Feeling the pain and suffering of others

Posted on June 11, 2024 by Laiq Ahmed Atif

Tħoss u ttaffi t-tbatija tal-oħrajn

Id-drawwa li wieħed iħoss it-tbatija u l-uġigħ tal-oħrajn u jipprova li jtaffihom kemm jista’ u jipprovdi serħan u faċilità hija wkoll valur mill-isbaħ. Tassew, il-kompassjoni għall-foqra u li wieħed dejjem jipprova jtaffi t-tbatija ta’ ħaddieħor hija biċċa xogħol nobbli ħafna. Dan għandu jsir mit-tfulija; u t-tfal għandhom jiġu mgħallma dawn il-valuri minn età bikrija. Tfal li għandhom ġenituri ġentili li jirrakkontawlhom l-istejjer tal-mogħdrija għall-foqra u jitkellmu magħhom dwar is-sbuħija tal-valuri tas-solidarjetà, il-ħniena u l-kompassjoni, dan żgur li jikkultiva fihom sens ta’ għotja u ta’ għajnuna lill-oħrajn fin-natura tagħhom. Huwa wkoll importanti immens li nifhmu li t-trawwim tal-kompassjoni umana mhix biss hi importanti, iżda mingħajrha ma nistgħux niksbu l-ogħla skop ta’ twelid il-bniedem.

______ Il-Koran Imqaddes ______

“Intom l-aħjar nazzjon li nħareġ għall-fejda tal-umanità, għax tordnaw u tħeġġu t-tajjeb, u tipprojbixxu u tevitaw il-ħażen, u temmnu f’Alla.” (3:111)

“Tabilħaqq, Alla jordna (li jkun hemm) il-ġustizzja (fost il-bnedmin), u li jsir il-ġid lill-oħrajn, u l-għoti (tal-għajnuna) lill-qraba; u jipprojbixxi l-indiċenza u l-ħażen u t-trasgressjoni evidenti.” (16:91)

“F’Isem Alla, Kollu Grazzja, il-Ħanin. Rajt lil dak li jiċħad il-Ġudizzju? Huwa dak li jaħqar lill-orfni; u ma jħeġġiġx (lill-oħrajn) biex jitimgħu l-fqir. Mela gwaj u telf kbir għal dawk li (taparsi) jitolbu iżda ma jagħtux kas it-talb tagħhom; dawk li jħobbu jidhru (u jagħmlu kollox għal għajnejn in-nies), jiċħdu l-karità u jżommu lura anke mill-inqas benefiċċju.” (107:1-8)

______ Diskorsi tal-Qaddis Profeta Muħammad^sa ______

“Il-karità għandha tingħata minn kull driegħ u riġel ta’ persuna f’kull ġurnata li titla’ x-xemx.”

“L-id ta’ fuq hija aħjar mill-id t’isfel: l-id ta’ fuq tagħti u tonfoq, l-id t’isfel tittallab u tirċievi.”

“L-agħar ikel huwa dak servut f’tieġ fejn l-għonja huma mistiedna u fejn il-foqra huma mbarrin.” (Gardens of the righteous, p.66)

“Ayesha (il-mara tal-Qaddis Profeta Muħammad^sa) tirrakkonta: Mara resqet lejja maż-żewġt ibniet tagħha; ma stajt insib xejn x’nagħtiha ħlief tamla waħda. Hija qasmitha bejn uliedha u hi ma ħadet xejn minnha. Imbagħad qamet u telqet. Meta wasal il-Qaddis Profeta, għedtlu x’ġara. Huwa qal: Wieħed li jkollu l-bniet u jittrattahom sewwa jintebaħ li dawn isiru t-tarka tiegħu min-Nar.” (Bukhari u Muslim, Gardens of the righteous, p.270)

“Iben Adam, jekk ikollok tonfoq dak li hu żejjed, ikun aħjar għalik, u jekk iżżommu jkun agħar għalik. M’intix se tiġi akkużat għax iżżomm dak li għandek bżonn. Ibda onfoq fuq dawk li jiddependu minnek.” (Tirmizi, Gardens of the righteous, p.110)

Posted in Ahmadiyya Malta, Ahmadiyya: The True Islam, morality, Morals | Tagged Feeling the pain and suffering of others, moral values, Tħoss u ttaffi t-tbatija tal-oħrajn | Leave a comment

Human Values—the Foundation for a Dignified Life

Posted on June 9, 2024 by Laiq Ahmed Atif

VALURI UMANI – IL-PEDAMENT GĦAL ĦAJJA DINJITUŻA

It-Torċa, 09.06.2024 |Imam Laiq Ahmed Atif— amjmalta@gmail.com

Dan l-aħħar kont qed nisma’ diskussjoni fuq ir-radju fejn xi ħadd qal li, “tlifna l-valuri u r-rispett lejn xulxin”. Din il-frażi ġagħlitni naħseb ħafna u niżżilt ħsibijieti dwar il-valuri. Huwa minnu li xi kultant naħsbu li huwa veru li qed nitilfu l-valuri, anke pereżempju, ħafna drabi nisimgħu lit-tfal u liż-żgħażagħ jindirizzaw il-kbar, il-ġenituri jew in-nanniet tagħhom b’mod informali, anke xi drabi b’isimhom, minflok jgħidu nannu, nanna, ziju jew zija, eċċ.

Fil-kultura Asjatika hemm xi ħaġa sabiħa li ż-żgħar qatt ma jindirizzaw il-kbar tagħhom fl-età b’isimhom, u dejjem jindirizzawhom bħal, ħija, ziju, nannu, eċċ., anke jekk mhumiex verament relatati magħhom. Imma, b’dan il-mod juru rispett lejhom. Min-naħa l-oħra, anke l-kbar jindirizzaw liż-żgħażagħ bl-istess mod. Diskors bħal dan mill-ewwel iwassal għal relazzjoni ta’ rispett bejniethom.

Il-kliem sabiħ fil-Malti

Għandna wkoll kliem sabiħ fil-lingwa tant għażiża għalina—il-Malti—li nużawh fid-diskors tagħna; naħseb li għandna nużawh aktar ta’ spiss, iktar regolari fid-diskors tagħna ta’ kuljum, pereżempju, qalbi, ħanini, kif inti ħija, kif inti sabiħ, kif nista’ ngħinek sinjur, eċċ.

Bla dubju ta’ xejn, x’hemm isbaħ mill-valuri li huma l-ġojjell tal-bniedem.

Għalhekk, irrispettivament mid-differenzi, nemmen li fuq il-bażi tal-umanità, in-nies kollha u l-għaqdiet kollha għandhom jagħmlu ħilithom b’mod kollettiv biex isostnu l-valuri umani, u jistinkaw biex id-dinja li ngħixu fiha tkun post aħjar u ferm aktar armonjuż. B’riżultat ta’ dan, jekk il-valuri tal-bniedem u d-drittijiet tal-bniedem ma jiġux imħarsa f’pajjiż jew reġjun wieħed, dan ikollu effett indirett fuq partijiet oħra tad-dinja u tali aġir ħażin jista’ jinfirex aktar ’il bogħod.

Bil-maqlub, jekk ikun hemm umanità, valuri umani, moralità, tjubija, prosperità f’parti waħda tad-dinja, dan ikollu effett pożittiv fuq soċjetajiet oħra u nies oħra. Bħala riżultat ta’ forom moderni tal-komunikazzjoni u tat-trasport, aħna lkoll issa qegħdin ħafna eqreb flimkien u m’għadniex limitati jew ristretti bil-ġeografija.

Madankollu, huwa paradoss stramb u traġiku li, minkejja li aħna konnessi aktar minn qatt qabel, fil-fatt qed nitbiegħdu aktar minn xulxin bil-ġurnata. Huwa ta’ dispjaċir kbir, u kawża ta’ niket, li minflok li ningħaqdu flimkien u nxerrdu l-imħabba fost il-bnedmin, id-dinja qed tagħti attenzjoni ferm akbar għat-tixrid tal-mibegħda, il-moħqrija u l-inġustizzja.

Żewġ sbuħijat tal-bniedem

Hemm żewġ sbuħijat: is-sbuħija interna, ta’ ġewwa, jiġifieri s-sbuħija spiritwali; u s-sbuħija ta’ barra, jiġifieri s-sbuħija fiżika. Is-sbuħija ta’ barra, tad-dehra u fiżika hija waħda li tidher, hija viżibbli, u l-bniedem fuq in-naħa l-oħra jista’ jara din is-sbuħija ta’ persuna. Iżda, is-sbuħija ta’ ġewwa hija spiritwali u tidher bl-għemejjel u l-azzjonijiet tagħna, li nsejħulha l-valuri tal-bniedem.

Is-sbuħija tad-dehra u fiżika tista’ tgħib jew tonqos mal-mogħdija taż-żmien, iżda, is-sbuħija ta’ ġewwa ssir dejjem aħjar u aħjar u tiżdied kuljum; tittejjeb mal-ġurnata. Iktar ma l-bniedem juża l-valuri, iktar isir pjaċevoli u attraenti; u l-bniedem isir aktar nobbli, dinjituż, grazzjuż, diċenti, ġust, ġenwin, pur, safi u denn tal-fiduċja. Is-soċjetà tħares lejh bħala mudell għas-soċjetà u l-komunità kollha. Igawdi rispett kbir u riverenza mis-soċjetà kollha u jsir ammirazzjoni għal ħafna.

Barra minn hekk, is-sbuħija ta’ barra tmut mal-mewt tal-ġisem jew mal-mewt tal-persuna, meta l-bniedem iħalli din id-dinja għall-oħra; ġismu jkun midfun fl-art, il-ġid tiegħu u l-qraba u l-għeżież tiegħu jibqgħu fid-dinja, xejn ma jmur miegħu, imma, il-morali tajba u l-għemejjel ġusti tiegħu jmorru miegħu sal-qabar li jkunu s-sors għall-maħfra tiegħu.

L-azzjonijiet li jibqgħu ħajjin

Il-Qaddis Profeta Muħammad, is-sliem għalih, qal: “Meta jmut bniedem, l-azzjonijiet tiegħu jieqfu, ħlief għal tliet affarijiet: (1) waħda hija l-karità kontinwa, (2) l-oħra hija l-għarfien li n-nies jistgħu jibbenefikaw minnha, (3) u t-tielet it-tfal tajbin u ġusti li jitolbu għalihom.”

Fi kliem ieħor, il-valuri jibqgħu fl-art anke wara l-mewt tal-bniedem. Għalhekk, qal li, “L-aħjar fostkom li jemmen huwa dak li l-imġiba tiegħu hija l-aħjar.” “Ittrattaw lin-nies b’kortesija, ġentilezza, imġiba tajba u valuri morali.”

Il-Qaddis Profeta Muħammad, is-sliem għalih, dejjem mexxa bl-eżempju tiegħu f’kull mument, anke bi mġiba mill-aħjar. Irrid insemmi xi wħud minn dawk l-eżempji tiegħu li jistgħu jkunu bħala gwida għalina kif nistgħu nipprattikaw il-valuri tajba fil-ħajja tagħna ta’ kuljum.

Il-mudell u l-imġiba mill-aħjar

Huwa rrakkontat li l-Qaddis Profeta Muħammad ma kienx jiddejjaq jimxi mar-romol u l-fqar. Huwa kien dejjem ta’ għajnuna għalihom it-tnejn.

Kien jagħlef l-iġmla (huwa stess). Huwa kien jagħmel xogħlijiet tad-dar, isewwi ż-żraben, iraqqa’ l-ilbies, jaħleb in-nagħaġ, jiekol flimkien mal-qaddej u jitħan (id-dqiq) miegħu meta dan jegħja. Huwa ma kienx jistħi jġorr ix-xirja mis-suq sa għand niesu. Huwa kien jieħu b’idejn l-għani u l-fqir, u kien ikun minn tal-ewwel li jsellem. Huwa ma kienx jiddejjaq jilqa’ xi stedina, imqar biex jiekol xi tamar.

Il-Qaddis Profeta Muħammad kellu karattru ħelu u qalb tajba. L-imġiba tiegħu kienet mill-aħjar u kien dejjem b’wiċċ ferrieħi. Huwa kien jitbissem, imma ma kienx jidħak jgħajjat. Lanqas ma kien ikun imqit meta kien ikun imdejjaq. Huwa kien umli, iżda ma kienx jintrema; kien ġeneruż, iżda mingħajr ħela. Kellu qalbu tajba u kien ħanin ma’ kulħadd. Huwa qatt ma kien jiekol sa ma jasal biex jibda jitfewwaq. Huwa qatt ma midd idu b’xeħħa.

Ħajja mżejna minn sbuħija dejjiema

Dawn l-eżempji t’hawn fuq huma verament mudell mill-isbaħ biex nimxu fuqhom sabiex nagħmlu ħajjitna mill-isbaħ—ħajja dinjituża, rispettata u nobbli. Għax, x’hemm isbaħ mill-valuri umani li huma l-ġojjell tal-bniedem, u l-pedament għal ħajja paċifika, prospera, diċenti, dinjituża—ħajja mżejna minn sbuħija ta’ dejjem.

Posted in Ahmadiyya Malta, Ahmadiyya: The True Islam, www.Ahmadiyya.mt | Tagged Ahmadiyya Malta, core values, dignified life, Human Values, Islam, Malta, Quran, values, valuri umani, virtues | Leave a comment

Our Children Our Future

Posted on June 7, 2024 by Laiq Ahmed Atif

Posted in Ahmadiyya Malta, Ahmadiyya: The True Islam, www.Ahmadiyya.mt | Tagged Ahmadiyya Malta, Islam, It-tfal, Malta, our children our future, Quran | Leave a comment

An Interfaith event at the Presidential Palace

Posted on June 2, 2024 by Laiq Ahmed Atif

On Friday 31^st May 2024, an interfaith event was held at the San Anton Presidential Palace Malta, where religious leaders in Malta had the opportunity of reading out their messages of peace-building. The event was moderated by Dr John Berry and was concluded with heartfelt Address of Her Excellency Myriam Spiteri Debono, President of Malta. Her Excellency emphasized the need of peace-building not only for own communities but for the entire humankind. Her message of ‘Hope’ is truly a way forward in promoting peace and harmony within our societies and around the globe.

During this august event, Imam Laiq Ahmed Atif, president Ahmadiyya Muslim Jamaat Malta also read his following message.

Your Excellency the President and Apostolic Nuncio, esteemed religious leaders and distinguished guests,

Asslamoaleikum wa Rahmatullah wa Barakatohu — may Peace and infinite blessings of Almighty Allah be upon you all.

In the Name of Allah, the Most Gracious, Ever Merciful

‘All praise belongs to Allah, Lord of all the worlds, the Gracious, the Merciful, and Master of the Day of Judgment.’ (Quran, 1: 1-4) ‘He is the Sovereign; He is Pure and purifies others. He is safe from all impurities and safeguards others. He is the Source of Peace for all.’ (Quran, 59:24) ‘Allah calls to the abode of peace, and guides whom He pleases to the straight path.’(Quran, 10:26) ‘Surely all believers are brothers. So make peace between brothers, and fear Allah that mercy may be shown to you.’ (Quran, 49:1)

We believe that: God is love, God is peace! Love can never beget hatred, and peace can never lead to war. Therefore, our message is: LOVE FOR ALL — HATRED FOR NONE.

Posted in www.ahmadija.org.mt | Leave a comment

Money is a great servant but a bad master!

Posted on June 2, 2024 by Laiq Ahmed Atif

IL-FLUS HUMA QADDEJJA TAJBIN IŻDA SIDIEN ĦŻIENA

It-Torċa, 02.06.2024 | Imam Laiq Ahmed Atif— amjmalta@gmail.com

Darba l-istudenti ngħataw biċċa xogħol biex iqabblu u jikkontrastaw l-importanza tal-għarfien u tal-għana. L-istudenti qagħdu jaħsbu u jiddiskutu dan is-suġġett; ftit bdew jaqblu li l-għerf huwa aqwa mir-rikkezzi, filwaqt li oħrajn aktar xaqilbu lejn l-importanza tal-għana. Filwaqt li qagħad jisma’ din id-diskussjoni, il-Fundatur tal-Komunità Ahmadiyya Musulmana indirizza lill-istudenti u qal: “La l-għerf u lanqas ir-rikkezzi ma jiswew xejn jekk ma jkunx hemm il-Ħniena u l-Grazzja ta’ Alla.”

Meta lit-tfal u l-adolexxenti tagħna, waqt li jkunu qed jgħaddu minn fażi tal-ħajja għal oħra, noffrulhom taħriġ ta’ livell għoli fejn nedukawhom b’valuri morali għoljin u ngħallmuhom b’mod realistiku li kollox jinsab f’idejn Alla l-Omnipotenti, dan kollu jħalli effett profond fuq l-imġiba, il-karattru u l-personalità tagħhom.

It-trobbija ta’ żewġ il-ġenituri

Minkejja l-fatturi kollha tajbin li jintużaw biex tiġi magħġuna l-personalità tat-tfal, jinħoloq xkiel kbir jekk l-istili ta’ trobbija tal-omm u tal-missier ma jaqblux flimkien għaliex dan il-fattur waħdieni jħalli ġerħa profonda fid-dixxiplina tat-tfal.

Irid ikun hemm sforz kollettiv min-naħa taż-żewġ ġenituri biex jaqblu fuq din it-trobbija u mhux joqogħdu jitlewmu fuqha; iridu jiddiskutu biex ikun hemm konformità fl-istil u l-mod ta’ tagħlim għat-tfal tagħhom.

