The social system can only be built on justice and equity

Posted on February 23, 2025 by Laiq Ahmed Atif

Is-sistema soċjali tista’ tinbena biss fuq il-ġustizzja u l-ekwità

It-Torċa, 23.02.2025 | IMAM Laiq Ahmed Atif – amjmalta@gmail.com

Il-benesseri soċjali

Id-definizzjoni tal-benesseri soċjali moderna tista’ tkun ikkumplikata. Matul sekli sħaħ, il-kunċett tal-benesseri soċjali evolva biex jaqbel mal-ħtiġijiet tas-soċjetà. Fl-aktar sens bażiku, li jappartjeni għall-fehim tagħna tan-normi kulturali tas-seklu 21, jista’ jiġi definit bħala servizz bl-intenzjoni li jgħin liċ-ċittadini ta’ nazzjon li jeħtieġu l-bżonnijiet bażiċi tal-ħajja.

Dawn il-ħtiġijiet bażiċi tal-ħajja jiġu ddeterminati bħala li jkollna kenn sikur, aċċess għal ilma nadif u ikel, u l-ħtieġa li nkunu siguri u protetti fl-ambjent fejn ngħixu. Dawn il-bżonnijiet bażiċi huma spjegati wkoll bħala l-ikel, l-ilbies u d-dar; għax dawn huma l-ħtiġijiet bażiċi li l-bniedem għandu bżonn biex jgħix ħajja diċenti.

Minn perspettiva Iżlamika, dawn il-ħtiġijiet ġew indirizzati fuq livell statali matul iż-żmien tal-Qaddis Profeta Muħammad, is-sliem għalih, u s-suċċessuri tiegħu—il-Kalifi. L-Iżlam mhux biss  jemmen fil-bżonnijiet ewlenin tal-bniedem, iżda jipprovdi valuri soċjali komprensivi u sistema ta’ ġustizzja lil sezzjoni wiesgħa tal-poplu, u għall-benesseri tal-bniedem.

It-tribaliżmu u n-nepotiżmu

Meta naqraw dwar it-tagħlim Iżlamiku nsibu li l-Iżlam jipprovdi sistema speċifika ta’ valuri soċjali u b’hekk jipprovdi sistema komprensiva ta’ ġustizzja li tissodisfa l-bżonnijiet tal-bnedmin b’mod ġust u ugwali. Fi kliem ieħor, l-Iżlam jistabbilixxi regoli ta’ kondotta li jservu bħala l-pedament tas-soċjetà u li jirregolaw id-drittijiet u d-dmirijiet taċ-ċittadini kollha. Dawn ir-regoli soċjali tal-Iżlam jinkludu kull qasam tal-ħajja mir-relazzjonijiet tal-familja sa relazzjonijiet bejn u fost in-nazzjonijiet.

Il-bażi ta’ din is-sistema sħiħa hi l-ġudikatura imparzjali fuq il-prinċipju li kulħadd huwa l-istess f’għajnejn il-liġi. L-Iżlam jiċħad il-kunċett tat-tribaliżmu u n-nepotiżmu, u jgħid li s-sistema soċjali tista’ tinbena b’mod effettiv fuq il-ġustizzja, l-ugwaljanza u l-ekwità sħiħa. Għax il-ġustizzja hija l-bażi ta’ soċjetà prospera u paċifika.

Iċ-ċirkolazzjoni tal-ġid

Filwaqt li l-Koran Imqaddes ta ħafna libertà għall-istabbiliment ta’ dħul għall-istat, skont il-bżonnijiet u ċ-ċirkustanzi, ipprovda gwida speċifika fejn dawn il-flus għandhom jintefqu. Il-qalba tat-tagħlim Iżlamiku hija li l-ġid “m’għandux jiċċirkola biss bejn is-sinjuri” (59:8).

Dan il-vers jistabbilixxi l-prinċipju li ċ-ċirkolazzjoni tal-ġid m’għandhiex tibqa’ limitata għall-klassi privileġġjata. Peress li s-saħħa ta’ individwu teħtieġ li l-bżonnijiet fiżiċi tiegħu jiġu sodisfatti b’mod raġonevoli, is-saħħa tas-soċjetà teħtieġ li l-oġġetti materjali jitqassmu b’mod wiesa’ u l-ġid ikun f’ċirkolazzjoni faċli. Dan huwa l-prinċipju bażiku tal-ekonomija Musulmana li twassal għall-ġustizzja soċjali. Hawn isfel nippreżenta xi punti ewlenin li ġew spjegati fil-Koran Imqaddes għall-infiq tal-flus:

1. Neħħi l-faqar u tnaqqas id-distakk bejn is-sinjuri u l-foqra;

2. Ippruvaw li jiġu sodisfatti l-bżonnijiet bażiċi ta’ kull ċittadin, irrispettivament mill-fidi jew is-sess tiegħu;

3. Għajnuna lil dawk li huma f’riskju li jaqgħu fl-iżball;

4. Ħelsien tal-iskjavi u dawk li qed jitħabtu taħt self;

5. Għajnuna lil kull min ikun milqut minn diżastru jew milqut minn traġedja.

Barra minn hekk, il-Koran Imqaddes jistabbilixxi l-gwida f’aktar dettall dwar il-benesseri tas-soċjetà u jgħid li, “Il-karitajiet huma biss għall-foqra, għall-imsejknin, għal dawk impjegati biex jiġbruhom, għal dawk li qlubhom għandhom jiġu rikonċiljati, għall-ħelsien tal-iskjavi, għal dawk li għandhom dejn fuqhom (biex iħallsu d-dejn), għall-kawża ta’ Alla (fis-servizz tar-reliġjon u tal-komunità), u għall-vjaġġaturi. Dan huwa l-amar minn Alla. Alla Jaf Kollox, Għaref u Għaqli.” (9:60)

Dan il-vers jispjega l-għan u l-persuni li fuqhom għandhom jintefqu dawn il-flejjes li jinġabru mill-istat:

(a) Dawk miksura bil-faqar jew mard;

(b) Dawk li għandhom l-abbiltà li jaħdmu iżda m’għandhomx il-mezzi neċessarji;

(ċ) Dawk impjegati fil-ġbir tal-flus jew li jżommu kont tiegħu jew fil-qadi ta’ xi dmir ieħor konness miegħu;

(d) Dawk li jeħtieġu għajnuna biex jieqfu fuq saqajhom;

(e) Skjavi, priġunieri, jew nies oħra fl-istess qagħda li jġegħluhom iħallsu l-flus biex jassiguraw il-ħelsien tagħhom;

(f) Dawk li ma jistgħux iħallsu d-djun tagħhom jew ikunu sofrew telf straordinarju fin-negozju, jew minħabba xi diżastru naturali, eċċ.;

(ġ) Kull kawża nobbli;

(g) Dawk maqbuda fi vjaġġ minħabba nuqqas ta’ flus jew dawk li jivvjaġġaw biex ifittxu l-għarfien u l-edukazzjoni, jew biex jippromwovu r-relazzjonijiet soċjali.

Filosofija tal-benesseri fl-Iżlam

F’termini aktar sempliċi, il-filosofija tas-sistema ta’ benesseri Iżlamika hija li ġġib il-ġid żejjed fiċ-ċirkolazzjoni u li tiżgura l-bilanċ u d-distribuzzjoni ġusta tal-ġid fost il-foqra u dawk li huma fil-bżonn. Iżda, ma tiqafx hemm. L-idea ċentrali hija li tgħin lil dawk fil-bżonn meta l-aktar ikollhom bżonnha u ladarba jkunu kapaċi joqogħdu waħedhom fuq saqajhom għandhom jagħtu daqqa t’id lil dawk fil-bżonn.

L-Iżlam jenfasizza ħafna fuq ix-xewqa, il-valur u d-dinjità tax-xogħol. L-Iżlam jikkundanna li wieħed jgħix minn fuq ħaddieħor, fuq il-karità jew fuq il-benefiċċji soċjali waqt li jkun jista’ jaħdem. Jekk ikun hemm opportunitajiet ta’ impjieg, u persuna tista’ taħdem u m’hemm l-ebda raġuni valida li tibqa’ fuq il-benefiċċji soċjali allura għandha taħdem, u persuna ma tistax tagħżel li tibqa’ qiegħda. Insibu li l-Qaddis Profeta Muħammad, is-sliem għalih, kien ta’ spiss jitlob, ifittex il-kenn ta’ Alla mill-għażż u l-prokrastinazzjoni.

Barra minn hekk, l-Iżlam jenfasizza l-importanza tax-xogħol u jħeġġeġ lin-nies biex jaqilgħu l-għajxien tagħhom, billi jgħid, “Ħadd ma kiel l-aqwa ikel ħlief dik il-persuna li ħabirket għalih.”

Posted in Ahmadiyya Malta, Ahmadiyya: The True Islam, Article, Justice, www.Ahmadiyya.mt | Tagged , , , , , , , , , , , , , , , , , , , , | Leave a comment

Parliament of Malta: Social Justice — an Islamic perspective

Posted on February 20, 2025 by Laiq Ahmed Atif

Parliament of Malta: Social Justice a call for action — an Islamic perspective: Nauman Atif, an Ahmadi Muslim Youth delivered a powerful message during a Social Justice Conference, at the PARLIAMENT of MALTA. #socialjustice #ġustizzja #ġustizzjasoċjali #malta #maltese #ahmadiyyamalta

Posted in Ahmadiyya Malta | Tagged , , , , , , , , , , , , | Leave a comment

Finding God is the true source of peace and happiness

Posted on February 18, 2025 by Laiq Ahmed Atif
Posted in Ahmadiyya Malta, Ahmadiyya: The True Islam, Allah Almighty, God, www.Ahmadiyya.mt | Tagged , , , , , , , , , , , | Leave a comment

Euthanasia! What value does suffering have?

Posted on February 17, 2025 by Laiq Ahmed Atif

Niddiskutu l-ewtanasja f’Malta! X’valur għandha t-tbatija?

Il-Leħen, 16.02.2025| IMAM Laiq Ahmed Atif —79 655 255— amjmalta@gmail.com

Kull bniedem tixraqlu d-dinjità tiegħu; u kull bniedem jitwieled ħieles u bil-libertajiet u d-drittijiet tiegħu. Illum il-ġurnata meta nisimgħu diskussjoni dwar l-ewtanasja, dejjem ikun hemm nies li jargumentaw li dan huwa dritt tal-bniedem li, jekk jixtieq, itemm ħajtu minħabba t-tbatija li jkun qed jgħaddi minnha. Bl-istess mod kif il-bniedem għandu jagħżel x’jilbes, jew x’jiekol, jew jekk jeħux mediċina jew le.

Mad-drittijiet jiġu wkoll id-doveri

Ma naqbilx ma’ dan l-argument, il-għaliex, meta l-bniedem jgħix f’soċjetà m’għandux jara d-drittijiet tiegħu, iżda wkoll jara x’inhuma d-doveri tiegħu bħala ċittadin.

Huwa minnu li l-bniedem jista’ jagħżel x’jilbes, iżda, is-soċjetà tappoġġja ċerti regoli tal-ilbies. Pereżempju, jista’ xi ħadd imur il-qorti b’sidru mikxuf? Tista’ persuna tidħol fil-Parlament bi lbies indiċenti? Tista’ persuna tmur għal intervista televiżiva bi ħwejjeġ ta’ taħt biss?

Assolutament le. Allura d-dritt tal-bniedem jiġi kompromess? Kif il-kodiċi tal-ilbies ma tikkompromettix id-dritt tal-bniedem x’jilbes, anzi, hija ttejjeb id-dinjità tiegħu, bl-istess mod, għandna nifhmu li kull dritt tal-bniedem mhux assolut. Għax, mad-drittijiet jiġu wkoll ir-responsabbiltajiet u d-doveri. Allaħares li le, inkella, is-soċjetà se ssir bħal ġungla mingħajr ebda regola u prinċipju.

Id-drittijiet mhumiex assoluti

Dawk li jridu jagħmlu suwiċidju jippreżentaw l-istess argument li għandhom kull dritt li jgħixu jew le. Għandna d-dritt ta’ moviment, iżda, nistgħu nimxu f’nofs it-triq, għax għandi dritt li niddeċiedi kif u fejn nimxi jien?

Għandna d-dritt tas-sewqan, iżda, nistgħu nsuqu bil-veloċità tal-għażla tagħna stess? Kulħadd għandu dritt għal-libertà tal-opinjoni u tal-espressjoni, imma, nistgħu ngħidu u niktbu kull ħaġa li rridu? Kulħadd għandu dritt għall-edukazzjoni, imma, jista’ xi ħadd iqum filgħodu u jiddeċiedi li jmur l-università, se jingħata permess biex jattendi?

Biex insemmi ftit, u dawn ifissru b’mod ċar li mad-dritt tiġi r-responsabbiltà u ċerti regoli, għax, id-drittijiet mhumiex assoluti.

Il-kwistjoni tat-tbatija

Safejn għandha x’taqsam il-kwistjoni tat-tbatija, nifhem dan il-punt li l-bniedem ikollu jgħaddi minn ċerta tbatija, iżda, jekk niftħu tieqa żgħira li l-bniedem jista’ jagħżel li jittermina ħajtu, fejn se nispiċċaw? Dan il-ftuħ tat-tieqa se jikkonverti fil-bieb, u mbagħad fil-bieb beraħ.

Għalhekk, minflok li nagħtu d-dritt lill-bniedem biex itemm ħajtu, huwa ħafna aħjar li s-soċjetà terfa’ r-responsabbiltà biex tgħin lil dawk in-nies li jgħaddu minn ċertu tbatija, u nkunu magħhom f’dak iż-żmien diffiċli, u nipprovdulhom serħan u faraġ.

Il-ħajja minn lenti pożittiva

Alla jgħid fil-Koran Imqaddes (2:287) li, “Alla ma jgħabbix lill-bniedem ħlief b’dak li jiflaħ.” Imbagħad Alla jgħid li dawk li jibqgħu sodi fit-tbatija, Alla se jgħinhom. “Ma jiġrix xi għawġ jekk mhux bil-permess ta’ Alla. Min jemmen f’Alla, imexxi lil qalbu fit-triq it-tajba. Alla jaf b’kollox.” (Il-Koran, 64:12)

“Intom li temmnu, stabru u kunu sodi, fittxu li tgħaddu fis-sabar, żommu sħiħ fl-imkejjen tat-taqbid mal-għadu, u ibżgħu minn Alla, biex forsi tkunu rebbiħin.” (Il-Koran, 3:201)

“Dawk li meta jiġihom xi għawġ kbir jgħidu: ‘Aħna tabilħaqq ta’ Alla, u aħna lejh nerġgħu lura.’ Dawk huma li fuqhom hemm il-barkiet u l-ħniena minn Sidhom; u dawk huma li jimxu fit-triq it-tajba.” (Il-Koran, 2:157-158)

Tassew, il-ħajja hija sabiħa wisq. Minflok li nitkellmu li l-bniedem għandu jkollu d-dritt tal-għażla jekk ma jkomplix ħajtu, huwa ferm importanti li naraw il-ħajja minn lenti pożittiva, u nippruvaw li nagħsru t-tjubija minn kull tbatija kif ġie spjegat b’mod tajjeb fil-versi tal-Koran Imqaddes.

X’valur għandha t-tbatija?

F’dawn il-versi jidher li dawk li jgħaddu minn xi sofferenza, diffikultà jew tbatija b’perseveranza, paċenzja u umiltà kbira billi jemmnu f’Alla u jħallu kollox f’idejn il-Mulej, huma jingħataw il-premjijiet minn Sidhom għax urew paċenzja fi żminijiet ta’ tbatija.

Il-Qaddis Profeta Muħammad, is-sliem għalih, qal li, ebda fidil ma jkun milqut minn xi ħsara u wġigħ ħlief li Alla se jneħħi dnubietu hekk kif il-weraq tas-siġra jaqgħu.

Kif huwa spjegat b’mod sabiħ mill-Qaddis Profeta Muħammad, is-sliem għalih, l-ebda fidil ma jkun milqut minn xi ħsara matul iż-żminijiet ta’ tbatija peress li huma ppremjati meta jibqgħu sodi, u Alla jaħfrilhom dnubiethom.

Dawn ir-referenzi jwieġbu l-mistoqsija dwar x’valur għandha t-tbatija, li, dnubiethom jiġu maħfura u jirċievu l-barkiet, il-ħniena u l-grazzja ta’ Alla, li huma valuri mill-isbaħ. X’jista’ jkun akbar mill-maħfra, il-ħniena, il-grazzja u l-imħabba ta’ Alla li Jista’ Kollox?

Posted in Ahmadiyya Malta, Ahmadiyya: The True Islam, Article, www.Ahmadiyya.mt | Tagged , , , , , , , , , , , , , , | Leave a comment

Humility: A necessary value for Divine closeness

Posted on February 16, 2025 by Laiq Ahmed Atif

L-Umiltà: Valur meħtieġ għall-Qrubija Divina

It-Torċa, 16.02.2025 | IMAM Laiq Ahmed Atif – amjmalta@gmail.com

______ Il-kburija u l-arroganza huma l-karatteristiċi ta’ Satana misħut ______Il-wild ta’ Adam—il-bniedem t’Alla, huwa dak li hu umli.

____ O insett tal-art (l-arroganti)! Aqta’ l-kburija, is-suppervja u l-arroganza ____Il-kburija tixraq biss lill-Onorevoli Alla li jista’ kollox.

______ F’moħħok, ikkunsidra lilek innifsek inferjuri minn kulħadd ______Forsi tista’ tidħol fid-Dar tal-Unjoni b’dan il-mod.

_____ Aqta’ l-kburija, is-suppervja u l-arroganza — għax din hija l-virtù _____Inżel fit-trab (sir umli)—għax din hija x-xewqa tal-Mulej.

