jadottaw dan il-prinċipju bħala qafas ta’ gwida biex jiġġieldu l-aggressjoni u l-invażjoni Iżraeljana. Mill-ġdid nagħmilha ċara li dan il-punt mhux kontra xi pajjiż jew ieħor, iżda, kontra l-inġustizzji u l-ħruxijiet.

Is-sebħ tal-paċi u d-dawl tal-prosperità

Jekk id-dinja tħaddan dan il-prinċipju, in-nies tal-Palestina u ta’ Gaża se jaraw is-sebħ tal-paċi u d-dawl tal-prosperità jidħlu fi djarhom.

Dawn il-prinċipji mhux biss huma favur il-Palestina u Gaża — huma jservu wkoll lil Iżrael b’mod aktar profond: għax meta jsostnu l-umanità, Alla, min-naħa tiegħu, jipproteġihom.

Għalhekk, nappella biex ngħożżu l-umanità, minflok neqirduha. Ejjew inħobbu lil xulxin, minflok li nobogħdu lil xulxin. Ejjew naqsmu l-barkiet u r-riżorsi tad-dinja ma’ kulħadd, minflok ma jinħatfu u jinżammu minn grupp partikolari ta’ nies.

Ir-regħba ġġib il-mibegħda

Huwa fatt stabbilit li r-regħba ġġiegħel il-mibegħda tikber. Kultant timmanifesta ruħha f’espansjoni territorjali jew fil-ħtif ta’ riżorsi naturali jew ċertament fl-impożizzjoni tas-superjorità ta’ xi wħud fuq oħrajn. Din twassal għall-krudeltà.

Għalhekk, Iżrael, minflok ix-xewqa li jkollu l-art kollha Palestinjana taħt idejh, għandu jħalli lill-Palestinjani jgħixu u jgawdu r-riżorsi tagħhom. Għax għall-paċi u l-istabbiltà fir-reġjun hemm prinċipju bażiku li dwaru aħna tgħallimna biex ma nixxennqux għall-ġid tal-oħrajn. Il-Koran Imqaddes jgħid: “Ara li ma tmiddx għajnejk (bir-regħba) fuq dak (il-ġid materjali) li tajna lil xi wħud minnhom.” (20:132)

Tħallix il-paċi tiġi kompromessa

Ir-regħba u l-għira għall-ġid tal-Palestina huma l-kawża ta’ aktar inkwiet fir-reġjun, u Iżrael għandu juri trażżin u ma jħallix li l-paċi tar-reġjun kollu tiġi kompromessa. Din l-attitudni kattiva u bla ħanina, anzi bla qalb, twassal għal regħba ma taqta’ xejn u fit-tkissir tal-paċi soċjali.

Din ir-regħba Iżraeljana qerdet il-paċi ta’ miljuni ta’ nies u art twelidhom. Dan hu ppruvat bl-istorja u kull bniedem sensibbli jista’ jifhem li x-xenqa għall-ġid tal-oħrajn tkattar l-għira u r-regħba u hija s-sors ta’ telfien.

Għandhom jitgħallmu mill-passat

Nappella bl-akbar sinċerità lill-mexxejja Iżraeljani biex jitgħallmu mill-passat tagħhom u jirriflettu kemm hi ta’ wġigħ il-vjolenza. Kif ħassewhom meta brutalitajiet bħal dawn seħħew kontrihom fil-passat. Dan huwa tassew tal-biża’ li, minflok ma tgħallmu lezzjoni mill-esperjenzi tal-passat tagħhom u mxew it-triq għall-paċi u ta’ qalb tajba, imħabba, kompassjoni, empatija, u bnew karattru nazzjonali mhux vjolenti, marru ferm lil hinn minn hekk u qed jikkaġunaw uġigħ u tbatija lin-nies ta’ Gaża u l-Palestina.

Jaħasra! Meta se jintefa l-għatx tagħhom għad-demm uman?

Posted in Ahmadiyya, Ahmadiyya Malta, Ahmadiyya: The True Islam, Article, www.Ahmadiyya.mt | Tagged Ahmadiyya Malta, Gaza, Gwerra, Help both the oppressor and the oppressed, il-Palestina, Imam, Imam Atif, Imam Laiq Ahmed Atif, Islam, Israel, Malta, Muslim, Nero fiddled while Rome burned, Palestine, Quran, War | Leave a comment

Morality a Cornerstone of Human Civilisation

Posted on May 28, 2025 by Laiq Ahmed Atif

Il-Moralità: Il-pedament taċ-ċiviltà umana

In-Nazzjon, 28.05.2025 | Imam Laiq Ahmed Atif Malta – amjmalta@gmail.com

Darba xi ħadd staqsa lill-Qaddis Profeta Muħammad dwar it-tieba u d-dnub u hu wieġeb: “It-tieba hija karattru tajjeb; il-virtù hija morali tajba, u d-dnub huwa dak li jdur f’qalbek, u li tobgħod, li n-nies ikunu jafu bih.”

Huwa qal ukoll li, “L-aqwa fostkom huma dawk li għandhom l-aqwa manjieri, morali u karattru.” “Xejn ma jiżen iktar fil-miżien tal-fidil f’Jum il-Ġudizzju minn karattru tajjeb. Tabilħaqq, Alla ma jħobbx lil dawk li jużaw lingwaġġ ħażin u diskors vulgari.”

Il-fidil veru u l-moralità

Dan il-kliem juri biċ-ċar kemm huma importanti l-morali u l-virtujiet fil-ħajja tal-fidil veru. Naħseb, il-valuri u l-virtujiet huma l-bażi u l-pedament tal-fidil veru. Il-bniedem ma jistax ikun fidil tajjeb jekk jonqos mill-valuri morali u l-virtujiet.

Għax il-fidil jipprova li jkun bħall-maħbub tiegħu li huwa Alla l-Ħanin, allura, meta Alla għandu l-aqwa attributi kif jista’ jkun li dak li jemmen fih u jissejjaħ fidil veru ma jkollux il-karattru tajjeb.

Meta naqraw dwar l-istorja umana nsibu li l-bniedem ta’ kull żmien kien imħasseb dwar il-moralità u l-kunċett tal-moralità kien il-pedament taċ-ċivilizzazzjoni umana, li jirregola l-imġiba, ir-relazzjonijiet u s-sens ta’ ġustizzja tagħna.

Minn fejn ġejja il-moralità?

Dan juri kemm hija importanti l-moralità, iżda, il-punt hu jekk il-moralità hijiex riżultat ta’ gwida divina jew sempliċement idea soċjali umana jew il-bnedmin imġarrba permezz tal-esperjenzi tagħhom.

Mingħajr l-iċken dubju, nemmen li l-bniedem ma jistax jitgħallem kollox miż-żmien u l-esperjenzi tiegħu jekk ma jkunx hemm il-gwida divina. Ir-raġuni hija li l-fehim u l-esperjenzi tal-bnedmin huma limitati u anke jiddependu fuq iċ-ċirkostanzi ta’ dak iż-żmien meta xi ħadd jesperjenza xi ħaġa partikolari. Iżda, il-fehim u l-għarfien divin huma mingħajr limiti, u ħielsa mir-restrizzjonijiet tal-ħin, u ħielsa mill-jasar taż-żmien.

Mill-perspettiva Iżlamika, il-moralità ġejja mit-tagħlim divin, Alla huwa għalliem tal-moralità u jgħallem lill-bnedmin permezz tal-profeti u t-tagħlim tiegħu. Il-moralità hija msejsa fuq ir-rivelazzjoni divina, u toffri qafas etern għall-kondotta etika li tittraxxendi l-bidliet kulturali u storiċi.

Il-limitazzjonijiet tal-għerf u l-intellett uman

Huwa importanti li wieħed jiftakar li l-għerf u l-intellett uman mhumiex perfetti, iżda huma fil-fatt limitati. Għalhekk, waqt il-formazzjoni tal-ideat, jew it-tħassib dwar il-morali u l-virtujiet, ċirkostanzi ta’ madwar u fatturi oħra jistgħu jtappnu biex naslu għall-konklużjoni perfetta fir-rigward il-valuri morali.

Madankollu, kif diġà semmejt, l-għerf ta’ Alla u l-liġi ta’ Alla huma perfetti u għalhekk jistgħu jiggwidawna bl-aħjar mod possibbli. Dan għaliex Alla jixtieq biss it-tajjeb u t-titjib tal-ħolqien Tiegħu u, għalhekk, it-tagħlim Tiegħu hu bbażat kompletament fuq il-ġustizzja u t-tieba.

Xi punti għal riflessjoni

Meta ngħixu fis-soċjetà huwa importanti li dejjem inkunu responsabbli u nuru l-imġiba tajba ma’ kulħadd u dejjem nibqgħu konxji lejn dmirijietna lejn kulħadd fis-soċjetà. Nixtieq insemmi xi punti jew valuri li għandna nżommu f’moħħna.

L-ewwel u qabel kollox għandna nittrattaw lill-oħrajn kif nixtiequ li niġu trattati aħna stess. Aħna kollha kemm aħna nixtiequ li niġu trattati bl-imħabba, bir-rispett u d-dinjità.

Allura huwa importanti li minflok nistennew trattament tajjeb mingħand ħaddieħor, għandna nkunu l-ewwel li nuru valuri morali għoljin lejn ħaddieħor.

Għax jekk nixtiequ nibnu soċjetajiet b’valuri morali u virtujiet, għandna naħdmu għalihom fi spirtu ta’ mħabba, kompassjoni u fratellanza.

L-imġiba tajba

Barra minn hekk, għandna nibqgħu umli, diċenti, ġusti, grati u kuntenti b’dak li għandna; inġibu ruħna tajjeb mal-ġirien, il-ħbieb, il-kollegi tal-iskola u tax-xogħol tagħna.

Huwa wkoll valur mill-isbaħ li ngħidu tislim ta’ paċi—is-sliem għalikom—lil kulħadd li niltaqgħu magħhom matul il-ġurnata. L-imġiba tal-gratitudni lejn il-Mulej u n-nies hija wkoll valur li jista’ jibni soċjetajiet paċifiċi u armonjużi.

Il-kompassjoni u l-ħniena lejn il-ġenituri, ir-rispett lejn l-għalliema u n-nies li huma ikbar minna, ir-relazzjonijiet tajbin mal-ġirien tagħna, u d-dħulija mad-dgħajfin huma wkoll valuri ferm importanti.

Kunu umli fl-ispirtu, u qalbkom tajba mal-umanità

Nixtieq nagħlaq bi kliem il-Fundatur tal-Komunità Ahmadiyya Musulmana li jispjega dan b’mod tajjeb u jgħid li:

“Kunu ġenerużi u qalbkom tajba mal-umanità, il-għaliex aħna kollha ħolqien Tiegħu; tkażbru lil ħadd la bi lsienkom, la b’idejkom, u lanqas b’modi oħra. Dejjem ħabirku għall-ġid tal-umanità.

Qatt taġixxu b’arroganza mal-oħrajn, saħansitra ma’ dawk li jkunu taħt ir-responsabbiltà tagħkom. Qatt tużaw lingwaġġ dispreġjattiv ma’ ħadd, anki ma’ min jgħajjarkom.

Kunu umli fl-ispirtu, kunu ġenerużi u ġentili, u aħfru, uru simpatija lejn kulħadd u awguraw lil kulħadd, ħalli tkunu aċċettati.”

Posted in Ahmadiyya, Ahmadiyya Malta, Ahmadiyya: The True Islam, Article | Tagged Ahmadiyya Malta, Article, faith, Good behaviour, goodness, heart, Il-fidi, Il-Moralità, Imam Atif, Imam Malta, In-Nazzjon, Islam, Kind heart, l-imġiba tajba, Laiq Ahmed Atif, Malta, Moral, morality, Muslim, Qalb, Quran, Quranic, Religion, social, society | Leave a comment

The Ahmadiyya Muslim Community congratulated Pope Leo XIV and the Catholic Church

Posted on May 26, 2025 by Laiq Ahmed Atif

Image courtesy of Ahmadiyya Muslim Jamaat Italy

Il-Komunità Ahmadiyya Musulmana tifraħ lill-Papa Ljun XIV u lill-Knisja Kattolika

Il-Leħen, 25.05.2025 | Imam Laiq Ahmed Atif – amjmalta@gmail.com

Il-Komunità Ahmadiyya Musulmana Malta testendi l-awguri mill-qalb tagħha lill-Knisja Kattolika u lill-membri tagħha f’Malta u madwar id-dinja għall-elezzjoni tal-Papa Ljun XIV.

Il-mewt tal-Papa Franġisku kien mument ta’ niket kbir għall-Kattoliċi madwar id-dinja. Issa bl-elezzjoni tal-Papa Ljun XIV, il-Kattoliċi huma ferħanin ħafna u jħarsu ’l quddiem b’tama mġedda taħt il-gwida tal-mexxej spiritwali l-ġdid tagħhom—il-Papa Ljun XIV.

Nittamaw u nitolbu li l-Papa Ljun XIV, bħall-predeċessur tiegħu l-Papa Franġisku, jista’ juża l-għerf, l-għarfien, il-kompassjoni u l-influwenza tiegħu biex jippromwovi l-paċi, l-għaqda u l-armonija fost in-nies kollha madwar id-dinja u bejn ir-reliġjonijiet kollha. Nittamaw li jkompli jrawwem il-kollaborazzjoni fost ir-reliġjonijiet kollha—partikolarment fost il-fidi Abrahamika—ibbażata fuq il-valuri kondiviżi tal-imħabba għal Alla u s-servizz lill-umanità.

Il-ħtieġa għall-għaqda globali

Il-Komunità Ahmadiyya Musulmana tenfasizza l-ħtieġa urġenti għall-għaqda globali, ir-rikonċiljazzjoni, u l-paċi, u tappella għal koperazzjoni akbar fost il-komunitajiet reliġjużi biex jaħdmu flimkien għall-benesseri u l-prosperità tal-umanità kollha, u biex jindirizzaw l-isfidi morali u spiritwali tad-dinja moderna.

Hija l-ħtieġa ta’ dan iż-żmien li naffermaw mill-ġdid l-impenji tagħna għall-paċi, u li niżirgħu ż-żerriegħa tal-għaqda u l-fratellanza, sabiex id-dinja ssir kenn ta’ paċi u sigurtà.

Il-Komunità Ahmadiyya Musulmana Malta tafferma mill-ġdid l-impenn tagħha għad-djalogu, il-bini tal-paċi, u l-valuri kondiviżi għat-titjib tal-benesseri tan-nies kollha. Barra minn hekk, testendi id ta’ ħbiberija u koperazzjoni lejn ħidma flimkien għall-ġid tal-umanità kollha.

L-awguri mill-Mexxej tal-Komunità Ahmadiyya Musulmana

Il-Kap Dinji tal-Komunità Ahmadiyya Musulmana, il-Qdusija Tiegħu Ħażrat Mirża Masroor Aħmad, feraħ lill-membri tal-Knisja Kattolika għall-elezzjoni tal-Papa Ljun XIV, f’isem il-Komunità Ahmadiyya Musulmana internazzjonali. Il-Qdusija Tiegħu qal:

“F’isem il-Komunità Ahmadiyya Musulmana, nifraħ sinċerament lill-membri tal-Knisja Kattolika għall-elezzjoni tal-Papa Ljun XIV.

Qed ngħaddu minn perjodu kritiku u perikoluż ħafna fl-istorja tal-bniedem, hekk kif gwerer qalila u kunflitti vjolenti qed itebbgħu l-art bid-demm ta’ għadd kbir ta’ erwieħ innoċenti u bla difiża kuljum.