L-għarfien u r-rikkezzi

Dwar l-importanza tal-għarfien u tar-rikkezzi, it-tnejn huma elementi importanti minn ħajjitna, madanakollu, jistgħu jsiru biss meħtieġa meta jkunu akkumpanjati bil-grazzja u l-benedizzjoni ta’ Alla Omnipotenti. Il-għaliex, huwa biss bil-grazzja u l-ħniena ta’ Alla li l-bnedmin jistgħu jibbenefikaw minn dawn il-barkiet.

Aħna xhieda ta’ ħafna realtajiet, fejn għandna nies li għandhom teżori sħaħ ta’ għana u rikkezzi. Iżda ma jistgħux jagħmlu użu minnhom, il-għaliex mardu b’mard kroniku li ma jħallihomx igawdu l-ġid li għandhom. Bl-istess mod, għandna nies oħra li huma mogħnija b’abbundanza enormi ta’ għarfien, iżda, għal xi raġuni, jiġu maħkuma b’mard li jġenninhom. Għalhekk, jekk ma jkunx hemm il-grazzja tal-Ħanin Alla, la l-għana u lanqas l-għerf ma jkunu sors ta’ benedizzjoni.

L-ornament tal-ħajja dinjija

Alla Omnipotenti jiddikjara fil-Koran Imqaddes li: “L-għana u l-ulied huma ornament tal-ħajja ta’ din id-dinja. Iżda l-għemil ta’ atti tajbin huwa aqwa f’għajnejn il-Mulej minn premji immedjati, u l-aħjar tama.” (18:47)

Ir-rikkezzi u l-ulied huma l-ornament ta’ din il-ħajja u jżidu mal-ġmiel u l-meravilji tagħha u ħafna drabi jġagħlu lill-bniedem jinsa ’l Alla, iżda huma jistgħu jintużaw ukoll sabiex iservu kawża nobbli ħafna. Il-flus li jintefqu għal kawża ġusta ħafna drabi jħallu riżultati tajbin b’mod permanenti.

Dawk iż-żgħażagħ li jiddedikaw ħajjithom għas-servizz tal-komunità jew tal-pajjiż tagħhom, jew għall-umanità inġenerali, mhux biss jibqgħu mfakkra b’unur għal ħafna anki wara mewthom, iżda wkoll jipperpetwaw il-memorji tal-antenati tagħhom. Din hija s-sustanza u t-tifsira ta’ dan il-vers.

L-għerf, l-għana u l-arroganza

Barra minn hekk, l-għerf u l-għana waħedhom, jekk ma jkunux akkumpanjati mill-ħniena u l-grazzja ta’ Alla, jistgħu jwasslu wkoll għall-arroganza u l-ftaħir; u jistgħu jagħmlu persuna egoista. F’dan ir-rigward, il-Fundatur tal-Komunità Ahmadiyya Musulmana, jistqarr:

“Kull min jissottovaluta lil ħuh għax iqis lilu nnifsu egħref, jew aktar għaqli, jew aktar profiċjenti huwa arroganti, daqslikieku ma jistmax lil Alla bħala s-sors ta’ kull intelliġenza u għarfien, u jqis lilu nnifsu bħala xi ħaġa. Taħsbu li Alla m’għandux is-setgħa li jimlieh bil-mard mentali u li jippremja lil ħuh li huwa jqisu bħala inferjuri b’aktar intelliġenza u dehen u bi profiċjenza ogħla aktar minn tiegħu?

Għaldaqstant, anki dak li, minħabba kunċett żbaljat tal-ġid, tal-pożizzjoni, jew tad-dinjità tiegħu, ikażbar lil ħuh, huwa arroganti għaliex jinsa li l-ġid, il-pożizzjoni u d-dinjità tiegħu ngħatawlu minn Alla. Huwa agħma u ma jirrealizzax li Alla għandu s-setgħa li jġarrfu u f’mument jista’ jsib ruħu fil-qagħda tal-aktar baxxi fost il-baxxi, u li jippremja lil ħuh li huwa jmaqdar b’aktar ġid minn tiegħu.”

Il-ħniena u l-grazzja ta’ Alla

Dan il-kliem tad-deheb jitfa’ biżżejjed dawl fuq is-suġġett li, jekk ma jkunx hemm il-grazzja u l-ħniena ta’ Alla, il-ġid u l-għerf mhuma xejn ħlief miraġġ. Kemm hu vera li, “Il-flus huma qaddejja tajbin iżda sidien ħżiena.”

Jiġifieri m’għandniex inkunu qaddejja tal-flus, iżda minflok il-flus għandhom ikunu qaddejja tagħna. Għandna nifhmu d-differenza bażika bejn li jkollna bżonn il-flus biex ngħixu, u li ngħixu biss għall-flus.

Għaldaqstant, għandna dejjem inqiegħdu sew il-prijoritajiet tagħna. M’għandniex nagħmlu l-ksib tal-affarijiet materjali l-għan ewlieni ta’ ħajjitna, iżda għandna dejjem niddependu fuq il-ħniena u l-grazzja ta’ Alla l-Ħanin u Mimli Grazzja.

Posted in Ahmadiyya Malta, Ahmadiyya: The True Islam, www.Ahmadiyya.mt | Tagged Blessings, Grace of Allah, Il-flus huma qaddejja tajbin iżda sidien ħżiena, Mercy of God, Money is a great servant but a bad master!, Neither knowledge nor wealth but Grace of God | Leave a comment

Religion and Society Conference 2024

Posted on June 2, 2024 by Laiq Ahmed Atif

The representatives of the Ahmadiyya Muslim Jamaat Malta attended a two-day International Conference organized by the Faculty of Theology at the University of Malta titled “Bridging Worlds: Society, Religion, and Cultural Confluence.” The conference was conducted by Dr John Berry and took place on May 30-31, 2024, at the auditorium of the Faculty of ICT, University of Malta, Msida.

Posted in Ahmadiyya Malta, Ahmadiyya: The True Islam, Education, Interfaith | Tagged Ahmadiyya Malta, Islam, Malta, Religion and Society, Religion and Society Conference, University of Malta | Leave a comment

Educating our children about the consequences of Bullying

Posted on May 29, 2024 by Laiq Ahmed Atif

Nedukaw lil uliedna dwar il-konsegwenzi tal-bullying

In-Nazzjon, 29.05.2024 | Imam Laiq Ahmed Atif – amjmalta@gmail.com

Il-preżent tagħna jinbena fuq l-imgħoddi u l-futur jiddependi fuq il-preżent tagħna. Nitgħallmu mill-passat sabiex il-preżent tagħna jkun aħjar mill-bieraħ, u nużaw il-kapaċitajiet u r-riżorsi kollha tagħna biex intejbu l-futur, sabiex għada jkun dejjem isbaħ. Dan huwa ċ-ċirku tal-ħajja fuq l-art fejn in-nies jiġu u jmorru u nies ġodda jieħdu l-pożizzjoni tagħhom.

Il-kaptan tal-vapur

Aħseb ftit, jekk kaptan kapaċissimu ta’ vapur jiġi mibdul b’kaptan li mhux kapaċi daqsu u anke m’għandux esperjenza, allura, kif se jkun il-vjaġġ fil-baħar u l-futur tal-vapur? Bla dubju ta’ xejn, il-vapur se jimxi ’l quddiem b’mod imqalleb, in-nies se jkunu fil-biża’ u anke n-negozju tal-kumpanija li tirranġa dan il-vjaġġ se jkun affettwat b’mod ħażin ħafna.

Il-vapur li ma jkunx immexxi minn persuna tas-sengħa u esperjenza ma jkunx bla ebda riskju. Waqt il-vjaġġ fil-baħar il-vapur ikun kontinwament imdawwar minn maltempati, ikun imqalleb, il-passiġġieri jkunu inkwetati, mhux se jkunu kuntenti, u għalhekk il-vjaġġ se jkun perikoluż. Dak li kien maħsub li jkun sors ta’ ferħ u pjaċir se jsir vjaġġ ta’ niket, għeja, ansjetà u biża’ enormi.

Dan huwa eżempju ta’ nazzjon li ma ppreparax ġenerazzjoni għall-futur tagħha li tista’ tbaħħar id-dgħajsa tagħha b’mod tajjeb.

Għalhekk, jekk aħna nixtiequ li l-futur ta’ pajjiżna jkun sod u b’saħħtu, allura għandna nrabbu lil uliedna mill-aħjar li nistgħu, għax iż-żgħażagħ tal-lum huma l-mexxejja ta’ għada; iż-żgħażagħ tal-lum huma l-kaptani tal-vapur fil-futur.

Il-kruha ta’ bullying

Dan l-aħħar kien hemm rapport fil-midja lokali li juri li l-ġlied fl-iskejjel huwa xi ħaġa li sseħħ kważi kuljum; u waħda mill-problemi li qed jiffaċċjaw it-tfal kemm fl-iskejjel kif ukoll fil-playgrounds hija l-bullying.

Il-bullying għandu forom differenti, pereżempju li wieħed jaqla’ xi daqqa, jissejjaħ b’ismijiet ħżiena, li tagħti isem jew laqam ħażin lil xi ħadd, tidħaq b’ħaddieħor, tgħajjar lil min hu oħxon jew irqiq ħafna, li ma tgħinx lil xi ħadd partikolari, li tiżola lil xi ħadd, li titkellem kontra xi ħadd u tivvinta kontra l-oħrajn, dawn kollha huma forom tal-bullying.

Huwa minnu li ħafna drabi t-tfal jew iż-żgħażagħ jiġu influwenzati mill-ħbieb tagħhom, imma jekk il-ġenituri jgħallmuhom manjieri sodi, minflok li jiġu influwenzati minn ħaddieħor, dawn it-tfal jistgħu jinfluwenzaw lill-oħrajn bl-attitudni pożittiva u l-imġiba tajba tagħhom, u b’hekk joħolqu ambjent aħjar għal kulħadd.

It-taħriġ kostruttiv ta’ wliedna

Għalhekk, nissuġġerixxi li l-ġenituri jgħallmu lil uliedhom il-valuri morali għoljin; u minbarra l-edukazzjoni tagħhom, għandhom jiffokaw ukoll fuq it-taħriġ pożittiv u kostruttiv ta’ wliedhom. Ngħidu lil uliedna li qatt ma jlissnu kelma ħażina kontra ħadd; u jistgħu jifhmu l-bullying meta jaħsbu jekk huma jkunu f’post dawk li qed jiġu bullied.

Biex nifhmu l-konsegwenzi tal-bullying, irridu nqiegħdu lilna nfusna fl-istess sitwazzjoni, jiġifieri li wieħed jimmaġina lilu nnifsu fis-sitwazzjoni jew fiċ-ċirkostanzi ta’ persuna oħra, sabiex jifhem is-sitwazzjoni tagħhom, jew jirrispetta l-perspettiva u l-opinjoni tagħhom.

Wieħed jifhem l-importanza tal-ikel meta jkun bil-ġuħ ħafna u ma jsibx biċċa ħobż x’jiekol; wieħed jifhem il-konsegwenzi tal-bullying meta jiffaċċja sitwazzjoni bħal din; wieħed jifhem li l-bullying ikisser lill-persuna meta xi darba jesperjenza l-bullying hu stess.

Għalhekk, huwa importanti li nedukaw lil uliedna b’mod tajjeb ħafna sabiex ma jsirux egoisti u arroganti, imma, iħossu t-tbatijiet ta’ ħaddieħor, u juru wkoll rispett sħiħ u dinjità lejn is-sentimenti u l-emozzjonijiet tal-oħrajn. Huma qatt ma għandhom iweġġgħu s-sentimenti ta’ ħadd, għax, hemm ukoll bniedem fuq in-naħa l-oħra li qed jirċievi kliem ta’ wġigħ. Huwa wkoll bniedem—tad-demm u l-laħam— bħalna.

Insiru l-qaddejja tal-umanità

Nixtieq nagħlaq b’xi kliem li jmiss il-qalb, li jqawwi t-tama, kliem ta’ għerf għal kull żmien, li jista’ jgħinna nifhmu dan is-suġġett li minflok inkażbru lill-oħrajn irridu nsiru vera qaddejja tal-umanità.

Il-Qaddis Profeta Muħammad, is-sliem għalih, qal: “Intom għandkom tgħixu bħall-qaddejja ta’ Alla u tieħdu ħsieb xulxin. Wieħed li jemmen ma jagħmilx ħsara lill-proxxmu tiegħu. Ma jinsulta lil ħadd, u ma jkażbar u jmaqdar lil ħadd.”

Il-Fundatur tal-Komunità Ahmadiyya Musulmana jispjega dan iktar u jgħid: “Kunu ġenerużi u qalbkom tajba ma’ kulħadd, għaliex ilkoll aħna ħlejjaq Tiegħu. Tkunux kattivi bi lsienkom, b’idejkom, jew b’xi manjiera oħra. Dejjem aħdmu għall-ġid tal-umanità. Qatt taġixxu b’mod superjuri fuq l-oħrajn, anki ma’ dawk li jkunu taħtkom.

Qatt tużaw lingwaġġ abbużiv, anki meta tirċevuh. Kunu umli fl-ispirtu, qalbkom tajba, kalmi u uru ħniena, simpatija ma’ kulħadd. Awgurawlhom affarijiet sbieħ, ħalli tkunu aċċettati minn Alla.”

Posted in Ahmadiyya Malta, Ahmadiyya: The True Islam | Tagged Bullying | Leave a comment

Id-Dawl 76

Posted on May 29, 2024 by Laiq Ahmed Atif

ID-DAWL 76

ID-DAWL-76 Download

Posted in Ahmadiyya Malta, Id-Dawl, Id-Dawl Magazine | Tagged Ahmadiyya Malta, Feeling the pain of others, Hair donation and Islam, Id-Dawl, Id-Dawl 76, Islam, Malta, Quran, Social Justice, Spreading Love and compassion | Leave a comment

Empowering youth for nation building

Posted on May 27, 2024 by Laiq Ahmed Atif

Youths should engage in reading, research, and discussions before forming their final opinions. Nurturing the potential of youth is essential for the progress and prosperity of any society and nation. Photo: Shutterstock

Times Of Malta, 27 May 2024 | Laiq Ahmed Atif —President Ahmadiyya Muslim Jamaat Malta – amjmalta@ahmadiyyamalta

Upon reading Mariah Meli’s article ‘Enhancing our youths’ potential’ (May 13), I was reminded of the timeless wisdom of the second Caliph of the Ahmadiyya Muslim Community, who succinctly expressed the significance and valuable contribution of youth to any nation and society. He stated: “Nations cannot be reformed without the reformation of the youth.” These words encapsulate the essence of the importance of educated, well-mannered, capable and active youth, who are pivotal to the success and continued prosperity of any nation.

Meli’s comprehensive and effective presentation of youth issues resonates with me, reminiscent of a story of a Muslim woman who, representing women, eloquently addressed the Prophet Muhammad. Her inclusive and powerful speech prompted him to acknowledge her as a remarkable advocate for women’s issues. Working closely with youth, I would like to share some additional thoughts. It’s crucial for youth to avoid being solely influenced by social media and other discourses.

Instead, they should engage in reading, research and discussions within their circles and with superiors and other sections of society before forming their final opinions. Well-informed and researched opinions hold greater weight and enable individuals to confidently shoulder the responsibility of their viewpoints.

Moreover, mental health is closely intertwined with physical health. As an Arabic saying beautifully states: “A healthy body houses a healthy mind.” Therefore, it is incumbent upon youth to prioritise living healthily and participating in sports and regular exercise. Physical fitness facilitates better brain and mind function, enhancing one’s ability to fulfill responsibilities effectively.

Additionally, fostering the leadership potential of today’s youth is imperative for shaping tomorrow’s leaders. Because today’s youth are the leaders of tomorrow and the future of nations depends on their preparation.

Therefore, every leader should prioritise preparing second and third-tier leadership to ensure continuity and stability. By engaging youth in policy-making and execution processes, societies can nurture capable leaders who can adeptly navigate challenges. This forward-thinking approach ensures there are no leadership vacuums and facilitates smooth transitions of power.

It’s crucial for youth to avoid being solely influenced by social media – Laiq Ahmed Atif

Furthermore, the visionary leadership of the Ahmadiyya Muslim Community in enhancing youth potential and preparing future leaders is commendable. Through auxiliary set-ups tailored to different age groups, the community provides leadership opportunities and equips individuals with skills and experiences necessary for any role.

I have seen countless youth engage with the Ahmadiyya Muslim Community’s programmes and emerge not only with newfound knowledge and skills but also with a sense of camaraderie. They forge deep bonds with fellow participants, sharing a common vision and goal to give back to their community and offer a helping hand whenever needed.

This sense of unity and purpose instilled within youth fosters a spirit of service and dedication that extends beyond individual pursuits, contributing to the collective betterment of society.

It’s crucial to emphasise the importance of nurturing youth in the right way to become resilient and strong-minded individuals. Proper guidance and mentorship play a pivotal role in shaping their character and instilling values such as integrity, empathy and perseverance.

By providing them with a supportive environment where they can develop critical thinking skills and emotional intelligence, we empower them to navigate life’s challenges with confidence and resilience. Investing in the holistic development of our youth ensures that they not only excel academically and professionally but also become compassionate leaders who contribute positively to society.

In conclusion, nurturing the potential of youth is essential for the progress and prosperity of any society and nation. By providing them with education, necessary training, opportunities for engagement and support for their physical and mental well-being we empower them to become effective leaders and contributors to the nation’s prosperity. Let us collectively invest in our youth, recognising them as the architects of our future.