Illum xtaqt nibda l-artiklu tal-lum b’xi versi mill-poeżija tal-fundatur tal-Komunità Ahmadiyya Musulmana, il-Qdusija tiegħu, Ħażrat Mirża Ghulam Aħmad, li jiġbru fil-qosor is-suġġett kollu kemm hu, u anke l-qarrejja se jieħdu gost u jieħdu xi punti biex jaħsbu fuqhom, qabel ma jaqraw il-kitba tiegħi.

L-arroganza teqred kollox

Bla dubju ta’ xejn, l-arroganza u l-inkwiet huma karatteristiċi mhux mixtieqa. Għemejjel tajbin ta’ snin twal jistgħu jinħlew minħabba żball żgħir li jirrifletti l-arroganza. L-arroganza teqred il-bniedem għalkollox.

Huwa miktub li kien hemm raġel ġust li kien jgħix fuq muntanja u kienet ilha ma tinżel ix-xita hemmhekk għal ħafna żmien. Ġurnata waħda hekk kif niżlet ix-xita din tferrgħet fuq il-blat u l-ġebel ukoll.

F’qalbu qamet oġġezzjoni li x-xita kienet meħtieġa għall-għelieqi u l-ġonna tal-frott. Kieku x-xita niżlet biss fuq l-għelieqi, flok il-blat, kienet tkun ferm aħjar. Ħaseb minħabba l-arroganza tiegħu li Alla ħela l-għan veru tax-xita.

Meta sema’ din l-oġġezzjoni arroganti, Alla ċaħħdu mill-qdusija tiegħu. Kien imdejjaq ħafna u tkellem raġel qaddis ieħor dwar dak li ġara.

Il-qaddis l-ieħor qal, “Għaliex oġġezzjonajt? Int ġejt ikkastigat għal dan l-iżball. Kun umli u itlob il-maħfra minn Alla sabiex Hu jaċċettak mill-ġdid.”

Ir-raġel ġust, li kien irċieva l-kastig, talab il-maħfra mingħand Alla u wiegħed li qatt mhu se jkun arroganti fil-futur, dejjem se jibqa’ saqajh mal-art u jżomm lilu nnifsu umli ħafna. Għalhekk, Alla ħafirlu.

Din l-istorja turi b’mod ċar li l-arroganza hija l-velenu li jeqred lill-bniedem u ’l-ġustizzja tiegħu, u fuq naħa oħra l-umiltà hija t-triq tas-suċċess u t-triq tal-ġusti.

L-imħabba ta’ Alla żżidhom fl-umiltà

Meta naqraw il-Kotba Mqaddsa nsibu li l-umiltà hija enfasizzata ħafna. Il-Koran Imqaddes ukoll jenfasizza ħafna fuq dan il-valur mill-isbaħ u dejjem iwissi lill-bniedem biex jibqa’ ’l bogħod mill-arroganza. Alla l-Ħanin jgħid fil-Koran Imqaddes li: “Fittxu l-għajnuna bis-sabar u bit-talb; u dan tabilħaqq huwa iebes ħlief għall-umli fl-ispirtu, li jafu żgur li se jiltaqgħu ma’ Sidhom, u lilu jerġgħu lura.” (2:46-47)

Sabiex niksbu l-qrubija Divina, il-ħaġa bażika hija li dawn il-versi, u ħafna oħrajn fil-Koran Imqaddes, jiġbdu l-attenzjoni fuq l-umiltà u l-umiltà sħiħa. Il-bażi tal-kmandamenti kollha meħtieġa biex jinkiseb il-pjaċir ta’ Alla hija l-umiltà u l-modestja. Jgħid li dawk li jingħataw l-għarfien ‘huma jinxteħtu wiċċhom fl-art jibku u dan iżidhom fl-umiltà’ (17:110).

Meta naqraw l-istorja umana, insibu li, kull meta ġie xi profeta mingħand Alla, dawk li kienu jaħsbu li huma l-kbar ta’ dak iż-żmien, ħafna minnhom irrifjutaw lill-Profeti ta’ Alla minħabba li kellhom l-arroganza ġo qalbhom. Dan juri li, sakemm il-bniedem m’għandux l-umiltà ġo qalbu ma jistax jibbenefika anke mill-profeti u t-tagħlim Divin.

Il-filosofija u l-għerf fil-qima u t-talb

Dan huwa l-messaġġ, il-filosofija, l-għerf u l-għarfien li nsibu anke fil-qima u t-talb. Meta l-bniedem iqum quddiem il-Mulej, u meta jbaxxi rasu quddiem Alla u rasu tmiss l-art, din hija manifestazzjoni ta’ umiltà. Dan huwa l-istat tal-bniedem veru—l-istat tal-umiltà, li jagħtih il-bidu ġdid, u jiftaħ għalih il-bibien u l-opportunitajiet ġodda tat-tlugħ.

Meta l-bniedem verament isir umli u devot, Alla jerfa’ l-pożizzjoni tiegħu u l-bniedem jilħaq standards għoljin f’kull qasam, inkluż l-ispiritwalità.

Bla dubju ta’ xejn, il-prostrazzjoni hija qagħda li turi l-ogħla livell ta’ umiltà, sottomissjoni u dipendenza fejn supplikant jiftaħ qalbu m’Alla u jitlob għalll-maħfra Tiegħu. Għalhekk, il-Qaddis Profeta Muħammad, is-sliem għalih, qal li meta l-persuna tkun f’qagħda ta’ prostrazzjoni—il-pożizzjoni aħħarija tal-umiltà—għandha tfittex il-ħniena ta’ Alla u l-maħfra Tiegħu, għax f’dik il-pożizzjoni t-talb tagħha jinstema’ ħafna aktar minn Alla l-Ħanin.

Siġra mgħawġa u siġra dritta

Kull wieħed u waħda minna esperjenzajna f’xi żmien matul ħajjitna ż-żjara fi ġnien. Dawk is-siġar li huma mingħajr xi frott, huma dejjem dritti u għoljin, filwaqt li dawk is-siġar li huma mimlijin frott, dejjem jitgħawġu; aktar ma siġra għandha l-frott fuqha, aktar titgħawweġ.

Darba qrajt xi vers tal-poeżija li jfissir dan is-suġġett b’mod tajjeb ħafna li, il-fergħa titgħawweġ meta jkollha l-frott u l-fjuri fuqha; għalhekk, jekk inkunu qed nitgħawġu, ifhmu li aħna mimlijin bil-frott. Jekk aħna umli, allura ifhmu li aħna produttivi, aħna ta’ valuri, aħna nies ta’ karattru sod u tajjeb.

L-umiltà ma tfissirx dgħufija

Dan l-eżempju huwa ċarissmu bħall-kristall li dawk li huma arroganti, huma bla valur, huma bla frott, huma bla karattru; il-but tagħhom huwa vojt għalhekk ma għandhomx x’joffru lil ħaddieħor.

Iżda, dawk li huma umli, huma mimlijin bi fjuri u frott frisk u bnin, huma jbaxxu rashom minħabba l-piż tal-valuri morali, il-virtujiet u l-karattru eċċellenti tagħhom.

Fil-qosor, l-umiltà ma tfissirx dgħufija, iżda saħħa, sodizza, rieda, utilità u determinazzjoni.

Posted in Ahmadiyya Malta, Ahmadiyya: The True Islam, Article | Tagged , , , , , , , , , , , , , , , , | Leave a comment

Islam: A religion of peace

Posted on February 15, 2025 by Laiq Ahmed Atif

L-Iżlam: Reliġjon ta’ Paċi

Nauman Atif (Żagħżugħ Aħmadi Musulman)

Illum nixtieq niddiskuti suġġett li ħafna drabi ma jinftihemx sewwa, l-Iżlam bħala reliġjon ta’ paċi. F’dinja mimlija kunflitt u tensjoni, it-tagħlim tal-Iżlam xi kultant ma jinftihemx. Jiena nħossni onorat li se nikteb fuq din it-tema li dejjem sostniet li l-Iżlam huwa reliġjon ta’ paċi, imħabba, u mogħdrija.

Mill-bidu nett, nixtieq infakkarkom li l-kelma ‘Iżlam’ ġejja mill-kelma Għarbija ‘Salaam’ li tfisser sliem. L-Iżlam jgħallem il-paċi ma’ Alla, il-paċi ma’ ħutna l-bnedmin, u l-paċi miegħek innifsek.

Wieħed mill-aktar prinċipji fundamentali tal-Iżlam huwa t-twemmin li Alla huwa ġentili, ħanin u ġeneruż. Kull kapitlu tal-Koran Imqaddes jibda billi jenfasizza dawn il-karatteristiċi ta’ Alla:  “F’isem Alla, Mimli Grazzji, Dejjem Ħanin.”

Dan isaħħaħ il-bażi tat-twemmin sħiħ Iżlamiku, għaliex jenfasizza li n-natura ta’ Alla hija msejsa fuq il-mogħdrija u l-ħniena. L-Iżlam, hekk kif mgħallem fil-Koran Imqaddes, jiggwidana lejn il-paċi, ir-rispett reċiproku, u l-fehim. Il-Koran jgħallimna:

“Jekk huma jerqsu lejn il-paċi, mela ersqu lejn il-paċi intom ukoll; u afdaw f’Alla.” (8:62)

Hawnhekk naraw li l-Iżlam ma jiddefendix il-vjolenza jew l-aggressjoni. Anzi jħeġġiġna lilna l-Musulmani biex insegwu t-triq tal-paċi kull meta hu possibbli. Fil-fatt, il-Qaddis Profeta Muħammad (is-sliem għalih) hu deskritt bħala l-ħniena għall-umanità kollha: “Aħna ma bgħatnikx ħlief bħala ħniena għan-nies kollha.” (Il-Koran, 21:108)

L-eżempju tal-Qaddis Profeta Muħammadsa

Il-ħajja tal-Qaddis Profeta Muħammadsa kienet xempju perfett ta’ mogħdrija, maħfra u sliem. Qatt ma rritalja kontra l-għedewwa tiegħu, anki meta kellu s-setgħa li jagħmel dan. Il-kompassjoni u l-maħfra ma kinux jintwerew mas-segwaċi tiegħu biss, iżda anki mal-agħar rivali tiegħu. Fil-konkwista ta’ Mekka, meta l-għedewwa tiegħu beżgħu li se jiġu kkastigati, il-Qaddis Profeta Muħammadsa ħabbar amnestija ġenerali u ddikjara: “Mhux se jkun hemm twiddiba fil-konfront tagħkom illum.”

Il-ħajja tal-Qaddis Profeta Muħammadsa hija eżempju radjanti ta’ kif l-Iżlam jinkorpora l-paċi. Matul ħajtu, il-Qaddis Profetasa dejjem ħabrek biex isib soluzzjonijiet paċifiċi, saħansitra meta ffaċċjat b’ostilità tremenda.  

Għat-twaqqif tal-paċi soċjali, il-Qaddis Profeta Muħammadsa jista’ jitqies bħala dawl li jixgħel it-triq għall-armonija dejjiema. Huwa għallimna dwar il-kundizzjonijiet tal-paċi għall-popli kollha u għaċ-ċirkostanzi kollha.

Ħafna rivali tal-Iżlam u l-Punent isostnu li l-Iżlam, Alla jħarisna, ma jagħtix id-drittijiet lin-nisa u huwa piż għalihom. Din id-dikjarazzjoni ma tistax tkun aktar imbiegħda mill-verità.  

Qabel il-miġja tal-Qaddis Profeta Muħammadsa, in-nisa fl-Arabja kienu mċaħħda mid-drittijiet tagħhom u mqassma bħala wirt. Bl-għarfien tal-qagħda soċjali tan-nisa u l-pożizzjoni ġustifikata tagħhom fis-soċjetà bħala nisa miżżewġa u ommijiet; bl-assigurazzjoni tad-drittijiet tagħhom fil-wirt, fid-divorzju, fil-ħarsien tal-ulied, fl-immaniġġar tal-affarijiet tal-familja u fil-qima, il-Qaddis Profeta Muħammadsa stabbilixxa l-paċi fil-familja fuq pedament sod.

Waqt li ħafna drabi jkun allegat li l-Musulmani ma jirrispettawx ir-reliġjonijiet l-oħra jew il-figuri reliġjużi tagħhom, nista’ ngħid li dan mhu veru xejn. Fil-fatt, imdawlin mit-tagħlim tal-Koran Imqaddes, il-Musulmani jemmnu li l-profeti ta’ Alla ntbagħtu fil-pajjiżi kollha biex jiggwidaw u jirriformaw il-ġnus ta’ dawk ir-reġjuni.  

Aħna tassew nemmnu fil-verità tal-profeti kollha u nagħrfu li dawn intbagħtu biex iqarrbu lill-umanità lejn Alla Omnipotenti, biex jgħallmu l-moralità u biex iwaqqfu l-valuri umani universali, bħal-libertà tal-kuxjenza, il-ġustizzja u s-simpatija umana. Meta tqis dan kollu, kif jista’ jkun li aħna ma nirrispettawx jew ma nonorawx ir-reliġjonijiet l-oħra jew is-segwaċi tagħhom?

X’inhu Jihad (Ġiħad)?

Il-kunċett tal-Ġiħad fl-Iżlam mhu mifhum xejn. Dan ma jirreferix għal kunflitt vjolenti iżda pjuttost bħala mezz biex wieħed iħabrek u jistinka għall-kawża ta’ Alla. L-akbar Ġiħad huwa t-taqbida ġewwiena tagħna kontra d-dnub, hekk kif stqarr darba l-Qaddis Profeta Muħammadsa, “L-aqwa Ġiħad huwa meta wieħed jitħabat kontra tiegħu nnifsu għal Alla, il-Qawwi u l-Maestuż.”

Il-Ġiħad bl-armi hu aċċettat biss fl-Iżlam bħala att ta’ difiża, u anki hawn, insibu ħafna kundizzjonijiet stretti. U minkejja l-permess mogħti biex wieħed jissielet f’battalja difensiva kontra l-persekuturi ħarxa, it-tagħlim konsistenti ta’ Alla Omnipotenti jibqa’ jsostni li wieħed ma jistax jaqbeż il-limiti:  

“Ibqgħu ssieltu sakemm tieqaf il-persekuzzjoni, u Alla jkun jista’ jiġi meqjum bil-libertà kollha. Iżda jekk huma jieqfu, mela ftakru li l-ebda ostilità mhi permessa, ħlief kontra l-aggressuri.” (Il-Koran, 2:194)

Għalhekk, hawnhekk, dan il-prinċipju tal-gwerra huwa dwar battalji difensivi, u biex jitwaqqaf il-ħażen, u għalhekk jingħad li meta huma jieqfu mill-ġlied, intom ma tistgħux tkomplu għax xogħolkom huwa li tistabbilixxu l-paċi. Għaldaqstant, anki fl-għoti tal-permess tal-ġlied, ingħatajna prinċipju importanti dwar id-difiża u t-twaqqif tal-paċi.  

Meta l-Qaddis Profeta Muħammadsa kien ikun involut f’xi battalja, kien dejjem jordna biex:

  • L-ebda mara ma tinqatel;
  • Ma jinqatlux it-tfal;
  • Ix-xjuħ ma jiġux imfixkla u mxekkla;
  • L-ebda persuna ma tingħata n-nar;
  • L-ebda annimal ma jinqatel;
  • Ma jitqaċċtux is-siġar;
  • Għall-kuntrarju tal-għadu, l-ebda persuna m’għandha tiġi mċaħħda mill-imnieħer jew il-widnejn;
  • Ma jingħad xejn lir-refuġjati, lill-patrijiet jew ’l-eremiti—il-persuni reliġjużi. 

Wara li jkun rebaħ, huwa kien jipproklama li:

  • L-ebda mweġġgħin ma jinqatlu;
  • Ma jkunx hemm insegwiment bla bżonn għal min jaħrab.

Imbagħad, dwar il-priġunieri tal-gwerra, huwa dejjem talab biex jiġu ttrattati sewwa.

Dawk li jsostnu li l-Iżlam huwa reliġjon aggressiva u estremista għandhom jaħsbu jekk reliġjon bħal din tistax twassal dat-tip ta’ tagħlim.

It-tixrid ta’ demm innoċenti

Illum, f’din l-era fejn il-bniedem iqis lilu nnifsu avvanzat u edukat immens, wieħed irid jistaqsi jekk dawn il-valuri importanti jimmanifestawx ruħhom meta jitwaddbu l-bombi mis-smewwiet, meta l-missili jintefgħu fuq l-ibliet u l-abitazzjonijiet.  

Kemm se jinxtered demm ta’ nies innoċenti f’dawn il-bumbardamenti bla sens? F’żoni fejn teżisti l-anarkija, kuljum ikun hemm funerali ta’ xjuħ, nisa u tfal. Dawn l-aħbarijiet mhumiex mistura minn għajnejna.

L-orrur li sar f’Gaża

Id-dinja ma ratx x’ġara f’Gaża, il-Palestina, mis-7 ta’ Ottubru, 2023? Aktar minn 47,000 Palestinjan innoċenti nqatlu f’Gaża, li jinkludu tfal u nisa. Dawk li jqisu lill-Iżlam bħala reliġjon vjolenti ma jarawx dawn il-ħruxijiet, brutalitajiet u vjolenza bla preċedent.

Il-midja tal-Punent ħolqot din l-immaġni u l-ideoloġija żbaljata tal-Iżlam bħala reliġjon estremista u terrorista. Mentri l-Koran Imqaddes jiddikjara li: “Kull min joqtol persuna, ikun qisu qatel l-umanità kollha, u kull min isalva persuna jkun qisu salva l-umanità kollha.” (5:33)

Il-Fundatur tal-Komunità Ahmadiyya Musulmana, Ħażrat Mirża Ghulam Aħmad, il-Messija Mwiegħed u l-Maħdias, huwa difensur leali tat-tagħlim paċifiku tal-Iżlam. 