Hekk kif ninsabu fuq ix-xifer tat-Tielet Gwerra Dinjija, nitlob li Alla li Jista’ Kollox jagħti lill-Papa l-abbiltà li jkun vuċi għall-paċi u l-armonija vera fid-dinja u li jiddefendi d-drittijiet tal-persuni innoċenti kollha, irrispettivament mill-kasta, it-twemmin jew il-kulur tagħhom. Ammen.

Bħala l-Kap dinji tal-Komunità Ahmadiyya Musulmana, nafferma li aħna dejjem lesti li nappoġġjaw u nieħdu sehem f’kull sforz u azzjoni magħmula sabiex jiġu stabbiliti l-paċi u s-sigurtà vera fid-dinja u sabiex l-umanità terġa’ lura lejn il-Ħallieq tagħha.”

Il-Papa Ljun XIV

Hawnhekk nixtieq insemmi wkoll il-messaġġ inkoraġġanti tal-Papa Ljun fl-ewwel diskors tiegħu u mbagħad fl-ewwel Quddiesa tiegħu. Il-messaġġ tiegħu ‘biex nibnu pontijiet’ huwa inkoraġġanti ħafna. Huwa beda d-diskors tiegħu bit-tislima “il-paċi tkun magħkom,” u ħeġġeġ lin-nies biex “jibnu pontijiet permezz tad-djalogu, permezz tal-laqgħat, biex jingħaqdu flimkien bħala poplu wieħed, dejjem fil-paċi.” Huwa appella wkoll għad-dawl tal-iljieli mudlama ta’ din id-dinja.

Il-Papa Ljun jitkellem bil-mod ħafna, għandu qalb tajba u għandu esperjenza ta’ ħidma kemm f’żoni żviluppati kif ukoll f’żoni sottożviluppati. Huwa jgawdi reputazzjoni pożittiva ħafna bħala bennej ta’ pontijiet u jitqies bħala moderat fil-Kurja. Il-gazzetta Taljana La Repubblica tqisu bħala “l-inqas Amerikan fost l-Amerikani” minħabba l-manjieri ġentili tiegħu.

Ejjew ningħaqdu lkoll biex naħdmu flimkien biex nagħmlu d-dinja post aħjar għalina u għall-ġenerazzjonijiet futuri tagħna. Jalla Alla jbierek lilna lkoll. Ammen.

Posted in Ahmadiyya, Ahmadiyya Malta, Ahmadiyya: The True Islam, Article | Tagged Ahmadiyya Malta, Catholic, Church, Il-Papa Ljun XIV, Islam, Malta, Papa Ljun XIV, Pope Leo XIV, Quran | Leave a comment

Every Rose has its Thorn

Posted on May 25, 2025 by Laiq Ahmed Atif

KULL WARDA FIHA X-XEWK!

It-Torċa, 25.05.2025| Imam Laiq Ahmed Atif – amjmalta@gmail.com

Id-dinja moderna li ngħixu fiha hija mimlija vantaġġi u żvantaġġi, sfidi u opportunitajiet, ferħ u niket, kumdità u inkwiet, u ħafna aktar.

Bla dubju ta’ xejn id-dinja tal-lum għamlet ħafna avvanz fit-teknoloġija u l-mezzi tal-komunikazzjoni li verament huma tajbin għall-progress u l-kumditajiet tal-bniedem. Madankollu, “Kull warda fiha x-xewk tagħha.”

It-tifsira ewlenija ta’ dan il-proverbju hija li s-sbuħija u t-tjubija spiss jiġu bi sfidi jew diffikultajiet. Dan iwassal messaġġ qawwi u sabiħ dwar in-natura doppja tas-sbuħija u l-avversità. Hekk kif il-ward, bis-sbuħija kollha tiegħu, huwa akkumpanjat minn xewk iniggeż, il-ħajja wkoll tippreżenta l-isfidi flimkien mal-barkiet tagħha.

Fil-kuntest tal-avvanz teknoloġiku nistgħu nifhmu li meta hemm vantaġġi u benefiċċji ta’ dawn l-invenzjonijiet moderni, hemm ukoll l-iżvantaġġi tagħhom jekk ma nużawhomx b’mod tajjeb u b’moderazzjoni, jew insiru l-iskjavi tagħhom.

Dak li rrid ngħid huwa dan, li tassew, l-invenzjonijiet teknoloġiċi moderni tejbu lil ħajjitna, iżda ħolqu wkoll problema soċjali kbira ħafna ta’ solitudni u iżolazzjoni. Is-solitudni saret problema tant gravi li l-Organizzazzjoni Dinjija tas-Saħħa (WHO) iddikjaratha bħala “theddida globali urġenti”.

X’inhi s-solitudni?

Is-solitudni vera ma tinstabx biss fl-iżolament, iżda fl-uġigħ kwiet ta’ fehim inviżibbli. Skont Mike Gawliuk, CEO tal-Assoċjazzjoni Kanadiża tas-Saħħa Mentali ta’ Kelowna, “Is-solitudni mhix biss kwistjoni li tkun waħdek. Tista’ tkun imdawwar bin-nies u xorta tħossok waħdek.”

Jiġifieri, is-solitudni ma tfissirx biss li inti waħdek u tħoss in-nuqqas tan-nies madwarek, iżda, dan ifisser ukoll li anke jekk inti mdawwar bin-nies xorta tista’ tħossok waħdek minħabba l-fatt li ħadd ma jagħti kasek, jew tkun injorat, marġinalizzat, jew imħolli waħdek. Fil-fatt, is-solitudni tista’ taffettwa lil kulħadd, irrispettivament miċ-ċirkostanzi esterni.

Hemm ħafna li jqattgħu l-ġurnata tagħhom fil-folol, fost in-nies, fost il-ħbieb u l-kollegi u l-familja, iżda xorta jħossuhom inviżibbli, iżolati u waħedhom, għax xi drabi jħossu li verament ma jappartjenu ma’ xi ħadd. Dan jiddependi fuq l-esperjenza ta’ ħajjitna. Għandna ħbieb, imma ma nistgħux nikkonnettjaw magħhom. Għandna familja, imma nħossu li ma jistgħux jifhmuna.

Għaliex is-solitudni qed issir tant aktar prevalenti llum?

Huwa fatt li l-bniedem huwa annimal soċjali, għalhekk, il-konnessjonijiet soċjali ta’ kwalità għolja huma essenzjali għas-saħħa mentali u fiżika tagħna, u l-benesseri ħolistiku tagħna. Iżda meta dawn il-kuntatti soċjali jsiru limitati jew ma jkunux jistgħu jeżistu, dan iwassal għas-solitudni u li tħossok imwarrab.

Għalhekk, għal snin sħaħ, is-solitudni ilha bil-mod tieħu f’idejha l-ħajjiet ta’ ħafna, b’kull sena li tgħaddi żżid aktar u aktar vittmi taħt idejha.

Skont l-Organizzazzjoni Dinjija tas-Saħħa, is-solitudni u l-iżolament soċjali huma mifruxa, b’madwar 1 minn kull 4 persuni anzjani jesperjenzaw iżolament soċjali u bejn 5 u 15 fil-mija tal-adolexxenti jesperjenzaw solitudni.

Ir-riċerka turi li l-iżolament soċjali u s-solitudni għandhom impatt serju fuq is-saħħa fiżika u mentali, il-kwalità tal-ħajja, u l-għomor twil. L-effett tal-iżolament soċjali u s-solitudni fuq il-mortalità huwa komparabbli ma’ dak ta’ fatturi ta’ riskju oħra stabbiliti sew bħat-tipjip, l-obeżità, u n-nuqqas ta’ attività fiżika.

Għaliex in-nies qed iħossuhom aktar waħedhom?

Jista’ jkun hemm ħafna raġunijiet għas-solitudni minbarra l-impatt tat-teknoloġija kif imsemmi hawn fuq, bħat-telfien ta’ xi ħadd maħbub, nuqqas ta’ konnessjonijiet sinifikanti, jew tħossok li ma tintegrax ma’ dawk ta’ madwarek.

Irridu nammettu li d-diġitalizzazzjoni tad-dinja tagħna għamlet din il-problema ferm akbar meta kollox huwa faċilment disponibbli għalina, hemm ħafna inqas bżonn li noħorġu u nissoċjalizzaw. Nistgħu nordnaw kollox mid-dar bħall-ikel, il-bżonnijiet ta’ kuljum, ħwejjeġ u żraben, u kulma nixtiequ. Anke hemm il-possibbiltà ta’ remote working fejn nistgħu naħdmu mid-dar.

Barra minn hekk, jista’ jkun hemm raġunijiet differenti għal nies ta’ età differenti, pereżempju, ir-raġunijiet tal-anzjani jistgħu jkunu differenti minn taż-żgħażagħ. L-anzjani jħossu s-solitudni minħabba l-fatt li huma jgħixu fid-djar tal-anzjani jew it-tfal tagħhom huma okkupati b’ħajjithom u m’hemm ħadd li jżurhom kuljum. Min-naħa l-oħra, iż-żgħażagħ xi drabi jħossuhom waħedhom minħabba l-peer pressure, il-bullying fl-iskejjel jew fil-postijiet tax-xogħol, eċċ.

Naħseb ilkoll kemm aħna ħassejna s-solitudni f’xi punt ta’ ħajjitna. Is-sentimenti li m’hemm ħadd li jappoġġjana, jgħinna jew jiggwidana; jew li aħna kompletament u totalment waħedna.

Il-katalisti tal-bidla

Nixtieq ngħid li huwa wkoll id-dmir tas-soċjetà li għandna nkunu konsiderevoli, konxji, attenti, nuru mħabba u kompassjoni. Dawk li jħossuhom waħedhom iħossuhom hekk mhux biss minħabba fihom stess, iżda wkoll minħabba li s-soċjetà biddlet il-prijoritajiet tagħha.

Naħseb li abbandunajna jew qed nabbandunaw malajr il-valuri tas-soċjetà, tal-komunità u tal-familja. Iktar ma ngħixu bħala familja, id-dinja taffaċċja inqas problemi ta’ solitudni.

Ejjew inkunu aħna l-aktar konxji tal-bżonnijiet tal-lum, u nkunu l-katalisti tal-bidla; tassew, inkunu l-bidla aħna stess biex nagħmlu l-ħajja ta’ xulxin aħjar, pjaċevoli u dinjituża.

Posted in Ahmadiyya, Ahmadiyya Malta, Ahmadiyya: The True Islam, Article, www.Ahmadiyya.mt | Tagged Every Rose has its Thorn!, Fighting Loneliness, Il-katalisti tal-bidla, Is-Solitudni, isolation, Kull warda fiha x-xewk!, Loneliness, Solitude, X’inhi s-solitudni? | Leave a comment

Euthanasia and the Sanctity and Dignity of Human Life

Posted on May 20, 2025 by Laiq Ahmed Atif

Posted in Ahmadiyya, Ahmadiyya Malta, Interviews, TV interviews | Tagged Ahmadiyya, Ahmadiyya Malta, Euthanasia, Euthanasia and Islam, Euthanasia and suffering, F Living, F Living Show, F Living TV, Id-Dinjità Umana, Imam, Imam Atif, Imam Laiq Ahmed Atif, Islam, l-ewtanasja, Laiq Ahmed Atif, Malta, Qdusija tal-ħajja, Quran, Sanctity of human life | Leave a comment

The World Stands on the Brink of Destruction and the Road to Peace

Posted on May 18, 2025 by Laiq Ahmed Atif

ID-DINJA TINSAB FUQ XIFER IL-QERDA U T-TRIQ LEJN IL-PAĊI!

It-Torċa, 18.05.2025 | Imam Laiq Ahmed Atif – WhatsApp+356 79 655 255

Fl-aħħar jiem, it-tensjoni dejjem tikber bejn iż-żewġ potenzi nukleari tad-dinja, l-Indja u l-Pakistan, kienet tabilħaqq kwistjoni ta’ tħassib għad-dinja kollha. Is-sitwazzjoni kienet tassew inkwetanti. Iż-żewġ pajjiżi, minflok ma mxew lejn it-tnaqqis tat-tensjoni u wrew trażżin, kienu involuti f’azzjonijiet militari.

Xi kliem ta’ gwida

Naħseb li, il-kliem ewlieni li għandu dejjem ikun prinċipju gwida f’sitwazzjonijiet bħal dawn huwa paċenzja, trażżin, għerf, għaqal, dehen, raġunament, rikonċiljazzjoni u paċi.

Jien inkwetat ħafna dwar il-fatt li hemm tant gwerer u kunflitti fid-dinja li qed jikkawżaw it-telf ta’ mijiet ta’ ħajjiet umani innoċenti, ħsara lill-infrastruttura u l-ekonomija nazzjonali, u jdgħajfu l-paċi u l-prosperità tal-umanità.

Atti kontra d-dinjità tal-bniedem

Il-gwerra bejn ir-Russja u l-Ukrajna, l-aggressjoni Iżraeljana f’Gaża, il-kunflitt Sudaniż, biex insemmi biss ftit, huma kollha aspetti inkwetanti għall-umanità kollha, fejn intilfu għadd kbir ta’ ħajjiet innoċenti u jidher li m’hemm l-ebda tmiem għal dan.

X’inhu l-benefiċċju tat-tixrid tad-demm innoċenti ta’ bnedmin sħabhom? Dan mhux kontra d-dinjità tal-bniedem?

Xi tfisser l-umanità?

Bl-Għarbi, persuna tissejjaħ ‘insan’, li jfisser li fin-natura tal-bniedem, hemm żewġ imħabbiet, jiġifieri, l-imħabba ta’ Alla, l-Aktar Grazzjuż, u l-imħabba tal-umanità. Dan in-nom ifisser tnejn, kif ngħidu bil-Malti ‘l-għadd imtenni’ li jfisser li dawn iż-żewġ elementi jew żewġ imħabbiet dejjem jindikaw dawn iż-żewġ attributi fin-natura tal-bniedem.

Fil-qosor dan ifisser li n-natura umana hija mogħnija b’żewġ tipi ta’ mħabbiet. U sakemm dawn iż-żewġ imħabbiet ma jilħqux il-quċċata tagħhom, persuna ma tistax verament tissejjaħ bniedem.

Għatxan għad-demm ta’ bnedmin

L-imħabba għall-Ħallieq hija obbligatorja għall-bniedem minħabba l-barkiet u t-tjubija infiniti Tiegħu fuqna. Li turi gratitudni għall-barkiet, il-grazzji u l-benedizzjonijiet bla għadd tal-Ħallieq huwa att ta’ korteżija. Iżda Alla li Jista’ Kollox poġġieha wkoll fin-natura umana li tħobb lil ħaddieħor.

Alla ħalaq ukoll imħabba għall-ħolqien u l-umanità fil-bniedem sabiex, filwaqt li jista’ jtejjeb il-kundizzjoni spiritwali tiegħu billi jesprimi mħabba għal Alla li Jista’ Kollox, jista’ wkoll itejjeb il-ħajja soċjali tiegħu, il-virtujiet, il-morali u l-valuri tiegħu billi jħobb u jaqdi l-ħolqien ta’ Alla, u l-umanità skont l-abbiltajiet u l-kapaċitajiet tiegħu.

Billi nżommu f’moħħna t-tifsira msemmija hawn fuq li tkun bniedem, kif jista’ wieħed isir għatxan għad-demm ta’ bnedmin oħra? Dak l-istatus huwa ċaħda tal-attributi umani, u dan huwa kontra d-dinjità tal-bniedem.