Posted in Ahmadiyya Malta, Ahmadiyya: The True Islam, Malta | Tagged Ahmadiyya Malta, Empowering youth, Empowering youth for nation building, Islam, Laiq Ahmed Atif, Malta, Quran, Times of Malta, Youth, Youth Empowerment | Leave a comment

The Sweetness of our Tongue and the Wonders of Words

Posted on May 26, 2024 by Laiq Ahmed Atif

IL-ĦLEWWA TA’ LSIENNA U L-GĦEĠUBIJIET TAL-KLIEM

Il-kliem morr qed jeqred is-soċjetà. Il-kelma ħelwa ssaħħaħ is-soċjetà, tgħaqqad lin-nies, ixxerred tbissima fuq wiċċ u xufftejn in-nies, u ġġiegħel lin-nies iħossuhom komdi u kuntenti. Tabilħaqq, il-ħlewwa toħloq iktar ħlewwa. Imma, sfortunatament, illum il-ġurnata, ma tingħata l-ebda attenzjoni fl-għażla tal-kliem; għalhekk, għandna nifhmu li x-xafra ta’ lsienna mhix inqas minn xabla; u forsi l-ferita tal-ilsien hija agħar minn tax-xabla. Tassew, il-kliem huwa realtà; il-kliem huwa ġid; għalhekk, għandu jintuża fil-kostruzzjoni, l-iżvilupp u fl-aħjar interess tal-pajjiż.

It-Torċa, 26.05.2024 | Imam Laiq Ahmed Atif — amjmalta@gmail.com

Huwa l-kliem mitkellem mill-ilsien li jista’ jibdel għadu mortali f’ħabib u jibdel ħbiberija sinċiera f’rivalità. Il-kliem ċertament għandu ħafna qawwa, forza, effettività, impatt u influwenza. Huwa għalhekk li dejjem għandna nużaw kliem maħsub ħafna, kliem li ma jżidx l-għedewwa tagħna imma jżid il-ħbieb u l-maħbubin tagħna.

Storja mimlija lezzjonijiet u gwida!

Jingħad li darba kien hemm re li sejjaħ astrologu u staqsieh dwar il-ħajja tiegħu. L-astrologu kkalkula kif huma bħas-soltu jagħmlu u qal lir-re: Maestà Tiegħek! Il-qraba, il-ħbieb u l-għeżież kollha tiegħek se jmutu quddiemek.

Ir-re kien inkwetat ħafna dwar aħbar ħażina bħal din. Kien irrabjat ħafna li l-astrologu tah aħbar ħażina. Ir-re tefgħu l-ħabs. Imbagħad tħabbar fis-saltna li għandu jiġi astrologu ieħor u jbassar għas-sultan. Imbagħad, ġiet persuna oħra u għamlet il-kalkoli tagħha u qalet lir-re: Maestà! Għandek ħajja twila u sabiħa, int se tgħix lil hinn mill-maħbubin kollha tiegħek, għandek ħajja itwal minn kulħadd fil-familja tiegħek. Alla jbierkek b’ħajja twila u attiva, itwal mill-għeżież tiegħek kollha.

Meta sema’ din l-aħbar sabiħa, ir-re sar ferħan ħafna bil-kliem ta’ dan l-astrologu u qallu: “X’qed titlob minni? Jiena nagħtik dak kollu li titlob minni. Xi trid?” L-astrologu qal lir-re: Maestà, jekk trid tagħtini xi ħaġa, nitolbok biss li teħles lill-għalliem tiegħi mill-ħabs. Ir-re qal, “Liema għalliem?” Ir-re talab spjegazzjoni.

L-astrologu qal: “L-astrologu li inti arrestajt huwa l-għalliem tiegħi. Huwa qal ukoll dak li għedt jien. Iżda, ma kienx attent fl-għażla tal-kliem tiegħu, ma kienx sensittiv biżżejjed fl-għażla tal-kliem tiegħu.

Maestà! ‘Jalla tgħix lil hinn mill-maħbubin tiegħek jew jista’ l-maħbubin tiegħek imutu qablek.’ Dawn iż-żewġ kelmiet huma l-istess u t-tifsira tagħhom l-istess, il-mod kif intqalu, dak biss huwa differenti. Int irrabjat bi kliem l-għalliem u bil-kliem tiegħi sirt ferħan u kuntent.”

Din l-istorja turi kemm l-użu tal-kliem jagħmel differenza u l-impatt kbir li jista’ jħalli. Kliem mhux f’waqtu jew magħżul b’nuqqas ta’ sensittività, anki jekk ikun veru, jista’ jħalli effett negattiv fuq persuna kemm fiżikament kif ukoll emozzjonalment.

Għall-kuntrarju, kliem magħżul b’għaqal biex jiddeskrivi l-istess sitwazzjoni jinżel pożittivament ma’ oħrajn u jqawwilhom il-moral u l-benesseri tagħhom.

L-impatt tal-kliem

Dan huwa eżempju eċċellenti tal-impatt u l-għeġubijiet tal-kliem. Bla dubju ta’ xejn, il-kliem morr qed jeqred is-soċjetà. Il-kelma ħelwa ssaħħaħ is-soċjetà, tgħaqqad lin-nies, ixxerred tbissima fuq wiċċ u xufftejn in-nies, u ġġiegħel lin-nies iħossuhom komdi, kuntenti u jħossu sens kbir ta’ familjarità.

Għalhekk, lirika ħelwa u kelma tajba jeħtieġu li jerġgħu jitqajmu. Jekk jiġi adottat il-prinċipju ta’ ‘live and let live’, l-istil ta’ diskors tagħna jinbidel kompletament; u n-nies ikunu sodisfatti f’ħajjithom.

Il-ħlewwa toħloq iktar ħlewwa

Tabilħaqq, anke s-smigħ ta’ kliem ħelu wkoll jagħmel l-ilsien aktar ħelu u għalhekk aktar ħlewwa tiġi prodotta mill-ħlewwa. Kif ngħidu bl-Ingliż li “love creates love”, jiġifieri l-imħabba toħloq l-imħabba, l-istess nistgħu ngħidu li “l-ħlewwa toħloq iktar ħlewwa”. Meta kulħadd jadotta dan l-istil ta’ ħajja li dejjem jitkellem b’mod ħelu, is-soċjetà tista’ ssir mill-aqwa, issir kenn ta’ paċi, imħabba u serenità.

Imma, sfortunatament, naraw li l-ħlewwa qed tonqos b’rata mgħaġġla mis-soċjetajiet tagħna, u l-imrar qed jieħu postha; u l-midja soċjali tgħarraq aktar is-sitwazzjoni u tagħmel is-soċjetà aktar dgħajfa u vulnerabbli.

Il-ferita tal-ilsien

Illum il-ġurnata, peress li naqas ir-rispett tal-bniedem, naqas ukoll ir-rispett tal-kelma. Ma tingħata l-ebda attenzjoni fl-għażla tal-kliem, u b’konsegwenza ta’ dan kull qalb hija miġruħa u midruba; u kull bniedem jidher batut, imdejjaq u b’qalb maqsuma. Ix-xafra ta’ lsienna mhix inqas minn xabla; u forsi l-ferita tal-ilsien hija agħar minn tax-xabla.

Il-ħila li tuża l-kliem b’mod korrett hija barka, u ftit nies huma mbierka b’din il-barka. Jekk jittieħed il-kompitu li l-ambjent isir pjaċevoli bil-kliem, huwa kompitu kbir. Għalhekk, ejja ndawlu l-ambjent bil-kliem, u nagħmlu l-qlub kuntenti bil-kliem ħelu u tajjeb tagħna.

Il-kliem huwa realtà

Għaldaqstant, irridu niżnu kliemna sewwa u dejjem nużaw l-aktar kliem addattat u xieraq meta nitkellmu jew niktbu xi ħaġa, għaliex kliemna jħalli impatt qawwi, u għalhekk irridu niżnu u naħsbu sew fuq il-konsegwenzi u l-effetti tal-kliem qabel ma nitkellmu jew niktbu.

Tabilħaqq, il-kliem huwa realtà. Il-kliem huwa fiduċja. Il-kliem huwa poter. Il-kliem huwa ġid. Għalhekk, m’għandux jinħela, u m’għandux jitħalla jinħela. Anzi, dan il-kliem għandu jintuża fil-kostruzzjoni u l-iżvilupp tan-nazzjon.

Posted in Ahmadiyya Malta, Ahmadiyya: The True Islam | Tagged Ahmadiyya Malta, Il-Ħlewwa ta’ Lsienna, Il-Ħlewwa ta’ Lsienna u l-Għeġubijiet tal-Kliem, Islam, Malta, Quran, The Sweetness of our Tongue and the Wonders of Words, words make a difference | Leave a comment

Where from Does Sin Come?

Posted on May 21, 2024 by Laiq Ahmed Atif

Minn fejn ġej id-Dnub?

Il-Leħen, 19.05.2024 | Imam Laiq Ahmed Atif – amjmalta@gmail.com

Skont il-Koran Imqaddes hemm 99 attribut ta’ Alla, bħal li Huwa l-Ġentili, il-Ħanin, is-Sovran, il-Protettur, in-Nobbli, il-Ħallieq, is-Setgħani u l-Għaqli.

Wieħed minn dawn l-attributi ta’ Alla huwa li Alla Huwa “l-Qaddis”, li huwa ħieles minn kull ħtija, difett, jew defiċjenza, u ħadd mhu bħalu.

Alla Huwa “l-Qaddis”

F’dan l-attribut ta’ Alla hemm lezzjoni għalina li kif Alla Huwa l-Qaddis u pur, Hu jixtieq li l-bnedmin Tiegħu wkoll isiru bħalu, jiġifieri, isiru ġusti, twajba, devoti, virtużi, fidili, leali u safja minn kull dnub u difett. Jixtiqilna li aħna kollha nsiru bnedmin nodfa fiżikament kif ukoll spiritwalment; u li nnaddfu lilna nfusna mid-dnubiet kollha. Irridu ngħixu ħajja ta’ safa u pjetà.

Alla l-Qaddis jixtieq li aħna nżommu lilna nfusna safja kif it-tifel huwa meħlus minn kull ħażen, ħmieġ, impurità u dnub fil-ħin tat-twelid. Huwa importanti li nsiru ħelwin, tajbin u meħlusa minn kull dnub sabiex inkunu aċċettati quddiem Alla.

Hawnhekk tqum mistoqsija importanti, li, meta Alla Huwa l-Qaddis u jixtieq il-qdusija għall-bnedmin u Hu bagħat ħafna Profeti fid-dinja sabiex juru t-triq it-tajba lill-umanità, u hemm tant inkoraġġiment lejn ħajja ta’ virtù u ħafna skuraġġiment lejn ħajja ta’ ħażen u dnub, u tant hemm spazju għal titjib, il-ħażen u d-dnub kif jirnexxilhom jidħlu fil-ħajja tal-bniedem? Minn fejn ġej id-dnub? Għaliex l-art hija mimlija dnub?

Seba’ kawżi tad-dnub

It-Tieni Kalif tal-Komunità Ahmadiyya Musulmana spjega dan b’mod tajjeb ħafna, u nixtieq li niġbor fil-qosor dan is-suġġett vera importanti.

Il-kawża ewlenija tad-dnub hija l-injoranza, li tista’ tkun injoranza permanenti jew temporanja. L-injoranza permanenti hija ħaġa apparti. L-injoranza temporanja hija injoranza minkejja l-għarfien, jiġifieri, il-bniedem jaf il-konsegwenzi tal-għemil tiegħu, imma minħabba ċerti ċirkustanzi ma jagħtix kas li jagħmel li jrid; u din it-tip ta’ injoranza jista’ jkollha ħafna kawżi:

Ir-regħba – ħafna regħba ġġiegħel lill-bniedem isir agħmi quddiem ħwejjeġ ta’ importanza kbira; l-aggressività jew rabja intensiva, karattru kombattiv jew argumentattiv; bżonn intens; saħħa ħażina; biża’ eċċessiv; imħabba eċċessiva; ottimiżmu eċċessiv; pessimiżmu eċċessiv; insistenza eċċessiva fuq xi ħaġa; xewqa eċċessiva; nuqqas ta’ xewqa eċċessiv; u tendenzi ereditarji jiġifieri persuna tiret tali attitudni ta’ injoranza. Dawn huma t-tnax-il sors jew ċirkustanza li jipproduċu jew jippromwovu l-injoranza. U meta l-bniedem ikun injorant hu jaqa’ fid-dnub u l-ħażen.

Il-kuntatti soċjali u l-kumpaniji

Minbarra l-injoranza, it-tieni sors kbir tad-dnub huma l-kuntatti soċjali u l-kumpaniji. Il-bniedem huwa imitatur imwieled. Għandu t-tendenza li jagħmel bħalma jagħmel ħaddieħor, mingħajr ma jiżen u jqis il-konsegwenzi ta’ dak li jkun qed jagħmel. Dawn l-influwenzi soċjali jinkludu l-influwenza tal-ġenituri u l-qraba, sħab tal-logħob, għalliema, tradizzjonijiet, drawwiet u kultura soċjali, eċċ.

It-tielet sors ta’ dnub huwa li l-bniedem xi drabi jkollu għarfien ħażin ta’ xi ħaġa.

Ir-raba’ sors taʼ dnub huma drawwiet ħżiena. Li tkun taf tajjeb ħafna x’inhi l-verità u li l-mertu jorbot li tgħid il-verità, meta jasal il-mument kruċjali persuna għandha t-tendenza li ma tgħidx il-verità. Pereżempju, wieħed li għandu l-vizzju tax-xorb u jiddeċiedi li ma jixrobx aktar; u jaf kollox dwar il-periklu tax-xorb. Imma meta jpoġġi bilqiegħda ma’ dawk li jixorbu, huwa ma jistax jirreżisti t-tentazzjoni. Mal-iċken sejħa tinkiser id-deċiżjoni tiegħu li ma jixrobx.

L-għażż u n-nuqqas ta’ dixxiplina

Il-ħames, il-bniedem xi drabi jaqa’ fid-dnub minħabba l-għażż, in-nuqqas ta’ dixxiplina, u li ma jagħtix kas jew importanza biżżejjed u jieħu l-affarijiet faċli u b’mod rilassat. Iż-żmien jgħaddi u f’daqqa waħda jsib ruħu fil-ħażen jew fid-diffikultà. Pereżempju, jekk l-istudent jieħu l-edukazzjoni b’mod leġġer u jaħseb li meta jasal il-waqt tal-eżami jkun jista’ jistudja biżżejjed, imma, din l-attitudni tista’ takkawżalu t-telf fl-eżamijiet.

Is-sitt kawża tad-dnub hija n-nuqqas ta’ ġudizzju komparattiv. Minn żewġ korsijiet ta’ azzjoni alternattivi, persuna ma tistax tiddeċiedi liema hija l-aħjar mit-tnejn.

Is-seba’ kawża tad-dnub hija l-ħafna influwenzi inviżibbli li jħabbtu wiċċhom ma’ xulxin f’ħajjitna.

It-twieqi tad-dnub

Dawn huma seba’ sorsi jew kawżi tad-dnub u l-ħażen, u meta bniedem ma jibqax kawt għal dawn il-kawżi, hu jista’ jaqa’ fid-dnub. Dawn huma t-twieqi tad-dnub li minnhom id-dnub jidħol fil-ħajja tal-bniedem u jmarrad ir-ruħ tal-bniedem.

Bla dubju, id-dnub huwa velenu fatali li joqtol l-ispirtu ta’ persuna. Ibiegħed lill-bniedem mill-bieb tal-ħniena ta’ Alla li Jista’ Kollox u mill-għotjiet, il-barkiet u l-imħabba Tiegħu.

Għalhekk, irridu dejjem nitbiegħdu minn kull dnub biex noqorbu lejn Alla, il-Ħanin, u ngawdu mill-maħfra u l-ħniena Tiegħu.

Posted in Ahmadiyya Malta, Ahmadiyya: The True Islam | Tagged Ahmadiyya Malta, Dnub, Islam, main causes of sin, Malta, Minn fejn ġej id-Dnub?, Quran, Sin, Where from Does Sin Come? | Leave a comment

Invisible Influences

Posted on May 19, 2024 by Laiq Ahmed Atif

INFLUWENZI INVIŻIBBLI

It-Torċa, 19.05.2024 | Imam Laiq Ahmed Atif – amjmalta@gmail.com

Kif qal Aristotli, “Il-bniedem hu annimal soċjali”; jiġifieri, il-bniedem ma jistax jgħix waħdu f’iżolament jew f’solitudni. Il-bnedmin kollha jiddependu minn xulxin biex jissodisfaw il-bżonnijiet tagħhom. Jiddependu fuq xulxin biex jaqsmu l-ħsibijiet u s-sentimenti tagħhom. Mhux maħsub biex il-bnedmin jgħixu waħedhom.

Din il-frażi tintuża biex tenfasizza kif il-formazzjoni tar-relazzjonijiet hija fundamentali għan-natura umana, u n-nies huma annimali soċjali li jiddependu fuq xulxin u li jiffurmaw rabtiet soċjali. In-natura soċjali tagħna hija importanti wkoll għall-evoluzzjoni tagħna, l-iżvilupp tal-komunitajiet tagħna, u l-abbiltà tagħna li naddattaw biex ngħixu f’ambjenti differenti.

Għalhekk, meta l-bnedmin jinteraġixxu ma’ xulxin fuq bażi ta’ kuljum, huma jħallu impatt profond fuq il-ħajja ta’ xulxin.

Għalhekk, meta ngħixu fis-soċjetà, ma’ nies ta’ ħsibijiet u fehmiet differenti, ħafna drabi dawn il-ħsibijiet u fehmiet jaffettawna u jinfluwenzawna b’mod awtomatiku u inviżibbli li saħansitra ma nindunawx bihom. F’ħajjitna hemm ħafna influwenzi inviżibbli li jħallu impatt kbir fuq ħajjitna u l-formazzjoni tal-karattru tagħna.