Il-motto tal-Komunità Ahmadiyya Musulmana, ‘Imħabba għal Kulħadd, Mibegħda għal Ħadd’ iħaddan il-qofol tal-prinċipji Iżlamiċi.  

Il-Komunità Ahmadiyya Musulmana tkompli tippromovi l-paċi, it-tolleranza u l-fehim bis-saħħa tal-edukazzjoni, is-servizz, u d-djalogu.

Wara li naċċettaw lill-Messija Mwiegħedas, jalla Alla l-Omnipotenti jgħinna nsiru eżempji xierqa għall-bqija tad-dinja permezz tal-azzjonijiet tagħna, li jkunu bbażati sew fuq it-tagħlim ġenwin tal-Iżlam.  

Jalla Alla jaċċetta t-talb kollu tagħna u l-isforzi tagħna biex naħdmu għat-twaqqif tal-paċi u kif qal Alla lill-Messija Mwiegħedas li: “Se naħdem biex il-messaġġ tagħkom jilħaq l-irkejjen kollha tad-dinja.” Jalla kollha kemm aħna nħabirku għal din il-kawża nobbli u b’hekk insiru riċevituri ġenwini tal-ħniena u l-grazzja ta’ Alla. Ammen.

Posted in Ahmadiyya Malta, www.Ahmadiyya.mt | Tagged , , , , , , , , , , | Leave a comment

Il-fiduċja u trustworthiness

Posted on February 14, 2025 by Laiq Ahmed Atif

Irridu nifhmu li, il-fiduċja, trustworthiness, l-onestà u l-verità huma l-pedament ta’ kull relazzjoni tajba. Fil-Koran Imqaddes, Alla jfakkarna ħafna drabi biex inkunu fidili, onesti u sinċiera. Il-Koran Imqaddes dejjem iħeġġiġna biex inkunu fidili u onesti u nsegwu t-triq dritta tal-verità; u persuna ma tistax issir onestà jekk ma tgħidx il-verità (4:70). Il-fiduċja u l-onestà hija t-triq tajba ħafna li wieħed għandu jaqbadha.

Il-fiduċja, l-onestà u l-verità huma tabilħaqq armi kbar ta’ profeti ta’ Alla, l-aspetti kollha tal-ħajja tagħhom għandhom luminożità ta’ verità, fiduċja u onestà. Tabilħaqq, il-fiduċja u l-onestà hija l-ogħla kwalità ta’ karattru tal-bniedem.

___________ Il-Koran Imqaddes ___________

“Jekk tafdaw lil xulxin, dak li jkun fdat għandu jrodd lura dak li kien fdat lilu, u għandu jibża’ minn Alla Sidu. La taħbux ix-xhieda (vera). Min jaħbiha, qalbu tkun tabilħaqq midinba. Alla jaf sew b’kulma tagħmlu.” (2:284)

“Tabilħaqq, Alla jikkmandakom biex troddu lura lil sħabhom dak li fdawkom bih, u jekk tagħmlu ħaqq min-nies, agħmlu ħaqq bil-ġustizzja.” (4:59)

“Intom li temmen, la tittradixxux lil Alla u lill-Messaġġier, u la tittradixxux il-fiduċja, l-obbligazzjonijiet u l-ħwejjeġ fdati lilkom meta intom tafu.” (8:28)

“Dawk li huma għassa tal-fiduċja u l-patti tagħhom (u jħarsu l-onestà tagħhom); u dawk li huma sodi fix-xhidiet tagħhom, u dawk li jħarsu t-talb tagħhom, dawk ikunu fil-Ġonna tassew onorati.” (70:33-36)

___________ Diskorsi tal-Qaddis Profeta Muħammadsa ___________

Il-Qaddis Profeta Muħammad, is-sliem għalih, dejjem ta importanza kbira lill-verità u l-onestà, u kien magħruf bħala al-Sadiq (is-sinċier u l-veritier) u al-Amin (il-leali, l-affidabbli u l-onest). Darba ġabar il-familja u n-nies tiegħu taħt muntanja żgħira u qalilhom, “Jekk ngħidilkom li armata kbira qiegħda tistenniekom wara din l-għolja, temmnuni?” Anki jekk kien evidenti li armata kbira ma setgħetx tistaħba wara dik l-għolja żgħira, li kien impossibbli li kien hemm armata u li ma kinux rawha jew lemħuha, xorta qalu għalenija, “Iva, għax inti dejjem għedt il-verità.” Aħna nafu li, inti dejjem mexxejt bl-onestà sħiħa.

Posted in Ahmadiyya Malta | Tagged , , | Leave a comment

Id-Dawl 86

Posted on February 13, 2025 by Laiq Ahmed Atif

Id-Dawl 86—February 2025

Id-Dawl 86Download
Posted in Id-Dawl, Id-Dawl Magazine | Tagged , , , , , , , , , , , , , , , | Leave a comment

Difficult but it is the path of righteousness

Posted on February 9, 2025 by Laiq Ahmed Atif

DIFFIĊLI IŻDA HIJA T-TRIQ TAS-SEWWA

It-Torċa, 09.02.2025 | IMAM Laiq Ahmed Atif – amjmalta@gmail.com

Kemm-ildarba esperjenzajna fil-ħajja tagħna ta’ kuljum li meta xi ħadd jixtieq li jkollu xi ħaġa li jħobb, meta finalment jirċeviha kemm isir ferħan bħal donnu li rċieva d-dinja kollha. Naraw li meta t-tfal jirċievu l-ġugarelli tal-għażla tagħhom kemm isiru ferħanin. Meta xi ħadd jirċievi ċ-ċertifikat tal-gradwazzjoni, jew jixtieq l-ewwel karozza jew dar tiegħu, kemm jieħu pjaċir li ma nistgħux nispjegaw bil-kliem.

Jekk il-bniedem ikun daqshekk ferħan meta jkollu xi ħaġa li jixtieqha, xi ħaġa li hija temporanja,  aħseb u ara kemm il-bniedem se jkun ferħan meta jsib lil Alla—il-Ħallieq ta’ kulħadd u ta’ kollox.

Għażla ta’ ħabib

Qrajt storja vera impressjonanti li tgħallimna lezzjoni tal-ħajja. Darba raġel kien miexi fit-triq jibki u kien diżappuntat ħafna. Bniedem ta’Alla ltaqa’ miegħu fit-triq u staqsieh, “Għaliex qed tibki?” Hu wieġeb, “Ħabibi ħalliena.” Il-​bniedem ta’Alla qallu, “Int kellek taħseb minn qabel. Għaliex kellek ħbiberija ma’ xi ħadd li kellu jmut?”

Xi sbuħija! Kemm hi sabiħa t-tweġiba tal-bniedem ta’ Alla, li fi ftit kliem għallimna lezzjoni għal ħajjitna kollha li dejjem nagħmlu ħbiberija ma’ Dak li hu Etern, li hu Jista’ Kollox, li hu għal Dejjem, li hu Ħaj u qatt ma jmut, jiġifieri, Alla—is-Sid tal-Ħolqien kollu.

Jekk il-bniedem jitgħallem din il-lezzjoni li dejjem iżomm lil Alla l-qofol ta’ ħajtu u jagħtih il-prijorità fuq kull ħaġa oħra, żgur se jgawdi b’mod tajjeb f’din id-dinja u bl-aħjar mod fid-dinja l-oħra.

Teżor li ma jispiċċa qatt

Il-Fundatur tal-Komunità Ahmadiyya Musulmana jgħid li, jekk inti ssir ħaġa waħda m’Alla, ibqa’ ċert li Alla wkoll se jkun tiegħek. Kieku kont taf, lanqas ġurnata waħda ma kont titnikket fuq id-dinja. Min għandu teżor jibki u jsir imnikket minħabba t-telfa ta’ munita waħda? Kieku kont konxju taʼ dan it-teżor u kont taf li f’kull ħin taʼ bżonn Alla jistaʼ jwettaq il-ħtiġijiet tiegħek, kont tħares lejn id-dinja u l-affarijiet tagħha b’mod daqshekk inkwetanti?

Jiġifieri, Alla hu t-teżor li ma jispiċċa qatt, u d-dinja hi munita waħda li hi bla valur. Għalhekk, huwa ovvju li d-dmir primarju u l-pass importanti li rridu nagħmlu huwa li nagħrfu lil Alla; inħobbu lil Alla; nistabbilixxu relazzjoni soda ma’ Alla; inrabbtu rabta mill-aqwa mal-Mulej, sabiex Hu verament ikun tagħna.

Jekk ir-rikonoxximent tagħna ta’ Alla huwa difettuż, dubjuż u mċajpar, il-fidi tagħna ma tistax tkun tleqq u brillanti. Sakemm ma jkollna l-ebda esperjenza vera tar-rikonoxximent ta’ Alla, permezz tal-attributi Tiegħu, ma nistgħux nixorbu l-ilma frisk tan-nixxiegħa ta’ fehim veru.

Kastell fuq ir-ramel

Jiġifieri, il-fidi dubjuża ma tista’ teħodna mkien. Nistgħu nitilgħu fuq il-muntanja b’nofs sforz? Nistgħu ngħaddu minn eżami bi ftit sforz? Nistgħu nibnu bini bil-briks nofshom lesti? Nistgħu nibnu kastell fuq ir-ramel? Allura kif nippretendu li nistgħu niksbu l-imħabba u l-pjaċir ta’ Alla b’qalb maqsuma, jew b’fidi difettuża u mċajpra?

Alla huwa l-aqwa dawl li qatt jista’ jkun, u jista’ jidher biss bil-qawwa tad-dawl aħħari tal-qalb u r-ruħ. Il-bniedem għandu jagħmel minn kollox, mija fil-mija, biex jistinka bil-kapaċitajiet u l-abbiltajiet kollha tiegħu ħalli jara l-wiċċ sabiħ u leqqien ta’ Alla li Jista’ Kollox.

Għandna bżonn li neħħu d-dubji kollha, u neħtieġu li qalbna tkun affettwata b’mod tant qawwi mill-esperjenza tal-ħniena, il-grazzja u l-qawwa Divina, biex neħilsu mill-passjonijiet li jaħkmuna minħabba d-dgħufija tal-fidi tagħna, u jdawruna lejn id-direzzjoni opposta.

Għalhekk huwa meħtieġ li min ifittex il-verità jokkupa ruħu kontinwament bit-tfittxija tal-fidi vera u ma jqarraqx lilu nnifsu billi jaħseb li huwa fidil li jemmen f’Alla u jevita l-ħażen.

Għax wara l-mewt, is-salvazzjoni perfetta u l-hena vera jaslu biss għal dawk li jibqgħu jfittxu l-verità matul ħajjithom kollha. Hemm, dik il-persuna biss se tikseb salvazzjoni perfetta, prosperità vera u hena reali li kisbet f’din il-ħajja dak id-dawl ħaj u veru li jdawwar lill-persuna, flimkien mal-fakultajiet u l-kapaċitajiet u d-disinji kollha tagħha, lejn Alla li Jista’ Kollox. Dak li jikkawża l-mewt għalkollox lill-ħajja u x-xewqat ħżiena tiegħu, u ruħu tgħaddi minn bidla ġusta u safja.

X’inhu dak id-dawl ħaj u veru?

Hija l-kapaċità mogħtija minn Alla, li ngħidulha ċertezza jew fehim perfett. Din hija s-setgħa li tiġbed bniedem b’idu qawwija minn ħofra mudlama u tal-biża’ u tpoġġiha fuq sfond qawwi u paċifiku.

Meta l-bniedem jasal sa tali pożizzjoni tal-fidi tiegħu, huwa jingħata ċertezza perfetta, u jibda jiġri bħall-ilma, u jgħaġġel bħar-riħ lejn Alla. Din iċ-ċertezza tikkonsma kull ħaġa oħra bħan-nar, u l-bniedem isir ġust, safi u purissimu; u l-bniedem jingħata x-xarba ħelwa tal-imħabba perfetta ta’ Alla li tagħmel il-ġisem kollu ħelu; huwa ħalib delizzjuż, li jeħles lil min jixrob minn kull xewqa għal għotjiet oħra.

Iżda din il-pożizzjoni tista’ tinkiseb biss permezz tat-talb, l-isforz sħiħ, tħabrik kontinwu, sagrifiċċji, is-sagrifiċċju veru tal-ego, il-ġlied vera kontra kull ħażen u l-istinkar għal kull tjubija, li fl-aħħar iwasslu biex jassorbu l-grazzja u l-ħniena ta’ Alla, il-Ħanin. Kemm hu diffiċli dan il-kompitu. Ah! Kemm hi diffiċli din it-triq, iżda, din biss hija t-triq tas-sewwa.

Posted in Ahmadiyya Malta, Ahmadiyya: The True Islam, Article | Tagged , , , , , , , , , , , , , , , , , , , | Leave a comment

Funeral Rituals

Posted on February 7, 2025 by Laiq Ahmed Atif

Photo: Pixabay | Pexels.com

Posted in Ahmadiyya Malta | Tagged , , , , , , , , , , | Leave a comment

Id-Dawl 85

Posted on February 5, 2025 by Laiq Ahmed Atif

Id-Dawl 85—January 2025

Id-Dawl 85Download
Posted in Id-Dawl, Id-Dawl Magazine | Tagged , , , , , , , , , , , , , , , , | Leave a comment

Who is God and does God really exist?

Posted on February 2, 2025 by Laiq Ahmed Atif

Alla tassew Jeżisti? MIN HU ALLA?

It-Torċa, 02.02.2025 | IMAMLaiq Ahmed Atif – amjmalta@gmail.com

Ftit ġimgħat ilu, ħabib tiegħi ċempilli u qalli, “Weġġajt spallti waqt ix-xogħol, għandi l-uġigħ u ma nistax inċaqlaq l-ispalla tiegħi iktar minn ħamsa fil-mija. It-tabib jgħid li se ssir l-operazzjoni.” Qalli li jibża’ mill-operazzjoni u ma jridx imur għall-operazzjoni, u xtaq li jfiq mingħajr l-operazzjoni. Qalli li għandu fiduċja kbira fit-talb u talabni biex nitlob għalih u anke nikteb lill-Kalif, Ħażrat Mirża Masroor Aħmad, il-Mexxej tal-Komunità Ahmadiyya Musulmana, sabiex jiftakar fih fit-talb speċjali tiegħu għall-fejqan.

Mill-ewwel ktibt lill-Kalif, il-Qdusija Tiegħu, li hu bniedem qaddis u spiritwali ħafna. Huwa tassew bniedem ta’ Alla, li għandu relazzjoni soda ma’ Alla. Il-Qdusija Tiegħu l-Kalif, barra mill-ħames talbiet obbligatorji, iqum billejl filgħodu kmieni, madwar tliet, erba’ sigħat qabel tlugħ ix-xemx, biex iqim lill-Mulej u jfittex il-barkiet u l-ħniena Tiegħu għall-umanità kollha.

Xi ftit ġranet ilu, dak il-ħabib tiegħi mar għand il-physio għall-check-up u mbagħad ġie għandi biex jiltaqa’ miegħi. Kien ferħan ħafna u qalli, “Jiena mfejjaq 75 fil-mija.” Qalli, meta tkellem miegħi l-ewwel darba dwar saħħtu, kien hemm 5 fil-mija ċaqliq fl-ispalla tiegħu, u llum hemm 75 fil-mija ċaqliq. Qalli, “Dan sar minħabba t-talb; din hija xejn ħlief il-barka ta’ Alla.”

L-ikel favorit

Darba jien mort ma’ binti biex nixtru xi ħaġa, imbagħad ħadtha miegħi f’restorant fejn hi tħobb tiekol l-ikel partikolari tagħhom. Wara li ordnajt l-ikel, qaltli, “Papà, nemmen li Alla verament jeżisti u jisma’ t-talbiet u x-xewqat tagħna.” Qaltli, “Ilbieraħ xtaqt li jkolli dan l-ikel, iżda ma għedtlekx.”

Jiġifieri, ix-xewqa innoċenti tagħha sar talb u wasal għand il-Mulej u aċċettaha. Ara, jien ma kontx naf li hi tixtieq tiekol l-ikel favorit tagħha f’dak ir-restorant minkejja t-talb u x-xewqat tagħha. Jien ma kelli l-ebda pjan biex immur hemm, iżda Alla daħħal dan f’qalbi biex neħodha miegħi għall-ikel tal-għażla tagħha f’dan ir-restorant partikolari.

Ktibt dawn ta’ fuq sabiex nifhmu l-eżistenza ta’ Alla. Għax insibu u nagħrfu lil Alla mill-attributi u s-sinjali u bil-qawwa tiegħu.

L-eżistenza tal-moħħ, l-intellett u l-memorja hija verità aċċettata li ħadd fid-dinja ma jiċħad; madankollu xi ħadd qatt ra l-intellett, jew sema’, jew daq, jew xammha? Imma xorta nemmnu fihom u fl-eżistenza tagħhom permezz tal-effetti u l-impatt tagħhom. Bl-istess mod, Alla juri lilu nnifsu permezz tas-sinjali tiegħu.

Insibu lil Alla permezz tat-talb

Għalhekk, il-prova tal-eżistenza ta’ Alla hija l-manifestazzjonijiet tal-qawwa u s-sinjali tiegħu, fosthom it-talb. Verament, l-aċċettazzjoni tat-talb hija prova kbira tal-eżistenza ta’ Alla. Fid-dawl ta’ dan, ippreżentajt żewġ ġrajjiet veri u riċenti lill-qarrejja. Dawn il-ġrajjiet ta’ aċċettazzjoni tat-talb mhumiex prova tal-eżistenza ta’ Alla?