L-imħabba għall-Ħallieq u l-ħolqien: L-unika triq għall-paċi

Għalhekk, wasal iż-żmien li nuru l-ogħla standards taż-żewġ imħabbiet—l-imħabba ta’ Alla, u l-imħabba tal-umanità. U dik hija l-unika triq li twassal għal paċi sostenibbli u dejjiema fis-soċjetajiet tagħna u tabilħaqq fid-dinja kollha.

Għalhekk, minħabba din ix-xewqa profonda u sinċiera li d-dinja timtela bl-imħabba, bl-għożża, u bil-ħbiberija, u biex tikber l-imħabba ta’ Alla fil-qlub tal-bnedmin ħalli jerġgħu jitgħallmu mill-ġdid it-toroq li jwasslu għall-paċi u jevitaw id-distruzzjoni, il-Komunità Ahmadiyya Musulmana dejjem taħdem bil-ħerqa għall-ġid komuni.

Aħna nemmnu u nispjegaw il-fehma tagħna li hemm mod wieħed biss li jista’ jsalva lid-dinja mill-qerda u l-ħerba li riesqa lejhom, u dan huwa li lkoll kemm aħna rridu nistinkaw biex inxerrdu l-imħabba, l-affezzjoni, u sens ta’ komunità.

Aktar importanti minn hekk, id-dinja għandha bżonn tagħraf il-Ħallieq tagħha, li huwa Alla l-Waħdieni. Huwa dan l-għarfien tal-Ħallieq li jwassalna għall-imħabba u l-mogħdrija lejn il-Ħolqien Tiegħu, u meta dan isir parti mill-karattru tagħna, inkunu wasalna fi stat fejn inkunu nistgħu nirċievu l-imħabba tiegħu, li żgur se twassalna għall-paċi dejjiema u sostenibbli.

Id-dinja tinsab fuq xifer il-qerda

Il-Kap tal-Komunità Ahmadiyya Musulmana, Ħażrat Mirża Masroor Aħmad, ħeġġeġ talb kontinwu għall-paċi globali, partikolarment rigward is-sitwazzjoni tensa bejn ċerti pajjiżi, appoġġja d-diplomazija fuq il-kunflitt, enfasizza t-tbatija tal-innoċenti fil-gwerra, esprima tħassib serju dwar id-dinja li tinsab fuq xifer ta’ kunflitt mifrux.

Huwa enfasizza li, meta sseħħ gwerra, iż-żewġ naħat isofru telf. Barra minn hekk, mhux biss is-suldati, iżda ċ-ċivili u l-vulnerabbli li jinqatlu bla sens. Dan huwa preċiżament dak li naraw fil-gwerer tal-lum; dan qed jiġri kullimkien. Fi kwalunkwe każ, itolbu għall-popli oppressi kollha madwar id-dinja.

Filwaqt li ħeġġeġ għal sforzi kontinwi għall-bini tal-paċi, huwa enfasizza wkoll l-importanza tat-talb u qal: “Komplu itolbu għall-istat ġenerali tad-dinja, kif insemmi b’mod konsistenti. Itolbu speċjalment għas-sitwazzjoni attwali li qed tiddomina bejn il-Pakistan u l-Indja. Jalla Alla li Jista’ Kollox iġib tmiem għall-oppressjoni, jipproteġi lill-magħkusin, u jagħti l-għerf lill-gvernijiet, sabiex minflok ma javvanzaw lejn il-gwerra, isolvu l-kwistjonijiet permezz tal-paċi u r-rikonċiljazzjoni, u jkunu parteċipi fi ftehimiet internazzjonali.”

Waqt li spjega s-sitwazzjoni fraġli tad-dinja, il-Qdusija Tiegħu qal: “Jidher li d-dinja tinsab fuq xifer il-qerda. Jalla Alla li Jista’ Kollox biss isalvaha minn katastrofi. Dan jista’ jiġri biss jekk in-nies jersqu lejn Alla li Jista’ Kollox. Jalla Alla li Jista’ Kollox jagħtihom il-ħila għal dan, u jalla jagħtina wkoll il-ħila għat-talb.” Ammen.

Posted in Ahmadiyya Malta, Ahmadiyya: The True Islam, Article, Peace, www.Ahmadiyya.mt | Tagged Ahmadiyya Malta, Brink of destruction, Harmony, Islam, Love of God, Love of Humanity, Malta, Maltese, Muslim, Peace, Quran, Reconciliation, The road to peace, War, Xi tfisser l-umanità?, xifer il-qerda | Leave a comment

Euthanasia and the Sanctity of Human Life

Posted on May 18, 2025 by Laiq Ahmed Atif

L-Ewtanasja Assistita…

“L-Iżlam ma jaqbilx… għax japprezza l-qdusija tal-ħajja fuq kollox” – Imam Laiq Ahmed Atif, President ta’ Ahmadiyya Muslim Jamaat

It-Torċa, 18.05.2025 | Carmen Cachia

“L-ewwel nett, l-Iżlam ma jaqbilx mal-kunċett tal-ewtanasja. Dan għax l-Iżlam japprezza l-qdusija tal-ħajja fuq kollox. L-Iżam japprezza tassew id-dinjità u l-qdusija tal-ħajja. Barra minn hekk Alla jgħid fil-Koran Imqaddes (10:57) li: Alla jagħti l-ħajja u Alla jagħti l-mewt u għandu nerġgħu lura. Għalhekk, ħadd ma għandu dritt li jieħu l-ħajja ta’ xi ħadd, għal kwalunkwe raġuni.

Iva, nifhmu l-argument tat-tbatija u l-uġigħ tal-bniedem imma hemm ukoll Alla li jagħtina l-aħbar it-tajba. L-ewwel Alla ma jpoġġix piż iktar milli tiflaħ u t-tieni l-Qaddis Profeta Muħammad, is-sliem għalih, kien qal li meta l-bniedem jgħaddi minn xi tbatija, sofferenza u wġigħ, Alla jaħfer id-dnubijiet tiegħu u jippremjah b’mod diferenti biex l-ispirtu, li huwa r-ruħ tal-bniedem, ikun mill-aħjar.

Jekk se nibdew xi ħaġa, allura fejn se nispiċċaw? Dan il-ftuħ tat-tieqa se jikkonverti fl-bieb u mbagħad fl-bieb beraħ. Il-Qaddis Profeta Muħammad, is-sliem għalih, qal li, ‘ebda fdil ma jkun milqut minn xi ħsara u wġigħ ħlief li Alla se jneħħi dnubietu hekk kif il-weraq tas-siġra jaqgħu’. Jiġiferi, l-ebda fidil ma jkun milqut minn xi ħsara matul iż-żminijiet ta’ tbatija peress li huma ppremjati meta jibqgħu sodi u Alla jaħfrilhom dnubiethom.

“Jekk se nibdew xi ħaġa, allura fejn se nispiċċaw? Dan il-ftuħ tat-tieqa se jikkonverti fl-bieb u mbagħad fl-bieb beraħ.” — Imam Laiq Ahmed Atif

Barra minn hekk, jekk ma jkunx hemm tbatija, kif nistgħu nifhmu l-filosofija u l-importanza tal-kuntentizza u l-hena? Jekk ma jkunx hemm dlam, kif nistgħu nifhmu x’inhu d-dawl? Iljieli mudlama, jagħtuna l-fehim tal-jiem imdawlin.

It-tbatija hija importanti għax tgħallimna l-virtujiet u l-valuri bhall-ħniena, il-kompassjoni, l-imħabba u l-mogħdrija lejn ix-xulxin. Għalhekk, minflokk li neħħu l-ħajja, għandna nitgħallmu kif nistgħu nsiru ġentili u ħanina.”

Posted in Article, Interviews | Tagged Malta | Leave a comment

The moral compass in times of spiritual and moral blindness

Posted on May 11, 2025 by Laiq Ahmed Atif

Photo: Shutterestock

Il-kumpass morali fi żminijiet ta’ għama spiritwali u morali

It-Torċa, 11.05.2025 | IMAM Laiq Ahmed Atif – WhatsApp: +35679655255

Fid-dinja tal-lum hemm diversi kwistjonijiet ewlenin li qed tiffaċċja d-dinja inklużi l-perikli tal-materjaliżmu, il-midja soċjali, u l-kilba għall-flus. Huwa minnu li f’din l-era moderna seħħew ħafna l-avvanzi teknoloġiċi, partikolarment fil-qasam tal-komunikazzjoni tal-massa.

Qed ngħixu fi żmien ta’ materjaliżmu u mondanità li dejjem jiżdiedu fejn, minkejja li l-bnedmin huma intelliġenti u minkejja li għandhom għajnejn biex jaraw bihom, ħafna nies qed jgħixu ħajja ta’ għama spiritwali u morali fejn iqisu kull ħaġa li tleqq jew tidher sabiħa bħala magħmula mid-deheb.

Mhux kulma jleqq huwa deheb

Iżda, għandna nifhmu b’mod tajjeb li, mhux kulma jleqq huwa deheb; mhux kulma naraw madwarna huwa tajjeb. Għandna nifhmu wkoll li mhux kulma toffri d-dinja moderna huwa tajjeb fiżikament, moralment, soċjalment u spiritwalment.

Il-bniedem tal-lum għandu ħafna responsabbiltà fuq spallejh biex jieħu kull pass b’mod attent u jiżen kollox b’mod tajjeb qabel jaċċettah.

Huwa fatt li l-lussu kollu li naraw xi kultant jaffaxxina l-persuna, iżda dawk li verament jemmnu f’Alla huma mistennija li jaħsbu jekk dawk l-affarijiet jeħduhomx ’il bogħod mill-Mulej jew iressquhomx lejn il-Mulej!

Għax, għall-fidil veru, il-ħajja ’l bogħod minn Alla hija bħall-ħajja tal-ħut mingħajr l-ilma. Kif il-ħut ma jistax jibqa’ ħaj mingħajr l-ilma, il-fidil veru ma jistax jgħix mingħajr Alla l-Ħanin.

Falliment morali

Sfortunatament, jidher li s-sbuħija materjalistika qed tirbaħ ammont konsiderevoli ta’ qlub in-nies. Id-dinja se tkun imġiegħla tammetti li l-għana tad-dinja ħalla lil ħafna nies spiritwalment bla flus u moralment falluti. Il-mistoqsija hi li, din hija l-ħajja li aħna mistennija li ngħixu mill-Ħallieq tagħna jew jeżisti xi kumpass morali u spiritwali għalina?

Nemmen li huwa l-kuntrarju mill-attributi tal-Mulej li jħalli l-bnedmin tiegħu mingħajr xi skop ta’ ħajjithom, u mingħajr il-gwida morali u spiritwali. Kif jista’ jkun li l-Mulej li ħalaq ħafna barkiet għalina qabel it-twelid tagħna, bħax-xemx, l-ikel, l-ilma, l-ossiġnu, eċċetra, ma jiħux ħsiebna wara t-twelid tagħna fid-dinja?

Mingħajr l-iċken dubju, Alla dejjem ħa ħsieb lill-umanità tiegħu u wrieha t-triq it-tajba u spjegalha l-virtujiet kollha li huma l-qofol tal-bniedem. Għalhekk, huwa d-dover tal-bniedem li dejjem jgħix ħajja mimlija morali u virtujiet; u qatt ma nitilfu l-kumpass morali.

Definizzjoni tal-morali

L-ewwel u qabel kollox huwa importanti li nifhmu x’inhu l-morali. Dawk l-azzjonijiet umani li jirrigwardjaw lill-bnedmin u jagħmlu parti integrali tal-karattru uman jissejħu morali.

Jiġifieri, it-trattament tajjeb u xieraq tagħna tal-bnedmin l-oħra, u l-azzjonijiet li nwettqu bħala parti mit-tradizzjoni soċjali jew kultura jissejħu morali. Persuna li hija konxja fir-rigward ta’ azzjonijiet bħal dawn tissejjaħ persuna moralment tajba.

L-għemejjel tagħna li noffru lill-Mulej jissejħu spiritwali. Għalhekk l-istati morali u spiritwali huma konnessi mill-qrib. L-unika differenza bejn it-tnejn hija li meta l-attivitajiet tagħna huma marbuta mal-bniedem, jissejħu attivitajiet morali; meta huma diretti lejn Alla, isiru spiritwali. Il-bniedem veru huwa dak li dejjem jieħu ħsieb lill-istat morali u spiritwali tiegħu, għax huma marbuta ma’ xulxin.

L-għemejjel huma ġġudikati bl-intenzjonijiet

Għandna nżommu f’moħħna wkoll li l-intenzjonijiet u l-motivi huma ħafna importanti, kif il-Qaddis Profeta Muħammad, is-sliem għalih, qal: “Tassew l-għemejjel huma ġġudikati bl-intenzjonijiet u għal kulħadd huwa premju, skont l-intenzjoni tiegħu.”

Jiġifieri, meta l-azzjonijiet ikunu motivati bl-intenzjonijiet tajba u l-bniedem jagħmel dak kollu minħabba r-raġuni li hekk il-Mulej jixtieq minna, imbagħad biss jistgħu jkunu morali vera. Mingħajr il-motivazzjoni tagħhom, l-azzjonijiet tagħna huma eżerċizzji materjalistiċi. M’hemmx dubju li anke dawn l-eżerċizzji huma ta’ xi użu.

Imma jekk il-bnedmin ma jaspirawx li jkunu tajbin u perfetti, u jekk l-approvazzjoni ta’ Alla mhix l-għan tagħhom, kif se jiksbu t-twettiq li għalih huma maħluqa u li għalih għandhom naturalment jaspiraw? L-azzjoni u l-isforz mentali u spiritwali jiddependu ħafna fuq motivi tajbin.

Tpoġġi l-ikel f’ħalq martek

Il-Qaddis Profeta Muħammad, is-sliem għalih, spjega dan is-suġġett b’mod meraviljuż u qal li, anke ftit ikel li tpoġġi f’ħalq martek bix-xewqa li taqla’ mertu quddiem Alla huwa att virtuż u morali, u se jġib il-premju tiegħu.

Barra minn hekk, jekk l-imħabba bejn il-koppja hija mmexxija mill-emozzjonijiet tagħhom biss, huwa biss att ta’ mħabba, imma jekk ir-relazzjoni tagħhom hija mmexxija taħt il-kmand divin li Alla kkmandahom juru rispett u mħabba lejn xulxin, allura dan l-att isir att virtuż.

Jiġifieri, dak li nagħmlu bl-intenzjonijiet u l-motivi li nirbħu l-pjaċir ta’ Alla, huwa jsir virtù u morali.

Ir-responsabbiltà morali tagħna

Għalhekk, hija r-responsabbiltà tagħna li ngħixu ħajjitna bil-virtujiet u l-morali skont il-gwida divina, u nsiru konxji u ġenerużi man-nies kollha ta’ madwarna. Għandna dejjem nimxu mal-kumpass morali u mhux sempliċement nimxu wara l-emozzjonijiet tagħna bħal ħlejjaq oħra. Għandna noffru xaqq dawl u tama f’dinja li llum inħakmet minn kull tip ta’ tentazzjonijiet moderni, biex ngħixu l-ħajja ta’ kuljum b’mod tajjeb, ġenwin u b’mod uman.