Influwenza ipnotika

Ħafna drabi dawn l-influwenzi inviżibbli jħallu influwenza ipnotika li l-persuna ma tkunx konxja tagħha. Ma jingħata ebda argument u lanqas ma jsir appell, iżda l-preżenza ta’ influwenzi li jiġġeneraw l-ideat hija ċerta tabilħaqq.

Dan jeħtieġ xi spjegazzjoni biex nifhmu sew dan il-punt. Pereżempju, ejja ngħidu li jkun hemm persuna deċenti li tgħix fil-viċinanzi ta’ disgħa oħrajn li mhumiex daqshekk deċenti u huma jaħbu l-ħsibijiet tagħhom f’qalbhom u ma juruhomx lil din il-persuna deċenti, u f’dak il-każ irawmu l-ħsieb ħażin mingħajr ebda komunikazzjoni ċara. Fi żmien qasir dik il-persuna deċenti tibda tħoss l-influwenza ħażina.

Dan ifakkarni fi storja ta’ student li darba kiteb lill-Mexxej tal-Komunità Ahmadiyya li moħħu kien qed jiġi affettwat minn ħsibijiet anjostiċi. Huwa kitiblu lura li għandu jibdel is-siġġu tiegħu fil-klassi u joqgħod ’il bogħod minn sħabu tal-klassi li poġġew qrib tiegħu. Il-bidla ġabet il-fejqan għall-anjostiċiżmu tiegħu u mill-ġdid beda jemmen f’Alla u r-relazzjoni tiegħu ma’ Alla ssaħħet.

Kif ġara hekk? Għaliex sar hekk? Ma kien l-ebda argument u diskussjoni bejniethom, iżda l-ħsibijiet mhux espressi kienu qed jiġu kkomunikati b’xi mod misterjuż li affettwaw lill-istudent u ħallew effett kbir fuq il-fehma tiegħu.

Il-ħsibijiet huma bħal mewġ

Il-ħsibijiet huma bħal mewġ u għandhom qawwa tagħhom stess; kif il-mewġiet jimxu minn naħa għal oħra u viċiversa, bl-istess mod il-ħsibijiet tal-bnedmin jgħaddu minn moħħ għal ieħor, mill-persuna għal oħra.

It-Tieni Kalif tal-Komunità Ahmadiyya Musulmana spjega dan b’mod tajjeb ħafna, u ppreżenta xi eżempji kif il-ħsibijiet jimxu minn naħa għal oħra u minn moħħ għal ieħor.

Anke nsibu dan fl-annimali. Huwa veru li l-annimali jikkomunikaw mingħajr kliem jew sinjali. Ħa jinġabru flimkien erba’ jew ħames iljuni, dak li se jkun il-kbir jew l-aktar b’saħħtu se jibqa’ wieqaf bħala l-kaptan; u l-oħrajn se jkunu niżlu dniebhom u telqu. Jekk il-laħam jintrema fuqhom, ħadd ma jiekol ħlief l-aktar b’saħħtu; il-bqija se joqogħdu jistennew bħallikieku paralizzati b’xi biża’ sigriet.

Għaliex jiġri hekk? Dan jiġri minħabba influwenza inviżibbli u minħabba komunikazzjoni b’raġġi minn moħħ għal ieħor. L-influwenza u l-effett tal-ikbar fosthom iħalli impatt kbir fuqhom, anke jekk ma kienx hemm ebda komunikazzjoni bi kliem jew sinjali.

L-influwenza tas-soċjetà u l-ambjent

L-influwenza tas-soċjetà, il-kumpanija u l-ambjent li fih ngħixu hija realtà vera u ħadd ma jista’ jiċħadha. Meta l-bniedem jgħix fis-soċjetà, fil-kumpanija u f’ambjent partikolari, bil-mod il-mod l-effett tagħhom jibda jinħass fuqu u jibda jidher fuqu l-effett tal-morali, id-drawwiet u l-attitudnijiet ta’ dawk in-nies u s-soċjetà.

Huwa minnu li meta persuna tidħol fi kwalunkwe post ta’ qima, mill-ewwel tinħass fiha bidla pożittiva u l-bniedem jibda jħossu tajjeb spiritwalment u moralment u dan jixhed anke fuq wiċċ il-bniedem. Dan kollu jsir anke mingħajr ebda diskors u ħadd ma jiġbed l-attenzjoni tiegħu dwar kif għandu jibqa’ hemm. Dan juri kif l-ambjent iħalli effett inviżibbli fuq il-bniedem.

L-istampa titkellem volumi

Bl-istess mod, xi kultant naraw xi ritratt jew stampa li jsaħħru l-għajnejn tal-persuna u jħallu effett kbir fuq in-natura tiegħu. Għalkemm l-istampa jew ir-ritratt ma jesprimu jew jgħidu xejn; iżda l-effett tagħhom huwa tant kbir li jingħad li ħafna drabi l-istampa ‘titkellem volumi’.

Nixtieq nagħlaq b’żewġ kelmiet tal-Qaddis Profeta Muħammad, is-sliem għalih, li huma gwida ċarissma għalina u jitfgħu ħafna dawl fuq dan is-suġġett importanti, u jgħallmuna wkoll kif nistgħu nipproteġu lilna nfusna minn kull tip ta’ perikli u influwenzi inviżibbli jekk huma ħżiena, u kif nistgħu ntejbu lilna nfusna permezz ta’ dawn l-influwenzi inviżibbli pożittivi.

Il-bejjiegħ tal-fwieħa u n-neffieħ tan-nar

Il-Qaddis Profeta Muħammad, is-sliem għalih, qal: “Il-każ ta’ kumpann twajjeb u dak ta’ kumpann ħażin jixbah lil ta’ dak li jġorr il-fwieħa u dak li jonfoħ fl-ifran. Il-bejjiegħ tal-fwieħa jista’ jagħtik ftit bħala rigal, jew inti tista’ tixtri mingħandu, jew għall-inqas tista’ xxomm xi fwejjaħ tiegħu. Mentri l-ieħor, jista’ jqabbadlek ħwejġek bin-nar, jew inti faċilment tista’ xxomm l-arja mniġġsa li toħroġ mill-forn.”

Huwa kompla jgħid: “Persuna għandha ħabta li ssegwi t-twemmin ta’ ħabib, għaldaqstant oqogħdu attenti ma’ min tagħmluha.”

Posted in Ahmadiyya Malta, Ahmadiyya: The True Islam | Tagged bad friend, example of a good friend, Friends, friendship, good friend, Influwenzi Inviżibbli, Invisible Influences, It-Torċa, society | Leave a comment

Our Physical and Spiritual Wellbeing

Posted on May 13, 2024 by Laiq Ahmed Atif

Posted in Ahmadiyya Malta, Ahmadiyya Muslim Jamaat Malta, Ahmadiyya: The True Islam, www.Ahmadiyya.mt | Tagged Ahmadiyya Malta, F Living Show, F Living TV, Islam, Karl Bonaci, Malta, Physical and Spiritual Wellbeing, Quran, Religion and Spirituality, Spirituality | Leave a comment

Mother: The Symbol of Mercy

Posted on May 12, 2024 by Laiq Ahmed Atif

L-OMM: IS-SIMBOLU TAL-ĦNIENA

Il-Qaddis Profeta Muħammad, is-sliem għalih, qal li: “Min jixtieq li jkollu ħajja twila, ħafna sostenn u prosperità, ħafna ġid u rikezzi, u ħajja mimlija kuntentizza u ferħ għandu jittratta lill-ġenituri tiegħu bl-aħjar mod u jikkultiva l-ħniena, l-imħabba u l-qalb tajba għalihom; u għandu dejjem ikun tajjeb mal-ġenituri tiegħu.”

It-Torċa 12.05.2024 |Laiq Ahmed Atif – amjmalta@gmail.com

Ħadd ma jifhem l-importanza tal-ilma iktar minn dak li verament iħoss għatx kbir u ma jsibx qatra ilma; u ħadd ma jifhem l-importanza tal-libertà iktar minn dak li ra l-iskjavitù u l-priġunerija; u min jaf l-importanza tal-ħelsien iktar minn dak li ra l-ħakma barranija. Bla dubju ta’ xejn, il-bniedem verament jifhem xi ħaġa meta jesperjenzaha personalment. Dan ifakkarni fi storja żgħira imma mimlija lezzjonijiet.

Raġel b’dahar mgħawweġ

Darba kien hemm raġel xiħ b’dahar mgħawweġ jimxi fit-triq u meta rawh it-tfal bdew jiċċajtaw miegħu minħabba d-dahar mgħawweġ u qalulu minn fejn u kemm xtara din l-umbrella. “Meta se taslu fl-età tiegħi se tieħdu b’xejn,” wieġeb ix-xiħ. Din l-istorja għandha ħafna messaġġi għalina fosthom li ż-żmien u l-esperjenza jgħallmuna ħafna realtajiet tal-ħajja.

Waħda minn dawn ir-realtajiet tal-ħajja hija l-importanza tal-ġenituri u partikolarment tal-omm f’ħajjitna, għax illum huwa l-‘Jum tal-Omm’ u jien irrid nikteb speċjalment dwar l-omm.

Kif ktibt aktar ’il fuq bl-esperjenza nitgħallmu kollox u anke xi jfisser li tkun omm. Dan isir ukoll meta xi mara ssir omm, imbagħad tifhem it-tifsira vera tal-omm. Nistgħu nitgħallmu wkoll biex nitkellmu ma’ dawk li ommijiethom mhumiex ħajjin u ħadd ma jimla dan il-vakum u dejjem jibqgħu jimmissjaw lil ommijiethom f’kull okkażjoni importanti ta’ ħajjithom.

Il-pazjenta ta’ 99 sena

Dan l-aħħar kont l-isptar u ġew xi nies biex jaraw xi pazjenta fl-isptar li kellha operazzjoni dik il-ġurnata. Staqsejthom: “Min hi l-pazjenta?” “Ommi,” wieġeb wieħed li kellu madwar sittin sena. “Xi ġralha?” staqsejtu jien. “Għandha 99 sena, waqgħet u kissret riġlejha,” weġibni lura.

Wara l-operazzjoni meta din l-anzjana ta’ 99 sena daħlet lura fis-sala, huma kollha ġrew lejha sabiex jaraw kif qed tħossha. Wara ftit ħarġu mis-sala tal-isptar u ġew fil-waiting area. Staqsejthom mill-ġdid kif qed tħossha; u rajthom jibku u kien hemm dmugħ f’għajnejhom. Iben l-anzjana ma setax jitkellem u weġibni lura b’sinjal li tħossha aħjar u l-operazzjoni kienet ta’ suċċess.

Id-dmugħ f’għajnejh tkellem ħafna, kien dmugħ ta’ tifħir u apprezzament għall-omm, dak id-dmugħ kien qed jitkellem volumi u jgħid ħafna stejjer. Bla dubju ta’ xejn, l-omm hija waħda mill-aħjar rigali ta’ Alla.

Il-Koran Imqaddes u l-ġenituri

Alla jgħid fil-Koran Imqaddes: “L-amar tagħna lill-bniedem huwa li juri tjubija mal-ġenituri tiegħu, ommu ġarritu bi tbatija, u wellditu bi tbatija; jinġarr (fi ħdan ommu) u jinfatam fi żmien tletin xahar.” (46:16)

“Ordnajna lill-bniedem dwar il-ġenituri tiegħu — ommu ġġorrha f’dgħufija wara l-oħra, u l-ftim tiegħu jieħu sentejn — ‘Irringrazzja Lili u lill-ġenituri tiegħek’.” (31:15)

Mezzi ta’ ħajja prospera

Il-Qaddis Profeta Muħammad, is-sliem għalih, qal li, min jixtieq li jkollu ħajja twila, ħafna sostenn u prosperità, u ħafna ġid u rikkezzi għandu jittratta lill-ġenituri tiegħu sew u jikkultiva l-ħniena, l-imħabba u l-qalb tajba għalihom; u għandu dejjem ikun tajjeb mal-ġenituri tiegħu.

Kemm hu sabiħ li, jekk nixtiequ li jkollna ħajja twila u tajba, il-ġid, il-ferħ, il-kuntentizza, allura għandna nieħdu ħsieb lill-ġenituri tagħna, għax dan jgħodd ħafna f’għajnejn il-Mulej u meta Hu se jkun ferħan magħna jimla ħajjitna bil-barkiet kollha.

Fl-istorja Iżlamika ssemmiet storja vera, li darba Abdullah-Bin Umar (persuna prominenti) ra xi ħadd mill-Jemen li kien qed jagħmel il-pellegrinaġġ ta’ Mekka b’ommu fuq dahru. Meta ra lil Abdullah staqsa: li kieku ma kkumpensax għad-drittijiet ta’ ommu? Jiġifieri, li qed jagħmel dan bħala kumpens għal dik il-qalb tajba li kien qed jieħu mingħand ommu. Meta sema’ dan, Ħażrat Abdullah wieġeb li dan ma kienx kumpens għax ma jibdiex ma’ weġgħa waħda mill-ħlas ta’ ommu; meta ommu wellditu. Jiġġifieri, li ma kienx il-kumpens anki għal dak il-mument meta ommu wellditu.

Ulied l-ewwel u qabel kollox

Jiġifieri, il-bniedem qatt ma jista’ jħallas lura lil ommu, anke jekk jibqa’ jipprova għal ħajtu kollha. L-omm dejjem tissagrifika ħafna għal uliedha u ħafna drabi anke tagħti dak li għandha bżonnu. Hi dejjem tpoġġi lil uliedha l-ewwel u qabel kollox, anke qabel lilha nnifisha.

Ayesha, il-mara tal-Qaddis Profeta Muħammad, tirrakkonta li darba waħda, mara resqet lejha maż-żewġt ibniet tagħha; ma setgħet issib xejn x’tagħtiha ħlief tamla waħda. Hija qassmitha bejn uliedha u hi ma ħadet xejn minnha, anke li kienet ukoll bil-ġuħ. Imbagħad qamet u telqet.

Dan huwa eżempju eċċellenti tal-mogħdrija u l-imħabba bla kundizzjoni tal-omm — simbolu tal-kompassjoni sħiħa u tal-ħniena. Nawgura lill-ommijiet kollha ‘Jum l-Omm’ hieni u mbierek.

Posted in Ahmadiyya Malta, Ahmadiyya: The True Islam, Women, www.Ahmadiyya.mt | Tagged Ahmadiyya Malta, Happy Mother's Day, Islam, Jum l-Omm, L-OMM, Malta, Mother, Quran | Leave a comment

The Race for Money

Posted on May 5, 2024 by Laiq Ahmed Atif

IL-KILBA GĦALL-FLUS

Il-karattru tal-bniedem huwa dak li jgħodd, inkella, anki d-dell huwa ogħla minn bniedem. Għalhekk, m’għandniex inkunu kompletament maħkuma mill-konsumiżmu u l-materjaliżmu, u nwarrbu l-għira u r-regħba għalkollox minn ħajjitna. Ejjew ħa nikkultivaw sentimenti ta’ mħabba, insiru ġenerużi u nieħdu ħsieb il-ħolqien kollu ta’ Alla. Għax dan huwa l-aħjar teżor li l-bniedem jista’ jiġbor għalih innifsu; u b’hekk nistgħu nagħmlu ħajjitna u pajjiżna verament ġenna tal-art.

It-Torċa 05.05.2024 | Imam Laiq Ahmed Atif – amjmalta@gmail.com

Inħobb poeżija ta’ poeta li tfisser li l-karattru huwa l-qofol tal-bniedem, inkella, anki d-dell huwa ogħla minn bniedem. Jiġifieri, mhuwiex il-qies, il-ġisem jew id-dehra tal-bniedem li jgħodd, imma, il-karattru.

Il-karattru tal-bniedem huwa l-frott tiegħu, bħalma s-siġar għandhom il-frott tagħhom. Jekk il-frott tas-siġra huwa ħelu, bnin u tajjeb għas-saħħa tal-bniedem, dan se jagħmel is-siġra unika minn siġar oħrajn, u anke se jiswa ħafna f’għajn il-bidwi; u l-bidwi dejjem se jieħu aktar ħsieb tagħha.

Bl-istess mod, jekk il-bniedem għandu l-karattru ħelu u tajjeb, dan se jagħmluh uniku minn ħaddieħor, u anke huwa se jkollu pożizzjoni importanti fis-soċjetà u dejjem se jkun meqjus b’rispett. Il-bniedem mingħajr karattru sod u valuri morali huwa bħal dik is-siġra li hija mingħajr ebda weraq u frott.

Għalhekk, irridu nħabirku għal kull forma ta’ eċċellenza morali, bħall-ġenerożità, is-solidarjetà, il-ġustizzja, il-ħniena, il-benevolenza, il-verità u t-tolleranza. Barra minn hekk, ma nħallux ir-regħba u l-għira joqorbu lejna.

L-agħar vizzju

Imma sfortunatament naraw li, minflok li nikbru fil-karattru u valuri morali tajba, qed naraw li r-regħba u l-għira dejjem qed jiżdiedu fid-dinja li ngħixu fiha. Anke l-President ta’ Malta, l-Eċċellenza Tagħha, Myriam Spiteri Debono, fl-ewwel diskors tagħha tkellmet dwarhom, u qalet:

“Jidhirli, iżda, li, apparti l-mard fiżiku u mentali, qiegħda tinħass b’mod aktar akut marda ġdida illi dan l-aħħar daħlet b’intensità kbira fostna – il-kilba għall-flus. Hija agħar mill-vizzju tad-droga. L-imsejken mirkub mill-vizzju tad-droga, l-akbar dannu jagħmlu lilu nnifsu, min hu mirkub mill-gula għall-flus, id-dannu ma jagħmlux biss lilu nnifsu, imma jagħmlu wkoll lis-soċjetà kollha.”