Mingħajr l-iċken dubju, Alla jikxef lilu nnifsu lill-qaddejja veri tiegħu billi jisma’ t-talb tagħhom. Dan huwa mod u mezz meraviljuż u mill-isbaħ biex issib u tesperjenza lil Alla, u kulħadd jista’ jagħmel dan. Kulħadd jista’ jesperjenza u jsib lil Alla permezz tat-talb.

Min hu Alla?

Il-Koran Imqaddes jiddeskrivi lil Alla fil-qosor u b’mod komprensiv, u jwieġeb il-mistoqsija għal min hu Alla, b’mod eċċellenti, li: “F’Isem Alla, Kollu Grazzja, il-Ħanin. It-tifħir kollu għal Alla, Sid id-Dinjiet kollha. Kollu Grazzja, il-Ħanin, Sid Jum il-Ħaqq.” (Il-Koran, 1:1-4)

“It-tifħir kollu lil Alla li ħalaq is-smewwiet u l-art, u għamel id-dlamijiet u d-dawl; madankollu dawk li ma jemmnux jagħmlu (allat oħra) daqs il-Mulej tagħhom.

Huwa li ħalaqkom mit-tafal, imbagħad jiddetermina żmien għal ħajjitkom, u hemm terminu ieħor iffissat li Hu biss għandu għarfien tiegħu, xorta tiddubitaw (minkejja s-sinjali kollha).

Huwa Alla, kemm fis-smewwiet kif ukoll fl-art. Jaf ġewwa tagħkom u barra tagħkom; jaf dak li tostru u dak li turu, u jaf dak kollu li takkwistaw u tiksbu.” (Il-Koran, 6:2-4)

Is-sors tal-paċi

“Huwa Alla, u m’hemm ħadd denju tal-qima ħlief Hu, Dak li Jaf Kollox dwar dak li jidher u dak li ma jidhirx. Huwa l-Ġentili, il-Ħanin. Huwa Alla, u m’hemm ħadd denju tal-qima ħlief Hu, is-Sovran, il-Qaddis, is-Sors tal-Paċi, il-Protettur, is-Setgħani, il-Kontrollur, in-Nobbli.

Qaddis huwa Alla ħafna aktar minn dawk li jassoċjaw miegħu. Huwa Alla l-Ħallieq, il-Kreatur, l-Għammiel. Tiegħu huma l-aktar ismijiet sbieħ. Dak kollu li jinsab fis-smewwiet u fl-art jigglorifikah; u Huwa s-Setgħani, l-Għaqli.” (Il-Koran, 59:23-25)

F’dawn il-versi ta’ hawn fuq, Alla huwa deskritt bħala l-Ħallieq tal-univers kollu, tas-smewwiet u l-art, u tal-umanità kollha; Hu dak li Jaf Kollox, Hu Jista’ Kollox, Hu Qawwi, Hu l-Ewwel u l-Aħħar.

L-għajn tal-ħajja

Il-Fundatur tal-Komunità Ahmadiyya jgħid: “Kemm hu xortih ħażina, tabilħaqq, dak il-bniedem li lanqas biss jaf li għandu Alla b’setgħa fuq kollox!

Il-Ġenna tagħna, tabilħaqq, hija Alla tagħna: l-ogħla tgawdija tagħna hija f’Alla għaliex aħna rajnieh u kull ġmiel jinsab fih (f’Alla). Jaqbel li kulħadd ikollu dan it-teżor, anki jekk wieħed jitlef ħajtu għalih; u din hija ġawhra li għandha tinxtara anki jekk tinkiseb biss billi wieħed jissagrifika lilu nnifsu għalkollox.

O inti li qed tħossok vojt, iġri lejn din l-għajn ħalli l-għatx tiegħek jittaffa. Hija l-għajn tal-ħajja li se ssalvak. X’nista’ nagħmel jien, u kif nista’ nwaħħad din l-aħbar tajba f’moħħok, b’liema tanbur għandi mmur fit-toroq ngħajjat li Dan huwa Alla tiegħek, ħalli kulħadd għandu jisma’. B’liema ingwent għandi nfejjaq lin-nies ħalli jinfetħulhom widnejhom biex jisimgħu!

Jekk inti tassew issir ta’ Alla, mela ibqa’ żgur li Alla jkun tiegħek fis-sew; tabilħaqq Alla jkun tiegħek.”

Posted in Ahmadiyya Malta, Ahmadiyya: The True Islam, Alla, Allah, Allah Almighty, Article, God, www.Ahmadiyya.mt | Tagged , , , , , , , , , , , , , , , , , , , | Leave a comment

Where is God and how can we find Him?

Posted on January 30, 2025 by Laiq Ahmed Atif

FEJN HU ALLA, U KIF NISTGĦU NSIBU LIL ALLA?

In-Nazzjon, 30.01.2025| IMAM Laiq Ahmed Atif – amjmalta@gmail.com

Alla jeżisti? Jekk jeżisti, allura, fejn hu Alla? Dawn huma mistoqsijiet komuni kull meta niddiskutu lil Alla, għax, is-suġġett tal-Mulej dejjem kien tema importanti. Nies ta’ kull età kienu u għadhom ħerqana biex ikunu jafu jekk verament hemmx Alla.

L-Iżlam jippreżenta Alla ħaj, li jikkomunika mal-qaddejja tiegħu bħalma għamel fl-imgħoddi.  Huwa li hu Etern, Kollu Setgħani, Jaf Kollox u l-Ħallieq tal-ħwejjeġ kollha. Huwa li jikkastiga l-midinbin, iżda wkoll li jaħfrilhom fejn ikun għaqli li jaħfer.

Alla huwa l-Esseri li Hu ħieles mid-difetti kollha u li jippossiedi l-kwalitajiet perfetti. Alla huwa l-isem ta’ dak l-Esseri li jġorr l-attributi kollha. Alla huwa l-isem personali tal-Mulej, skont l-Iżlam.

Alla għandu ħafna attributi u, skont l-Iżlam, hemm 99 attribut ta’ Alla magħrufa lilna. Madankollu, fit-twemmin tagħna, l-attributi ta’ Alla huma innumerabbli; bla għadd. Alla jgħid fil-Koran Imqaddes: “Ta’ Alla huma l-isbaħ ismijiet, u lil Alla biss jappartjenu l-attributi perfetti kollha. Mela sejħulu bihom.” (7:181)

Jiġifieri, Alla għandu l-attributi perfetti kollha, u juri lilu nnifsu lilna permezz tal-attributi tiegħu, u nistgħu nsibuh skont l-attributi sbieħ tiegħu.

Fejn hu Alla?

Fil-Koran Imqaddes Alla jgħid li: “Ta’ Alla huwa l-Lvant u l-Punent, u kull fejn idduru, se jkun hemm il-wiċċ ta’ Alla. Tabilħaqq, Alla huwa Abbundanti ħafna, u Jaf Kollox. Tiegħu kulma jinsab fis-smewwiet u fl-art; u lilu huma kollha ubbidjenti. Huwa l-Oriġinatur li ħalaq għall-ewwel darba s-smewwiet u l-art; u meta Alla jiddeċiedi xi ħaġa, jgħidilha biss, ‘Kun!’ u hekk tkun.” (2:116-118)

Dawn il-versi juruna li Alla huwa kullimkien. Huwa n-nixxiegħa ta’ kull ġmiel. Il-mistoqsija mhix dik fejn hu Alla, għax, hu kullimkien, imma, li, kif nistgħu nsibu lil Alla?

It-tweġiba hija sempliċi ħafna iżda profonda li, meta nkunu bil-għatx x’nagħmlu normalment? Meta nkunu bil-għatx nippruvaw insibu l-ilma u mmorru f’kull bir, funtana, jew f’mezzi oħra minn fejn inkunu nistgħu nieħdu l-ilma biex naqtgħu l-għatx tagħna. Bl-istess mod, meta aħna spiritwalment għatxana u nixtiequ nsibu lil Sidna għandna nimxu lejh biex insibuh, u biex nissodisfaw il-bżonnijiet spiritwali tagħna.

Id-dawl jidħol jekk t-twieqi u l-bibien huma miftuħin

Id-dawl tax-xemx iġib id-dawl tal-jum, imma min iżomm il-bibien u t-twieqi tiegħu magħluqa jċaħħad lilu nnifsu minnu. “Alla huwa d-dawl tas-smewwiet u tal-art” iżda jekk inżommu l-bibien ta’ qlubna magħluqa kif nistgħu nibbenefikaw mid-dawl Divin?

Għalhekk, fid-dinja spiritwali, id-dawl jasal biss lil dawk li jżommu t-twieqi u l-bibien ta’ qalbhom miftuħin. Huwa l-att ta’ persuna li jassorbi l-grazzja ta’ Alla u bħala riżultat huma jiksbu gwida. Alla mhux inġust. Alla jagħmel żewġ passi lejn persuna li tagħmel pass lejh u jiġri lejn persuna li timxi lejn Alla.

Jekk niftħu qalbna għal Alla, Alla tassew jilluminana

Alla jgħid fil-Koran Imqaddes li, “Lil dawk li jħabirku għalina u jistinkaw għalina, immexxuhom fit-toroq tagħna. Alla tassew huwa ma’ dawk li jagħmlu t-tajjeb.” (29:70)

Jiġifieri, jekk il-bniedem jiftaħ qalbu għal Alla, Alla tassew jilluminah; dawk li jistinkaw biex isibu lill-Mulej, Alla żgur jiggwidahom lejn il-mogħdijiet Tiegħu. Iżda, irridu nibdew il-vjaġġ lejn Alla. Jekk għandi nasal sal-Belt, għandi nibda l-vjaġġ tiegħi lejn il-Belt. L-istess jgħodd meta nixtieq li nasal għand il-Mulej.

Huwa ’l bogħod iżda fl-istess ħin qrib ħafna

Il-Fundatur tal-Komunità Ahmadiyya Musulmana jispjega dan is-suġġett b’mod tajjeb ħafna  ta’ fejn hu Alla u jgħid:

“Huwa viċin u fl-istess ħin ’il bogħod; u Huwa jinsab ’il bogħod iżda fl-istess ħin viċin. Huwa jista’ jimmanifesta Ruħu f’kull forma għal dawk li għandhom l-esperjenza tal-viżjonijiet iżda Huwa la għandu ġisem u lanqas sura. Huwa jinsab fuq kulħadd imma ma jistax jingħad li hemm xi ħadd taħtu. Huwa jinsab fuq it-tron Tiegħu, iżda ma jistax jngħad li Huwa ma jinsabx fuq l-art. Huwa jgħaqqad fih innifsu l-kwalitajiet perfetti kollha u Huwa manifestazzjoni tal-foħrija ġenwina kollha.

Huwa n-nixxiegħa tal-eċċellenzi kollha u jgħaqqad fih Innifsu l-poteri kollha. Kull grazzja tinbet minnu u kollox jirritorna Lejh. Huwa s-Sid tas-saltniet kollha u jippossiedi kull kwalità perfetta. Huwa ħieles minn kull difett u dgħufija.  

Tgħodd Lilu biss il-qima ta’ dawk kollha li jinsabu fl-art u fis-sema. Xejn mhu lil hinn mill-qawwa Tiegħu. L-erwieħ kollha u l-kapaċitajiet tagħhom u l-materji kollha u l-ħiliet tagħhom huma l-ħolqien Tiegħu. Xejn ma jimmanifesta ruħu mingħajrU.  

Huwa jimmanifesta Ruħu lil nies devoti

Huwa jimmanifesta Ruħu bis-saħħa tal-qawwiet Tiegħu u l-għeliem Tiegħu u aħna nsibuH biss bis-saħħa Tiegħu. Huwa jimmanifesta Ruħu lid-devoti u jurihom il-poteri Tiegħu. B’hekk Huwa jiġi rikonoxxut u b’hekk tiġi rikonoxxuta l-mogħdija Tiegħu li għandha l-approvazzjoni Tiegħu.

Huwa jara mingħajr għajnejn fiżiċi, jisma’ mingħajr widnejn fiżiċi u jitħaddet mingħajr ilsien fiżiku. Hija l-Qawwa Tiegħu li l-ħajja joħloqha mix-xejn. Hekk kif inti tilmaħ f’ħolma, Huwa joħloq dinja sħiħa mingħajr l-għajnuna tal-materja u juri bħala preżenti dak li huwa mortali u li ma jeżistix. Hekk huma l-poteri kollha Tiegħu.

Iblah hu dak li jiċħad il-qawwiet Tiegħu u agħmi hu dak li mhux konxju tal-profondità tagħhom. Huwa jagħmel kollox u jista’ jagħmel kollox ħlief dak li mhux konsistenti mad-dinjità Tiegħu jew jopponi l-wegħda Tiegħu. Huwa ħaġa waħda fl-Esseri Tiegħu u fl-attributi Tiegħu u fl-għemejjel Tiegħu u fil-qawwiet Tiegħu.”

Posted in Ahmadiyya Malta, Article, www.Ahmadiyya.mt | Tagged , , , , , , , , , , , , , , , , | Leave a comment

Threat or a source of peace?

Posted on January 26, 2025 by Laiq Ahmed Atif

THEDDIDA JEW SORS GĦALL-PAĊI?

It-Torċa, 26.01.2025 | Imam Laiq Ahmed Atif – amjmalta@gmail.com

Ir-reliġjon kienet, hija u se tibqa’ strument mill-aqwa għar-riformazzjoni u t-trasformazzjoni tal-bniedem. Il-bniedem ta’ kull żmien dejjem kien fil-bżonn li jkun aħjar moralment, soċjalment, spiritwalment u anke finanzjarjament. Ir-reliġjon dejjem ipprovdiet is-soluzzjonijiet lill-bniedem f’kull qasam tal-ħajja tiegħu. Kull meta l-bniedem kien fil-bżonn, anke fil-mumenti koroh u mudlama, ir-reliġjon kienet dejjem hemm biex tixgħellu u tagħtih id-dawl fl-aktar mumenti mudlama u biex tiggwidah lejn il-mogħdijiet it-tajba.

Iżda, sfortunatament, ir-reliġjon ma kinitx apprezzata kif suppost kellha tkun. Anke fid-dinja tal-lum insibu għadd sostanzjali ta’ nies li għandhom biża’ mir-reliġjon b’mod ġenerali u mill-Iżlam b’mod partikolari. Minflok li jitgħallmu l-prinċipji tal-ħajja, qed jibżgħu mir-reliġjon.

Irridu nifhmu u nagħmlu distinzjoni ċara bejn ir-reliġjon u dawk li jemmnu fir-reliġjon. Mhijiex reliġjon li toħloq problemi jew tiggwida biex toħloq diżordni fl-art, u tagħmel il-ħajja tan-nies orribbli; pjuttost, sfortunatament ħafna, huma n-nies li jinterpretaw ħażin it-tagħlim reliġjuż għall-iskopijiet u l-benefiċċji personali tagħhom. Huma n-nies li jużaw l-isem tar-reliġjon għall-interessi personali tagħhom u jagħtu isem ħażin lir-reliġjon. Fir-realtà, ir-reliġjon hija sors ta’ paċi, armonija, fratellanza u benesseri tar-razza umana kollha.

Minflok il-biża’, nitgħallmu

Għalhekk, minflok li nibżgħu u nitbiegħdu mir-reliġjon, għandna biex nuru x-xewqa ħerqana tagħna li nitgħallmu u nitkixxfu dwar ir-reliġjon. Għalhekk, nitlob li intom il-qarrejja tkunu dawk li tfittxu li tagħrfu l-essenza vera u l-bżonn ġenwin għar-reliġjon mill-qigħan ta’ qlubkom.

Illum, nixtieq nikteb partikolarment dwar l-Iżlam li, bħala reliġjon, taħsbu li hija theddida jew sors għall-paċi? Għax, kif diġà għedt, in-nies jibżgħu ħafna partikolarment mill-Iżlam, u jaħsbu li l-Iżlam huwa theddida għall-paċi u l-benesseri dinjija. Huwa fatt li ħafna drabi jsiru għadd ta’ interpretazzjonijiet ħżiena tal-Iżlam u għalhekk it-tagħlim tiegħu jkun mibdul għalkollox b’tali mod li tingħata l-impressjoni li, allaħares, l-Iżlam ma jgħallem xejn ħlief l-estremiżmu u l-krudeltà.

Naħseb li, f’dinja mimlija kunflitti u tensjoni, it-tagħlim tal-Iżlam xi kultant ma jinftihemx; iżda fir-realtà l-Iżlam mhuwa xejn ħlief reliġjon ta’ paċi, imħabba, u mogħdrija. Il-kelma ‘Iżlam’ ġejja mill-kelma Għarbija ‘Salaam’ li tfisser sliem u paċi. L-Iżlam jgħallem il-paċi ma’ Alla, il-paċi ma’ ħutna l-bnedmin, u l-paċi miegħek innifsek.

Alla hu Dejjem Ħanin

Barra minn hekk, Alla li jippreżenta l-Iżlam għandu n-natura tal-imħabba u l-ħniena. Alla li naduraw u li nemmnu li hu omnipotenti hu kompletament sovran u għalhekk għandu l-qawwa li jagħmel kollox u kulma jrid. Fl-istess ħin, hu Dejjem Ħanin. Għalhekk, Alla l-Ħanin, fil-Koran ta lin-nies l-aħbar tajba li l-ħniena u l-kompassjoni tiegħu qegħdin hemm għal kulħadd.

Għalhekk, wieħed mill-aktar prinċipji fundamentali tal-Iżlam huwa t-twemmin li Alla huwa ġentili, ħanin u ġeneruż. Kull kapitlu tal-Koran Imqaddes jibda billi jenfasizza dawn il-karatteristiċi ta’ Alla:  “F’isem Alla, Mimli Grazzji, Dejjem Ħanin.”