Posted in Ahmadiyya, Ahmadiyya Malta, Ahmadiyya: The True Islam, Article, www.Ahmadiyya.mt | Tagged Ahmadiyya Malta, Definizzjoni tal-morali, ethics, Falliment morali, għama spiritwali u morali, Il-kumpass morali, Islam, It-Torċa, Laiq Ahmed Atif, Malta, Maltese, Mhux kulma jleqq huwa deheb, Moral, Moral Compass, morality, Quran, Spiritual and moral blindness, Torca, Tpoġġi l-ikel f’ħalq martek, virtues | Leave a comment

Paradise lies under the feet of the mothers

Posted on May 10, 2025 by Laiq Ahmed Atif

Il-ġenna tinsab taħt saqajn l-omm

Meta naħseb dwar l-imħabba tal-omm, insib li l-imħabba ta’ omm hija aktar profonda mill-fond tal-oċean, ogħla mill-għoli tas-smewwiet, u aktar ħelwa mill-għasel. L-omm hija persuna u bniedma bla paragun.

In-Nazzjon, 10.05.2025 | IMAM Laiq Ahmed Atif – amjmalta@gmail.com

L-omm hija persuna u bniedma bla paragun. L-omm huwa l-isem ta’ torri tal-kobor, is-sbuħija, ir-rispett u d-dinjità. Il-pożizzjoni ta’ omm hija kbira ħafna u ħafna. M’hemm l-ebda bniedem ieħor bħall-omm, li hija eżempju eċċellenti ta’ mħabba u kompassjoni.

Meta naħseb dwar l-imħabba tal-omm, insib li l-imħabba ta’ omm hija aktar profonda mill-fond tal-oċean, ogħla mill-għoli tas-smewwiet, u aktar ħelwa mill-għasel.

Il-Qaddis Profeta Muħammad, is-sliem għalih, iddeskriva l-persuna tal-omm b’mod meraviljuż u qal li, “Il-ġenna tagħkom tinsab taħt saqajn ommkom.” Jiġifieri li aħna nistgħu niksbu l-ġenna billi naqdu lil ommijietna u nkunu ġentili u ubbidjenti lejhom. Fil-fatt l-omm hija waħda mill-bibien tal-ġenna.

Żomm ma’ saqajn l-omm

Il-Qaddis Profeta Muħammad, is-sliem għalih, wera l-importanza tal-imħabba tal-omm f’diversi okkażjonijiet. Darba xi ħadd ġie għand il-Qaddis Profeta Muħammad biex jitlob il-permess tiegħu biex imur għall-gwerra kontra l-għadu. Il-Profeta staqsieh jekk ommu kinitx ħajja. Huwa wieġeb fil-pożittiv. Il-Profeta qallu biex jibqa’ ma’ ommu u jaqdiha. Ir-raġel reġa’ staqsa u l-Qaddis Profeta tah l-istess parir. Meta staqsa għat-tielet darba, il-Profeta qallu, “Żomm ma’ saqajha għax hemm tinsab il-ġenna.”

Kemm hu sabiħ! Tabilħaqq l-omm hija persuna li tassew jistħoqqilha t-trattament tagħna ta’ qalb tajba, ġentili, ħanina u b’kompassjoni. Meta nisimgħu l-kliem sabiħ bħal li semmejt hawn fuq, wieħed malajr jista’ jikkonkludi li l-omm hija persuna tal-glorja u ta’ pożizzjoni għolja ħafna; u bla dubju ta’ xejn l-ommijiet huma parti importanti u integrali tas-soċjetà li jridu jiġu moqdija u rispettati ħafna u mingħajr limiti.

Il-premju tat-tieba għaxar darbiet aktar

Għax, ir-rispons tat-tjubija għandu jkun tjubija simili, pjuttost aħjar minn hekk, kif jgħid Alla li Jista’ Kollox fil-Koran Imqaddes li, “Min jagħmel għemil tajjeb ikollu premju aħjar minn hekk” (28:85); “Min jagħmel it-tajjeb ikollu għaxar darbiet aktar” (6:161).

Jiġifieri, għemil tajjeb huwa bħal żerriegħa tajba li tipproduċi prodott għaxar darbiet aktar minnu. Għalhekk, għandna biex inkunu bħaż-żerriegħa tajba u nroddu l-imħabba tal-omm għaxar darbiet aktar minnha; jekk dan mhux possibbli minħabba l-limiti tagħna, għall-inqas għandna nroddu l-istess, u nuru mogħdrija ġenwina lejha u nħobbuha minn qiegħ il-qalb.

L-imħabba u l-ġustizzja

Kull sena f’Mejju niċċelebraw “Jum l-Omm”, li jiġi jfakkarna dwar l-importanza u d-dinjità tal-omm. Meta jibda x-xahar ta’ Mejju, naraw xi ċaqliq fl-iskejjel u fil-ħwienet dwar il-bejgħ ta’ rigali għall-omm.

Meta jasal “Jum l-Omm”, ħafna mit-tfal jagħtu rigal lil ommhom biex jasserixxu l-imħabba tagħhom. L-iskejjel ukoll jenfasizzaw fuq l-imħabba għall-omm u jgħallmu l-istudenti biex ipinġu xi ħaġa, jiktbu xi messaġġ u jixtru xi rigal għal ommhom bħala turija tar-rispett lejhom.

Iżda għandna nżommu quddiem għajnejna li “l-imħabba ta’ ġurnata” mhijiex biżżejjed li tista’ tagħmel ġustizzja mal-maestà tal-omm, il-glorja u l-pożizzjoni tagħha. Għalhekk, għandna nuru l-imħabba lejn ommijietna s-sena kollha.

Photo: Inna Kot | Shutterestock

‘Jum l-Omm’ is-sena kollha

Għandna niċċelebraw “Jum l-Omm” is-sena kollha, 365 ġurnata matul is-sena. Kif diġà ktibt li t-tweġiba tat-tjubija għandha tkun xejn ħlief it-tjubija. Meta konna żgħar kif ommijietna kienu jittrattawna? Kienu jiċċelebraw xi ġurnata partikolari għat-turija tal-imħabba tagħhom għalina?

Din mhix mistoqsija tal-ġurnata, iżda, l-omm tħobb lil uliedha kull mument, 365 ġurnata fis-sena, 24 siegħa kuljum, u 60 sekonda f’kull minuta. Allura, jista’ jum ta’ ċelebrazzjoni ta’ Jum l-Omm jagħmel xi ġustizzja lil dik l-imħabba u l-kompassjoni bla kundizzjonijiet?

Meta nħarsu lejn ir-reliġjonijiet u s-soċjetajiet ċivili, nindunaw li kull waħda minnhom tat importanza kbira għar-rispett lejn l-omm. Alla jgħid fil-Koran Imqaddes:

“L-amar tagħna lill-bniedem huwa li juri tjubija mal-ġenituri tiegħu (għaliex jeħtieġlu jiftakar li) ommu ġġorru (f’ġufha) bi dgħufija fuq dgħufija, u jinfatam fi żmien sentejn. (Mela ftakar u) iżżi ħajr lili u lill-ġenituri tiegħek! (La tinsiex li) lejja t-tmiem.” (31:15)

Dan u l-vers li jmiss jiffurmaw klawsola parentetika u jirreferu għat-tieni l-aktar dmir importanti tal-bniedem, wara d-dmir tiegħu lejn Alla—l-obbligi tiegħu lejn l-umanità, li jibdew bl-obbligi tiegħu lejn il-ġenituri tiegħu. Jingħadlu li jrid ikun tajjeb u ġentili mal-ġenituri tiegħu.

Sidi ħenn għall-ġenituri tagħna

Alla jiggwida lill-bniedem lejn id-dmir tiegħu lejn il-ġenituri tiegħu u jagħti wkoll ir-raġuni għal dan, jiġifieri li l-ġenituri jagħmlu kull xorta ta’ sagrifiċċju għal uliedhom, partikolarment l-omm.

Nixtieq nagħlaq bit-talb li Alla għallimna għall-ġenituri tagħna. Alla jgħid li għandna biex nuru l-ħniena lejn il-ġenituri tagħna u nitolbu għalihom: “Sidi, ħenn għalihom bħalma rabbewni meta kont żgħir.” Ammen.

Nawgura lill-ommijiet kollha ‘Jum l-Omm’ hieni u mbierek.

Posted in Ahmadiyya Malta, Ahmadiyya: The True Islam, Article, www.Ahmadiyya.mt | Tagged Ahmadiyya Malta, art, ‘Jum l-Omm’ is-sena kollha, “Paradise lies under the feet of the mothers.”, Happy Mother's Day, Il-ġenna tinsab taħt saqajn l-omm, In-Nazzjon, Islam, Jum l-Omm, L-OMM, Love, Malta, Mother, Mother's Day, Mothers, Muslim, photography, Quran, Quranic, summer, travel | Leave a comment

Gratitude as a Source of Growth and Blessings

Posted on May 5, 2025 by Laiq Ahmed Atif

Posted in Ahmadiyya, Ahmadiyya Malta, Ahmadiyya: The True Islam, www.Ahmadiyya.mt | Tagged Ahmadiyya Malta, Blessings, Divine Blessings, F Living Show, F Living TV, gratitude, Gratitude as a Source of Growth and Blessings, Imam Atif, Islam, Karl Bonaci, Laiq Ahmed Atif, Malta, Patri Mario Attard, Pope Francis, Quran | Leave a comment

Id-Dawl 87

Posted on May 5, 2025 by Laiq Ahmed Atif

ID-DAWL 87

Id-Dawl 87 Download

Posted in Id-Dawl, Id-Dawl Magazine | Tagged Id-Dawl, Id-Dawl 87, Id-Dawl Magazine, Malta, Maltese | Leave a comment

Faith and Sensitivity: Respecting Religious Sentiments

Posted on May 4, 2025 by Laiq Ahmed Atif

FIDI U SENSITTIVITÀ: IR-RISPETT GĦAS-SENTIMENTI RELIĠJUŻI

Fid-dinja li saret bħal raħal globali ma nistgħux niżirgħu ż-żerriegħa tal-paċi mingħajr ma niżirgħu ż-żerriegħa tar-rispett reċiproku bejnietna. Barra minn hekk, huwa importanti wkoll li nuru rispett għas-sentimenti reliġjużi ta’ xulxin. Dan is-sens ta’ rispett reċiproku se jistabbilixxi l-pedament għall-fratellanza universali, l-armonija, it-tolleranza u l-paċi, xi ħaġa li qed tisparixxi malajr mid-dinja.

It-Torċa, 04.05.2012 | Imam Laiq Ahmed Atif – amjmalta@gmail.com

F’dan iż-żmien meta d-dinja litteralment saret bħal raħal globali b’mod li ma setax jiġi immaġinat qabel, irridu nirrealizzaw ir-responsabbiltajiet tagħna bħala bnedmin u għandna nippruvaw nagħtu kas lit-tixrid tal-paċi, l-imħabba u l-fratellanza fost xulxin. Barra minn hekk, huwa importanti wkoll li nuru rispett għas-sentimenti reliġjużi ta’ xulxin.

Meta xi ħadd iweġġa’ s-sentimenti ta’ ħaddieħor billi jgħid kliem bla rispett kontra r-reliġjon tiegħu jew kontra l-personaġġi qaddisin tiegħu, dan iwassal għall-ħolqien ta’ tensjonijiet u kunflitti bejn in-nies. Dan id-diskors ma jibbenefika lill-umanità bl-ebda mod. X’jista’ jkun il-benefiċċju li tweġġa’ sensittivitajiet ta’ ħaddieħor li jżidu biss il-mibegħda u n-nuqqas ta’ rispett bejn in-nies?

Niżirgħu ż-żerriegħa tal-paċi

Għalhekk irridu nifhmu li ma nistgħux niżirgħu ż-żerriegħa tal-paċi mingħajr ma niżirgħu ż-żerriegħa tar-rispett reċiproku bejnietna. Flimkien, ejjew nibnu l-ambjent reċiproku biex dejjem nuru rispett għal xulxin, għar-reliġjonijiet ta’ xulxin kif ukoll għall-personaġġi qaddisin, il-messaġġiera ta’ Alla u għall-Fundaturi tar-reliġjonijiet kollha.

Il-Koran Imqaddes jiddikjara li Alla bagħat il-Messaġġiera Tiegħu lil kull nazzjon biex jurihom it-triq it-tajba — it-triq li twassal Għandu. Barra minn hekk, il-Koran Imqaddes jiddikjara l-pjetà u l-verità ta’ kull profeta. Il-Koran Imqaddes jgħid:

“Lil kull ġens (intbagħat) Messaġġier, u meta jiġi l-Messaġġier tagħhom, isir ħaqq minnhom kif jixraq, u ma jiġux trattati ħażin.” (10:48)

“M’hemmx poplu (fid-dinja) li għalih ma bgħatniex il-Widdieb.” (35:25)

Fid-dawl ta’ dawn il-versi mill-Koran Imqaddes, huwa ċar li l-Iżlam jiddikjara u jenfasizza kategorikament li matul l-istorja tal-bniedem, f’kull żmien u f’kull parti tad-dinja, Alla kien qed jieħu ħsieb il-bżonnijiet reliġjużi u spiritwali tal-bnedmin billi bagħat il-messaġġiera tiegħu biex iwasslu l-messaġġ divin lill-poplu rispettiv tagħhom.

Il-pedament għall-fratellanza universali

Dan is-sens ta’ rispett u unur reċiproku għall-messaġġiera u l-Fundaturi kollha tar-reliġjonijiet tad-dinja jistabbilixxi l-pedament għall-fratellanza universali, l-armonija, it-tolleranza u l-paċi, xi ħaġa li qed tisparixxi malajr mid-dinja.

Bħala Musulmani, aħna nirrispettaw u nonoraw il-profeti u l-messaġġiera kollha (il-paċi tkun fuqhom ilkoll). Aħna nemmnu li huma kollha l-messaġġiera mibgħuta minn Alla li Jista’ Kollox u ma ngħidu xejn ta’ tmaqdir kontrihom.

Alla li Jista’ Kollox jibgħat il-messaġġiera Tiegħu lin-nies sabiex ikunu jistgħu juruhom il-modi li jressqu lin-nies eqreb lejn Alla u eqreb lejn l-umanità. Meta naqraw it-tagħlim tar-reliġjonijiet ewlenin tad-dinja nsibu li l-objettivi ewlenin ta’ kull reliġjon dejjem kienu li jressqu lin-nies eqreb lejn Alla u li jistabbilixxu valuri umani.

L-ebda fundatur ta’ xi reliġjon ma għallem lid-dixxipli tiegħu biex jiċħdu d-drittijiet ta’ ħaddieħor jew biex jaġixxu b’mod krudili lejn bnedmin oħra.

Ir-rispett lejn il-profeti u l-messaġġiera

L-Iżlam jgħallimna nuru rispett inkondizzjonat lejn il-profeti u l-messaġġiera kollha ta’ Alla, jagħmilha imperattiv fuq il-Musulmani biex jemmnu fil-profeti u l-messaġġiera kollha li ġew imsemmija fil-Bibbja Mqaddsa jew fil-Koran Imqaddes, u biex ma jagħmlu l-ebda distinzjoni bejn il-messaġġiera ta’ Alla.

“Il-Mibgħut emmen f’dak li tniżżel lilu minn Sidu, u (hekk ukoll) dawk li jemmnu. Kollha emmnu f’Alla, fl-anġli tiegħu, fil-kotba tiegħu, u fil-Messaġġiera tiegħu. Huma jgħidu: ‘Ma nagħmlu distinzjoni bejn ħadd mill-Mibgħutin tiegħu.’”(Koran, 2:286)

Noħolqu atmosfera ta’ mħabba u affezzjoni

Għalhekk, sabiex tinżamm il-paċi fis-soċjetà, huwa meħtieġ li kulħadd jelimina s-sentimenti kollha ta’ ostilità minn qalbu u jżid il-livelli ta’ tolleranza tiegħu. Hemm bżonn li niddefendu r-rispett u r-riverenza tal-Profeti ta’ xulxin.