Il-ġenerożità: il-karattru nazzjonali

Barra minn hekk hi tappellalna li nsiru ġenerużi u mhux insiru ġenerużi biss biex nagħtu xi ħaġa lil dawk li huma fil-bżonn, imma, ‘il-ġenerożità fil-karattru nazzjonali tagħna għandha wkoll timmanifesta ruħha b’mod aktar wiesa’; għandha tkun il-bażi tal-operat ta’ kull wieħed u waħda minna ma’ xulxin u ma’ dawk li ġew jgħixu fostna’.

Huwa minnu li aħna ndaħħlu espożizzjoni ġeneruża fil-karattru u d-dispożizzjoni nazzjonali tagħna, irridu nkunu dejjem lesti li nilqgħu lill-proxxmu, niftħu djarna u qalbna għal kull min ma jaffordjax jgħix ħajja normali bir-riżorsi tiegħu.

Maħkuma mill-konsumiżmu u l-materjaliżmu

Nemmen li dan huwa messaġġ ġenwin li għandna niffukaw ħafna fuqu. Fil-Koran Imqaddes, Alla jiġbed l-attenzjoni tagħna dwar dan is-suġġett importanti li m’għandniex inkunu kompletament maħkuma mill-konsumiżmu u l-materjaliżmu, anzi, għandna niffukaw għall-ħajja l-oħra; insiru ġenerużi, inħobbu u nieħdu ħsieb il-ħolqien kollu ta’ Alla. Għax dan huwa l-aħjar teżor li l-bniedem jista’ jiġbor għalih innifsu. Alla jgħid:

“Kunu afu li l-ħajja f’din id-dinja ma hijiex għajr logħob, mogħdija ta’ żmien, tiżjin, ftaħir bejnietkom u tkattir tal-ġid u tal-ulied. Din il-ħajja hija bħax-xita li l-veġetazzjoni tinbet minnha u jogħġob lill-bdiewa. Imbagħad tinxef u taraha ssir isfar; imbagħad issir biċċiet tat-tiben miksura… Il-ħajja ta’ din id-dinja ma hijiex għajr tgawdija qarrieqa.” (Il-Koran, 57:21)

Barra minn hekk, Alla jgħid li l-aħjar hu li l-bniedem ma jibqax okkupat fl-affarijiet materjalistiċi biss, iżda għandu jiffoka li jagħmel it-tajjeb. U jibqa’ jiġbor teżor għall-ħajja spiritwali jiġifieri virtujiet u għemejjel tajbin għall-ħajja ta’ wara. “Żgur li d-dar tal-ħajja l-oħra hija aħjar għal dawk li huma ġusti.” (Il-Koran, 6:33)

L-għira u r-regħba

Il-Qaddis Profeta Muħammad, is-sliem għalih, qal: “La tgħirux għal xulxin! La tgħollux il-prezzijiet! La tobogħdux lil xulxin! Tagħtux daharkom lil xulxin! Tagħmilx l-offerta tiegħek waqt li żewġ naħat għaddejjin jinnegozjaw! Kunu tabilħaqq qaddejja ta’ Alla, billi tkunu tabilħaqq aħwa!”

Darba qal li tliet affarijiet huma l-għeruq tad-dnubiet kollha. Allura oqogħdu attenti minn dawn it-tlieta. Oqogħdu attenti mill-arroganza għax kienet l-arroganza li qanqlet lil Iblis li rrifjuta li jobdi lil Adam (sliem fuqu). Oqogħdu attenti mir-regħba għax kienet ir-regħba li ġiegħlet lil Adam jiekol il-frott tas-siġra projbita. Oqogħdu attenti mill-għira għax l-għira pperswadiet lil wieħed miż-żewġ ulied ta’ Adam biex joqtol lil ħuh.

Nagħmlu pajjiżna ġenna tal-art

Ejjew ħa nsiru ġenerużi ma’ ħutna u nsiru bħala familja waħda – familja umana kbira – u nikkultivaw sentimenti ta’ mħabba, qalb tajba, simpatija, umiltà, karità, ġenerożità u solidarjetà fina nfusna; u nwarrbu l-għira u r-regħba għalkollox minn ħajjitna, sabiex nagħmlu ħajjitna u pajjiżna verament ġenna tal-art.

Posted in Ahmadiyya Malta, Ahmadiyya: The True Islam, Charity, Solidarity | Tagged Ahmadiyya Malta, Ahmadiyya Muslim Jamaat Malta, Charity, Consumerism, Global, Il-kilba għall-flus, Islam, Laiq Ahmed Atif, Malta, Materialism, Peace, property, Quran, Solidarity, Solidarjetà, The race for money, wealth | Leave a comment

Winning the war against addiction

Posted on May 1, 2024 by Laiq Ahmed Atif

Kif tirbaħ il-ġlieda kontra l-vizzji?

In-Nazzjon, 01.05.2024 | Imam Laiq Ahmed Atif – amjmalta@gmail.com

Ftit ilu ltqajt ma’ xi ħadd li kont iltqajt miegħu l-ewwel darba xi xhur ilu fil-programm ta’ riabilitazzjoni tal-Caritas Malta. Kellu l-vizzju tad-drogi, imma, għamel il-programm mal-Caritas u temmu b’suċċess. Meta tkellimt miegħu dwar l-esperjenza tiegħu fil-programm ta’ riabilitazzjoni, huwa spjega li dak ma kien xejn faċli, verament kienet sfida diffiċli immens, imma bil-grazzja ta’ Alla ħareġ nadif.

Mhux impossibbli

Jien naqbel miegħu mija fil-mija li l-isfida tal-vizzju mhix xi ħaġa faċli u l-bniedem għandu jagħmel ħafna sforzi, u sagrifiċċji enormi biex jirbaħ din l-isfida. Jien ngħid li verament hija diffiċli, iżda, ‘mhix impossibbli’. Meta hemm rieda soda, meta hemm determinazzjoni, meta bniedem irid, xejn mhu impossibbli.

Kif jgħidu bl-Ingliż, “where there is a will, there is a way”, li meta hemm rieda soda, determinazzjoni, u l-bniedem verament jixtieq li jagħmel xi ħaġa u jasal xi mkien, jasal żgur.

It-talb u r-relazzjoni ma’ Alla

Meta l-bniedem jiddeċiedi li jrid jitlaq mill-vizzju, imbagħad, hemm metodu li f’opinjoni tiegħi huwa l-aqwa metodu u pilastru bażiku u ċ-ċavetta biex wieħed jirbaħ din il-ġlieda, u dan huwa t-talb u r-relazzjoni mill-qrib ma’ Alla li Jista’ Kollox.

It-tielet metodu huwa li l-bniedem ikollu l-appoġġ neċessarju; l-appoġġ mill-familja, l-appoġġ emozzjonali u morali, u l-appoġġ professjonali. Dan l-appoġġ se jagħmel il-proċess eħfef u mingħajr xkiel sabiex il-bniedem jibqa’ fi triqtu u jasal fejn irid.

Il-kapitlu ġdid tal-ħajja

Ir-raba’ punt huwa li din l-għajnuna ma tistax titqies b’leġġerezza (should not be taken for granted), imma, il-bniedem għandu jibbenefika minn din l-opportunità bl-aqwa mod, u meta jkollhom opportunità ta’ programm ta’ riabilitazzjoni, għandhom jeħduha bis-serjetà sabiex ikunu jistgħu jiktbu kapitlu ġdid f’ħajjithom, kapitlu ta’ storja ta’ suċċess, paċenzja, perseveranza, tama, fidi u ta’ rebħ.

Il-ħames punt huwa li, il-bniedem dejjem għandu jagħżel il-ħbieb tiegħu u n-nies ta’ madwaru li jkunu nies ġusti u twajba. Il-kumpanija tajba hija importanti jekk bniedem irid jibqa’ ’l bogħod minn vizzju, jew joħroġ minn xi vizzju. Il-ħbieb ġenwini huma importanti anke wara li wieħed joħroġ minn xi vizzju, pjuttost issir saħansitra kruċjali, u għandu jagħti importanza sħiħa lil dan il-punt sabiex ma jaqax lura f’din ix-xibka tal-vizzju.

Għalhekk, huwa ferm importanti li dejjem nagħżlu l-ħbieb tagħna bil-għaqal u b’għajnejna miftuħa, għax huwa fatt li l-ħbieb iħallu impatt profond u effett kbir fuq il-karattru u l-personalità tagħna. Kif jingħad bl-Ingliż ‘man is known by the company he keeps’, u dan huwa veru.

Effett profond

Il-Fundatur tal-Komunità Ahmadiyya Musulmana jispjega dan u jgħid li l-kumpanija li wieħed iżomm għandha effett profond fuq il-personalità ta’ dak l-individwu. Pereżempju, jekk wieħed iżur b’mod regolari postijiet fejn jiġi kkunsmat l-alkoħol, ma jimpurtax kemm jastjeni minnu, eventwalment jispiċċa jixrob l-alkoħol. Jekk xi ħadd ikun ħabib ta’ dak li jpejjep, anki jekk ma jpejjipx, eventwalment jista’ jaqa’ fil-vizzju li jpejjep.

Meta individwu joqgħod bilqiegħda fil-kumpanija ta’ wieħed li hu ġust, sinċier u twajjeb, allura dak l-individwu jieħu sehem minn dik il-ġustizzja, it-tjubija u l-verità. Madankollu, jekk wieħed jabbanduna l-kumpanija tal-ġusti u t-twajbin u minflok jassoċja ruħu mal-midneb u l-ħżiena, allura dak l-individwu jiġi influwenzat minn ħsibijiet ħżiena.

Huwa għalhekk li l-Koran Imqaddes jisħaq fuq il-fatt li wieħed għandu jastjeni mill-kumpanija tal-ħażin u l-immorali. U dejjem ikun ma’ dawk li huma nies twajba. Alla jgħid: Intom li temmnu! Kunu konxji tad-dmir tagħkom lejn Alla u żommu kumpanija mal-ġusti u mal-verità. (Il-Koran, 9:119)

Żommu kumpanija mal-ġusti

Nixtieq nirrakkontalkom storja vera. Kien hemm student li kien jemmen f’Alla u kellu fidi b’saħħitha. Meta mar jistudja fl-università darba ltaqa’ mal-ewwel Kalif tal-Komunità Ahmadiyya. Il-Kalif qallu biex jibdel is-siġġu fil-klassi u jitbiegħed mill-persuna li kienet bilqiegħda ħdejh. L-istudent għamel hekk. Wara xi xhur ġie għand il-Kalif u waqt il-konversazzjoni l-istudent staqsa lill-Kalif, għaliex talbu biex jibdel is-siġġu u lil sieħbu.

Il-Kalif wieġeb li hu kien l-istudent li kien dejjem jemmen f’Alla, imma, meta ltaqa’ miegħu l-aħħar darba induna li kien qed ikollu ħsibijiet atei u ħass li qed isir ateu. Għalhekk, indunajt li hemm xi ħabib tiegħek li għandu dawk il-ħsibijiet atei u u kienu qed jinfluwenzaw u jaffettwaw il-ħsibijiet u t-twemmin tiegħek dwar Alla.

Il-fatt tal-kwistjoni kien li l-istudent li kien joqgħod ħdejh kien ateu attiv ħafna, u dawk il-ħsibijiet kienu qed jittrasferixxu f’moħħu. Għalhekk, huwa fatt li l-kumpanija li wieħed iżomm għandha impatt kbir u għalhekk għandhom isiru sforzi biex niżguraw li nżommu kumpanija tajba.

Nirbħu l-ġlieda kontra l-vizzji

Nemmen bis-sħiħ li jekk xi ħadd verament jixtieq li jirbaħ kwalunkwe vizzju tiegħu dawn il-prinċipji li semmejt hawn fuq żgur jistgħu jgħinuh, u verament se jagħmlu dan il-vjaġġ mhux biss possibbli, iżda bla xkiel ħafna, eħfef, sempliċi u ta’ suċċess u ta’ rebħ.

Posted in Ahmadiyya Malta, www.ahmadija.org.mt | Tagged Addiction, Ahmadiyya Malta, Alcohol, Caritas Malta, Drugs, In-Nazzjon, Islam, Malta, Maltese, Quran, war against addiction | Leave a comment

The Maltese Youth

Posted on April 28, 2024 by Laiq Ahmed Atif

IŻ-ŻGĦAŻAGĦ MALTIN

Hija l-liġi tan-natura li skont iż-żerriegħa titwieled u tikber pjanta jew siġra. Għalhekk, jekk niżirgħu ż-żerriegħa ta’ pjanti mxewkin fl-art, mhux se jipproduċu ċirasa jew frawli. Iż-żerriegħa tal-frawli u taċ-ċirasa trid tinżera’ biex tinkiseb frotta tal-frawli u taċ-ċirasa. Bl-istess mod, jekk niżirgħu ż-żerriegħa tal-imħabba u tal-valuri umani u d-diċenza f’uliedna, se jkunu siġar tal-frott mill-aqwa li jmiss il-qalb, u se jkunu ta’ ġid kbir għall-familja, għas-soċjetà u għall-pajjiż kollu.

It-Torċa, 28.04.2024 | Imam Laiq Ahmed Atif – amjmalta@gmail.com

Xi ġimgħat ilu ġie ppreżentat rapport fil-Parlament biex jimmarka l-‘Jum Dinji tal-Ferħ’ u dan jagħti dettalji ta’ kif iħossuhom iż-żgħażagħ Maltin. Dan huwa rapport dettaljat ħafna, għalhekk, irrid insemmi xi wħud mill-punti ta’ dan ir-rapport.

Dan ir-rapport juri li hemm aspetti partikolari tal-benesseri taż-żgħażagħ u t-tfal li huma problematiċi, fosthom, il-peer pressure, il-bullying fl-iskola, il-ġlied fl-iskola, ix-xewqa li l-età għall-iskola tonqos, in-nuqqas ta’ parteċipazzjoni fit-teħid ta’ deċiżjonijiet fil-familja, iż-żoni limitati tal-logħob, in-nuqqas ta’ eżerċizzju fiżiku u ħin eċċessiv għall-iskrin, u l-burdati diffiċli li jgħaddu minnhom l-adolexxenti bniet.

Hemm problema oħra li indunajt biha, li hemm ħafna żgħażagħ u tfal li jużaw lingwaġġ ħażin, kliem mhux xieraq u kliem dagħa, u dan jiġri wkoll meta jkunu qed jilagħbu logħob differenti flimkien.

L-aqwa istitut tal-edukazzjoni u t-taħriġ

L-ewwel, fil-fehma tiegħi u bl-esperjenza tgħallimt li l-ewwel u l-aħjar istitut tal-edukazzjoni u t-taħriġ tat-tfal u ż-żgħażagħ tagħna huma djarna, u l-ewwel għalliema tagħhom huma l-ġenituri. Għalhekk, il-ġenituri għandhom responsabbiltà kbira fuq spallejhom li dejjem imexxu bl-eżempji tajba sabiex it-tfal mill-bidu nett ikollhom eżempji mill-aqwa biex jikkupjaw u jifformaw il-karattru tagħhom skont dawn l-eżempji.

It-tieni, il-ġenituri u anke l-għalliema sa ċertu punt għandhom dejjem jitkellmu fuq l-aspetti pożittivi, il-morali u l-valuri għolja bħall-imħabba, is-simpatija, il-ġentilezza, il-karità, is-solidarjetà, il-ħniena, il-mogħdrija, u r-rispett mat-tfal, sabiex mit-tfulija u ż-żgħożija tagħhom jitgħallmu valuri morali tajba.

L-istejjer morali

It-tielet, dan huwa wkoll mod jew tradizzjoni tajba li nirrakkontaw stejjer morali tajbin li għandhom messaġġ u lezzjoni tajba għat-tfal u ż-żgħażagħ tagħna. Il-ġenituri għandhom b’mod partikolari jiffokaw fuq dan il-punt u regolarment jitkellmu mat-tfal fuq il-mejda tal-ikel, fil-karozza, matul xi mixja, matul il-vaganzi, eċċ.

Ir-raba’, huwa importanti li dejjem niffokaw fuq it-tajjeb u anke ngħallmu lit-tfal tagħna biex dejjem jagħżlu t-tjubija. Għax meta l-bniedem jiffoka fuq it-tajjeb huwa wkoll se jkollu l-għodda sabiex jitrażżan anke jekk ikollu xi ħaġa negattiva fil-karattru tiegħu. Alla tana direzzjoni tajba fil-Koran Imqaddes (11:115) ta’ kif inwarrbu d-drawwiet ħżiena u kif nistgħu nibdluhom bi drawwiet pożittivi, li, “L-għemejjel tajbin tabilħaqq ibiegħdu lil dawk ħżiena”.

Dan ifisser li jekk persuna tixtieq teħles minn għada ħażina, trid tibda billi tipprattika xi għemil virtuż. B’dan il-mod, hija teħles malajr mid-drawwa ħażina tagħha. Dan il-prinċipju huwa profond ħafna għax jopponi l-ħażin mat-tajjeb.

X’qed tibgħat għall-għada

Il-ħames, għalhekk, il-ġenituri għandhom jinkwetaw dwar il-benesseri tat-tfal u ż-żgħażagħ tagħhom. Jekk ma ninkwetawx dwar il-ġejjieni tat-tfal tagħna allura kulħadd se jbati minnu. Alla jgħid fil-Koran Imqaddes (59:19) li, “Intom li temmnu, ibżgħu minn Alla! Ħalli kull ruħ tħares lejn dak li tibgħat għall-għada. Ibżgħu minn Alla; tassew Alla jaf sewwa b’dak li tagħmlu.”