Dan isaħħaħ il-bażi tat-twemmin sħiħ Iżlamiku, għaliex jenfasizza li n-natura ta’ Alla hija msejsa fuq il-mogħdrija u l-ħniena. L-Iżlam, hekk kif mgħallem fil-Koran Imqaddes, jiggwidana lejn il-paċi, ir-rispett reċiproku, u l-fehim. Il-Koran jgħallimna: “Jekk jerqsu lejn il-paċi, mela ersqu lejn il-paċi intom ukoll; u afdaw f’Alla.” (8:62)

Dejjem insegwu t-triq tal-paċi

Hawnhekk naraw li l-Iżlam ma jiddefendix il-vjolenza u l-aggressjoni. Anzi jħeġġiġna lilna l-Musulmani biex insegwu t-triq tal-paċi kull meta hu possibbli. Fil-fatt, il-Qaddis Profeta Muħammad, il-paċi tkun fuqu, hu deskritt bħala l-ħniena għall-umanità kollha: “Aħna ma bgħatnikx ħlief bħala ħniena għan-nies kollha.” (21:108)

Għalhekk, meta naqraw dwar il-ħajja tal-Profeta Muħammad, insibu li għat-twaqqif tal-paċi soċjali, hu jista’ jitqies bħala dawl li jixgħel it-triq għall-armonija dejjiema. Huwa għallimna dwar il-kundizzjonijiet tal-paċi għall-popli kollha u għaċ-ċirkostanzi kollha.

Pereżempju, ir-rispett u l-armonija bejn ir-reliġjonijiet huwa fundamentali għat-twaqqif tal-paċi; imdawlin mit-tagħlim tal-Koran Imqaddes, il-Musulmani jemmnu fil-profeti ta’ Alla kollha u jirrispettawhom b’qalbhom kollha.

Barra minn hekk, aħna tassew nemmnu fil-verità tal-profeti kollha u nagħrfu li dawn intbagħtu biex iqarrbu lill-umanità lejn Alla Omnipotenti, biex jgħallmu l-moralità u biex iwaqqfu l-valuri umani universali, bħal-libertà tal-kuxjenza, il-ġustizzja u s-simpatija umana. Meta tqis dan kollu, kif jista’ jkun li aħna ma nirrispettawx jew ma nonorawx ir-reliġjonijiet l-oħra jew is-segwaċi tagħhom?

Ir-rikonċiljazzjoni u l-paċi huma l-aħjar

Il-Koran Imqaddes jenfasizza ħafna fuq il-paċi u jgħid li: “Ir-rikonċiljazzjoni, l-armonija, it-tolleranza u l-paċi huma tassew l-aħjar.” (4:129)

Ħafna jaħsbu u jsaqsu, għaliex allura l-Musulmani ngħataw permess biex jiġġieldu?

Hawnhekk, ukoll għandna nifhmu li l-Koran Imqaddes jippermetti lill-Musulmani għall-battalja difensiva biss, bl-għan li jitwaqqfu l-ħruxijiet fis-soċjetà minħabba r-reliġjon. Għalhekk il-Koran jgħid li meta l-għedewwa jieqfu mill-ġlied, intom ma tistgħux tkomplu bil-ġlied, għax xogħolkom huwa li tistabbilixxu l-paċi u mhux il-ġlied.

Il-prinċipji u l-istruzzjonijiet ċari tal-gwerra

Għaldaqstant, anki fl-għoti tal-permess tal-ġlied, ingħatajna prinċipju importanti dwar id-difiża u t-twaqqif tal-paċi. Anke meta l-Musulmani jiġu sfurzati jiġġieldu, anke f’ċirkustanzi bħal dawn ta’ gwerra difensiva, l-Iżlam jagħti struzzjonijiet ċari lill-Musulmani, li: l-ebda mara ma tinqatel; ma jinqatlux it-tfal; ix-xjuħ ma jiġux imfixkla u mxekkla; l-ebda persuna ma tingħata n-nar; l-ebda annimal ma jinqatel; ma jitqaċċtux is-siġar; ma jingħad xejn lir-refuġjati, lill-persuni reliġjużi; il-postijiet tat-talb bħal kunventi, knejjes, sinagogi u moskej jiġu protetti f’kull ċirkostanza.

Dawn il-prinċipji kollha juru biċ-ċar li l-Iżlam bħala reliġjon mhuwiex it-theddida, iżda huwa sors għall-paċi ġenwina.

Dawn l-istruzzjonijiet ingħataw lill-Musulmani kważi 1500 sena ilu, li ma jinstabu mkien fid-dinja, lanqas fid-dinja hekk imsejħa moderna u ċivilizzata li ngħixu fiha. Is-sitwazzjoni f’Gaża, il-Palestina, hija evidenti minnha nfisha, meta jitwaddbu l-bombi mis-smewwiet, meta l-missili jintefgħu fuq l-ibliet u l-abitazzjonijiet, bla diskriminazzjoni u bl-addoċċ.

Posted in Ahmadiyya, Ahmadiyya Malta, Ahmadiyya: The True Islam, Article | Tagged , , , , , , , , , , , , , , , , , , , , | Leave a comment

Avoiding hatred and instead promoting compassion

Posted on January 21, 2025 by Laiq Ahmed Atif
Posted in Ahmadiyya Malta, Ahmadiyya: The True Islam, www.Ahmadiyya.mt | Tagged , , , , , , , | Leave a comment

Do not destroy your own selves

Posted on January 19, 2025 by Laiq Ahmed Atif

TEQIRDUX LILKOM INFUSKOM

It-Torċa, 19.01.2025 | IMAMLaiq Ahmed Atif – amjmalta@gmail.com

“L-għawġ li laqatkom (ġej) minħabba dak li għamlu jdejkom. Alla jinjora u jħassar ħafna (minn ħtijietkom).” (42:31) “Onfqu għal Alla u la tintremewx fil-qerda b’idejkom stess. Agħmlu l-ġid; Alla tassew iħobb lil dawk li jagħmlu t-tajjeb.” (2:196)

Dawn il-versi tal-Koran Imqaddes jispjegaw u jwissu li jekk il-bniedem isir jaf ir-realtà u l-verità u jibqa’ jiċħadhom, huwa stess ikun it-tort ta’ kull sfortuna li tiġrilu. Għalhekk, bl-għerf u l-għaqal jeħtieġ li meta l-bniedem isir jaf il-verità għandu, minflok jiċħadha, jaċċettaha b’mod ġenwin u b’qalb kollha. Għax, it-tiċħid tal-verità ma jħassarx il-verità. Pereżempju, jekk wara tlugħ ix-xemx xi ħadd jgħid li m’hemmx xemx, jagħmel sens?

Li ma tagħrafx ir-realtà ma jistax iwassal għan-nuqqas tar-realtà, jew, l-injoranza ma tistax tkun argument għan-nuqqas ta’ eżistenza. Allura, huwa importanti li jekk ma nafux xi ħaġa, nagħmlu ftit riċerka u, meta nsiru nafu, nipprattikaw.

20 minuta minn ħajtek

Simili huwa l-każ tat-tipjip, li, nafu l-konsegwenzi u l-ħsara tat-tipjip tajjeb ħafna, sa tali punt li anke fuq il-pakketti tas-sigaretti jissemmew b’mod ċar il-ħsarat u l-perikli tat-tipjip. Biex  jaċċertaw dan, anke stampi huma inklużi fuq il-pakketti tas-sigaretti. Ħabib tiegħi, kull meta narah ipejjep, dejjem indawwar il-pakkett tas-sigaretti lejh biex niġbed l-attenzjoni tiegħu għall-messaġġ li, ‘it-tipjip joqtol’. Hu dejjem iwieġeb bid-daħk, “Iżda bil-mod bil-mod.”

Studju ġdid li sar fir-Renju Unit juri li kull sigarett li tpejjep qed inaqqas 20 minuta minn ħajtek, jiġifieri, it-tipjip inaqqar 10 snin minn ħajjet il-bniedem. Fil-verità, it-tipjip iġib biss ħsara. Fil-każ ta’ Malta, mal-500 persuna kull sena jmutu minħabba problemi relatati direttament mat-tipjip.

Huwa xokkanti, hux? Allura għaliex in-nies jirrikorru għat-tipjip?

Il-miraġġ fid-deżert

Qrajt ħafna u ddiskutejt ħafna man-nies li jpejpu, iżda ma sibt l-ebda raġuni valida għat-tipjip, bħalma m’hemm l-ebda raġuni valida għad-drogi u l-użu tas-sustanzi. Ir-raġuni li jippreżentaw dawk in-nies, huwa biss bħal miraġġ fid-deżert.

Naħseb li l-vizzju tat-tipjip jew l-użu tad-drogi jipprovdu xi tip ta’ serħan temporanju, u ħarba  mir-realtajiet ħorox tal-ħajja. Minflok li l-bniedem jiffaċċja u jikkontrobatti l-isfidi tal-ħajja, qed isib żvog ħafna drabi fit-tipjip u xi kultant fid-drogi.

Il-vizzju ta’ kwalunkwe tip huwa ħażin, għax, jisraq l-indipendenza tal-persuna u jagħmel lill-persuna dipendenti fuq il-vizzju u d-dipendenza.

Iżda, fir-realtà, ir-raġunijiet kollha kemm huma favur it-tipjip jew l-użu tad-droga huma bħal miraġġ f’deżert, fejn wieħed bil-għatx jaħseb li hemm l-ilma sakemm, meta jasal għalih, isib li hija biss illużjoni. In-nies li għandhom ċerti vizzji jaħsbu li dawn il-vizzji jistgħu jaqtgħu l-għatx tagħhom iżda dawn mhumiex aktar minn miraġġ f’deżert.

Minħabba l-avvanz tax-xjenza, insibu ħafna modi u mediċini għall-kura u l-fejqan, iżda l-problemi relatati mas-saħħa baqgħu jiżdiedu.

Xi wħud mill-kawżi ewlenin li jikkonċernaw il-problemi tas-saħħa huma t-tipjip, l-alkoħoliżmu u l-użu tad-droga. It-tipjip huwa komuni ħafna u legali — ukoll faċilment disponibbli u aċċessibbli għal kulħadd. It-tabakk jew it-tipjip huwa wieħed mill-kawżi ta’ mard sever u fatali bħall-kanċer, il-pressjoni għolja tad-demm, l-ażma, il-problemi tal-ġilda u l-attakk tal-qalb.

It-tabakk joqtol aktar minn 8 miljun ruħ kull sena

Skont l-Organizzazzjoni Dinjija tas-Saħħa, “l-epidemija tat-tabakk (jew it-tipjip) hija waħda mill-akbar theddidiet għas-saħħa pubblika li qatt iffaċċjat id-dinja”, u toqtol aktar minn 8 miljun ruħ kull sena, inklużi madwar 1.3 miljun persuna li ma jpejpux iżda huma esposti għal nies oħra li jpejpu. Jiġifieri ma jpejpux, iżda, fit-triq jew f’postijiet oħra, in-nies ta’ madwarhom ipejpu u jieħdu d-duħħan tagħhom. Għalhekk, mhux biss huwa importanti li ma npejpux, iżda, għandna noqogħdu ’l bogħod anke mid-duħħan tas-sigaretti.

F’dak li għandu x’jaqsam mal-Iżlam, is-sustanzi u x-xorb kollha huma pprojbiti minħabba li huma meqjusa li jagħmlu ħsara. L-Iżlam jgħid li kull ħaġa li tagħmel il-ħsara għas-saħħa fiżika u spiritwali tagħna mhix permessa; anki jekk għandhom ‘xi vantaġġi għan-nies; iżda l-ħsarat u l-iżvantaġġi tagħhom huma akbar mill-vantaġġi tagħhom’, (Il-Koran, 2:220).

Jekk l-iżvantaġġi jkunu akbar mill-vantaġġi…

Dan il-​vers jenfasizza b’mod ċar ħafna li anki jekk xi ħaġa għandha xi benefiċċji, iżda tikkawża aktar ħsara lis-​saħħa fiżika u spiritwali tagħna, mela hija pprojbita. Jiġifieri, jekk nafu li l-ftuħ tal-bieb se jeħodna lejn id-dnub, aħjar li ma niftħuhx, anke t-tieqa; jekk il-ftuħ tal-bieb huwa ta’ periklu, aħjar li anke nżommu t-tieqa magħluqa. Jekk nafu li jekk inħallu l-bieb miftuħ jista’ jidħol il-ħalliel biex jisraq, huwa għaqli li anke nżommu t-tieqa magħluqa.

Kemm hi sabiħa! L-għan huwa li l-bniedem jibqa’ sod u b’saħħtu fiżikament kif ukoll moralment u spiritwalment.

Il-Qaddis Profeta Muħammad, is-sliem għalih, jispjega aktar dan u jgħid: “Dak kollu li jikkawża l-ħsara f’ammonti kbar, doża żgħira minnu hija wkoll illegali.”

Iċċaħħdu minn kull tip ta’ sustanzi

Nixtieq nikkwota xi siltiet mill-kitbiet tal-Fundatur tal-Komunità Ahmadiyya Musulmana li jitfgħu aktar dawl fuq dan is-suġġett, fejn hu jwissi u jfakkarna li x-xorb u s-​sustanzi mhux biss jagħmlu ħsara fiżika lil ġisimna, imma wkoll iħallu effett fuq l-​ispiritwalità tagħna. Huwa jikteb:

“Kunu devoti u ibżgħu minn Alla, ħalli tgħixu ħajja itwal, u tkunu mbierka minn Alla. Wisq dħul f’għajxien lussuż, faċli u irresponsabbli huwa saħta.”

“Intom l-għaqlin! Kunu afu li din id-dinja mhix eterna, allura ħudu ħsieb tagħkom infuskom. Evitaw kull immoderazzjoni u ċċaħħdu minn kull tip ta’ sustanza. Mhux ix-xorb biss li jirrovina lill-bniedem. Il-loppju, il-kannabis, iċ-charas, il-bhang, it-tarhi u sustanzi oħra huma qerrieda wkoll. Jeqirdu l-moħħ u jiddistruġġu l-ħajjiet. Għalhekk, aħarbu mis-sustanzi kollha. Jiena ma nistax nifhem kif wieħed ikun irid jaqbad dawn il-vizzji meta, sena wara l-oħra, jeqirdu l-ħajjiet ta’ eluf ta’ vvizzjati—biex ma nsemmux it-turment tal-ħajja li jmiss.”

Posted in Ahmadiyya, Ahmadiyya Malta, Ahmadiyya: The True Islam, Article, www.Ahmadiyya.mt | Tagged , , , , , , , , , , , , , , , , , , | Leave a comment

Id-Dawl 84

Posted on January 15, 2025 by Laiq Ahmed Atif

Id-Dawl 84—December 2024

Id-Dawl 84Download
Posted in Id-Dawl, Id-Dawl Magazine | Tagged , , , , , , | Leave a comment

Does God exist and how can we see God’s presence?

Posted on January 14, 2025 by Laiq Ahmed Atif
Posted in Ahmadiyya, Ahmadiyya Malta, Ahmadiyya: The True Islam, www.Ahmadiyya.mt | Tagged , , , , , , , , , , , , , , | Leave a comment

An Islamic perspective on euthanasia | Times of Malta

Posted on January 13, 2025 by Laiq Ahmed Atif

Islam champions the sanctity of human life and lays great emphasis on preserving the dignity of human life. In Islam the view is that only God can give or take life.

Times of Malta, 13.01.2025 |Laiq Ahmed Atif, President Ahmadiyya Muslim Jamaat Malta —Mob: +356 79 655 255— amjmalta@gmail.com

Human life is perhaps the most sacred and valuable thing on this planet and every moment should be cherished by living meaningful lives.

God Almighty states in the Holy Quran that “Human beings are a creation of God” and man was created with a purpose. He further states: “Did you then think that God had created you without purpose, and that you would not be brought back to Him?”

Human life is sacred. Islam champions the sanctity of human life and lays great emphasis on preserving the dignity of human life.  To stress the enormity of taking an innocent life, the Holy Quran equates such a crime to killing the entire human race.

The Holy Quran further states that life and death are in God’s hands alone: “God gives life; and causes death, and to Him shall you (all) be brought back.”

As far as the subject of euthanasia or mercy killing is concerned, a huge bone of contention both nationally and internationally, Islam does not provide any justification for it. Euthanasia refers to the deliberate act of hastening an individual’s death to relieve them of incurable pain, suffering or poor quality of life.

Certainly, the distress of a dear one is extremely painful and, unfortunately, many people find themselves making a seemingly impossible choice in which their loved ones either continue to suffer from an incurable ailment in front of their eyes or they choose to end their suffering by euthanasia: ending their lives.

Islam is utterly against this concept because Islam values the sanctity of life above all else and doesn’t condone killing in any sense and for any reason whatsoever. In Islam, since human life is sacred, the view is that only God can give or take life and, thus, euthanasia or mercy killing is not permissible at any level or in any situation.

It is important to note, however, that Islam does not support the idea of using artificial methods to keep a patient alive who is completely unconscious or brain dead and shows no signs of real life or recovery. In such a scenario, these methods can be used for some time; however, if the patient shows no sign of recovery, then, with mutual consultation between doctors and family members, life support machines can be removed.

“Islam categorically prohibits euthanasia or mercy killings.”

Naturally, when one hears of painful stories of people passing through extremely miserable situations it touches the heart. Islam does recognise this fact and the Holy Prophet Muhammad, peace be on him, said: “No fatigue, nor disease, nor sorrow, nor sadness, nor hurt, nor distress befalls a human being, even if it were the prick he receives from a thorn, but that Allah expiates some of his sins for that.”

By this it means God the merciful and the most forgiving rewards an individual that patiently endures any difficulty no matter how small through removal of their sins and purification of their souls.