Jekk nanalizzaw is-sitwazzjoni internazzjonali attwali, nirrealizzaw li d-dinja għaddejja minn żminijiet ta’ inċertezza u taqlib kbir. Dan jirrikjedi li noħolqu atmosfera ta’ mħabba u affezzjoni sabiex inkunu nistgħu nneħħu t-tensjoni u l-biża’, inwasslu messaġġ ta’ mħabba u paċi lil dawk kollha ta’ madwarna, nitgħallmu ngħixu f’armonija ferm akbar minn qatt qabel u għalhekk noħolqu ħajja aħjar u nsiru nafu l-valuri veri tal-umanità.

Nibnu soċjetajiet armonjużi u koeżivi

Tabilħaqq, ir-rispett huwa prinċipju ewlieni biex nibnu soċjetajiet armonjużi u koeżivi. Għalhekk, ejjew ilkoll nibnu dinja ġdida, dinja li tieħu ħsieb u tħobb, billi niżirgħu ż-żerriegħa tal-paċi u l-armonija permezz ta’ mħabba u rispett reċiproku.

Huwa t-talba ferventi tiegħi li aħna kollha nifhmu r-responsabbiltajiet tagħna u flimkien naqdu r-rwoli effettivi tagħna fit-tixrid tal-paċi, l-imħabba, il-fratellanza u r-rispett fost in-nies kollha u biex insaħħu r-relazzjoni tagħna mal-Ħallieq tagħna. Ammen.

Posted in Ahmadiyya Malta, Ahmadiyya: The True Islam, Article, www.Ahmadiyya.mt | Tagged Faith and Sensitivity, Global Village, Harmony, Il-pedament għall-fratellanza universali, Interfaith harmony, Ir-rispett lejn il-profeti u l-messaġġiera, Islam, It-Torċa, Koran, Love For All Hatred For None, Malta, Maltese, Mutual Respect, Nibnu soċjetajiet armonjużi, Niżirgħu ż-żerriegħa tal-paċi, Peace, Quran, religious peace, Respect, Respecting religious sentiments, The Seeds of Peace, Torca | Leave a comment

Pope Francis’s enduring legacy in interfaith dialogue

Posted on May 3, 2025 by Laiq Ahmed Atif

IMAM Laiq Ahmed Atif, President Ahmadiyya Muslim Jamaat Malta – Mob: +356 79 655 255 – amjmalta@gmail.com

I truly believe that religion is one of the greatest instruments of change and prosperity. When studying religions more profoundly, we find that their teachings fall under two main categories: the rights we owe to our Lord, the Creator, and the rights we owe to our fellow human beings.

In other words, we are expected to deepen our understanding of God and show deep humility and love for Him, while also increasing our compassion for humanity and working tirelessly to serve others in the best manner possible.

However, both of these objectives cannot be achieved affectively if there are divisions and conflicts among religions. Therefore, to fully achieve these objectives and bring hope and peace to the world, there is only one path: the path of unity, harmony, cohesion, understanding, dialogue and cooperation among all major religions.

Keeping the above in view, we find that Pope Francis has left a profound legacy in fostering interfaith understanding and interreligious dialogue, particularly between Christians and Muslims.

From the very beginning of his papacy in 2013, Pope Francis underlined a message of peace and inclusivity; and he was very eager to engage in interfaith dialogue and interreligious peace building. Furthermore, the title of his book “Fratelli Tutti” (we all are brothers) is in itself a manifestation of his openness towards dialogue and respect.

On 6 June 2015, while addressing an interreligious gathering in Bosnia and Herzegovina, he appreciated the work of a local Council for Interreligious Dialogue, which brings together Muslims, Christians and Jews. On this occasion while highlighting the dire need of interfaith dialogue he said, “Interreligious dialogue here, as in every part of the world, is an indispensible condition for peace, and for this reason is a duty for all believers.” ^[1]

Throughout his papacy, Pope Francis visited many Muslim majority countries like, Turkey, Morocco, Egypt and Iraq, reinforcing his desire of interreligious unity between Christians and Muslims. His historic trip to Abu Dhabi in 2019, where he signed the ‘Human Fraternity Document’ along with the Grand Imam of Egypt’s Al-Azhar Mosque, Sheikh Ahmed El-Tayeb, was a powerful gesture of unity and brotherhood. ^[2]

He demonstrated a deep understanding of interfaith dialogue and had meaningful conversations about Islam, which fostered respect and appreciation for the core principles of Islam.

On 28 October 2015, in Saint Peter’s Square, on the 50th anniversary of the declaration Nostra Aetate in relationship to other religions, while addressing Muslims, Pope Francis stated: “I am thinking in particular of Muslims, who —as the Council recalls— worship God, who is one, living and subsistent, merciful and almighty, the Creator of heaven and earth, who has also spoken to men. (Nostra Aetate, n. 3). They acknowledge Abraham’s paternity, venerate Jesus as a prophet, honour his virgin Mother, Mary, await the Day of Judgment, and practice prayer, almsgiving and fasting (cf. ibid.)” ^[3]

This emphasis on shared values is also echoed in Islamic scripture, where unity and cooperation are paramount. Almighty God calls towards the unifying approach in the Holy Quran (3:104) and states that, “And hold fast, all together, by the rope of God and be not divided.”

Furthermore, in chapter 3, verse 65 of the Holy Quran, Almighty God invites the Abrahamic religions towards the ‘love and worship of God’, a common fundamental doctrine that can serve as a unifying factor between them. Indeed, it is a milestone for further cooperation and joining hands for the wellbeing and prosperity of the entire humanity—the second core objective of all world religions.

Indeed, unity is strength. United we stand, divided we fall. Therefore, let us strengthen our efforts in interfaith harmony and deepen the bonds of love, kindness, understanding and mutual respect. Despite the present global political and economic challenges, we must rise to the occasion; heal our fractured world, and work together to build a peaceful, harmonious, and prosperous future through interreligious dialogue and understanding.

Posted in Ahmadiyya Malta, Article | Tagged Ahmadiyya Malta, Laiq Ahmed Atif, Malta, Pope | Leave a comment

Pope Francis: A humble and simple pope

Posted on April 27, 2025 by Laiq Ahmed Atif

Photo by Ashwin Vaswani on Unsplash

Papa Franġisku: Il-bniedem umli u sempliċi

Il-Mument, 27.04.2025 | Imam Laiq Ahmed Atif – amjmalta@gmail.com

Il-mewt hija forsi l-aktar fenomenu ċert fin-natura u hija parti integrali mill-ħajja. Il-ħajja tal-bniedem, bħall-ħajja ta’ ħlejjaq oħra, hija limitata fuq din l-art u kulħadd irid iħalli din id-dinja xi darba biex jingħaqad mal-ħajja l-oħra. Ġenerazzjonijiet qodma jgħaddu u ġenerazzjonijiet ġodda jieħdu posthom, għalhekk din is-sistema naturali għadha għaddejja mill-bidu nett tal-ħajja umana fuq din il-pjaneta.

Il-mewt hija realtà vera daqs il-ħajja fuq din il-pjaneta. Ġurnata jew oħra, kull ruħ għandha t-togħma tal-mewt. Il-mewt hija realtà innegabbli, u ma teħlisha lil ħadd u ma tafx konfini. Alla jgħid fil-Koran Imqaddes, “Kull ruħ idduq il-mewt, imbagħad lejna titreġġgħu lura.” (29:58)

Ir-ritorn lejn il-Mulej

Kull meta tmut xi persuna, aħna ġejna mgħallma fil-Koran Imqaddes kif għandna nirrispondu għal kwalunkwe aħbar bħal din, billi ngħidu: “Aħna tabilħaqq ta’ Alla, u aħna lejh nerġgħu lura.” (2:157)

Jiġifieri, kull bniedem għandu jitlaq minn din id-dinja f’xi mument fil-ħajja tiegħu u r-ritorn finali huwa lejn il-Mulej tagħna.

Meta persuna tmut tħalli lill-maħbubin tagħha mnikktin għal ġranet sħaħ, iżda hi tibda l-vjaġġ tagħha għal ħajja oħra. Huwa minnu li l-mewt tifred fiżikament lill-persuna mill-familja tagħha, għeżież u maħbubin, iżda dawn jgħixu fil-qlub tal-maħbubin tagħhom u l-wirt tagħhom jipprova l-eżistenza tagħhom fin-nies.

Il-mewt tal-Papa Franġisku

L-aħbar tal-mewt tal-Papa Franġisku nxterdet daqshekk malajr madwar id-dinja kollha, u kulħadd beda jitkellem dwaru; u fi ftit minuti n-nies bdew jiktbu l-messaġġi tagħhom ta’ kondoljanzi.

F’isem il-Komunità Ahmadiyya Musulmana Malta, esprimejt il-kondoljanzi tagħna lill-Knisja Kattolika u lill-membri tagħha f’Malta u madwar id-dinja għall-mewt tal-Qdusija Tiegħu l-Papa Franġisku, li ddedika ħajtu għas-servizz tal-paċi, id-dinjità umana, il-kompassjoni, u t-tama.

Il-Kap Dinji tal-Komunità Ahmadiyya Musulmana, il-Qdusija Tiegħu Ħażrat Mirża Masroor Aħmad, esprima wkoll il-kondoljanzi tiegħu lill-Knisja Kattolika u lill-membri tagħha madwar id-dinja f’isem il-Komunità Ahmadiyya Musulmana internazzjonali. Il-Qdusija Tiegħu qal:

“Kont imdejjaq ħafna meta tgħallimt bil-mewt tal-Qdusija Tiegħu l-Papa Franġisku. Tul ħajtu, il-Papa Franġisku fittex li jaqdi lill-foqra u ’l-vulnerabbli, u wera simpatija immensa għal dawk li qed ibatu taħt il-piż kbir tal-gwerer, il-persekuzzjoni, u l-inġustizzja. Kien bniedem ta’ kompassjoni, umiltà u fidi li stinka biex jibni pontijiet ta’ ideat differenti bejn nies u twemmin.

Waqt il-Papat tiegħu, il-Papa Franġisku rċieva rappreżentanti tal-Komunità Ahmadiyya Musulmana b’ħeġġa u grazzja fil-Vatikan, li għaliha aħna dejjem inkunu grati. F’isem il-Komunità Ahmadiyya Musulmana, inwassal il-kondoljanzi sinċieri tagħna lill-Knisja Kattolika u lill-membri tagħha madwar id-dinja.”

Bniedem umli

Il-Papa Franġisku kien bniedem umli ħafna li għex ħajtu għall-paċi, l-imħabba, id-dinjità umana u għat-tama. Il-karattru umli u sempliċi tiegħu kien eżempju tajjeb anke għall-mexxejja biex juru umiltà u sempliċità. Matul ħajtu enfasizza ħafna fuq il-paċi u kien dejjem jitkellem dwar il-paċi u l-imħabba kull fejn żar. Tkellem ċar u tond kontra l-gwerer li hawn fid-dinja.

Matul il-papat tiegħu ta’ 12-il sena, Franġisku kien ċampjin vokali tal-foqra u l-marġinalizzati u appella għall-mogħdrija u l-ġenerożità lejn ir-refuġjati u s-sezzjonijiet il-foqra tas-soċjetà. Kien dejjem kritiku tar-regħba korporattiva u l-inugwaljanza soċjali u ekonomika.

Id-djalogu bejn ir-reliġjonijiet

Il-Papa Franġisku kien jemmen fil-libertà reliġjuża u dejjem enfasizza fuq id-drittijiet tal-bniedem u l-libertà reliġjuża.

L-isforzi tiegħu biex jippromwovi d-djalogu bejn ir-reliġjonijiet u l-armonija interreliġjuża huma riflessjoni qawwija tan-natura paċifika, il-ħarsa pożittiva u l-qalb tajba tiegħu.

Il-koperazzjoni għall-paċi mill-Komunità Ahmadiyya

Meta l-Papa Franġisku ġie elett fil-kariga tiegħu fl-2013, il-Kap tal-Komunità Ahmadiyya Musulmana, il-Qdusija Tiegħu Ħażrat Mirża Masroor Aħmad, kiteb ittra biex joffri l-awgurji tiegħu lill-Papa Franġisku u lill-Kattoliċi madwar id-dinja. Hu kiteb li, “Jalla l-ħatra tal-Papa l-ġdid tkun imbierka mhux biss għall-Insara iżda għan-nies kollha madwar id-dinja. Nittama u nitlob li fl-era li ġejja l-Papa juża l-influwenza tiegħu biex jiżviluppa l-paċi u l-armonija fid-dinja.”

Huwa offra wkoll il-koperazzjoni sħiħa tiegħu biex naħdmu flimkien għat-titjib u l-benesseri tal-umanità, u qal: “Fejn jirrigwarda l-Komunità Ahmadiyya Musulmana, aħna dejjem konna fuq quddiem biex nippromwovu l-armonija interreliġjuża u nħabirku għall-paċi. Aħna dejjem nikkoperaw man-nies u l-għaqdiet kollha li jaħdmu għall-paċi u t-tolleranza u nibqgħu nwettqu dan sal-aħħar.”

Fl-għaqda hemm is-saħħa

Nemmen li din hija s-sejħa ta’ żmienna li naħdmu flimkien u nużaw il-kapaċitajiet u l-abbiltajiet tagħna biex inġibu flimkien in-nies tad-dinja lejn il-paċi, ir-rikonċiljazzjoni u l-fehim reċiproku u nistinkaw biex nipprevjenu lid-dinja mill-qerda. Nemmen li s-saħħa tal-umanità hija li tibqa’ magħquda, għax fl-għaqda hemm dejjem is-saħħa, u fejn hemm l-għaqda, hemm paċi, serenità, armonija, fratellanza u prosperità.

Posted in Ahmadiyya, Ahmadiyya Malta, Article | Tagged Ahmadiyya, Ahmadiyya Malta, Article, Bniedem umli, Dialogue, Fl-għaqda hemm is-saħħa, funeral, Holy Prophet Muhammad, Id-djalogu bejn ir-reliġjonijiet, Il-koperazzjoni għall-paċi, Il-mewt tal-Papa Franġisku, Il-Mument, Islam, Malta, Maltese, Muslim, Papa Franġisku, Peace, Pope, Pope Francis, Quran, Quranic, religions | Leave a comment

Our condolences on the death of Pope Francis

Posted on April 27, 2025 by Laiq Ahmed Atif

Photo by Ashwin Vaswani on Unsplash

Il-kondoljanzi tagħna għall-mewt tal-Papa Franġisku

Il-Leħen, 27.04.2025 | Imam Laiq Ahmed Atif – amjmalta@gmail.com

Jiġifieri, kull bniedem għandu jitlaq minn din id-dinja f’xi mument fil-ħajja tiegħu u r-ritorn finali huwa lejn il-Mulej tagħna.

L-aħbar tal-mewt tal-Papa Franġisku nxterdet daqshekk malajr madwar id-dinja kollha, u kulħadd beda jitkellem dwaru; u fi ftit minuti n-nies bdew jiktbu l-messaġġi tagħhom ta’ kondoljanzi.

Il-kondoljanzi

Il-Papa Franġisku kien bniedem umli u sempliċi

Il-Papa Franġisku kien jemmen fil-libertà reliġjuża u dejjem enfasizza fuq id-drittijiet tal-bniedem u l-libertà reliġjuża. L-isforzi tiegħu biex jippromwovi d-djalogu bejn ir-reliġjonijiet u l-armonija interreliġjuża huma riflessjoni qawwija tan-natura paċifika, il-ħarsa pożittiva u l-qalb tajba tiegħu.