F’dan il-vers Alla jiġbed l-attenzjoni tagħna lejn il-futur tagħna kif ukoll lejn il-ġenerazzjoni futura tagħna, jiġifieri t-tfal u ż-żgħażagħ tagħna. U li naraw l-azzjonijiet tagħna għax dawn se jaffettwaw it-tfal u ż-żgħażagħ tagħna.

Għalhekk huwa importanti li naraw li: Qegħdin inħejju sew il-ġenerazzjoni futura tagħna? Qed nieħdu ħsieb lil uliedna bl-aħjar mod possibbli? Qed nagħtuhom trobbija xierqa?

Il-futur jiddependi mil-lum

Għax il-futur ta’ kull familja, nazzjon jew pajjiż jiddependi mil-lum tagħhom. Jekk it-tfal u ż-żgħażagħ tal-lum jitrabbew bl-aħjar mod possibbli, bi mħabba, b’aġir tajjeb, filwaqt li jrawmu fihom l-aqwa valuri morali u d-diċenza umana, allura l-futur ta’ tali familja, nazzjon jew pajjiż jinsab f’idejn siguri.

Alla jilliberana għax, fix-xenarju oppost, il-futur se jkun f’sitwazzjoni tal-biża’ u serja ħafna.

Il-frawli jew il-friegħi mxewkin

Hija l-liġi tan-natura li skont iż-żerriegħa titwieled u tikber pjanta jew siġra; u skont iż-żerriegħa tagħti l-frott jew toħroġ il-fjura tagħha. Għax, huwa minnu li, ‘is-siġra tingħaraf mill-frott tagħha’.

Għalhekk, jekk niżirgħu ż-żerriegħa ta’ pjanti mxewkin fl-art, mhux se jipproduċu ċirasa jew frawli. Iż-żerriegħa tal-frawli trid tinżera’ biex tinkiseb frotta tal-frawli, bl-istess mod iż-żerriegħa taċ-ċirasa trid tinżera’ biex tinkiseb frotta taċ-ċirasa.

Bl-istess mod, jekk niżirgħu ż-żerriegħa tal-imħabba, il-valuri morali tajba, il-gratitudni, il-ħniena, ir-rispett u ż-żerriegħa tal-valuri umani u d-diċenza f’uliedna, jien nemmen bis-sħiħ li meta jikbru se jkunu siġar tal-frott mill-aqwa, frott ħelu ħafna, attraenti u li jmiss il-qalb. Huma se jiswew ta’ ġid kbir, mhux ta’ xkiel, għall-familja, għas-soċjetà u għall-pajjiż kollu.

Posted in Ahmadiyya Malta, Malta | Tagged Children, Frawli, il-Frawli, It-tfal, Iż-Żgħażagħ, Iż-Żgħażagħ Maltin, Iċ-ċirasa, Maltese Youth, Youth, ċirasa | Leave a comment

Promoting moderation instead of extremism

Posted on April 22, 2024 by Laiq Ahmed Atif

Posted in Ahmadiyya Malta, Peace | Tagged Ahmadiyya Malta, Extremism, Islam, Love for all, Malta, Moderation, Peace, Promoting moderation instead of extremism, Quran, War | Leave a comment

Building Sustainable Peace

Posted on April 21, 2024 by Laiq Ahmed Atif

IT-TWAQQIF TA’ PAĊI SOSTENIBBLI

It-Torċa 21.04.2024 | Imam Laiq Ahmed Atif – amjmalta@gmail.com

Is-sitwazzjoni fil-Lvant Nofsani qed tmur mill-ħażin għall-agħar kuljum. L-eskalazzjoni tat-tilwim bejn Iżrael u l-Iran għamlitha aktar gravi u inkwetanti. Qed jitqajmu ħafna vuċijiet għal waqfien sħiħ mill-ġlied f’Gaża; u restrizzjoni u trażżin kemm minn Iżrael kif ukoll mill-Iran.

Nistaqsi, kemm se jintilfu aktar ħajjiet jew kemm aktar ħajjiet Iżrael jixtieq jieħu qabel ma jasal għall-waqfien mill-ġlied, meta Iżrael diġà qatel aktar minn 33,000 ruħ innoċenti mill-bidu tal-gwerra f’Ottubru 2023.

Jaħasra! Għaliex id-demm uman sar tant bla valur u rħis?

Ftehim ġdid ta’ paċi

Naħseb li wasal iż-żmien li d-dinja tfassal mill-ġdid it-triq lejn il-paċi u l-pajjiżi kollha kemm huma jerġgħu jiktbu u jiffirmaw “Ftehim ta’ Paċi – Charter of Peace” ġdid u komprensiv ibbażat fuq il-ġustizzja, l-ekwità, l-ugwaljanza u l-benesseri tal-umanità kollha.

Dan il-Ftehim ta’ Paċi m’għandux ikun formalità biss kif saru fil-passat bħal tal-Lega tan-Nazzjonijiet u tal-Ġnus Magħquda, iżda, dan it-trattat għandu jiġi miktub bl-imħabba u l-kompassjoni sħiħa, u mill-qalb tal-bniedem.

Għax, issa meta nanalizzaw l-effettività tal-Ġnus Magħquda, insibu li hija tiddgħajjef kuljum, u m’għandhiex l-għodda, is-saħħa u s-setgħa biżżejjed biex tistabbilixxi l-paċi u l-armonija fid-dinja, li huwa l-għan ewlieni tal-fondazzjoni tagħha.

Il-ġustizzja u l-paċi

Il-Kalif u l-Mexxej tal-Komunità Ahmadiyya Musulmana, il-Qdusija tiegħu, Ħażrat Mirża Masroor Aħmad, jgħid li l-bini ta’ paċi sostenibbli u fit-tul huwa possibbli biss mill-ġustizzja u mingħajrha din il-ħolma ma tistax issir realtà. Huwa jgħid:

“L-għan għandu dejjem jibqa’ t-twaqqif ta’ paċi sostenibbli msaħħaħ mill-ġustizzja. M’għandux ikun li t-terza parti tieħu vantaġġ mill-vulnerabbiltà tal-partijiet li qed jiġġieldu billi tkisser id-drittijiet tagħhom għall-gwadann tagħha stess. Kieku dan il-prinċipju kien osservat mill-Ġnus Magħquda u entitajiet relevanti oħra, il-kunflitti kienu jiġu solvuti b’mod aktar amikevoli u aktar malajr.

Madanakollu, se jkun tassew diffiċli biex tiġi stabbilita l-paċi sakemm in-nazzjonijiet, jew direttament jew permezz tal-alleati b’saħħithom tagħhom, jibqgħu jużaw id-dritt tal-veto – li hija kompletament ċaħda tal-ġustizzja vera.

Sfortunatament, minħabba n-nuqqas ta’ ġustizzja fi ħdan il-Ġnus Magħquda, id-destin tagħha jidher li se jkun jixbah lil dak tal-entità ta’ qabilha, il-Lega tan-Nazzjonijiet, li finalment spiċċat. U jekk is-sistema tal-liġi internazzjonali, li diġà hija dgħajfa, tikkollassa kompletament, l-anarkija u l-qerda li jkun hawn aħna lanqas biss inkunu nistgħu nimmaġinawhom.”

Il-ġustizzja vera twassal għall-paċi

Il-ġustizzja titlob li tiġi pprattikata mingħajr ebda diskriminazzjoni jew favur, mingħajr ma wieħed jagħmel parti minn xi partit partikolari jew ikun kontra xi pajjiż jew partit partikolari. Fil-fatt il-kondizzjoni meħtieġa biex jintlaħaq dan l-għan fundamentali hija l-ġustizzja sħiħa u l-ħaqq fiċ-ċirkostanzi kollha.

Il-Koran Imqaddes, f’Kapitlu 4, Vers 136, jagħtina prinċipju tad-deheb u lezzjoni li tiggwidana f’dan. Dan jgħid li biex nilħqu livell għoli ta’ ġustizzja, jekk jinqala’ l-każ li jkollna nixhdu kontra tagħna nfusna, kontra l-ġenituri, kontra l-egħżeż qraba u ħbieb, mela dan irridu nwettquh. Din hi l-veru ġustizzja fejn l-interessi personali jiġu mwarrba fil-ġenb għall-ġid komuni.

Jekk naħsbu dwar dan il-prinċipju fuq livell kollettiv, għandna nintebħu li manuvri inġusti msejsa fuq l-għana u l-poter għandhom jiġu skartati. Minflok, kull pajjiż u nazzjon għandhom jaġixxu b’sinċerità u b’determinazzjoni li jissapportjaw il-prinċipji tal-ġustizzja u tal-ugwaljanza. Irridu neqirdu kull xorta ta’ preġudizzju u diskriminazzjoni l-għaliex dan huwa l-uniku mezz biex nistabbilixxu l-paċi.

L-ugwaljanza u l-ekwità

Għalhekk, huwa ferm importanti li dan il-Ftehim ta’ Paċi jkun bħala gwida, it-triq ’il quddiem u pjan ċarissmu ta’ azzjoni għall-kawża nobbli u bżonjuża tal-paċi u s-sliem. U dejjem jittieħdu d-deċiżjonijiet b’ġustizzja sħiħa.

Illum il-ġurnata, jekk nagħtu ħarsa lejn l-Assemblea Ġenerali jew il-Kunsill tas-Sigurtà tal-Ġnus Magħquda, insibu li ħafna drabi d-deċiżjonijiet importanti jkunu diġà ttieħdu bil-pressjoni jew il-manuvri minn taħt tal-qawwiet il-kbar qabel id-dibattitu u l-kontribut mill-pajjiżi kollha li huma firmatarji tagħha. Din mhix ġustizzja, din mhix ugwaljanza, din mhix ekwità, u dan mhu se jwassalna mkien.

Il-ġenna ta’ paċi u armonija

Għalhekk, dan huwa dmirna u r-responsabbiltà sħiħa fuq spallejna li naħdmu flimkien u ngħollu leħinna biex dan il-Ftehim ġdid ta’ Paċi jkun mibni fuq il-ġustizzja sħiħa fejn id-deċiżjonijiet jittieħdu b’mezzi ġusti u verament demokratiċi.

Allura, huwa l-obbligu tagħna li ma naqtgħux qalbna, iżda naħdmu iktar minn qatt qabel u nużaw l-isforzi kollha tagħna disponibbli sabiex mill-ġdid nibdew naraw ir-raġġi tat-tama għall-paċi dejjiema fid-dinja.

U nibqgħu nfakkru lill-gvernijiet u l-poteri kbar dwar il-ħtiġijiet tal-ġurnata, nibqgħu nagħtu pariri siewja lil dawk il-gruppi li għandhom interessi partikolari ħalli, fuq livell globali, il-ġustizzja tibqa’ tixtered. Hekk biss ikollna l-opportunità naraw id-dinja ssir ġenna ta’ paċi u armonija kif kollha kemm aħna rriduha u nixtiquha.

Il-fjamma tat-tama

Nixtieq nagħlaq bil-messaġġ tal-Qdusija tiegħu, Ħażrat Mirża Masroor Aħmad, li ġej direttament minn qalbu u tassew imiss il-qalb ta’ kull persuna ġenwina. Huwa qal: “Aħna rridu nibqgħu nħeġġu lil kulħadd biex jaħdem favur il-paċi. Jiena nitlobkom biex taħdmu għall-paċi bl-abbiltajiet kollha tagħkom ħalli nżommu l-fjamma żgħira tat-tama mixgħula, sakemm jasal iż-żmien meta l-paċi vera u l-ġustizzja jkunu stabbiliti fiż-żoni kollha tad-dinja.”

Posted in Ahmadiyya Malta, Justice and Peace, Peace | Tagged Ahmadiyya Malta, Charter of Peace, Islam, Justice, Malta, Peace, Quran, War | Leave a comment

The Caliph’s Call for Peace

Posted on April 15, 2024 by Laiq Ahmed Atif

Laiq Ahmed Atif – This article was originally published in Maltese in ‘It-Torċa’.

Indeed, peace is the golden key that opens the door to progress and development in society and ensures that future generations can flourish and move forward. Personally, I strongly believe that peace is the only way for all of us to thrive and move forward; and for our progress and advancement.

Therefore, we should live our lives peacefully and seek to spread peace, tolerance, and mutual understanding within our societies.

The Caliph’s message

The Caliph and Worldwide Head of the Ahmadiyya Muslim Community, His Holiness Hazrat Mirza Masroor Ahmad^aba, who has the cause of peace very dear to his heart, once again has called the world to this lasting course of peace; while he was speaking about peace building, during ‘National Peace Symposium’ in the United Kingdom on 9^th March 2024, in front of more than 1200 people, including more than 550 State Ambassadors, Members of Parliament, dignitaries and academics who represented 30 countries.

During his keynote address, His Holiness, highlighted very important points and key aspects for peace building and he showed the way forward of how we can turn the prevailing threats to our serenity towards lasting peace and tranquillity for all.

I take this opportunity to mention briefly some points from the keynote address of His Holiness Hazrat Mirza Masroor Ahmad^aba that could be an action plan for the cause of peace, harmony and mutual understanding.

Together for peace

First and foremost important point is this that, we must understand that peace is not the obligation of some countries or people, rather, it is the responsibility of all of us to contribute whenever and wherever we can, so that peace is established in our societies.

Furthermore, all stakeholders, governments, politicians, academics, and all people must play their roles in ensuring social cohesion of our individual societies and the wider peace and harmony of the world.

The United Nations and the veto power

It is also important to strengthen the United Nations where every country has equal rights and no one has the power of veto, and where a few nations do not have dominance that can easily override the views of the majority. Instead of deciding each issue based on its facts and merits.

Peace cannot be established without justice, therefore, we must earnestly strive together in the cause of peace and justice, and champion the rights of those who are powerless and are the victims of injustice.

The welfare of all mankind

The developed, rich and major countries, instead of always looking out for their own interests, should give priority to the common good, for the well-being of all humanity.

If there is a war between two countries, neutral parties should immediately mediate between them and strive to establish peace based on the principles of justice and equity; and they should not let it spiral into regional wars.

The need of the time

All religions should also join together for the common goal of peace and justice. There is no doubt that religion is a very powerful instrument and can make a huge difference to the noble cause of peace.

In addition, we always keep our future generations in mind, and try to do everything so that they have a much better world than ours. Political leaders must take a long-term view of what is in the best interest of all humanity. Therefore, we must all come together, setting aside national, political, and other vested interests for the greater good of humanity and to ensure that we leave behind a prosperous world for our future generations.

It is the need of the time that we must focus all our energies and efforts on establishing true peace so that we may live in a world of hope and prosperity rather than a world defined by inequality, hatred, and bloodshed.

Posted in Ahmadiyya Malta, Ahmadiyya: The True Islam, Islam means Peace, Justice, Justice and Peace, Peace | Tagged Ahmadiyya, Ahmadiyya Malta, Islam, Justice, Malta, Peace, politics, Quran, The Caliph’s Call for Peace, War# | Leave a comment

The glass half empty or half full…

Posted on April 14, 2024 by Laiq Ahmed Atif

It-tazza nofsha mimlija jew nofsha vojta…

It-Torċa 14.04.2024 | Laiq Ahmed Atif – amjmalta@gmail.com

Tabilħaqq, il-bniedem jingħata l-fakultajiet, il-kapaċitajiet, l-abbiltajiet u biżżejjed l-intelliġenza biex jiddistingwi bejn it-tajjeb u l-ħażin, bejn il-ġid u l-ħsara, u bejn id-dawl u d-dlam. Din il-kuxjenza tiddistingwi lill-bnedmin mill-ħlejjaq l-oħra, għax il-ħlejjaq l-oħra bħall-annimali ma ngħatawx tali fakultajiet u intelliġenza biex jiddistingwu bejn it-tajjeb u l-ħażin.

Iż-żewġ toroq

Alla jgħid fil-Koran Imqaddes li Huwa wera lill-bniedem iż-żewġ toroq (90:11). Jiġifieri, it-toroq tat-tajjeb u l-ħażin, tal-verità u l-falsità, tal-progress spiritwali u materjali. Alla pprovda lill-bniedem b’dawk il-mezzi kollha li bihom jista’ jsib it-triq it-tajba, jista’ jiddistingwi t-tajjeb mill-ħażin u l-verità mill-falsità. Barra minn hekk, il-bniedem ġie mogħni b’għajnejn kemm spiritwali kif ukoll fiżiċi li bihom ikun jista’ jiddistingwi t-tajjeb mill-ħażin u ngħata lsien u żewġ xufftejn biex ikun jista’ jitlob gwida.

Vers ieħor (91:9) jgħid li Alla wera lill-bniedem x’inhu ħażin għalih u x’inhu tajjeb għalih, jiġifieri, it-toroq tal-ħażen u t-toroq tal-ġustizzja.

Alla daħħal fin-natura tal-bniedem sentiment jew sens ta’ dak li hu tajjeb u ħażin u wrieh li jista’ jikseb il-perfezzjoni spiritwali billi jevita dak li hu ħażin u jadotta dak li hu tajjeb.

It-tajjeb minflok il-ħażin

Il-fatt huwa li Alla jrid li l-bniedem dejjem jagħżel it-tajjeb minflok il-ħażin. Il-kuxjenza umana tipprovdi l-prova. In-nies kollha jaqblu li jħossuhom aktar fil-paċi bit-tajjeb milli bil-ħażen. Il-ġewwieni tagħna jwissina dwar il-ħażen u jressaqna lejn dak kollu li huwa tajjeb. Ir-reliġjonijiet kollha huma fil-qbil fuq dan il-punt li Alla jgħallem it-tjubija.