Furthermore, Islam encourages us to visit the sick, share their burden and suffering and help them and their families during such difficult times. Bringing a little bit of joy and love to those suffering brings relief and comfort to the individual. Sincere prayers and the recitation of the Word of God are also highly recommended by Islam because prayers and recitation of the Word of God also release the pain and suffering of the sick.

The Ahmadiyya Muslim Community Malta practises what Islam preaches and routinely visits rehabilitation centres and old homes as it is a part of our faith and a national duty, and it provides comfort, relief and solace to those going through difficult times.

As a principle, Islam categorically prohibits euthanasia or mercy killings. Once people are given the right to either take their own lives or that of another on account of suffering, then there will be no end to it and the sanctity of the life will become meaningless.

Posted in Ahmadiyya Malta, Ahmadiyya: The True Islam, Article, www.Ahmadiyya.mt | Tagged , , , , , , , , , , | Leave a comment

Hatred is a poison that destroys the individual and society

Posted on January 12, 2025 by Laiq Ahmed Atif

Il-mibegħda hija velenu li teqred lill-individwu u s-soċjetà

It-Torċa, 12.01.2025 | IMAM Laiq Ahmed Atif, President Ahmadiyya Muslim Jamaat Malta – amjmalta@gmail.com – M: 79 655 255

L-imħabba kienet, hija u se tibqa’ għodda mill-aqwa li tagħmel ġid f’kull relazzjoni. Hija tajba mill-bidu sal-aħħar. Tabilħaqq, l-imħabba hija arma qawwija ta’ għaqda, armonija u ħbiberija, filwaqt li l-mibegħda hija ta’ firda, diżordni u rivalità.

L-imħabba u l-affezzjoni jistgħu jibdlu għadu morr u għatxan tad-demm f’ħabib fidil u leali, u l-mibegħda u l-ħdura jistgħu jikkonvertu ħabib affidabbli u fidil f’avversarju ħażin u ostili.

L-imħabba u r-rispett jistgħu jibdlu pajjiżi rivali fi sħab; u l-mibegħda u n-nuqqas ta’ rispett jistgħu jikkonvertu pajjiżi ħbieb f’għedewwa qliel.

Tagħmel x’tagħmel, tmur fejn tmur, l-imħabba hija dejjem sabiħa, u l-mibegħda hija dejjem kerha. L-istorja u l-esperjenza umana huma xhieda ta’ dan il-punt li, il-mibegħda ma tista’ tagħmel ebda ġid, imma sfortunatament, għadna nsibu l-mibegħda mifruxa ħafna fis-soċjetajiet tagħna. Aktar inkwetanti, qed tiżdied b’mod mgħaġġel ħafna u kostantament u kontinwament fost soċjetajiet, komunitajiet, nazzjonijiet, pajjiżi, reliġjonijiet u ideoloġiji differenti.

Pedament għal aktar ħażen

Għandna biex nifhmu li, il-mibegħda hija ħażina mhux biss għax hija xi ħaġa li toħloq inkwiet u firda, iżda wkoll minħabba l-fatt li hi toħloq aktar ħażen u vizzji u tipprovdi pedament għal aktar għemejjel ħżiena fis-soċjetà.

Il-mibegħda tkun bażi tal-immoralità u twelled aktar ħażen fis-soċjetà, bħall-għira, l-arroganza, l-egoiżmu, ir-regħba, it-tħassib ħażin ta’ ħaddieħor, il-kilba għall-flus, il-malafama, l-abbuż u ħafna aktar.

It-tħassib ħażin fl-oħrajn

Minħabba l-mibegħda, il-persuna bil-mod il-mod tibda taħseb ħażin fl-oħrajn, u dan isir mezz ta’ aktar rovina tal-persuna kemm soċjalment, reliġjożament u moralment. Dan ikompli jgħarraq lill-persuna u jċaħħadha milli tagħmel għemejjel tajbin u turi valuri morali u virtujiet fil-ħajja ta’ kuljum.

L-inkwiet jibda meta persuna tintilef f’ħafna suspetti foloz u dubji kbar. Jekk wieħed jaħseb fit-tajjeb f’kull sitwazzjoni, jingħata l-ħila biex jakkwista t-tajjeb. Li wieħed jaħseb ħażin f’ħaddieħor huwa dnub kbir li jtellef lill-individwu minn ħafna opportunitajiet li jwettaq il-ġid u l-għemejjel tajba.

Dulur kbir

Il-Fundatur tal-Komunità Ahmadiyya jikteb dwar dan u jgħid: “Ngħidilkom bis-sew li d-drawwa li taħseb ħażin f’ħaddieħor iġġib dulur kbir, għax din teqred il-fidi tal-persuna, tbegħedha mis-sewwa u l-korrettezza, u tbiddel il-ħbieb f’għedewwa.

Biex wieħed jikseb l-ogħla merti tas-sewwa huwa neċessarju li persuna twarrab għalkollox id-drawwa li taħseb ħażin fl-oħrajn, u jekk taqa’ f’dik l-attitudni mill-ġdid għandha tfittex il-maħfra għal ħafna drabi u għandha titlob lil Alla Omnipotenti biex jipproteġiha minn dan id-dnub u l-konsegwenzi koroh tiegħu. Dan il-vizzju m’għandux jiġi sottovalutat u injorat. Huwa marda perikoluża li teqred persuna f’ħakka t’għajn. Fil-qosor, meta wieħed jaħseb ħażin fl-oħrajn jista’ jinqered.”

L-għira u r-regħba

Barra minn dan, il-mibegħda toħloq l-għira u r-regħba fi qlub in-nies kontra l-oħrajn. L-għira taħraq lill-persuna internament u twassal ukoll biex issir ħsara lil ħaddieħor, u tinbidel il-persuna għalkollox. Kemm hi ħażina l-għira nistgħu nifhmuha mill-kliem tal-Qaddis Profeta Muħammad, is-sliem għalih, li qal:

“Oqogħdu attenti mill-għira, għax din tiekol l-għemejjel tajba, bħalma n-nar iġib fix-xejn l-injam u l-ħaxix. La tgħirux għal xulxin! La tgħollux il-prezzijiet! La tobogħdux lil xulxin! Tagħtux daharkom lil xulxin! Tagħmlux l-offerta tagħkom waqt li żewġ naħat għaddejjin jinnegozjaw! Kunu tabilħaqq qaddejja ta’ Alla, billi tkunu tabilħaqq aħwa.”

Darba qal li tliet affarijiet huma l-għeruq tad-dnubiet kollha. Allura oqogħdu attenti minn dawn it-tlieta. Oqogħdu attenti mill-arroganza għax kienet l-arroganza li qanqlet lil Iblis li rrifjuta li jobdi lil Adam (sliem fuqu). Attenti mir-regħba għax kienet ir-regħba li ġiegħlet lil Adam jiekol il-frott tas-siġra projbita. Oqogħdu attenti mill-għira għax l-għira pperswadiet lil wieħed miż-żewġ ulied ta’ Adam biex joqtol lil ħuh.

Iż-żerriegħa tal-mibegħda

Ara u aħseb kemm il-mibegħda tagħmel il-ħsara lill-persuna, li wieħed jibda mill-mibegħda u jkompli fuq din it-triq ħażina li teqred persuna malajr u għalkollox. Kemm verament jingħad li, ‘dak li tiżra’ taħsad’, li jekk niżirgħu ż-żerriegħa tal-mibegħda ma nistgħux nistennew li tagħti l-frott bnin u frisk.

Barra minn hekk, il-mibegħda meta tikber tikkonverti ruħha fil-vjolenza, għax, is-siġra tal-mibegħda dejjem tagħti l-frott morr u soċjetajiet u individwi jsiru vittmi tal-mibegħda. Nafu sew li l-vjolenza qatt ma tiġi ġġustifikata, għax hi tħassar il-paċi ta’ soċjetà.

Ejja neqirdu l-mibegħda darba għal dejjem

Nixtieq ngħid bi mħabba sħiħa lejn l-umanità biex naħdmu id f’id ħalli din il-mibegħda tinkines barra mis-soċjetajiet u l-komunitajiet tagħna, tabilħaqq mid-dinja kollha, darba għal dejjem. Għax diġà hu tard wisq, u ma nistgħux inħalluha tidħol aktar fis-soċjetajiet tagħna biex toħloq aktar firda u kunflitt.

Irridu nqajmu kuxjenza u għarfien dwar il-konsegwenzi devastanti tal-mibegħda, għax il-mibegħda hija velenu li teqred lis-soċjetajiet tagħna, u minflok dejjem nagħżlu l-imħabba u l-affezzjoni.

Iż-żmien jitlob minna lkoll biex inwessgħu l-messaġġ tal-imħabba u l-kompassjoni bejn is-soċjetajiet u l-komunitajiet tagħna sabiex id-dinja ssir armonjuża u paċifika. Ma ninsew qatt li, il-mibegħda hija velenu, u l-emozzjonijiet negattivi bħall-mibegħda jeqirdu l-paċi u s-serħan tal-moħħ tagħna.

Posted in Ahmadiyya Malta, Ahmadiyya: The True Islam, Article, www.Ahmadiyya.mt | Tagged , , , , , , , , , , , , , , , , | Leave a comment

Peace is truly wonderful

Posted on January 11, 2025 by Laiq Ahmed Atif
Posted in Ahmadiyya Malta, Peace | Tagged , , , , , , , | Leave a comment

Achieving true happiness and contentment

Posted on January 10, 2025 by Laiq Ahmed Atif

Il-ksib tal-hena u l-kuntentizza vera

In-Nazzjon, 08.01.2025 | IMAMLaiq Ahmed Atif, President Ahmadiyya Muslim Jamaat Malta — WhatsApp: +35679655255 — amjmalta@gmail.com

Il-kuntentizza, il-ferħ u s-sodisfazzjon huma wħud mill-iktar affarijiet komuni bejn il-bnedmin kollha kemm huma. Il-bnedmin qed jaħdmu u jistinkaw kontinwament biex isibu l-paċi, il-ferħ u s-serenità.

Min ma jridx ikun ferħan?

Hija forsi waħda mill-aktar affarijiet komuni fin-nies kollha; tkun xi tkun il-forma li tista’ tieħu, kulħadd irid isib il-ferħ, il-kuntentizza. Imma f’dinja mimlija bi żminijiet iebsa, kemm jekk tkun il-kriżi tal-għoli tal-ħajja jew it-taqlib mifrux fid-dinja, dik il-kuntentizza tidher dejjem aktar elużiva u diffiċli.

Fid-dinja tal-lum meta naraw taqlib kbir f’kull rokna tad-dinja, it-tfittxija u t-tiksib tal-ferħ qed isiru diffiċli ħafna, jekk mhumiex impossibbli. Xi wħud jaħsbu li jekk ikollhom flejjes kbar, jew ikollhom in-negozju ta’ biljuni se jkunu ferħanin; filwaqt li oħrajn jaħsbu li jekk ikollhom dar kbira jew karozza moderna u kbira se tagħmilhom kuntenti.

Il-ġid huwa sors ta’ ferħ dejjiemi?

Xi nies jaħsbu li l-popli tal-pajjiżi sinjuri huma ferħanin għax għandhom kull tip ta’ lussu fil-ħajja; filwaqt li oħrajn jaħsbu kif ngħidu bil-Malti li ‘kemm konna aħjar meta konna agħar’, jiġifieri meta jkollna inqas konna ferħanin, issa meta għandna ħafna ma nsibux is-sodisfazzjon.

Madankollu, minkejja l-isforzi kollha tagħna, il-ferħ veru jidher li jibqaʼ elużiv, u l-bniedem tal-lum mhux ferħan u jibqa’ jfittex il-paċi dejjiema.

Ejja naraw l-istat tal-ferħ fil-pajjiż l-aktar qawwi u għani tad-dinja—il-qawwa dinjija—l-Istati Uniti. Skont il-World Happiness Report, b’mod sinifikanti, l-Istati Uniti tal-Amerika (it-23) waqgħu mill-aqwa 20 għall-ewwel darba minn meta r-Rapport Dinji tal-Ferħ ġie ppubblikat għall-ewwel darba fl-2012. Dan it-tnaqqis jenfasizza realtà inkwetanti: it-tfittxija bla waqfien tagħna għall-kuntentizza mhix qed tagħti r-riżultati li nistennew. Filwaqt li l-Afganistan jibqa’ fil-qiegħ tal-klassifika ġenerali bħala n-nazzjon ‘l-iktar ferħan’ tad-dinja.

Dan ir-rapport jagħmilha ċara daqs il-kristall li l-ġid, il-materjaliżmu, il-flejjes u l-mezzi dinjija mhumiex il-metodi veri ta’ paċi, hena u sodisfazzjon ta’ dejjem.

X’inhu l-veru mezz ta’ ferħ?

Għall-kuntrarju, kif jispjega Alla l-Ħanin fil-Koran Imqaddes, il-veru mezz ta’ ferħ jinsab fit-tifkira ta’ Alla, fl-imħabba ta’ Alla, fil-konnessjoni tagħna mal-Ħallieq, fil-ħbiberija mal-Mulej u fis-servizzi u l-imħabba ġenwina tal-bniedem.

“Dawk li jemmnu, u qlubhom isibu serħan fit-tifkira ta’ Alla. Tabilħaqq li fit-tfakkir ta’ Alla jsibu s-serħan tagħhom il-qlub.” (Il-Koran, 13:29) Dan huwa elaborat aktar billi, “it-tifkira ta’ Alla tassew hija l-akbar virtù.” (29:46)

Jiġifieri, it-tifkira ta’ Alla hija l-akbar ħaġa li tista’ tagħmel, u hija l-ogħla fl-istatus mill-atti l-oħra kollha ta’ qima. Huwa għalhekk li l-Iżlam jagħmel enfasi kostanti fuqha, u nsibu tfakkiriet frekwenti dwarha fil-Koran Imqaddes, pereżempju, ‘ftakar fl-isem ta’ Sidek filgħodu u filgħaxija.’ (76:26)

Bl-istess mod hemm Hadith (diskors) li fih il-Qaddis Profeta Muħammad, is-sliem għalih, jgħid li meta n-nies jinġabru flimkien għat-tifkira ta’ Alla huma mdawra mill-anġli u huma mgħottija bil-ħniena minn Sidhom.

Allura dan huwa l-metodu u l-mezz biex tinstab il-paċi u l-kuntentizza ta’ dejjem. It-tifkira ta’ Alla jattira l-Anġli ta’ Alla, u hekk kif inkomplu nokkupaw ruħna fit-tifkira ta’ Alla — aktar u aktar anġli jinġabru madwarna u jġibu magħhom il-barkiet u l-ħniena ta’ Alla. U sakemm aħna nżommu ruħna fit-tifkira ta’ Alla l-anġli jibqgħu magħna, u wara jitilqu lejn is-Sema u jirrapportaw dwar dak li konna okkupati bih ilkoll, u Alla jistaqsi minnhom dak li osservaw. Meta Alla se jsir jaf dwar dak li nkunu okkupati hekk Alla jaħfrilna u anke lil dawk li ġew biex ikunu magħna b’mod każwali.

Xi sbuħija! Xi premju meraviljuż hu!

Il-premju mhux se jkun għal dak il-ħin biss, iżda, għall-ħajja futura wkoll. Alla jippremja lil dawk li jibqgħu fit-tifkira Tiegħu b’kuntentizza vera f’din id-dinja, u bil-ħniena u l-maħfra fil-ħajja dejjiema.

It-tifkira ta’ Alla twassal lejn l-imħabba vera ta’ Alla, li twassal għas-salvazzjoni, li tiftaħ il-bieb tal-ġenna tal-ħajja ta’ dejjem—il-kuntentizza u s-sodisfazzjon aħħarija ta’ fidil veru u ġust.

Ara kemm hi importanti t-tifkira ta’ Alla l-Ħanin li hu biss jista’ jwassal għall-hena dejjiema, li qatt ma tintemm.

Wieħed mis-sinjali tal-imħabba vera huwa, li hija parti min-natura ta’ min iħobb veru, li jibża’ li l-maħbub tiegħu jinqata’ minnu, u jqis lilu nnifsu mitluf jekk iwettaq l-iċken nuqqas, u jqis li huwa velenu li jopponi l-għeżież tiegħu, u dejjem jixtieq jiltaqa’ miegħu u qatt ma jrid li jkun hemm xi distanza bejnu u bejn il-maħbub tiegħu, għax f’dan il-każ hu jħoss bħal wieħed li ma jiswa xejn.

Il-Maħbub Etern u Veru

Il-bniedem li verament iħobb lill-Mulej, iqis bħala dnub mhux biss dak li n-nies komuni jqisu bħala dnub, pereżempju, qtil, adulterju, serq, xhieda falza, imma anke jqis l-iċken għelt bħala dnub kbir, għax ma jridx jitlef lil Alla—il-Maħbub veru tiegħu.

Huwa, għalhekk, kontinwament jokkupa lilu nifsu li jfittex l-imħabba u l-maħfra tal-Maħbub Etern, u peress li n-natura tiegħu qatt ma hi rikonċiljata ma’ xi separazzjoni minn Alla li Jista’ Kollox, iqis l-inqas negliġenza li tista’ tirriżulta mill-umanità tiegħu bħala muntanja ta’ dnub.

Meta l-bniedem iħobb daqshekk lill-Maħbub veru tiegħu, allura dejjem jipprova li jkun ’il bogħod minn kull ħażen u għemil mhux xierqa kemm jista’ li verament twassal ’il-bniedem lejn il-ferħ, l-hena u l-kuntentizza dejjiema.