Il-koperazzjoni għall-paċi

Posted in Ahmadiyya, Ahmadiyya Malta, Ahmadiyya: The True Islam, www.Ahmadiyya.mt | Tagged Papa Franġisku, Pope Francis | Leave a comment

Why is man not happy and satisfied?

Posted on April 27, 2025 by Laiq Ahmed Atif

Għaliex il-bniedem mhuwiex kuntent u sodisfatt?

It-Torċa, 27.04.2025| Imam Laiq Ahmed Atif – amjmalta@gmail.com

Ir-reliġjon hija t-triq li twassal lill-bniedem lejn il-kuntentizza u s-sodisfazzjon vera. Għalhekk, il-fidil veru dejjem iħoss ferħ meta jissodisfa r-rekwiżiti tar-reliġjon u jobdi l- kmandamenti tagħha b’mod tajjeb u ma jsib l-ebda obbligu tagħha bħala piż. Anzi, jieħu pjaċir u jsir grat lejn il-Mulej li tah l-opportunità biex jipprattika l-kmandamenti tal-fidi kemm jista’.

Il-fidi vera hija fejn il-qima ta’ Alla hija biss sors ta’ ferħ u kuntentizza. Il-fidi vera hija fejn bil-ferħ tagħmel is-sagrifiċċji kollha meħtieġa għall-ġid ta’ Alla, għall-ġid ta’ ħaddieħor u għall-ġid tal-komunità tiegħek. Il-bnedmin li jgħixu ħajjithom b’dan il-mod, ħajjithom issir mimlija kuntentizza vera u jħossu dan kull jum ta’ ħajjithom.

Attrazzjoni tal-materjaliżmu

Iżda, fid-dinja tal-lum naraw li n-nies qed isiru aktar attratti lejn il-mezzi tad-dinja, minflok il-benesseri reliġjuż u spiritwali. Barra minn hekk, f’termini ta’ mezzi tad-dinja, flok bżonnijiet, in-nies qed isiru l-iskjavi tax-xewqat tagħhom. In-nies rari jagħmlu xi differenza bejn “need” u “want”. Kulħadd donnu jixtieq u jiġri wara l-qligħ materjalistiku, u jixtiequ li jkollhom flejjes kbar, anke jekk ma jistgħux igawduhom jew m’għandhomx bżonnhom.

Huwa minnu li, iktar ma jiġi l-ġid, aktar tikber ir-regħba. Ix-xewqa għall-ġid żdiedet tant li l-bniedem jipprova jaqla’ l-ġid akkost ta’ kollox u b’kull mezz. Xi drabi din ir-regħba tiżdied tant li n-nies ma joqogħdux lura milli jadottaw anke mezzi illegali u inġusti biex jaqilgħu l-flus.

Ferħ, prosperità, kuntentizza u moderazzjoni

Minkejja dawn il-ħafna sforzi u l-ġiri kollu, il-bniedem ma jidhirx kuntent u sodisfatt. Għaliex il-bniedem mhuwiex sodisfatt u bla kwiet minkejja l-oġġetti, il-kumdità, u l-konvenjenzi kollha tad-dinja? X’inhi l-kawża tal-ansjetà umana u l-qalb maqsuma?

Alla jgħid fil-Koran Imqaddes: “Iżżejnet lin-nies l-imħabba tax-xewqat (imqanqla) min-nisa, l-ulied, il-qnatar fuq qnatar ta’ deheb u fidda, iż-żwiemel immarkati, il-frat u l-għelieqi. Din hija t-tgawdija (fiergħa) tal-ħajja ta’ din id-dinja. Għand Alla l-aħjar wasla u ħlas (għat-tajbin).” (3:15)

In-nies tad-dinja jixtiequ l-ġid materjali biss b’hekk jinħolqu spirali ta’ regħba u pjaċiri personali. Kif jindika l-vers ta’ hawn fuq, dawn kollha huma miżuri temporanji ta’ din id-dinja u huma kuntrarji għad-dinjità ta’ fidi li l-għan tiegħu għandu jkun il-qima ta’ Alla u s-servizz tal-ħolqien Tiegħu. Sfortunatament il-bnedmin illum daħlu fix-xibka materjalistika li qed teqred il-virtujiet u l-morali.

Inkunu responsabbli f’din il-klima negattiva

F’din il-klima negattiva r-responsabbiltà fuqna hija dejjem akbar biex nadottaw modi ta’ kuntentizza u sempliċità sabiex nersqu aktar u nkunu aktar inklinati lejn Alla l-Ħanin aktar milli nordmu lilna nfusna fl-affarijiet tad-dinja.

Tabilħaqq il-barkiet ta’ Alla qegħdin hemm sabiex jitgawdew u nibbenefikaw minnhom, madankollu huwa l-element ta’ regħba u materjaliżmu żejjed li jħammġu l-ħsibijiet tagħna.

Għalhekk, f’dan l-ambjent materjalistiku, huwa importanti li nagħżlu t-tieba fuq il-ġid dinji. Għandna nagħmlu l-prijoritajiet tagħna tajbin u dejjem nagħtu preċedenza lill-fidi tagħna u lil Alla li Jista’ Kollox, fuq kull xewqa tad-dinja.

Jekk m’hemmx Alla, m’hemmx kuntentizza

Jekk m’hemmx Alla, m’hemmx paċi, kuntentizza u sodisfazzjon. Mhux il-kisbiet materjalistiċi li jipprovdulna paċi, serħan tal-moħħ u sodisfazzjon, anzi, hija l-imħabba ta’ Alla u tal-umanità li twitti t-triq biex ittaffi l-uġigħ u t-tbatijiet tagħna; u jinfetħu l-bibien tal-paċi u s-sliem dejjiema.

Il-Qaddis Profeta Muħammad, is-sliem għalih, ordna li jekk wieħed ikun ġust jikseb qrubija Divina u jekk ikun kuntent jikseb l-ogħla livell ta’ ringrazzjament. Huwa għallem prinċipju tad-deheb u qal li, il-moderazzjoni fin-nefqa hija nofs ekonomija u min hu ubbidjenti fi żminijiet diffiċli u jibqa’ kuntent isib kenn f’Alla.

Nemmen li dan il-prinċipju huwa l-bżonn ta’ żminijietna. Illum il-ġurnata naraw li nonfqu aktar minn dak li għandna, u ħafna drabi minħabba li l-kumpanji kbar joffru loan sabiex inkunu nistgħu nixtru dar, karozza, għamara, u ħafna affarijiet. Ħafna minna ma jaħsbuhiex darbtejn u jieħdu din il-loan u jixtru l-affarijiet u ma jaħsbux li, dan qisu jissellfu mill-gwadann tagħhom tal-futur. Dan iżid id-drawwa li ngħixu b’mod li ma nkunux nifilħu għalih. U b’hekk nispiċċaw nonfqu aktar milli naqilgħu.

Minħabba dan in-nies mhux biss ma jgawdux il-preżent tagħhom, iżda, anke l-futur tagħhom ma jistax jibqa’ tagħhom. Minflok li jgawdu ħajjithom illum, huma dejjem ikunu mħassba kif u meta se jħallsu s-self tagħhom.

Il-Qaddis Profeta Muħammad wissa li l-bniedem m’għandux jgħix lil hinn mir-riżorsi tiegħu u ma jikbirx f’regħba għax b’dan il-mod ma jistax igawdi ħajtu. Barra minn hekk, huwa qal li jekk raġel għandu anki wied mimli deheb, ikun jixtieq għal wied ieħor. Għalhekk, għallem li nkunu dejjem konxji ta’ dawk li huma inqas ixxurtjati minna aktar milli nixtiequ l-ġid ta’ dawk li huma f’qagħda aħjar minna.

Fil-qosor, nemmen bis-sħiħ li inqas ma persuna ma tkun okkupata bl-isforzi u x-xewqat tad-dinja iktar tkun sodisfatta u kuntenta.

Posted in Ahmadiyya Malta, Ahmadiyya: The True Islam, Article, www.Ahmadiyya.mt | Tagged Ahmadiyya Malta, Alla, Allah, contentment, God, Għaliex il-bniedem mhuwiex kuntent u sodisfatt?, Happiness, Imam Atif, Islam, Jekk m’hemmx Alla, Malta, Materialism, m’hemmx kuntentizza, Moderation, Moderazzjoni, Muslim, prosperity, Quran, Quranic, satisfaction, Why is man not happy and satisfied? | Leave a comment

Islam: Respect and Dignity for the Dead

Posted on April 26, 2025 by Laiq Ahmed Atif

Photo by Игорь Антипов on Unsplash

Il-mewt tal-Papa Franġisku u r-rispett u d-dinjità għall-mejtin

L-Orizzont, 26.04.2025 | Imam Laiq Ahmed Atif – amjmalta@gmail.com

L-Iżlam jiggwidana biex nuru rispett kbir u dinjità għall-mejtin, għalhekk, kull meta tmut xi persuna, aħna ġejna mgħallma fil-Koran Imqaddes (2:157) li ngħidu: “Aħna tabilħaqq ta’ Alla, u aħna lejh nerġgħu lura.” Jiġifieri li aħna lkoll jappartjenu għal Alla, ilkoll għandna nerġgħu lura lejh.

Barra minn hekk, il-Qaddis Profeta Muħammad, is-sliem għalih, qal li, dejjem nitkellmu tajjeb dwar il-mejtin u nuru rispett u nattendu l-funeral tagħhom u nitolbu għalihom.

Nixtieq ukoll nirrakkonta storja tal-Qaddis Profeta Muħammad, is-sliem għalih, fejn wera rispett kbir lejn funeral. Darba l-Qaddis Profeta Muħammad, is-sliem għalih, kien ma’ sħabu, meta għadda l-funeral ta’ Lhudi. Il-Profeta Muħammad qam malajr b’turija ta’ rispett u baqa’ wieqaf sakemm il-funeral kien għadda minn ħdejhom. Meta għaddiet il-purċissjoni tal-funeral, il-kumpanni qalu, “O Profeta, din kienet il-purċissjoni tal-funeral ta’ Lhudi, għalfejn qomt?” Il-Qaddis Profeta Muħammad, is-sliem għalih, qal, “Jekk kien Lhudi, ma kienx hu wkoll bniedem?” U qal, “Kull meta taraw funeral, qumu u uru rispett.”

Il-Qaddis Profeta Muħammad, is-sliem għalih, għallimna wkoll li nirrispettaw lill-kapijiet rispettabbli ta’ nies oħra u nuruhom ir-rispett dovut.

Il-legat tal-Papa Franġisku

Bħala Musulmani, huwa dmirna li nuru rispett lejn il-mexxejja tan-nazzjonijiet u r-reliġjonijiet. Għalhekk, f’isem il-Komunità Ahmadiyya Musulmana Malta, nesprimi l-kondoljanzi tagħna lill-Knisja Kattolika u lill-membri tagħha f’Malta u madwar id-dinja għall-mewt tal-Qdusija Tiegħu l-Papa Franġisku, li ddedika ħajtu għas-servizz tal-paċi, id-dinjità umana, il-kompassjoni, u t-tama.

Matul il-papat tiegħu ta’ 12-il sena, il-Papa Franġisku wera kuraġġ kbir biex jgħolli leħnu għall-foqra, l-immigranti u l-marġinalizzati; u għal dawk li ġew ippersegwitati minħabba l-fidi tagħhom u anke għal dawk li għaddew minn żminijiet diffiċli minħabba gwerer u kunflitti. In-natura sempliċi u umli tiegħu kienet prinċipju ta’ gwida kif ried imexxi.

Nammira wkoll il-ħidma tiegħu lejn il-libertà reliġjuża u l-bini ta’ pontijiet bejn komunitajiet u reliġjonijiet differenti. Huwa dejjem kien favur id-djalogu interreliġjuż u l-armonija interreliġjuża.

Hekk kif qed ngħixu f’dinja mifnija b’ħafna problemi, gwerer u kunflitti, nixtieq li l-Papa l-ġdid jaħdem u juża l-influwenza tiegħu biex iġib l-għaqda fir-reliġjonijiet tad-dinja, u għalhekk, minflok kunflitti reliġjużi, inkunu magħqudin għall-ġid tal-umanità.

Fl-għaqda hemm is-saħħa

Nemmen bis-sħiħ li fl-għaqda hemm is-saħħa. Għalhekk, ir-reliġjonijiet kollha għandhom ikunu magħqudin f’ġieħ l-umanità. Huwa importanti li noqorbu lejn xulxin, inħobbu lil xulxin, ngħidu kelma tajba favur xulxin, u niffukaw fuq dak li jgħaqqadna. Sabiex flimkien niġbdu ħabel wieħed tal-ġid tal-umanità; u flimkien nippruvaw nistabbilixxu l-paċi dejjiema fid-dinja.

Posted in Ahmadiyya, Ahmadiyya Malta, Article, www.Ahmadiyya.mt | Tagged #Respect, Ahmadiyya Malta, Books, dignity, Holy Prophet Muhammad, Il-legat tal-Papa Franġisku, Islam, Malta, news, Papa Franġisku, Pope Francis, Pope's legacy, Quran | Leave a comment

Eid-Ul-Fitr 2025 Celebration

Posted on April 23, 2025 by Laiq Ahmed Atif

The Ahmadiyya Muslim Jamaat Malta celebrated Eid-Ul-Fitr with refugee families living at the Ħal-Far Family Open Centre (HFO). The gathering was filled with warmth and generosity, as community members shared delicious food and drinks with the residents.

On this occasion, President of the Community, Imam Laiq Ahmed Atif, expressed heartfelt sentiments, saying, “It is always a joy to celebrate special occasions together. Eid is a time of sacrifice, kindness, brotherhood, and unity.”

Eid-Ul-Fitr marks the end of the holy month of Ramadan and is a time of joy, gratitude, and togetherness. It is a celebration of spiritual renewal and a reminder to care for one another, especially those in need. The event at HFO reflected these values, bringing people from diverse backgrounds together in the spirit of harmony and compassion.

Posted in Ahmadiyya Malta | Tagged HFO | Leave a comment

Pope Francis: His Death and Legacy

Posted on April 23, 2025 by Laiq Ahmed Atif

Posted in Ahmadiyya, Ahmadiyya Malta, Ahmadiyya: The True Islam, www.Ahmadiyya.mt | Tagged Ahmadiyya, Ahmadiyya Malta, Imam, Imam Malta, Islam, Islamic, Islamic perspective, Laiq Ahmed Atif, Lenti, Love for all - Hatred for none, Malta, Maltese, Muslims, Papa, Papa Franġisku, Pope, Pope Francis, Pope Francis: His Death and Legacy, Quran | Leave a comment

Ahmadiyya Muslims extend thier condolences on the passing of Pope Francis

Posted on April 21, 2025 by Laiq Ahmed Atif

On behalf of the Ahmadiyya Muslim Community Malta, I extend our deepest and most sincere condolences to the Catholic Church and its members in Malta and across the world on the passing of His Holiness Pope Francis. He dedicated his life to the service of peace, human dignity, compassion, and hope.

The Worldwide Head of the Ahmadiyya Muslim Community, His Holiness Hazrat Mirza Masroor Ahmad, has also expressed his heartfelt condolences to the Catholic Church and its members around the globe on behalf of the international Ahmadiyya Muslim Community. His Holiness said:

“I was deeply saddened to learn of the passing of His Holiness Pope Francis. Throughout his life, Pope Francis sought to serve the poor and vulnerable, demonstrating immense sympathy for those suffering under the heavy weight of warfare, persecution, and injustice. He was a man of compassion, humility, and faith who strived to build bridges between people of different faiths and beliefs.