Fil-qosor, Alla wera lilna x’inhuwa tajjeb u x’inhuwa ħażin, u ħalla l-għażla f’idejna, iżda Hu jixtiqilna li dejjem nagħżlu t-tajjeb. Huwa għalhekk li xi kultant in-nies jaraw ‘it-tazza nofsha mimlija u xi kultant nofsha vojta’, skont il-fehma tal-persuna. Bl-istess mod, xi nies anke jikkritikaw it-tagħlim morali u reliġjuż, u minflok li joħorġu t-tjubija huma joħorġu n-negattività; sal-punt li jqajmu wkoll mistoqsijiet dwar l-eżistenza ta’ Alla.

It-tjubija anke fil-ħażen

Iżda dawk li għandhom natura safja dejjem jippruvaw li jaraw it-tazza nofsha mimlija; u dejjem isibu t-tjubija.

Dan kollu jfakkarni fi storja ta’ raġel ġust u nobbli li kien sejjer xi mkien, xi nies oħra kienu wkoll miegħu, u raw li kien hemm kelb mejjet fit-triq. Storja oħra tgħid li l-ħmar kien mimdud. Sħabu qalu x’annimal ikrah u kemm jinten. Meta sema’ dan, ir-raġel twajjeb qal, araw kemm għandu snienu sbieħ.

Il-punt hu li min għandu t-tjubija fih innifsu jara n-naħa tat-tajjeb anke fil-ħażen u min għandu d-difetti fih innifsu jara biss difetti, u difetti biss anke fit-tajjeb.

Għalhekk, jekk bniedem tajjeb jara xi ħaġa ħażina, joħroġ it-tajjeb minnha; u anki jekk l-għajnejn ta’ persuna ħażina jaqgħu fuq xi ħaġa tajba, din tara biss il-ħażen. Għalhekk hija liġi ġenerali li l-affarijiet tajbin isiru ħżiena bil-ħażin u l-affarijiet ħżiena jsiru tajbin bit-tajjeb.

Il-garr, l-ilmenti jew il-gratitudni

Għalhekk, minflok li dejjem ingergru u nilmentaw nippruvaw insiru grati u sodisfatti b’dak kollu li għandna. Għax il-kuntentizza u s-sodisfazzjon ma tista’ tixtrihom minn imkien, iżda nitgħallmu kif nistgħu ngħixu bil-ferħ ma’ dak li għandna; ma’ dak li huwa tagħna.

Inkella, din id-drawwa li dejjem naraw ‘it-tazza nofsha vojta’, se twassalna biex insiru ingrati anki lejn Alla u lejn il-barkiet bla għadd Tiegħu fuqna.

Dan jista’ jwassal ukoll għar-regħba, l-għira, il-ħtif tal-ġid ta’ ħaddieħor, li jkollna għajnejna fuq ir-riżorsi ta’ ħaddieħor, u għal tellieqa bla tmiem ta’ materjaliżmu u konsumiżmu, u għatx u ħeġġa għal mezzi tad-dinja li qatt ma jistgħu jiġu sodisfatti.

Il-parir eċċellenti

F’dan ir-rigward, il-Qaddis Profeta Muħammad, is-sliem għalih, ta parir eċċellenti, u qal: “Ħares lejn dawk li huma iktar baxxi minnek (jiġifieri dawk li għandhom inqas riżorsi minn dawk li għandek), imma tħarisx lejn dawk li huma ’l fuq minnek (jiġifieri dawk li għandhom iktar ġid minnek), ħalli ma tnaqqasx il-favuri u l-barkiet li Alla tana.”

Alla jgħid fil-Koran Imqaddes li, “Alla takom minn kulma tlabtuh, u jekk tippruvaw tgħoddu l-grazzja u l-barkiet ta’ Alla, ma tistgħux tgħodduhom” (14:35). Huwa jgħid li n-nies iħobbu l-ġid u l-affarijiet materjalistiċi ta’ din id-dinja, imma l-aħjar ħaġa hi li tfittex il-pjaċir ta’ Alla (3:15).

Kun kuntent b’li għandek

Nixtieq nikkonkludi bi kliem il-Qaddis Profeta Muħammad, is-sliem għalih, li huwa prinċipju ta’ gwida għalina, u li jiġbor fil-qosor dan is-suġġett b’mod meraviljuż. Huwa qal li: “Kun ġust, u tkun l-aħjar fost dawk li jqimu. Kun kuntent b’li għandek, u b’hekk tkun l-aħjar fost dawk li jiżżu ħajr. Ara li tixtieq għal ħaddieħor dak li tixtieq għalik innifsek, u b’hekk tkun tassew temmen. Ġib ruħek tajjeb ma’ ġarek, u b’hekk tkun tassew bniedem. Naqqas id-daħk, għaliex ħafna daħk joqtol lill-qalb.”

Bla dubju ta’ xejn, jekk nippruvaw li dejjem naraw it-tazza nofsha mimlija, noħorġu t-tjubija mill-ħażen, nitgħallmu kif dejjem nibqgħu grati, u li nkunu kuntenti b’li għandna, allura nistgħu ngħixu ħajja kuntenta, sodisfatta u ferħana.

Posted in Ahmadiyya Malta, Ahmadiyya: The True Islam | Tagged Ahmadiyya Malta, Islam, Laiq Ahmed Atif, Malta, Quran, Torca | Leave a comment

Eid-Ul-Fitr 2024 Mubarak

Posted on April 9, 2024 by Laiq Ahmed Atif

— On behalf of the Ahmadiyya Muslim Jamaat Malta we wish you all a very happy, healthy, prosperous, peaceful and blessed Eid-Ul-Fitr.

— May Allah bless you with a joyous, healthy and peaceful Eid. May Allah accept our worships and sacrifices; forgive our sins and have mercy on us. Ameen

Posted in #AhmadiyyaMalta, Eid, Eid-ul-Fitr | Tagged Ahmadiyya Malta, Eid-ul-Fitr, Malta | Leave a comment

The Call for Peace

Posted on April 7, 2024 by Laiq Ahmed Atif

IS-SEJĦA TAL-KALIF GĦALL-PAĊI

It-Torċa 07.04.2024| Imam Laiq Ahmed Atif –– amjmalta@gmail.com

Tabilħaqq, il-paċi hija ċ-ċavetta tad-deheb li tiftaħ il-bieb għall-progress u l-iżvilupp fis-soċjetà u tassigura li l-ġenerazzjonijiet futuri jkunu jistgħu jiffjorixxu u jimxu ’l quddiem. Jien personalment nemmen bis-sħiħ li l-paċi hija l-unika triq għall-progress tagħna lkoll.

Għalhekk, għandna ngħixu ħajjitna b’mod paċifiku u nfittxu li nxandru l-paċi, it-tolleranza, u l-fehim reċiproku fis-soċjetà.

Il-messaġġ tal-Kalif

Il-Kalif u l-mexxej tal-Komunità Ahmadiyya Musulmana, il-Qdusija tiegħu, Ħażrat Mirża Masroor Aħmad, li għandu l-kawża tal-paċi għal qalbu ħafna, reġa’ sejjaħ lid-dinja lejn dan il-kors dejjiemi tal-paċi. Dan meta kien qed jitkellem dwar il-paċi fir-Renju Unit fid-9 ta’ Marzu 2024, quddiem aktar minn 1200 ruħ, inklużi aktar minn 550 Ambaxxaturi tal-Istati, Membri tal-Parlament, dinjitarji u akkademiċi li kienu jirrappreżentaw 30 pajjiż.

Huwa semma punti importanti u wera t-triq ’il quddiem ta’ kif nistgħu naqilbu din it-theddida għall-paċi lejn it-trankwillità għal kulħadd. Hawn taħt irrid insemmi xi punti fil-qosor mid-diskors tiegħu li jistgħu jkunu pjan ta’ azzjoni għall-kawża tal-paċi u s-sliem.

Flimkien għall-paċi

L-ewwel u qabel kollox, irridu nifhmu li l-paċi mhix dmir ta’ xi pajjiżi jew nies, imma huwa dmir tagħna lkoll li nagħtu sehemna, kemm u fejn nistgħu, sabiex il-paċi tiġi stabbilita fis-soċjetajiet tagħna.

Barra minn hekk, l-istakeholders kollha, il-gvernijiet, il-politiċi, l-akkademiċi u n-nies kollha għandhom jaqdu r-rwoli tagħhom biex jiżguraw il-koeżjoni soċjali tas-soċjetajiet individwali tagħna u l-paċi u l-armonija usa’ tad-dinja.

Il-Ġnus Magħquda u l-poter tal-veto

Huwa wkoll importanti li nsaħħu l-Ġnus Magħquda fejn kull pajjiż għandu drittijiet ugwali u ħadd ma għandu l-poter tal-veto, u fejn ftit nazzjonijiet ma għandhomx dominanza li jistgħu faċilment jegħlbu l-fehmiet tal-maġġoranza. Imma kull kwistjoni għandha tiġi deċiża fuq il-bażi tal-fatti u l-merti tagħha.

Il-paċi ma tistax tinħoloq mingħajr il-ġustizzja, għalhekk, flimkien nistinkaw bis-serjetà għall-ġustizzja, u rridu nippromwovu u nissalvagwardjaw id-drittijiet ta’ dawk li huma bla setgħa u huma l-vittmi tal-inġustizzja.

Il-benesseri tal-umanità kollha

Il-pajjiżi kbar, minflok dejjem jaraw l-interessi tagħhom, għandhom jagħtu l-prijorità lill-ġid komuni, lill-benesseri tal-umanità kollha.

Jekk hemm gwerra bejn żewġ pajjiżi, partijiet newtrali għandhom jimmedjaw mill-ewwel bejniethom u jistinkaw biex jistabbilixxu l-paċi bbażata fuq il-prinċipji tal-ġustizzja u l-ekwità; u ma jħallux li l-affarijiet isiru agħar.

Il-ħtieġa taż-żmien

Ir-reliġjonijiet kollha għandhom ukoll jingħaqdu flimkien għall-għan komuni ta’ paċi u ġustizzja. Bla dubju ta’ xejn ir-reliġjon hija strument b’saħħtu ħafna u tista’ tagħmel differenza kbira għall-kawża nobbli tal-paċi.

Barra minn hekk, dejjem inżommu l-ġenerazzjonijiet futuri tagħna f’moħħna, u nippruvaw biex nagħmlu minn kollox biex ikollhom dinja ħafna aħjar minn tagħna. Il-mexxejja politiċi għandhom jieħdu ħsieb fit-tul ta’ dak li hu fl-aħjar interess tal-umanità kollha.

Hija l-ħtieġa taż-żmien li naħdmu flimkien id f’id għall-ġid komuni biex nistgħu nistabbilixxu paċi vera sabiex inkunu nistgħu ngħixu f’dinja ta’ tama u prosperità aktar milli f’dinja definita minn inugwaljanza, mibegħda u tixrid ta’ demm.

Posted in Ahmadiyya, Ahmadiyya Malta, Ahmadiyya: The True Islam, www.Ahmadiyya.mt | Tagged Ahmadiyya Malta, Call for peace, Hazrat Mirza Masroor Ahamd, Islam, Malta, Peace, Quran | Leave a comment

United for the common good

Posted on March 31, 2024 by Laiq Ahmed Atif

MAGĦQUDIN GĦALL-ĠID KOMUNI

It-Torċa 31.03.2024| Laiq Ahmed Atif |President Ahmadiyya Muslim Jamaat Malta – amjmalta@gmail.com

Id-diversità hija sabiħa, u tkun mill-isbaħ meta ningħaqdu flimkien biex niċċelebraw din id-diversità b’għan pożittiv u għall-ġid komuni, u għall-benesseri ta’ kulħadd. L-għaqda fid-diversità kollha hija xejn ħlief dimostrazzjoni mill-isbaħ, għax fl-għaqda hemm dejjem saħħa, u fejn hemm l-għaqda, hemm paċi u serenità.

Imma sfortunatament hemm nies, anke xi mexxejja reliġjużi, li minflok jaħdmu għall-għaqda, qed jagħżlu l-firda, u mhux għalihom biss, imma jġiegħlu wkoll lill-oħrajn u jippruvaw jikkonvinċuhom biex ma jingħaqdux flimkien, imma, ikomplu jibqgħu maqsumin.

Jaħasra! Meta d-dinja se titgħallem il-lezzjoni tal-għaqda, l-imħabba, il-koperazzjoni u l-ħidma għall-ġid komuni?

L-għaqda u l-partikularità individwali

Hemm ukoll nies li jibżgħu li l-għaqda toqtol il-partikularità ta’ persuna, jew ta’ komunità, jew ta’ reliġjon, jew ta’ soċjetà. Għalhekk, ħafna drabi n-nies jaħsbu li meta jingħaqdu ma’ ħaddieħor għandhom ikunu bħalhom, u għandhom jikkompromettu l-identità u l-prinċipji tagħhom.

Iżda, fir-realtà, mhu veru xejn. L-għaqda ma tfissirx li wieħed għandu jiċħad lilu nnifsu kompletament, jew jagħmel kompromess tat-twemmin, prinċipji u ideat tiegħu. Assolutament le. Dan huwa kunċett żbaljat; idea kompletament falza.

Iċ-ċelebrazzjoni tad-diversità

Fir-realtà, fit-twettiq ta’ din l-idea ta’ għaqda, m’għandniex għalfejn nikkompromettu l-prinċipji tagħna. Hija sempliċiment kwistjoni taċ-ċelebrazzjoni tad-diversità u l-identità ta’ kull individwu, għaqdiet u ta’ kull reliġjon flimkien, f’atmosfera paċifika u rispettuża. L-ambjent fejn kulħadd huwa konxju dwar is-sentimenti reliġjużi u kulturali tal-oħrajn, filwaqt li għandu kull dritt jesprimi l-opinjoni, l-ideat, it-tagħlim u l-prinċipji tiegħu.

Barra minn hekk, għandu jiġi rikonoxxut id-dritt ta’ kull bniedem li s-sensibilitajiet u s-sentimenti reliġjużi tiegħu ma jiġux miksura u offiżi. Għalhekk, l-aħjar mod huwa li niffukaw fuq dak li jgħaqqadna u mhux fuq dak li jifridna; u li niffukaw fuq dak li hu komuni bejnietna, għall-ġid komuni u għall-prosperità u l-benesseri ta’ kulħadd.

Żewġ prinċipji ta’ kull żmien

L-Iżlam jipproponi żewġ prinċipji f’dan ir-rigward li huma verament jistgħu jkunu pedament sod fil-kunċett tal-għaqda. L-ewwel nett, l-Iżlam jemmen li kull bniedem huwa liberu li jemmen fi kwalunkwe reliġjon jew fidi li jrid hu. Jemmen li huwa dritt fundamentali ta’ kull persuna li tħaddan it-twemmin tagħha ta’ dak li temmen hi fih. Alla jgħid fil-Koran Imqaddes, “M’għandu jkun hemm l-ebda sfurzar fil-kwistjoni tar-reliġjon.” (2:257)

It-tieni, minn banda oħra, bl-ebda mod il-bniedem m’għandu dritt li jimponi fuq ħaddieħor; u hemm għandu jkun spazju ugwali għal kulħadd, mingħajr ebda favur jew diskriminazzjoni. Alla jgħid fil-Koran Imqaddes li jekk Alla ma imponiex ir-rieda Tiegħu fuq il-bnedmin, allura ħadd m’għandu d-dritt li jimponi r-rieda tiegħu fuq l-oħrajn.

Dawn iż-żewġ versi tal-Koran jispjegaw dan is-suġġett b’mod tajjeb li, “Kieku Alla ried, ma kinux ixierku. Aħna ma għamilniekx għassies fuqhom, u ma għandekx setgħa fuqhom.” (6:108)

“Jekk il-Mulej tagħkom kellu jimponi r-rieda Tiegħu, ċertament li dawk kollha li jinsabu fuq din l-art kienu jemmnu lkoll flimkien. Allura inti se ġġiegħel lill-bnedmin biex jemmnu?” (10:100)

Fil-qosor, l-għaqda ma tiċħadx il-partikularità, l-identità u l-prinċipji individwali; u meta ningħaqdu flimkien, din għandha sseħħ f’ambjent ta’ libertà sħiħa u mingħajr ebda impożizzjoni.

Niċċelebraw is-sawm flimkien

B’dan il-prinċipju u l-filosofija msemmija hawn fuq, ġie organizzat avveniment kollettiv dwar is-sawm b’kollaborazzjoni bejn il-Komunità Ahmadiyya Musulmana, il-Kunsill Lokali tal-Imsida, il-Parroċċa tal-Imsida u l-Komunità Marokkina f’Misraħ San Ġużepp l-Imsida, nhar is-Sibt 16 ta’ Marzu 2024, bit-tema, ‘Niċċelebraw is-sawm flimkien’.

Dan l-avveniment kien organizzat b’mod tajjeb ħafna u attendew madwar 300 mistieden minn kull qasam tal-ħajja, reliġjon u kultura. L-Eċċellenza Tagħha, Marie-Louise Coleiro Preca, il-President Emeritus, kienet il-mistiedna speċjali.

Dan l-avveniment ġie organizzat bil-ħidma kollettiva tagħna biex navvanzaw il-kawża tal-paċi. Barra minn hekk, qed infittxu li nġibu n-nies flimkien, irrispettivament minn kwalunkwe differenza, taħt il-bandiera tal-umanità u nistinkaw biex nistabbilixxu l-paċi u l-armonija fil-komunitajiet u s-soċjetajiet tagħna.

Il-paċi hija prezzjuża

Għax, il-paċi hija assi prezzjuż u siewi ħafna; u dan isir iktar siewi u importanti meta n-nies ta’ kull qasam, kulturi u opinjonijiet diversifikati, għarfien u twemmin reliġjuż jgħixu u jingħaqdu biex jiċċelebraw din id-diversità flimkien.