Posted in Ahmadiyya Malta, Ahmadiyya: The True Islam, Article, www.Ahmadiyya.mt | Tagged , , , , , , , , , , | Leave a comment

May you receive every happiness in the New Year

Posted on January 5, 2025 by Laiq Ahmed Atif

Jalla tirċievi kull hena fis-Sena l-Ġdida

It-Torċa, 05.01.2025 | Imam Laiq Ahmed Atif, President Ahmadiyya Muslim Jamaat Malta – 79655255 –amjmalta@gmail.com

Illum il-ġurnata, id-dinja għaddejja minn żminijiet verament diffiċli; żminijiet ta’ turbulenza bla preċedent. Il-kunflitti globali qed jikbru maż-żmien. Naraw il-fjammi tal-gwerra f’kull naħa tad-dinja. Il-kriżi ekonomika globali qed tkompli tikxef perikli ġodda u aktar serji kważi kull ġimgħa.

L-armamenti nukleari u l-armi oħra tal-qerda tal-massa qed jiżdiedu fid-dinja u għalhekk ipoġġu lid-dinja f’periklu enormi. Minħabba dan il-fatt li ħafna pajjiżi għandhom l-armamenti nukleari, l-għira u l-mibegħda qed jerġgħu jiżdiedu u d-dinja tinsab fix-xifer tad-distruzzjoni tagħha stess.

Il-problemi tal-lum

Fit-Tieni Gwerra Dinjija, il-Ġappun ġarrab il-konsegwenzi orribbli tal-armamenti atomiċi; l-effetti tagħhom għadhom jinħassu anke sal-lum, wara kważi tmenin sena. Tmenin sena ilu l-ħruxija u l-qawwa tal-armamenti atomiċi ma kinux bħal li għandhom illum, minkejja li għamlu tali qerda terribbli. Allaħares l-armamenti atomiċi jintużaw illum għax ara x’tip ta’ qerda jġibu lid-dinja. Lanqas biss nistgħu nimmaġinaw il-waħx u l-biża’ li jistgħu joħolqu.

Meta nevalwaw is-sitwazzjoni tad-dinja nsibu li l-ksur tad-drittijiet tal-bniedem huwa wkoll evidenti kważi f’kull parti tad-dinja. Is-setgħat dinjija jitkellmu biss meta jaqbel lilhom jew iseħħ xi ksur kontra n-nies tagħhom, iżda jżommu għajnejhom u widnejhom magħluqa dwar il-ksur tad-drittijiet tal-bniedem li jseħħ ta’ kuljum f’Gaża, il-Palestina u l-Kashmir.

Il-problemi soċjali, it-taqsim tar-riżorsi u l-inġustizzji li qed iseħħu fid-dinja huma wkoll ta’ diqa kbira, u huma fost ir-raġunijiet ta’ diżordni li qed naraw fid-dinja tal-lum.

Ħafna nies qed iħossu li l-affarijiet qed jitilfu l-perspettiva tagħhom b’ritmu mgħaġġel u għaldaqstant huwa importanti li l-popli kollha għandhom jingħaqdu sabiex flimkien jistgħu jerġgħu jkattru l-kunfidenza li tista’ taffettwa kemm lil moħħhom kif ukoll lil qalbhom bl-istess mod u li tagħtihom it-tama għall-paċi.

Il-paċi hija sabiħa

Bla dubju ta’ xejn, il-paċi hija sabiħa. L-għaqda hija s-saħħa. Is-sigurtà tagħti s-serħan tal-moħħ. Is-serenità u t-trankwillità jgħinu fil-progress u fil-kisbiet tagħna f’kull qasam tal-ħajja.

Huwa fatt li n-nies ta’ rieda tajba huma mħassba ħafna dwar is-sitwazzjoni tal-paċi madwar id-dinja, għax jafu b’mod tajjeb il-prezz tal-paċi.

Tabilħaqq, il-paċi, it-trankwillità u s-serenità huma valuri sbieħ li kulħadd jixtieq igawdihom bl-aqwa mod possibbli, iżda għandna nifhmu wkoll li, il-paċi ma tiġix stabbilita waħedha, iżda għandna naħdmu għaliha.

Alla jsejjaħ għal dar is-sliem

Nemmen tassew li ż-żmien jitlob minna lkoll li rridu ningħaqdu għall-inqas fuq l-aġenda ta’ punt wieħed u dik hija ‘l-paċi’. Alla jixtieq ukoll minna li nistabbilixxu l-paċi, għax, wieħed mill-attributi Tiegħu hu li, Alla huwa ‘as-Salaam’—is-Sors tal-Paċi. Alla jgħid fil-Koran Imqaddes:

“Alla jsejjaħ għal dar is-sliem, u lil min irid imexxi fit-triq issewwa” (10:26). “Alla jmexxi lejn it-toroq tas-sliem lil dawk li jħabirku biex jogħġbu lilu, u bir-rieda Tiegħu joħroġhom mid-dlamijiet lejn id-dawl u jmexxihom lejn it-triq it-tajba.” (5:17)

Barra minn hekk, Alla jiddeskrivi l-fidili ġenwini u n-nies twajba li huma dawk li jippreferu l-paċi u s-sliem. Huwa jgħid: “Il-qaddejja ta’ Alla l-Ħanin huma dawk li jimxu fuq l-art b’mod dinjituż, u meta l-injoranti jindirizzawhom, huma jgħidu, ‘Sliem, u Paċi!’” (Il-Koran, 25:64)

Jalla l-paċi tirbaħ fuq l-art

Dawn ir-referenzi ta’ hawn fuq juru biċ-ċar li l-paċi hija t-triq li l-Mulej jixtiqilna li nimxu fuqha, għax dan huwa l-uniku mod li jiggarantixxi l-futur hieni għad-dinja.

Naħseb dan huwa dmir ta’ kull wieħed u kull waħda minna li nagħtu sehemna għall-ġid komuni u naħdmu id f’id għall-paċi u s-sigurtà għal kulħadd; u nkunu fost dawk li jġibu l-paċi, kif qal Ġesù, ‘henjin dawk li jġibu l-paċi’. Jalla Alla—is-Sors tal-Paċi—jagħmel id-dinja kenn ta’ paċi u fraternità. Jalla l-paċi tinxtered fuq l-art.

Marti kitbet poeżija bil-lingwa Urdu; nixtieq nittraduċiha jew ngħidha bi kliemi għall-qarrejja tagħna; u nixtieq nagħlaq b’dan it-talb għalikom ilkoll, u nawguralkom is-Sena t-Tajba.

Is-Sena t-Tajba

Jalla tirċievi l-barkiet fis-sena l-ġdida

Ma tibqax fin-niket u fid-dwejjaq

Jalla tgħaddi s-sena fil-qrubija

Jalla tirċievi kull hena fis-sena l-ġdida

Ibqa’ leali għax-xewqat tiegħek

Il-fjuri li kienu fjur jibqgħu jifirħu s-sena kollha

U l-imħabba tkun miegħek għal dejjem

Jalla tirċievi kull hena fis-sena l-ġdida

In-niket qatt m’għandu jdellel lil jiemek

L-ebda demgħa m’għandha tleqq f’għajnejk

Oqgħod fix-xalar tal-grazzja tal-Mulej

Jalla tirċievi kull hena fis-sena l-ġdida

Li huma ’l bogħod, jiġu ħdejk

Ħbieb idawruk ma’ kullimkien

Dejjem kun kuntent b’dak li għandek

Jalla tirċievi kull hena fis-sena l-ġdida

Tkun sinjur u viżjonarju

Tkun ukoll l-ambaxxatur tal-paċi

Ibqa’ fl-ilbies tal-unur u s-sliem

Jalla tirċievi kull hena fis-sena l-ġdida

Ikollok dak kollu li tixtieq mill-Mulej

Alla jbierek lilek u l-maħbubin kollha

Inti dejjem tibqa’ l-eżempju tal-fedeltà

Jalla tirċievi kull hena fis-sena l-ġdida

Jalla tirċievi kull barka fis-sena l-ġdida

Jalla tirċievi kull hena fis-sena l-ġdida

Ammen.

Posted in Ahmadiyya, Ahmadiyya Malta, Article, www.Ahmadiyya.mt | Tagged , , , , , , , , , , , , , , | Leave a comment

Festa ta’ Ġenerożità 2025

Posted on January 3, 2025 by Laiq Ahmed Atif
Posted in Ahmadiyya Malta, Charity, Serving Humanity, Solidarijetà, Solidarity, www.Ahmadiyya.mt | Tagged , , , , , , , , , , , , | Leave a comment

Ahmadiyya Muslim Jamaat Malta Helps Id-Dar tal-Providenza

Posted on January 2, 2025 by Laiq Ahmed Atif

The Ahmadiyya Muslim Jamaat Malta was once again very happy to give a helping hand to the New Year Day 2025 Fundraising event of Id-Dar tal-Providenza. The Ahmadiyya Muslim Community served traditional Lunch and Dinner; and helped in responding to the telephone calls for donations during the fundraising event “Festa ta’ Ġenerożità” of Id- Dar tal-Providenza – a home for the disabled people.

Posted in Ahmadiyya Malta, Charity | Tagged , , , , , , , , , , , , | Leave a comment

Happy New Year 2025

Posted on December 31, 2024 by Laiq Ahmed Atif

May we form our lives according to the commandments of God and move onwards towards piety. May God make the New Year a source of numerous personal and communal blessings. May Allah forgive our sins and shower upon us His countless blessings. May the coming year be full of blessings.

Posted in Ahmadiyya Malta, Ahmadiyya: The True Islam, www.Ahmadiyya.mt | Tagged , , , , , , , , , | Leave a comment

Id-Dawl 83

Posted on December 30, 2024 by Laiq Ahmed Atif

ID-DAWL 83 – November 2024

Id-Dawl 83Download
Posted in Id-Dawl, Id-Dawl Magazine | Tagged , , , , , , | Leave a comment

Working For Humanity

Posted on December 29, 2024 by Laiq Ahmed Atif

NAĦDMU GĦALL-UMANITÀ

It-Torċa, 29.12.2024 | IMAM Laiq Ahmed Atif – amjmalta@gmail.com

“Uru ħniena ma’ dawk li jkunu taħtkom, u kunu ġenerużi mal-partners tagħkom u ma’ ħutkom li huma fqar, ħalli fis-smewwiet intom ukoll tintlaqgħu bis-sewwa. Intom tassew issiru Tiegħu (ta’ Alla), u b’hekk Alla jsir tagħkom ukoll.”

F’dan il-ftit kliem li huwa verament kliem tad-deheb, il-Fundatur tal-Komunità Ahmadiyya Musulmana jispjega s-suġġett tal-ħidma għall-umanità b’mod tajjeb ħafna. Huwa minnu li kulħadd iħobb il-maħbub jew il-maħbuba tiegħu u l-membri tal-familja tiegħu, u bl-istess mod, il-Qaddis Profeta Muħammad, is-sliem għalih, qal li “għal Alla l-ħlejjaq kollha huma bħal tfal.” Alla jħobb persuna li tittratta l-ħolqien Tiegħu tajjeb u bil-ħniena u l-mogħdrija.

L-ilma fiż-żraben

F’diskors ieħor tal-Qaddis Profeta Muħammad jissemma li kien hemm mara midinba li qatt ma għamlet xi ħaġa tajba, u darba rat kelb bil-għatx kbir li kien qed idur madwar il-bir biex jixrob l-ilma iżda ma setax jixrob. Il-kelb kien fil-bżonn kbir tal-ilma, iżda mal-ilma ma kienx jilħaq.  Dik il-mara niżlet fil-bir, imliet iż-żraben tagħha bl-ilma u tat lill-kelb bil-għatx. Il-kelb xorob l-ilma u qata’ l-għatx u telaq ferħan. Alla għoġbu dan l-att ta’ qalb tajba u l-ħniena ta’ dik il-mara u ħafrilha.

Jekk hemm daqstant premju għall-kompassjoni lejn kelb, allura aħseb u ara x’inhu l-premju għall-ġentilezza u l-kompassjoni lejn bniedem li huwa l-aħjar ħolqien ta’ Alla.

Għalhekk, sa fejn hija kkonċernata l-kompassjoni għall-bnedmin, it-trattament ta’ kull bniedem b’qalb tajba mingħajr ebda diskriminazzjoni huwa mod ta’ tjubija li jagħti lill-persuna l-imħabba u l-qrubija ta’ Alla li Jista’ Kollox.

Wara l-imħabba ta’ Alla…

Is-servizz lejn l-umanità huwa għemil daqshekk nobbli li kull reliġjon titkellem dwaru. L-Iżlam ukoll jenfasizza ħafna fuq dan il-valur u virtù mill-isbaħ li nkunu ta’ qalb tajba għal kulħadd.

Meta wieħed jaqra l-Koran, isib li hemm żewġ elementi u oqsma biss tat-tagħlim tiegħu, waħda hija l-imħabba sħiħa lejn Alla u l-qima lejn il-Mulej, u l-oħra hija li wieħed tant għandu jħobb l-umanità li wieħed għandu jaħseb li hija bħall-familja tiegħu stess.

Fil-qosor, wara l-imħabba u l-qima ta’ Alla, is-servizz lejn l-umanità hu l-iktar kwalità importanti ta’ reliġjon.

Siġra mingħajr l-ebda frott

Jekk il-bniedem m’għandux is-simpatija f’qalbu għall-oħrajn huwa bħas-siġra li hija mingħajr l-ebda frott; u ma jistħoqqlux jitqies bħala l-bniedem veru.

Għalhekk huwa ferm importanti li aħna nkunu s-siġar li dejjem jagħtu frott tajjeb, bnin u frisk; u meta jaffordjawx li jagħtu l-frott, għall-inqas jagħtu l-kenn u d-dell lil kull min jiġi jpoġġi taħthom.

Għandna wkoll li dejjem nibqgħu attivi fil-qadi tad-dmirijiet u tar-responsabbiltajiet ċiviċi tagħna, dejjem inkunu ġenerużi u nuru simpatija u ħniena lil xulxin. Għandna biex ngħixu bil-motto li, “Imħabba għal kulħadd, mibegħda għal ħadd.”

Niżviluppaw il-passjoni

Kif nistgħu ngħinu lil ħutna, x’għandna bżonn?

Naħseb li, il-kwalitajiet fundamentali li aħna nakkwistaw bilfors biex inservu l-umanità u niżviluppaw il-passjoni biex nagħtu għajnuna u noffru spallejna lil ħutna huma l-ħniena, it-tieba u l-imħabba ġenwina f’qalbna għall-umanità, id-dispożizzjoni tal-karità, l-umiltà, l-onestà, is-sempliċità fil-ħajja, ir-rieda soda, it-tama u x-xewqat li kull wieħed u waħda minna jgħix ħajja dinjituża. Huwa wkoll importanti li aħna nsiru poplu li minnu toħroġ it-tieba u t-tieba biss għall-oħrajn.

Uħud mill-iktar ingredjenti importanti li għandna bżonn fir-riċetta biex inservu lill-oħrajn huma l-imħabba, is-simpatija u l-ħniena f’qalbna għal bnedmin oħrajn. Il-kbar juru ħniena liż-żgħar; is-sinjuri jservu lill-fqar imma bla sens ta’ kburija; wieħed li għandu saħħa tajba jagħti appoġġ u juri mġiba tajba u umiltà lid-dgħajjef.

L-umanità hija komuni bejn in-nies kollha

Biex nagħtu daqqa t’id lil ħutna huwa wkoll importanti li naħsbu li aħna kollha ndaqs, u m’hemm l-ebda persuna li hu inferjuri jew superjuri minn ħaddieħor. L-umanità hija komuni bejn in-nies kollha fid-dinja.

Għalhekk, għandna biex nikkultivaw il-karattru sod li aħna kollha ndaqs; aħna kollha umani u m’hemm l-ebda differenza bejnietna bħal umani; u għandna biex naħdmu flimkien biex insiru familja umana waħda.

Barra minn hekk, għandna wkoll biex inpoġġu lilna nfusna f’sitwazzjoni ta’ ħaddieħor biex nifhmu u nitgħallmu kif għandna nittrattaw lil xulxin.

Dak li tixtieq għalik innifsek…

Nixtieq nikkwota kliem tad-deheb tal-Qaddis Profeta Muħammad, is-sliem għalih, f’dan ir-rigward. Huwa qal li, kun ġust, u tkun l-aħjar fost dawk li jqimu; kun kuntent b’li għandek, u b’hekk tkun l-aħjar fost dawk li jiżżu ħajr. Ara li tixtieq għal ħaddieħor dak li tixtieq għalik innifsek u b’hekk tkun tassew temmen. Ġib ruħek tajjeb ma’ ġarek, u b’hekk tkun tassew bniedem. Naqqas id-daħk, għaliex ħafna daħk joqtol lill-qalb.

Kemm hu prinċipju sabiħ li nixtiequ għal ħutna dak li nixtiequ għalina nfusna. X’nixtiequ għalina? Bla dubju ta’ xejn kull bniedem jixtieq li jkollu ħajja dinjituża, mimlija ferħ, paċi u sliem; u li jkollu l-bżonnijiet neċessarji kollha biex jgħix ħajja tajba. Allura, għaliex ma nixtiqux l-istess lil ħutna u ngħinuhom? It-Torċa

Ahmadiyya Malta Serving HumanityDownload
Posted in Ahmadiyya, Ahmadiyya Malta, Article, Charity, Solidarijetà, Solidarity, www.Ahmadiyya.mt | Tagged , , , , , , , , , , , , , , | Leave a comment

Muslims devoutly believe in Jesus

Posted on December 25, 2024 by Laiq Ahmed Atif

Il-Musulmani jemmnu f’Ġesù bid-devozzjoni

Il-Leħen, 22.12.2024 | IMAM Laiq Ahmed Atif — amjmalta@gmail.com

Tnejn mis-sitt artikli ta’ fidi għall-Musulmani huma, li jemmnu fil-Profeti kollha ta’ Alla, u li jemmnu fl-Iskritturi Divini. Għalhekk il-Musulmani jemmnu li l-Profeti kollha ntbagħtu minn Alla u, kollha kemm huma, huma onorevoli u rispettabbli. Wieħed ma jistax ikun Musulman jekk ma jemminx fil-Messaġġiera kollha ta’ Alla.