During his Papacy, Pope Francis received representatives of the Ahmadiyya Muslim Community with warmth and grace at the Vatican, for which we will always be grateful.

On behalf of the Ahmadiyya Muslim Community, I extend our sincere condolences to the Catholic Church and its members around the world.”

Posted in Ahmadiyya Malta, Interfaith, Interfaith dialogue | Tagged Ahmadiyya, Ahmadiyya Malta, Catholic, Catholics, Church, Francis, Franġisku, Il-Papa Franġisku, Islam, Malta, Maltese, Papa Franġisku, Pope, Pope Francis, Quran, Vatican | Leave a comment

Replacing greed and envy with love and compassion

Posted on April 20, 2025 by Laiq Ahmed Atif

Photo: Vlad Antonov | Shutterestock

Nibdlu r-regħba u l-għira bl-imħabba u l-mogħdrija

It-Torċa, 20.04.2025 | IMAM Laiq Ahmed Atif – amjmalta@gmail.com

Id-dinja tal-lum saret post ta’ problemi kbar. Il-problemi kienu diġà qed jagħmluha diffiċli biex tieħu n-nifs, u issa jidher li qed tibda gwerra kummerċjali ġdida, li tista’ tieħu xejra perikoluża ħafna.

Għalhekk, il-pajjiżi kollha għandhom jeżerċitaw paċenzja, tolleranza u trażżin u jsibu soluzzjonijiet għall-problemi permezz ta’ negozjar u djalogu reċiproku. U minflok jiġu monopolizzati r-riżorsi tad-dinja, għandna nikkunsidrawhom bħala l-wirt u l-ġid komuni tal-umanità, u nibbenefikaw minnhom billi jinqasmu bejnietna, sabiex kulħadd ikollu riżorsi għall-għajxien tiegħu.

Il-wirt u l-ġid komuni tal-umanità

Dan l-univers u r-riżorsi kollha fih inħolqu minn Alla li Jista’ Kollox, li ħalaqhom għall-umanità kollha, u dawn ma jappartjenux għal xi nazzjon jew pajjiż partikolari, iżda huma għal kulħadd. Alla jgħallem li l-kwistjonijiet ekonomiċi kollha għandhom jitwettqu b’għerf u konsiderazzjoni xierqa.

Alla l-Ħanin jgħid fil-Koran Imqaddes: “Huwa Alla li ħalaq għalikom dak kollu li jinsab fl-art.” (2:30)

Għalhekk, il-Koran jgħallem li kollox fid-dinja nħoloq għall-benefiċċju tal-umanità kollha, u mhux għal xi nazzjon jew pajjiż partikolari. Fuq livell primarju, jekk xi pajjiż ikun imbierek b’riżorsi naturali allura dawn ikunu għall-benefiċċju tan-nies ta’ dak in-nazzjon. Madanakollu, l-Iżlam ikompli jestendi l-iskop ta’ dan u jgħid li għandna nieħdu ħsieb u ngħinu wkoll lill-ġirien tagħna.

Għalhekk, fejn minn naħa nazzjon jaħsad il-frott tar-riżorsi li Alla tah, min-naħa l-oħra għandu juża wkoll dak il-ġid biex jgħin lil dawk il-pajjiżi u nies li huma fil-bżonn. Tali ġid irid jiġi utilizzat b’mod ġust, ugwali u bla egoiżmu mingħajr ebda forma ta’ diskriminazzjoni u mingħajr regħba jew xewqa għall-akkwisti personali.

Il-firxa tar-riżorsi bejn il-pajjiżi

Jekk inħarsu lejn id-dinja naturali, insibu kif Alla firex ir-riżorsi naturali bejn il-pajjiżi, li kull wieħed għandu rwol importanti fil-progress ekonomiku tad-dinja. L-Iżlam jgħallem li dawn ir-riżorsi kollha huma l-proprjetà u l-ġid magħqud tal-umanità kollha.

Għalhekk, dawn il-barkiet kollha huma għan-nies kollha u għalhekk il-bnedmin kollha għandhom jibbenefikaw minnhom. Dawn it-teżori bla għadd li Alla l-Ħanin tagħna, kemm fuq kif ukoll taħt l-art, mhumiex biss għal ftit individwi magħżula, iżda huma għall-benefiċċju ta’ kull persuna, f’kull parti tad-dinja.

Ovvjament, hemm xi pajjiżi li huma mbierka b’riżorsi taż-żejt, hemm li għandhom art agrikola tajba, hemm li għandhom muntanji, hemm li għandhom xmajjar, hemm li għandhom ġebel u minerali prezzjużi li huma siewja ħafna. Hemm insibu firxa kbira tar-riżorsi madwar id-dinja, għalhekk, meta ngħixu flimkien huwa importanti li naqsmu dak li għandna mal-pajjiżi l-oħra u, bl-istess mod, għandhom jaqsmu r-riżorsi tagħhom magħna. Sabiex id-dinja kollha tgawdi mill-barkiet ta’ Alla u ħadd ma jibqa’ lura.

L-ikbar biċċa tal-kejk

Iżda, sfortunatament ħafna naraw li hemm pajjiżi li jixtiequ li jkollhom l-ikbar biċċa tal-kejk minn ħaddieħor, u jekk jaħsbu li hemm xi nuqqasijiet fit-taqsima tar-riżorsi, minflok li jidduskutu bejniethom u jsibu xi soluzzjoni li taqbel lil kulħadd, qed jimponu tariffi ġodda fuq il-pajjiżi l-oħra.

Jidher li n-nazzjonijiet huma impenjati fi gwerra kummerċjali, mhux biss mal-ġirien tagħhom iżda ma’ diversi pajjiżi oħra wkoll. Dawn l-eskalazzjonijiet ekonomiċi li qed jiżdiedu qed jirriżultaw f’kunflitti u diżordnijiet madwar id-dinja.

Minħabba dan l-inkwiet kollu rajna inċertezza kbira fis-suq internazzjonali. Naħseb li dawn l-azzjonijiet mhux biss jheddu u jikkompromettu l-paċi globali iżda wkoll ikollhom impatt kbir fuq l-ekonomija dinjija.

Nibqgħu viġilanti u kawti

Għalhekk, hija s-sejħa taż-żmien li nibqgħu viġilanti u kawti f’dawn is-sitwazzjonijiet fraġli. Il-pajjiżi kbar tad-dinja u l-pajjiżi stabbli għandhom iħossu l-bidla madwar id-dinja u jieħdu ħsieb l-interessi ta’ nazzjonijiet aktar dgħajfa sabiex jiżirgħu ż-żerriegħa tal-paċi u l-armonija fuq din il-pjaneta. In-nazzjonijiet għandhom ifittxu li jistabbilixxu ġustizzja anke jekk ikollhom jissagrifikaw il-kisbiet u l-benesseri nazzjonali tagħhom.

Għandna nifhmu wkoll li jekk dawn il-passi jitfgħu ż-żejt fuq in-nar, allura, kulħadd se jbati. Allura, minflok it-tbatija, huwa għaqli li nagħżlu l-paċi, is-sliem u l-armonija. Għax il-paċi hija l-aħjar.

Photo: Keyframelab | Shutterestock

Ir-regħba u l-għira

Għall-paċi u l-istabbiltà fid-dinja hemm prinċipju ieħor li dwaru aħna tgħallimna biex ma nixxennqux għall-ġid tal-oħrajn. Il-Koran Imqaddes jgħid:

“Ara li ma tmiddx għajnejk (bir-regħba) fuq dak (il-ġid materjali) li tajna lil xi wħud minnhom biex igawdu għal ftit ħin – is-sbuħija ta’ din id-dinja – biex inġarrbuhom bih. Il-ġid ta’ Sidek huwa aħjar u jdum aktar.” (20:132)

Il-Mexxej tal-Komunità Ahmadiyya Musulmana jispjega dan b’mod tajjeb u jgħid: “Ir-regħba u l-għira għall-ġid tal-oħrajn huma l-kawża ta’ aktar inkwiet fid-dinja. Fuq bażi personali, il-fatt li kulħadd jipprova jagħmel bħal ħaddiehor, kif jgħidu, irriżulta f’regħba ma taqta’ xejn u fit-tkissir tal-paċi soċjali. Il-kompetizzjoni ta’ regħba fuq bażi nazzjonali bdiet u ħaditna lejn il-qerda tal-paċi fid-dinja. Dan hu ppruvat bl-istorja u kull bniedem sensibbli jista’ jifhem li x-xenqa għall-ġid tal-oħrajn tkattar l-għira u r-regħba u hija s-sors ta’ telfien.”

Għalhekk, minflok li nippruvaw naħtfu r-riżorsi ta’ ħaddieħor, huwa importanti li r-riżorsi naturali tal-pajjiżi kollha jiġu utilizzati b’mod tajjeb biex id-dinja ssir kenn ta’ paċi u prosperità għall-umanità kollha. Minflok ir-regħba u l-għira, is-sentimenti tal-imħabba u l-kompassjoni jiġu żviluppati bejn l-umanità.

Posted in Ahmadiyya Malta, Article, www.Ahmadiyya.mt | Tagged empathy, greed, il-mogħdrija, ir-regħba, Ir-regħba u l-għira, l-għira, L-għira u r-regħba, L-imħabba, love and compassion, sympathy | Leave a comment

Not different, but unique! Because humans are like a bouquet of flowers and the crown of creation

Posted on April 13, 2025 by Laiq Ahmed Atif

Photo: Dmitry Demidovich | Shutterestock

Mhux differenti, iżda uniċi! Għax, il-bnedmin huma bħal bukkett fjuri, u l-kuruna tal-ħolqien

It-Torċa, 13.04.2025 | Imam Laiq Ahmed Atif – amjmalta@gmail.com

Meta nħarsu lejn il-ħolqien manjifiku tal-univers, insibu li hemm ħafna sinjali u lezzjonijiet li għandna nitgħallmu minnhom. Mingħajr dubju, huwa ħolqien ta’ Ħallieq l-aktar għaqli, li Jaf Kollox u li huwa l-Aktar Infurmat — Alla l-Qawwi.

Waħda mil-lezzjonijiet li nsibu hi li nirriflettu fuq id-diversità fil-ħolqien u nifhmu l-filosofija li hemm fil-forom varji tal-ħolqien fl-univers tagħna. Il-ħolqien tal-qamar, l-istilel u l-galassji differenti juru dan il-kunċett uniku fil-ħolqien ta’ Alla, meta x-xemx waħedha kienet tkun biżżejjed biex tipprovdi dawl, sħana u enerġija.

Verament hemm sinjali u messaġġi li nistgħu nitgħallmu minn kull ħolqien, bħall-bidla bejn il-lejl u l-jum; u d-diversità fl-istaġuni, l-ikel, il-kuluri, eċċ.

Tagħlim mill-ħolqien tal-univers

Alla li Jista’ Kollox jenfasizza dan il-punt fil-Koran Imqaddes u jikkmandana biex nirriflettu u ntejbu l-fehim tagħna. Nixtieq nippreżenta bħala eżempju xi versi mill-Koran Imqaddes biex nifhmu l-għan u l-ħsieb wara d-diversità fil-ħolqien. Alla jgħid:

“Huwa li għamel ix-xemx sors ta’ dawl brillanti u l-qamar li jagħti dawl, u stabbilixxa għaliha stadji u taqsimiet, biex tkunu tafu l-għadd tas-snin u l-kalkolu taż-żmien. Huwa ma ħalaqx dak kollu jekk mhux bis-sewwa u l-verità. Huwa jfisser bir-reqqa dawn is-sinjali tiegħu fl-univers għal poplu li għandu għerf. Verament, fil-bidla bejn il-lejl u n-nhar, u f’dak kollu li Alla ħalaq fis-smewwiet u fl-art, hemm sinjali għal nies li jibżgħu minn Alla.” (10:6-7)

“Fost is-sinjali tiegħu hemm il-ħolqien tas-smewwiet u l-art, u d-diversità tal-ilsna tagħkom u fi lwienkom. Tabilħaqq li f’dan kollu hemm sinjali għall-persuni li għandhom għerf.” (30:23)

“Mela ma tarax li Alla jniżżel l-ilma mis-sema, u bih noħorġu frott ta’ bosta lwien u kuluri differenti. U fost il-muntanji hemm mogħdijiet bojod u ħomor, ta’ lwien diversi, u oħrajn suwed.” (35:28)

“Huwa ħalaq is-smewwiet u l-art bl-għan etern, u sawwarkom u għamilkom fl-aħjar għamla.” (64:4)

Photo: EssentiallyNomadic | Shutterestock

Il-liġi naturali għaqlija u d-diversità fil-ħolqien

Dawn il-versi jindikaw li hemm liġi naturali għaqlija ħafna, u d-diversifikazzjoni tal-ħolqien u r-rwoli tagħhom li kollha għandhom raġuni u skop, iżda biss dawk li verament jemmnu f’Alla jistgħu jiksbu benefiċċji spiritwali veri minn studju profond tal-ħolqien għaqli. Dan ifisser li dawk li għandhom għerf u li jemmnu u jibżgħu minn Alla se jifhmu l-għan tad-diversità li l-ħolqien isostni.

Fil-fatt, il-progress u l-avvanz tal-bniedem huma marbuta mill-qrib mad-diversità tal-ilsna u l-kuluri li wasslu għal diversi ċiviltajiet u kulturi. Din id-diversità għal darb’oħra tindika li hemm disinn u disinjatur. Dak id-Disinjatur huwa l-Ħallieq tas-smewwiet u l-art.

Il-kuruna u l-qofol tal-ħolqien

Dawn il-versi wkoll juru li l-univers huwa mgħammar u kkontrollat mil-liġijiet naturali stabbiliti, u l-bniedem mhux vittma tal-kumbinazzjoni, imma bħala l-kuruna u l-qofol tal-ħolqien kollu ġie mogħni b’dawk is-setgħat u l-fakultajiet li huma xierqa għall-pożizzjoni tiegħu bħala delegat ta’ Alla fuq l-art: u minħabba dawn is-setgħat ikollu jagħti rendikont lil Alla tal-għemejjel u l-azzjonijiet tiegħu. Minħabba l-barkiet ta’ Alla bla għadd fuq il-bniedem, hu se jkun iwieġeb quddiem Alla għal kull għemil tiegħu.

Fil-qosor, dawn il-versi jinkorporaw l-importanza tad-diversità u l-għan tagħha. Għalhekk, meta ddiskutejna d-diversifikazzjoni tar-razez tal-bnedmin, il-kuluri, in-nazzjonalitajiet, u d-dehra fiżika tagħhom, irridu nifhmu li mhix bla sens. Pjuttost, Alla l-Għaqli ħalaq din id-diversità mill-isbaħ fil-bnedmin biex jitgħallmu minn xulxin u jkabbru l-fehim tagħhom tal-ħajja.

L-umanità hija bħal bukkett fjuri

Aħna l-istess u ugwali bħala bnedmin bid-diversità kollha tagħna. Id-diversità fil-qies, il-kulur, ir-razza, il-lingwa, ir-reliġjon u n-nazzjonalità tagħna ma jagħmluniex inqas minn ħaddieħor, iżda din id-diversità qed tagħmilna uniċi.

Bla dubju ta’ xejn kull bniedem għandu ċertu kwalitajiet li jagħmluh uniku minn ħaddieħor. Kull soċjetà hija magħmula minn nies ta’ klassi, valuri u età differenti; u kulħadd għandu rwol importanti, essenzjali u kruċjali fis-soċjetà.

L-umanità hija bħal bukkett fjuri fejn kull fjura tipparteċipa biex tagħmel bukkett mill-isbaħ, u kull fjura għandha kulur, riħa u daqs differenti imma flimkien huma l-bukkett u għalhekk jidhru isbaħ.