Skont il-Koran Imqaddes, Alla bagħat lill-Messaġġiera Tiegħu f’kull nazzjon, u jgħid: “U għal kull poplu hemm Messaġġier.” (10:48)

“M’hemm l-ebda poplu li lilu wieħed li jwissi (Messaġġier) ma ntbagħatx.” (35:25)

Xi profeti jissemmew fil-Koran Imqaddes innifsu, bħal Adam, Abram, David, Salamun, Mosè, Ġesù u Muħammad (il-paċi fuqhom ilkoll).

B’dan it-twemmin u l-ispirtu, il-Musulmani għandhom imħabba u rispett kbir lejn Ġesù. Huwa parti integrali mis-sisien fundamentali tat-twemmin Iżlamiku li mhux biss jitqies bħala att ta’ korteżija, iżda li wieħed jemmen ġenwinament fil-verità u l-unur tal-messaġġiera kollha ta’ Alla. Il-Koran Imqaddes isostni:

“Għidu: ‘Aħna nemmnu f’Alla, u f’dak li ġie muri lilna, u f’dak li ġie muri lil Abram, u lil Ismael, u lil Iżakk, u lil Ġakobb, u lit-tribujiet, u f’dak li ngħata Mosè u Ġesù, u f’dak li ngħataw il-Profeti minn Sidhom. Aħna ma nagħmlux distinzjoni bejn ħadd minnhom, u aħna f’Idejh intlaqna.”’ (2:137)

Il-Koran Imqaddes jiddikjara li Ġesù (il-paċi tkun dejjem fuqu) twieled b’mod mirakoluż mid-devota verġni Marija, u huwa xhieda kostanti tas-safa u tal-karattru nobbli tagħha. Il-Koran Imqaddes jagħti prestiġju kbir lil Marija u jirrifjuta kull akkuża miġjuba lejha. Jistqarr ukoll li omm Ġesù kienet mara twajba ħafna u li x-Xitan ma kellu l-ebda sehem fit-twelid ta’ Ġesù.

Il-Koran Imqaddes jitkellem apertament dwar id-dedikazzjoni, il-pjetà, in-nobbiltà, u l-ħniena ta’ Ġesù. Il-Koran Imqaddes jgħid:

“Lil Ġesù bin Marija tajnieh sinjali ċari u qawwejnieh b’Ruħ il-Qodos (l-Anġlu Gabrijel).” (2:88 u 2:254)

“Żakkarija, Ġwanni, Ġesù u Elija, kollha mill-ġusti, u Ismael, Eliżew, Ġona u Lot; kollha ppreferejniehom mill-oħrajn.” (6:86-87)

“Dak huwa Ġesù bin Marija. Dan huwa kliem is-sewwa li huma jiddubitaw.” (19:35)

“Tassew, il-Messija Ġesù bin Marija ma kienx għajr il-mibgħut ta’ Alla u twettiq tal-kelma Tiegħu li nissel f’Marija, u grazzja mingħandu.” (4:172)

“Qal (Ġesù): ‘Jien tabilħaqq il-qaddej ta’ Alla! Huwa tani l-Ktieb u għamilni Profeta. Huwa għamilni mbierek, kull fejn inkun.’” (19:31-32)

Ir-referenzi ta’ hawn fuq jagħmluha ċara ħafna li, il-Musulmani mhux biss jemmnu f’Ġesù, iżda, jgħożżu wkoll il-messaġġ tiegħu, jibbenefikaw mit-tagħlim u l-karattru tiegħu, jalla l-paċi tkun fuqu.

Posted in Ahmadiyya Malta, Ahmadiyya: The True Islam, Article, www.Ahmadiyya.mt | Tagged , , , , , , , , , , , , , , | Leave a comment

Ahmadiyya Muslim Community donates to ‘Smiling with Jerome’ Foundation

Posted on December 25, 2024 by Laiq Ahmed Atif

On Saturday 21st December 2024, Imam Laiq Ahmed Atif, President Ahmadiyya Muslim Jamaat Malta (https://ahmadiyya.mt/), together with the community members visited the ‘Smiling with Jerome’ Foundation, and presented festive delights for those who are passing through difficult times, particularly those who have been diagnosed with cancer or other serious ailments; including families whose kids have special needs, rare diseases, conditions or disabilities.

The community members were welcomed by Mrs. Josette Frendo, one of the founding members of the ‘Smiling with Jerome’ Foundation. She briefed them about the services of the foundation and its reach out to the families and individuals in need.

Imam Atif said that, “serving mankind was a core principle and basic tenet of Islamic teachings and the Ahmadiyya Muslim Community always tried its utmost to serve mankind in any way possible”. He appreciated and commended the services provided by the Foundation and said that: “This visit is not the first and last, rather, it is the beginning of support and assistance of the Ahmadiyya Muslim Community Malta towards this noble cause, and will also be helping in any way possible in the future.” Net News – NewsBook

Posted in Ahmadiyya, Ahmadiyya Malta, Ahmadiyya: The True Islam, Charity, www.ahmadija.org.mt, www.Ahmadiyya.mt | Tagged , , , , , , , , , , , , | Leave a comment

Assad’s fall and the pathway to peace

Posted on December 23, 2024 by Laiq Ahmed Atif

Photo: Ahmed Akacha | Pexels.com

The collapse of Bashar al-Assad’s regime is a decisive turning point for Syria: one that will either rebuild the nation or plunge it into further chaos. However, this decisive moment holds the promise of light after years of darkness — a chance to create a brighter, prosperous, competent, and more just future for generations to come.

© The Times of Malta, 23.12.2024| Laiq Ahmed Atif— amjmalta@gmail.com

As 2024 draws to a close, Syria stands at a historic crossroads. The fall of the Bashar al-Assad regime on December 8 – once thought impossible – has become a reality. While this moment marks the end of a brutal 53-year-long dictatorship, it is not the conclusion of Syria’s painful journey through conflict, hardship and civil war. Instead, it is a decisive turning point: one that will either rebuild the nation or plunge it into further chaos.

The road ahead is clear yet challenging. It can choose the path of revenge and retribution, seeking to settle old scores from decades of suffering. Alternatively, it can take the path of reconciliation, justice, equity and collective nation-building. The decisions made today will determine whether Syria moves toward unity, peace and prosperity, or slips back into divisiveness, anarchy and sectarian strife.

At this crucial time, Syria needs wisdom, patience and strength. Its leaders, communities and all stakeholders must work together, prioritising the nation over personal grievances or short-term gains.

True justice is not about vengeance; it is about fairness, accountability and ensuring that all Syrians have a voice in shaping their country’s future. Policies adopted now may not always be popular but they must be constructive, enduring and focused on rebuilding a fractured nation.

Syria can draw powerful lessons from the past. A profound example lies in the conquest of Mecca, a pivotal moment in history that offers timeless guidance. Nearly 1,500 years ago, the Prophet Muhammad entered Mecca as a victorious leader after years of persecution at the hands of its inhabitants. The Muslims had been mocked, insulted, humiliated, beaten and driven from their homes. Yet, on the day of victory, the Prophet Muhammad demonstrated unparalleled forgiveness and magnanimity.

When he addressed the defeated Meccans, he asked: “Tell me what punishment you should have for the cruelties and injustices you committed?” The Meccans, in humility, responded: “We expect you to treat us as Prophet Joseph treated his erring brothers.”

Hearing this plea, the Prophet Muhammad declared: “By God, you will have no punishment today and no reproof.” He then announced a general amnesty, forgiving even his most bitter enemies. This act of mercy and reconciliation transformed hardened opponents into devoted allies and set the foundation for peace, unity and prosperity.

Equally remarkable was the humility displayed by the prophet on that historic day. Despite his triumph, he entered Mecca not with arrogance but with profound gratitude. With his head bowed low in humility, he forbade any words or acts of humiliation toward the Meccans. Instead of indulging in victory celebrations, he focused on reconciliation, fostering harmony and healing deep wounds. His leadership turned hatred into compassion, animosity into collaboration and despair into hope.

Syria stands in a similar moment of triumph and transition. The path forward requires emulating this spirit of forgiveness and humility. The wounds of the past must not fuel further divisions but, instead, serve as a catalyst for unity, justice and nation-building. Forgiveness does not mean ignoring wrongs – it means moving past them in a way that prioritises healing and collective progress. It means ensuring justice serves all Syrians, not just a privileged few.

The people of Syria must rise above vengeance and sectarian divides, choosing to rebuild their nation together. Leaders must act with wisdom and selflessness, guiding Syria toward reconciliation and governance rooted in fairness, transparency and equity. This is not the time for triumphalism or settling scores – it is the time to forge a shared future.

The guidance of Almighty God, as revealed in principles of peace, forgiveness and reconciliation, reminds us that “reconciliation is best” in all matters. For Syria, this is the moment to embrace that path. By choosing reconciliation over retribution, Syria can heal, unite and move toward a future of democracy, stability and prosperity.

This decisive moment holds the promise of light after years of darkness — a chance to create a brighter, more just future for generations to come.

Laiq Ahmed Atif is president of the Ahmadiyya Muslim Jamaat Malta.

Posted in Ahmadiyya Malta, Ahmadiyya: The True Islam, Article | Tagged , , , , , , , , , , , , , , , , , , | Leave a comment

Let’s Fly Together!

Posted on December 22, 2024 by Laiq Ahmed Atif

EJJEW INTIRU FLIMKIEN!

L-istudenti m’għandhomx jibżgħu mill-isfidi, iżda, għandhom ikollhom il-kuraġġ li jtiru għoli fis-smewwiet u dejjem jibqgħu impenjati għall-kawża tagħhom. Għax, dawk li l-intenzjonijiet tagħhom huma sodi, u li għajnejhom huma fuq Alla, ma jibżgħux mill-mewġ imqalleb, iżda jkomplu jbaħħru lejn id-destinazzjoni tagħhom. Iżda jridu jibqgħu dejjem b’valuri u virtujiet sodi. Dawk bil-manjieri tajbin, għandhom xorti tajba, dawk mingħajr manjieri tajbin, huma mingħajr xorti tajba. Għalhekk, iridu jibqgħu dejjem mal-art, umli, ta’ rispett u ta’ qalb tajba ma’ kulħadd.

It-Torċa, 22.12.2024| Imam Laiq Ahmed Atif, amjmalta@gmail.com,M:79655255

Fejn nixtiequ nkunu fi żmien għoxrin jew tletin sena? Fejn irridu li naraw lil pajjiżna fiż-żewġ jew tliet diċennji li ġejjin?

L-investiment fit-tfal tal-lum se jiddetermina fejn nixtiequ nkunu fi żmien għoxrin jew tletin sena. Għax, fi żmien għoxrin sa tletin sena t-tmexxija tal-pajjiż ikun f’idejn it-tfal tal-lum. Għalhekk, kif ngħidu, ‘dak li tiżra’ taħsad’, li l-azzjonijiet tagħna tal-lum jiddeterminaw il-futur u r-riżultati tal-futur tagħna.

Fi kliem ieħor, dak li nixtiequ naħsdu, għandna niżirgħu llum, għax, huwa naturali li ż-żerriegħa tikber u ssir pjanta u siġra u mbagħad tagħti l-frott. Bl-istess mod, l-investiment tagħna fit-tfal tal-lum se jagħti l-frott meta jikbru u jsiru bħas-siġra.

Għalhekk, huwa ferm importanti li niffokaw ħafna fuq uliedna, ninvestu ħafna fuq l-edukazzjoni, it-tagħlim u t-taħriġ tagħhom, sabiex ikunu l-assi għall-pajjiż u mhux il-piż, sabiex ikunu s-siġar li jagħtu l-frott tajjeb u bnin u mhux il-frott morr.

Il-ġimgħa interreliġjuża diversa

B’dan l-għan, taħt il-gwida tal-President Emeritus, l-Eċċellenza Tagħha, Marie-Louise Coleiro Preca, il-Malta Foundation for the Wellbeing of Society (MFWS), b’kollaborazzjoni mal-komunitajiet reliġjużi organizzat żjarat ta’ tmien skejjel fi ħdan il-Kulleġġ San Injazju, biex tiċċelebra l-‘Interfaith Diversity Week’.

Dawn iż-żjarat urew li kienu ta’ frott kbir fil-kultivazzjoni tal-kultura ta’ armonija bejn ir-reliġjonijiet, il-fratellanza, it-tolleranza, il-paċi u r-rispett.

Bqajna impressjonati ħafna meta smajna l-messaġġi tal-kapijiet tal-iskejjel, li kienu mpinġija, ikkuluriti u miżbugħin mill-isbaħ mill-istudenti fuq il-bnadar li kull skola kienet ippreparat biex tiċċelebra dawn l-okkażjonijiet.

Niċċelebraw id-differenzi ta’ bejnietna

Il-messaġġi komuni bejn l-iskejjel kollha kienu: id-diversità, l-imħabba, ir-rispett, l-empatija u l-armonija. Il-preżentazzjonijiet tal-istudenti kienu wkoll jolqtu ħafna l-qalb u deher li l-għalliema qed jaħdmu ħafna biex jippromwovu l-kultura tal-imħabba u r-rispett bejn l-istudenti kollha li huma ta’ reliġjonijiet, nazzjonalitajiet u backgrounds differenti.

Il-preżentazzjoni ta’ waħda mill-iskejjel enfasizzat il-messaġġ li ‘aħna kollha differenti u niċċelebraw id-differenzi ta’ bejnietna’, jiġifieri minflok li nibżgħu minn xulxin kemm hu tajjeb li niċċelebraw id-differenzi u d-diversità. Messaġġ ieħor kien li d-diversità interreliġjuża tfisser li nħobbu lil xulxin bla kundizzjonijiet; u li l-ugwaljanza hija essenzjali.

Flimkien fid-diversità għall-kisbiet u s-suċċessi

L-istudenti tal-Iskola Sekondarja tal-Ħandaq ħejjew tajriet ta’ kuluri differenti bil-motto li ‘ejjew intiru flimkien’. Il-kuluri differenti kienu jirrappreżentaw id-diversità fost l-istudenti. Il-messaġġ kien li, anke bid-differenzi u d-diversità kollha tagħna, nistgħu nibqgħu magħqudin, nikbru u niksbu suċċessi u kisbiet flimkien.

F’din l-attività tal-istudenti kien hemm messaġġi tajbin ħafna li t-tfal kollha huma l-istess, kollha huma kapaċi biex jgħixu fil-paċi u l-armonija ma’ xulxin, it-tfal jistgħu jtiru meta jkollhom għajnuna neċessarja u meta ngħinuhom u nħalluhom biex juru l-abbiltajiet u l-kapaċitajiet kollha tagħhom. Il-kuluri differenti u d-diversità mhix ħażina, anzi neċessarja, għax flimkien joħorġu s-sbuħija enormi u flimkien jidhru mill-isbaħ.

It-tajr: x’nistgħu nitgħallmu mit-tajr?

Hemm messaġġ ieħor li huwa verament importanti li l-istudenti wkoll għandhom biex jieħdu nota sew li, jekk jixtiequ biex jikkompetu mad-dinja, għandhom ikollhom il-kuraġġ; u dejjem jibqgħu impenjati għall-kawża tagħhom.

M’għandhomx jibżgħu mill-isfidi u l-ostakli li jiġu fi triqthom, iżda, l-intenzjonijiet, il-kuraġġ u d-determinazzjoni tagħhom għandhom ikunu sodi u eżemplari. Għax, dawk li l-intenzjonijiet tagħhom huma sodi, u li għajnejhom huma fuq Alla, ma jibżgħux mill-mewġ imqalleb, iżda jkomplu jbaħħru lejn id-destinazzjoni tagħhom.

Barra minn hekk, il-ħsieb tagħhom għandu jkun għoli ħafna u wiesa’ u m’għandhomx jiċċirkolaw fiċ-ċrieki tagħhom, anzi, għandhom jaħsbu outside the box, u jsiru kreattivi, kostruttivi, produttivi u ta’ valur.

Xorti tajba bil-manjieri tajba

Iżda fuq kollox, iridu jibqgħu dejjem mal-art, umli, ta’ rispett u ta’ qalb tajba ma’ kulħadd. Għandhom ikollhom il-valuri u l-virtujiet mill-aqwa. Għax, hemm qawl sabiħ bil-lingwa Urdu: ‘Dak bil-manjieri tajbin, għandu xorti tajba, dak mingħajr manjieri tajbin, hu mingħajr xorti tajba.’

Dan ifisser li, dawk li għandhom valuri u virtujiet mill-aqwa, għandhom ukoll xorti tajba, għax meta għandhom karattru tajjeb, Alla jgħinhom ħafna fil-mixja tagħhom u fil-miri tagħhom.

Il-fwieħa tal-verità

Mingħajr ebda dubju nemmen li, dawk li mill-karattru tagħhom ġejja l-fwieħa tal-verità, l-onestà, ir-rispett, il-ħniena, il-valuri u l-virtujiet, jistgħu jagħmlu l-mirakli, anke l-​ġebel jistaʼ jiddewweb għalihom.

Posted in Ahmadiyya Malta, Ahmadiyya: The True Islam, Article | Tagged , , , , , , , , , , , , , , , , | Leave a comment

The Mercy and Grace of God and Guidance for us as human beings

Posted on December 21, 2024 by Laiq Ahmed Atif
Posted in Ahmadiyya Malta, Inter-religious dialogue, Interfaith, Interfaith dialogue | Tagged , , , , , , , , , , , , , , , , , , | Leave a comment