L-uniċità tad-DNA tagħna

Biex nifhmu dan il-kunċett ta’ uniċità b’mod tajjeb ħafna, huwa importanti li naqraw dwar id-DNA tagħna, li ħafna drabi tissejjaħ “blueprint of life—il-pjan tal-ħajja.”

Id-DNA—blueprint of life— hija unika għal kull bniedem. Kull persuna għandha sekwenza tad-DNA unika li tagħmilha distinta u partikolari. Id-DNA tintiret miż-żewġ ġenituri, l-omm u l-missier. Il-kombinazzjoni ta’ dawn il-ġeni u kif jiġu msawra joħolqu d-diversità ġenetika qalb in-nies.

Tassew, id-diversità hija sabiħa, u tkun mill-isbaħ meta ningħaqdu flimkien biex niċċelebraw din id-diversità u l-identità ta’ kull individwu, sabiex inkabbru l-fehim, it-tagħlim u l-esperjenza tal-ħajja tagħna, minflok nikkritikawha.

Immaġina biss għal ftit dinja bl-istess frott, ħaxix, fiżiku tal-bniedem, kuluri u fehim, kemm tkun iebsa, monotona, għajjiena u bla sens. Hija lil hinn mill-immaġinazzjoni.

Il-pizza u l-għerf wara d-diversità

Ftit xhur ilu, waqt attività interreliġjuża fi skola, staqsejt lit-tfal jekk togħġobhomx il-pizza, u kif kien mistenni, kollha wieġbu fl-affermattiv, li iva l-pizza togħġobhom ħafna.

Imbagħad staqsejthom, kif iħossuhom jekk ikollhom l-ikel favorit tagħhom—pizza kuljum? It-tweġiba kienet mill-istint naturali li: “Le, għax tkun ta’ dwejjaq, boring u bla sens.”

Nemmen li r-risposta tagħhom kienet mimlija b’għaqal. Bl-istess mod, id-diversità tal-bnedmin ma tagħmilniex differenti imma tagħmilna lkoll uniċi ġewwa nfusna. M’aħniex differenti minn xulxin, iżda aħna kollha uniċi.

Posted in Ahmadiyya Malta, Ahmadiyya: The True Islam, www.Ahmadiyya.mt | Tagged Ahmadiyya Malta, bukkett fjuri, but unique!, diversità, Diversity, DNA, fjuri, Humanity, inclusion, Islam, It-Torċa, iżda uniċi, L-uniċità tad-DNA tagħna, Malta, Maltese, Mhux differenti, Not different, Quran, stronger together, Torca, unique, universe | Leave a comment

Wisely using the modern-day weapons of words and the pen

Posted on April 8, 2025 by Laiq Ahmed Atif

Posted in Ahmadiyya, Ahmadiyya Malta, Ahmadiyya: The True Islam, Interviews, TV interviews, www.Ahmadiyya.mt | Tagged F Living, F Living Show, F Living TV, fact or fiction, fake news, interview, media, Pen, reality and fiction, social media, TV interview, wise use of social media, words | Leave a comment

The true meaning and philosophy of humanity

Posted on April 6, 2025 by Laiq Ahmed Atif

Photo: Kharaim Pavlo | Shutterestock

IL-VERU SENS U L-FILOSOFIJA TAL-UMANITÀ

It-Torċa, 06.04.2025 | IMAM Laiq Ahmed Atif – amjmalta@gmail.com

Xi jagħmilna l-aħjar mill-ħlejjaq oħra?

Alla li Jista’ Kollox jgħid fil-Koran Imqaddes (17:71): “Aħna tajna ġieħ lil ulied Adam, ġarrejniehom fuq l-art u l-baħar, u tajniehom mill-ħwejjeġ tajbin (għall-għajxien tagħhom), kif ukoll għażilniehom fuq ħafna ħlejjaq oħra li ħlaqna.”

Allah li Jista’ Kollox ħoloq il-bniedem fl-aħjar forma meta mqabbel mal-ħlejjaq ħajjin kollha fl-univers, tah intellett u sensi għolja, għanieh bil-ħila ta’ diskors eċċellenti u loġika, tah barkiet bla għadd, għallmu l-prinċipju li dejjem “kellem tajjeb lin-nies” u tah il-kapaċità li jagħmel l-aħjar użu mill-abbiltajiet tiegħu u jagħmel progress f’ħajtu. Dawn l-affarijiet saru l-kawża ta’ unur u rispett lejn il-bniedem u, għal din ir-raġuni, il-bniedem kien imsejjaħ l-iktar ħlejqa nobbli.

L-għemejjel tajbin jiddistingwu min hu aħjar

Fil-qosor, l-użu mill-aħjar tal-ħiliet, it-talenti u l-abbiltajiet tal-bniedem għall-ġid u l-benesseri tal-umanità u l-ħlejjaq kollha jagħmel lill-bniedem l-aħjar mill-ħolqien kollu. Fi kliem ieħor, jekk il-bniedem ma jibqax iċ-ċentru u l-qofol tat-tjubija, allura, ma jistax jissejjaħ l-aħjar u ma jibqax l-aħjar tal-ħolqien kollu. Jiġifieri, mhux id-dehra jew il-fiżiku jagħmilna magħżulin, iżda, l-għemejjel tajba tagħna.

Fl-istorja umana naraw li Alla l-Ħanin bagħat ħafna Profeti fid-dinja sabiex jgħallmuna l-veru sens u l-filosofija tal-umanità u jdawlu lid-dinja bid-dawl tal-Mulej, u kif nistgħu nsiru l-aħjar mill-ħlejjaq l-oħra.

Alla l-Ħanin jispjega fil-Koran Imqaddes il-karatteristiċi li jagħmluna uniċi fil-ħolqien. Alla jgħid li, “Intom l-aħjar nazzjon li nħareġ għall-fejda tal-umanità, għax tordnaw u tħeġġu t-tajjeb, u tipprojbixxu u tevitaw il-ħażen, u temmnu f’Alla.” (3:111)

Photo: art4all | Shutterestock

Mingħajr kompassjoni wieħed isir bħall-bhejjem

Il-Fundatur tal-Komunità Ahmadiyya Musulmana, filwaqt li jsemmi l-kompassjoni tal-ħolqien u l-umanità tal-bniedem, jgħid li l-kompassjoni tal-ħolqien hija tali ħaġa li jekk bniedem jabbandunaha u jitbiegħed minnha, allura gradwalment isir bħall-annimali u bħall-bhejjem. Din hija l-ħtieġa tal-umanità ta’ persuna u hija umana sa dak iż-żmien, sakemm tittratta lil ħuha b’qalb tajba, mogħdrija u rispett, u m’hemm l-ebda diskriminazzjoni f’dan. Tabilħaqq, il-bnedmin huma membri ta’ xulxin.

Ftakru, għalija l-ambitu tal-kompassjoni huwa wiesa’ ħafna. Tiddiskriminawx bejn xi nazzjon jew individwu. Ma rridx ngħid, bħan-nies injoranti tal-lum, li għandek tillimita s-simpatija tiegħek biss għall-Musulmani. Assolutament le. Iżda, jien ngħid li inti għandu jkollok mogħdrija għall-ħlejjaq kollha ta’ Alla, huma min huma. Kemm jekk Ħindu jew Musulman jew Nisrani jew xi ħadd ieħor. Qatt ma jogħġobni l-kliem ta’ nies li jridu jillimitaw is-simpatija biss għan-nies tagħhom stess.

Jekk inħarsu lejn il-kundizzjonijiet ġenerali tad-dinja llum, f’ċerti postijiet in-nies qed jiġu soġġetti għal moħqrija u krudeltà fuq il-bażi tar-reliġjon u n-nazzjonalità, f’xi postijiet in-nies, kemm ħajjin jew mejtin, qed jiġu suġġetti għal eżempji ta’ brutalità, u f’xi postijiet qed isiru massakri minħabba mibegħda, ħdura jew minħabba diskriminazzjoni razzjali.

Nixtieq nippreżenta xi eżempji tajbin li jiggwidawna kif nistgħu nuru rispett għall-umanità u kif nistgħu nibnu soċjetajiet armonjużi mibnija fuq il-valuri tar-rispett, l-imħabba u l- mogħdrija.

Eżempji eċċellenti tar-rispett għall-umanità

Darba l-Qaddis Profeta Muħammad, is-sliem għalih, kien ma’ sħabu, meta għadda l-funeral ta’ Lhudi. Il-Profeta Muħammad qam malajr b’turija ta’ rispett u baqa’ wieqaf sakemm il-funeral kien għadda minn ħdejhom. Meta għaddiet il-purċissjoni tal-funeral, il-kumpanni qalu, “O Profeta, din kienet il-purċissjoni tal-funeral ta’ Lhudi, għalfejn qomt?” Il-Profeta Muħammad qal, “Jekk kien Lhudi, ma kienx hu wkoll bniedem?” U qal, “Kull meta taraw funeral, qumu u uru rispett.”

Dan l-inċident jgħallimna lezzjoni mill-aqwa li dejjem inpoġġu r-rispett tal-bniedem fuq il-kulur, ir-razza, ir-reliġjon, u n-nazzjon. Il-għaliex kull bniedem huwa ugwali fir-rispett u d-dinjità.

Il-Qaddis Profeta Muħammad enfasizza ħafna fuq l-ugwaljanza tal-bnedmin sa tali punt li anke neħħa d-distinzjoni tal-kulur u r-razza u stabbilixxa d-drittijiet tal-iskjavi, stabbilixxa l-ugwaljenza bejn it-tfal—subien u bniet u għolla d-dinjità tal-mara fis-soċjetà. Huwa ordna li l-priġunieri tal-gwerra, li kienu eżempji ta’ brutalità, jiġu trattati b’rispett u qalb tajba.

Kien hemm mara b’ġilda skura li kienet tiknes l-art tal-moskea. Ġurnata waħda hi mietet. Meta l-Profeta Muħammad ma rahiex għal diversi jiem, staqsa dwarha, u fuqha l-kumpanni infurmawh li kienet mietet. Meta sema’ dan, huwa saqsa, għaliex ma għedtulix li ħallietna? Imbagħad il-Qaddis Profeta żar il-qabar tagħha u mexxa t-talb tal-funeral tagħha.

Ir-rispett lejn l-għedewwa

Huwa enfasizza ħafna biex jiġu stabbiliti r-rispett u d-dinjità umana fid-dinja, sa tali punt li qal li anke jekk ikun hemm battalja jew gwerra, id-dinjità tal-bniedem m’għandha qatt tiġi kompromessa. Għalhekk, qal li, it-tfal, in-nisa, ix-xjuħ, ir-refuġjati, il-persuni reliġjużi u n-nies ċivili m’għandhomx jiġu attakkati, u r-rispett tagħhom għandu dejjem jiġi protett u salvagwardjat. Huwa saħaq li l-ebda persuna ma tingħata n-nar; għall-kuntrarju tal-għadu, l-ebda persuna m’għandha tiġi mċaħħda mill-imnieħer jew il-widnejn. Huwa pprojbixxa b’mod strett il-ħruq tal-mejtin li kien prattika ta’ dak iż-żmien, u żamm id-dinjità umana.

Ir-rispett hu l-aqwa virtù

Biex jenfasizza l-importanza tad-dinjità u r-rispett tal-bniedem, hu ta xi istruzzjonijiet ċari li, “Wieħed li m’għandux mogħdrija għaż-żgħażagħ tagħna u li ma jagħrafx id-drittijiet u d-dinjità tal-anzjani tagħna mhuwiex minna.”

Barra minn hekk, huwa ta attenzjoni speċjali lill-kura tat-tfal orfni. Huwa qal, “L-aqwa dar hija dik li fiha orfni jiġi ttrattat b’qalb tajba, u l-agħar hija dik li fiha l-orfni jiġi ttrattat b’mod żbaljat.”

Tabilħaqq, ir-rispett hu l-aqwa virtù. Għalhekk, għandna biex dejjem inkunu rispettużi lejn kulħadd. Jalla Alla jagħtina l-abbiltà li nkunu xempju eċċellenti ta’ rispett għall-umanità.

Posted in Ahmadiyya, Ahmadiyya Malta, Ahmadiyya: The True Islam, Article, www.Ahmadiyya.mt | Tagged Ahmadiyya Malta, Human dignity, Human Life, Human migration, Human rights, Humanity, Humanity First, Ir-rispett hu l-aqwa virtù, Ir-rispett lejn l-għedewwa, Islam, It-Torċa, Laiq Ahmed Atif, Malta, Maltese, Mankind, Muslim, philosophy of humanity, Quran, Quranic, Torca, travel | Leave a comment

The secret of a strong and healthy family

Posted on April 3, 2025 by Laiq Ahmed Atif

Posted in Ahmadiyya, Ahmadiyya Malta, Ahmadiyya: The True Islam, Malta, www.Ahmadiyya.mt | Tagged Ahmadiyya Malta, Children, Familja, Healthy families, healthy family, Islam, leading by examples, Malta, Maltese, MG Cafe, Parents, Quran, radio malta, Radju Malta, role model, secret of a strong and healthy family, Tfal, The healthy family life, tvm malta, ġenituri | Leave a comment

	Nemat Ali on The life of humility and …
	Nemat Ali on Interfaith Diversity Week 2024…
	Nemat Ali on Is the Holy Quran inspired by…
	prayer time on The Holy Quran – A Casket of…
	prayer time on The Holy Quran – A Casket of…

Il-bilanċ bejn il-mogħdrija u s-sigurtà: il-kwistjoni tat-tlib u s-sigurtà pubblika

Negħlbu d-dipendenza fuq id-droga permezz tal-fidi u l-għemejjel tajba

Tikber it-theddida għall-paċi globali

Uliedna qed imutu bil-mod il-mod bil-ġuħ u bil-mard

Kont bil-ġuħ u ma tajtnix ikel

EKONOMIJA LI TIFFJORIXXI, SENSITTIVA U KKUNSIDRATA

— Eid-Al-Adha Mubarak! —

Għinu lill-oppressi kif ukoll lill-oppressur

Il-Moralità: Il-pedament taċ-ċiviltà umana

Il-Komunità Ahmadiyya Musulmana tifraħ lill-Papa Ljun XIV u lill-Knisja Kattolika

KULL WARDA FIHA X-XEWK!

ID-DINJA TINSAB FUQ XIFER IL-QERDA U T-TRIQ LEJN IL-PAĊI!

L-Ewtanasja Assistita…

Il-kumpass morali fi żminijiet ta’ għama spiritwali u morali

Il-ġenna tinsab taħt saqajn l-omm

ID-DAWL 87

FIDI U SENSITTIVITÀ: IR-RISPETT GĦAS-SENTIMENTI RELIĠJUŻI

Papa Franġisku: Il-bniedem umli u sempliċi

Il-kondoljanzi tagħna għall-mewt tal-Papa Franġisku

Għaliex il-bniedem mhuwiex kuntent u sodisfatt?

Il-mewt tal-Papa Franġisku u r-rispett u d-dinjità għall-mejtin

Nibdlu r-regħba u l-għira bl-imħabba u l-mogħdrija

Mhux differenti, iżda uniċi! Għax, il-bnedmin huma bħal bukkett fjuri, u l-kuruna tal-ħolqien

IL-VERU SENS U L-FILOSOFIJA TAL-UMANITÀ

Recent Posts

Recent Comments

Archives

Categories

Ahmadiyya Jamaat Malta www.ahmadiyya.mt amjmalta@gmail.com 0035679655255 0035621655255