Għalhekk, ejjew ningħaqdu lkoll flimkien biex nippromwovu l-paċi u l-armonija fil-komunitajiet u s-soċjetajiet tagħna. Tabilħaqq, dan huwa wkoll il-messaġġ tas-sawm li aħna narrikkixxu lilna nfusna bil-paċi u l-prosperità ġewwiena u soċjali.

Posted in Ahmadiyya Malta, Ahmadiyya: The True Islam, Peace | Tagged Ahmadiyya Malta, Flimkien, Islam, Magħqudin għall-Ġid Komuni, Malta, Msida Local Council, Quran, United for the common good | Leave a comment

Fasting and food wasting

Posted on March 28, 2024 by Laiq Ahmed Atif

Is-sawm u l-ħela tal-ikel

Hemm żewġ kmandamenti ewlenin tal-Koran Imqaddes: (1) li temmen f’Alla u li tħobb lil Dak li jippossjedi l-akbar attributi, u; (2) li turi qalb tajba lejn l-umanità kollha; dawn jissejħu fil-Koran Imqaddes bħala Huquq-Allah (id-drittijiet dovuti lil Alla) u Huquq-Al’ibaad (id-drittijiet tal-ħolqien). Ir-Ramadan huwa x-xahar tar-riflessjoni ta’ dawn iż-żewġ drittijiet. Ir-Ramadan huwa x-xahar tas-sawm; u s-sawm huwa forma ta’ qima u devozzjoni. Din il-forma ta’ qima tinstab fir-reliġjonijiet kollha. Għalkemm hemm differenzi fil-mod kif is-sawm huwa pprattikat f’reliġjonijiet differenti, iżda l-idea ċentrali tas-sawm hija preżenti kullimkien.

Kuljum qed jinħela ħafna ikel madwar id-dinja partikolarment fil-pajjiżi sinjuri; anke jekk nafu li miljuni taʼ tfal imorru jorqdu bil-ġuħ kuljum, xorta waħda naħlu l-ikel. Skont xi studji, terz tal-ikel kollu għall-użu tal-bniedem jinħela. Is-sawm jgħallimna l-importanza tal-ikel u l-ilma u li nibżgħu għall-ikel u l-ilma u ma naħluhomx, u jekk għandna iktar minn dak li għandna bżonn minflok li narmu fiż-żibel, huwa ferm aħjar li nippreservawh u nagħtuh lil dawk li huma fil-bżonn.

Imma sfortunatament aħna sirna egoisti ħafna u, minflok nippruvaw nilħqu biex ngħinu lil xi ħadd, nagħżlu biex narmuh fiż-żibel għax possibbilment huwa aktar faċli, imma b’hekk qatt ma jista’ jiġi apprezzat. Għalhekk, ejjew inkunu grati lejn Alla u naqsmu dawk il-barkiet ma’ ħutna li huma fil-bżonn minflok li naħluhom. Għax, verament Alla jgħin lil dawk li jgħinu lil ħuthom.

Posted in Ahmadiyya Malta, Fasting, Ramadan | Tagged Food waste, Il-Ħela tal-Ikel, Malta | Leave a comment

The true picture of Jihad

Posted on March 26, 2024 by Laiq Ahmed Atif

Il-kunċett veru tal-Ġiħad

Il-Leħen 24.03.2024 | Imam Laiq Ahmed Atif – amjmalta@gmail.com

Hemm xi gwerra qaddisa?

Hemm xi gwerra qaddisa? Ħafna nies inkluż il-Musulmani jemmnu li l-Ġiħad ifisser ‘il-gwerra qaddisa’ jiġifieri l-ġlied kontra dawk li ma jemmnux fl-Iżlam. Dan huwa kunċett żbaljat ħafna u bogħod wisq mir-realtà. Meta wieħed ifittex it-tifsira ta’ din il-kelma nsibu li hija ġejja mill- għerq ġ-ħ-d li tfisser tissaporti xogħol iebes u għalhekk Ġiħad ifisser li tipprova ħafna biex tagħmel xi ħaġa u ma tħalli ebda nuqqasijiet fiha. Fid-dizzjunarju dan ifisser xogħol iebes u sforz, jew biex tagħmel minn kollox biex tikseb għan partikolari. Imma bl-ebda mod dan ma jfisser ‘gwerra qaddisa’.

Il-Fundatur tal-Komunità Ahmadiyya Musulmana wkoll enfasizza u kkoreġa l-kunċett żbaljat dwar il-Ġiħad Iżlamiku, li ħafna nies inkluż il-Musulmani kellhom f’moħħhom, jiġifieri l-kunċett ta’ attakki u qtil ta’ dawk li ma jemmnux bix-xwabel. Minflok, huwa ppreżenta l-kunċett veru tal-Ġiħad Iżlamiku u ppromwova kullimkien, mhux biss fid-diskors iżda fil-prattika, Ġiħad ta’ natura akbar – jiġifieri l-mod paċifiku biex wieħed jistinka fit-triq ta’ Alla, billi nirriformaw lilna nfusna, billi nsiru persuni twajba u nikbru fil-karattru. Din il-forma suprema tal-Ġiħad kienet possibbli biss permezz tad-djalogu, id-diskors u l-persważjoni. Fil-qosor, il-Ġiħad tal-kitba, id-dibattitu, it-taħdit u d-diskors.

Meta naqraw il-Koran Imqaddes, ma nsibu l-ebda indikazzjoni tal-Ġiħad bl-attakki fuq ħaddieħor fuq il-bażi ta’ reliġjon. Il-Kelma ta’ Alla tiddikjara l-kastig tas-sejf għal dawk biss li jgħollu s-sejf minħabba r-reliġjon; imma bl-ebda mod ma tordna attakki offensivi jew ribelljoni kontra dawk li jistabbilixxu l-paċi, jagħmlu ġid mal-proxxmu, u jagħtu lil kull poplu d-drittijiet tal-libertà.

Fil-Koran Imqaddes, Alla ta lill-Musulmani permess biex jiddefendu lilhom infushom meta huma jkunu taħt attakk minn xi għadu, jiġifieri, il-gwerra defensiva u defensiva biss hija permissibbli, u xejn iktar.

L-għan bażiku tar-reliġjon

L-għan tar-reliġjon huwa li jgħin u jiffaċilita lill-bniedem biex jirriforma lilu nnifsu u jsir persuna ġenwina u ġusta billi jiġġieled kontra l-ħdura, il-kburija, l-għira, l-egoiżmu, l-immoralità tiegħu u jsir bniedem umli, tajjeb, ġust, u bniedem li jħobb lill-Ħallieq u ’l-ħolqien Tiegħu, u mhux li jattakka lil ħaddieħor.

Jekk persuna ma tistax tapplika t-tagħlim reliġjuż fuq il-persuna tagħha stess, fuq ruħha u ġisimha stess, allura x’inhu l-benefiċċju jekk dik il-persuna ġġiegħel lill-oħrajn isegwu dak it-tagħlim, li hi stess mhux qed issegwi.

Fil-fehma tiegħi, kull bniedem għandu jifhem li hu għandu jkun l-ewwel persuna ta’ indirizz tar- reliġjon. Meta bniedem jifhem li hu l-ewwel suġġett ta’ dan it-tagħlim, allura ma jkollux ħin biex jibqa’ jiġġieled ma’ ħaddieħor. Jgħidu li meta wieħed jgħolli subgħajh lejn ħaddieħor, tlieta huma li jduru lejh.

Fil-qosor, it-tifsira vera tal-Ġiħad hija li bniedem jistinka u jagħmel ħiltu kollha biex ikun persuna nobbli u ġenwina u jimmeljora l-karattru tiegħu.

Żewġ aspetti tal-fidi

Il-Fundatur tal-Komunità Ahmadiyya Musulmana spjega iktar li meta naqraw il-Koran Imqaddes, insibu li hemm biss żewġ aspetti tal-fidi Iżlamika, jew, nistgħu ngħidu li dan it-tagħlim jikkonsisti f’żewġ skopijiet ewlenin, u dawn huma l-pedament tal-fidi.

L-ewwel, li nagħrfu lil Alla li jista’ Kollox kif hu fir-realtà jeżisti. Li nħobbu u npoġġu lilna nfusna fl-ubbidjenza vera Tiegħu kif inhi l-ħtieġa tal-ubbidjenza u l-imħabba.

It-tieni skop hu li nużaw il-kapaċitajiet kollha tagħna fis-servizz u x-xewqat tajba tal-poplu Tiegħu u li nittrattaw b’mod tajjeb u bil-ħniena lil kulħadd, minn sultan sa persuna ordinarja. Inħobbu lill-bnedmin kollha u nkunu ta’ qalb tajba ma’ kulħadd u nuru ħniena u kompassjoni lil ħutna li huma inqas ixxurtjati sabiex lilna wkoll tintwera ħniena fis-sema.

Posted in Ahmadiyya Malta, Ahmadiyya: The True Islam, Jihad | Tagged Hemm xi gwerra qaddisa?, Holy war, Il-Leħen, Jihad, Malta, Ġiħad | Leave a comment

The need of mutual understanding and harmony

Posted on March 25, 2024 by Laiq Ahmed Atif

Posted in Ahmadiyya Malta | Tagged Ahmadiyya Malta, Harmony, Islam, Malta, Mutual Respect, mutual understanding, mutual understanding and harmony, Peace, Quran, Respect | Leave a comment

Women and the attainment of education

Posted on March 24, 2024 by Laiq Ahmed Atif

In-nisa u l-ksib tal-edukazzjoni

L-Iżlam jħeġġeġ lin-nisa biex ifittxu l-għarfien u l-edukazzjoni, għax, l-għarfien huwa setgħa. Imma sfortunatament hemm għadd kbir tas-skulari reliġjużi li ma ridux li l-għarfien jitwassal jew jinxtered. Bi ksur tat-tagħlim Iżlamiku, huma xtaqu lin-nisa li jibqgħu magħluqa bejn l-erba’ ħitan ta’ djarhom u għaldaqstant ma ppermettewlhomx li jiksbu edukazzjoni.

It-Torċa 24.03.2024 | Laiq Ahmed Atif, President Ahmadiyya, amjmalta@gmail.com

Kull sena t-8 ta’ Marzu jiġi ċċelebrat bħala Jum il-Mara biex tiġi enfasizzata l-importanza tad-drittijiet u d-dinjità tan-nisa. Iżda, sfortunatament, anke llum f’dawn iż-żminijiet moderni nsibu tant inċidenti fejn in-nisa jsiru suġġett ta’ vjolenza; u qed jiġu mċaħħda wkoll mid-drittijiet bażiċi tagħhom fosthom l-edukazzjoni.

Dawn l-inċidenti kontra n-nisa jidhru kullimkien, iżda sfortunatament ħafna, jidhru aktar spiss fil-pajjiżi Musulmani, fejn in-nisa mhux biss huma mċaħħda mid-dritt bażiku tagħhom għall-edukazzjoni, anzi, huma mġiegħla joqogħdu ’l bogħod minn inizjattivi bħal dawn li jfittxu l-għarfien u l-edukazzjoni.

Wieħed minn tali eżempji huwa l-Afganistan fejn in-nisa lanqas biss jitħallew ikomplu l-edukazzjoni tagħhom fl-universitajiet. Din is-sitwazzjoni marret għall-agħar mindu t-Talibani reġgħu ħadu l-pajjiż f’idejhom.

Il-perspettiva Iżlamika

L-għarfien huwa setgħa. L-Iżlam bħala reliġjon universali tenfasizza li l-edukazzjoni għall-irġiel u għan-nisa qiegħda fuq l-istess livell ta’ importanza, u l-Qaddis Profeta Muħammad iwassal l-idea li l-edukazzjoni hija obbligatorja għat-tnejn, u qal: “Huwa l-obbligu ta’ kull raġel Musulman u ta’ kull mara Musulmana li jiksbu l-għarfien u l-edukazzjoni.”

Madanakollu, maż-żmien, din l-istruzzjoni tal-Qaddis Profeta Muħammad ġiet aktar injorata mill-Musulmani u għalhekk in-nisa Musulmani baqgħu ħafna inqas edukati mill-irġiel. Imma bħala prinċipju, in-nisa għandhom dritt ta’ edukazzjoni simili bħall-irġiel mingħajr ebda diskriminazzjoni. Għalhekk it-tiċħid mill-edukazzjoni tagħhom imur mhux biss kontra t-tagħlim Iżlamiku iżda wkoll huwa ksur tad-drittijiet fundamentali tal-bniedem.

Id-Dikjarazzjoni Universali

L-Artikolu 26 tad-Dikjarazzjoni Universali tad-Drittijiet tal-Bniedem tan-Nazzjonijiet Uniti jgħid b’mod ċar li: “Kulħadd għandu d-dritt għall-edukazzjoni.”

Allura, il-Musulmani m’għandhom ebda dritt, ikun xi jkun, li jċaħħdu lill-bniet u lin-nisa mill-edukazzjoni. Meta naqraw il-Koran Imqaddes insibu xi attributi ta’ Alla li huma marbuta mal-għarfien, bħal li Huwa dak li “Jaf Kollox”, “Jisma’ Kollox”, “Kollox Konxju”, “l-Għorrief” u “l-Għaref”.

Jiġifieri, Alla għandu l-għarfien ta’ kollox, Hu jaf kollox. Dan juri wkoll li l-għarfien u l-edukazzjoni huma barkiet u mhux saħta. L-għarfien huwa setgħa u mhux dgħufija. L-għarfien huwa karatteristika pożittiva u distintiva u mhux aspett negattiv. L-edukazzjoni hija dawl li jġiegħel lil moħħna jiddi u jiffjorixxi.

Żewġ persuni denji li ngħiru għalihom

Għalhekk il-Qaddis Profeta Muħammad stqarr li: Żewġ persuni biss huma denji li ngħiru għalihom; persuna li Alla jagħniha bir-rikkezzi u jagħtiha s-setgħa li tonfoq ġidha għal kawżi ġusti; u persuna li Alla jimlieha bl-għerf biex din tkun tista’ tiġġudika, tgħallem u jxerred l-għarfien u l-edukazzjoni.

Barra minn hekk, huwa enfasizza li qatt ma tittraskura xi kliem ta’ għerf u għarfien imma kun l-ewwel li titgħallem u tifhem dan. Huwa qal: Il-kelma tal-għerf hija l-proprjetà mitlufa tal-fidil, ħalli, kull meta jsibha, għandu jeħodha, għaliex huwa l-aktar li intitolat għaliha.

Wieħed jista’ jifhem l-importanza ta’ dan is-suġġett mill-fatt li l-ewwel kelma rivelata lill-Qaddis Profeta Muħammad, is-sliem għalih, kienet ‘Iqra’ li tfisser ‘Aqra’; “Aqra, f’Isem il-Mulej tiegħek li ħalaq.” (96:2)

L-għarfien huwa l-grazzja kbira

F’parti oħra tal-Koran Imqaddes l-għarfien ġie deskritt bħala “il-grazzja kbira ta’ Alla”; din tgħid: “Huwa jagħti l-għerf lil min jixtieq Hu, u kull min jingħata l-għerf ikun tassew ġie ppremjat b’ħafna tjubija; u ħadd ma jagħti kas ħlief dawk mogħnija bil-fehim.” (2:270)

Hemm talba sabiħa li, “O Sidi, kabbarni fl-għarfien” (20:115).

L-Iżlam ħeġġeġ lin-nisa biex ifittxu l-għarfien u l-edukazzjoni, imma sfortunatament is-skulari reliġjużi ma ridux li l-għarfien jitwassal jew jinxtered, la bejn l-irġiel, imma aktar u aktar fost in-nisa. Bi ksur tat-tagħlim Iżlamiku, huma xtaqu lin-nisa li jibqgħu magħluqa bejn l-erba’ ħitan ta’ djarhom u għaldaqstant ma ppermettewlhomx li jiksbu edukazzjoni bażika.

Irrilevanza fid-dinja tal-lum

Dan huwa assolutament inaċċettabbli. M’hemm l-ebda spazju għall-injoranza. Dawn l-attitudnijiet għamlu u qed jagħmlu ħsara estensiva lill-progress fil-pajjiżi Musulmani, għaliex b’hekk mhuwiex possibbli għan-nisa Musulmani biex iħarrġu moralment u edukattivament lil uliedhom meta huma stess ma jkollhomx għarfien u l-edukazzjoni meħtieġa.

Meta n-nisa ma jkunux imħarrġa bis-sħiħ, allura kif jistgħu jħarrġu tajjeb lil uliedhom? Meta huma stess ma jkunux edukati biżżejjed, allura kif jistgħu jedukaw lill-ġenerazzjoni futura tagħhom? F’dan il-kuntest, kif jiġi garantit jew żgurat futur sabiħ ta’ pajjiż?

Għalhekk, din l-attitudni egoistika immens għandha tinbidel kemm jista’ jkun malajr; illum qabel għada, qabel ma jkun tard wisq. Inkella, in-nisa Musulmani b’mod partikolari u l-pajjiżi Musulmani b’mod ġenerali fejn in-nisa huma mċaħħda mill-edukazzjoni tagħhom, se jitħallew lura ħafna f’din it-tellieqa tal-progress, anzi se jsiru assolutament irrilevanti fid-dinja tal-lum.

Posted in Ahmadiyya Malta, Ahmadiyya: The True Islam, Education, Women, Women's Rights | Tagged Ahmadiyya Malta, Education of women, In-nisa u l-edukazzjoni, In-nisa u l-ksib tal-edukazzjoni, Islam, Islam and education of women, Malta, Quran, Torca, Women and education | Leave a comment

Fasting: A great means to goodness

Posted on March 23, 2024 by Laiq Ahmed Atif

Is-sawm: Mezz mill-aqwa lejn it-tjubija

In-Nazzjon,is-Sibt, 23 ta’ Marzu, 2024 |Imam Laiq Ahmed Atif |President Ahmadiyya Muslim Jamaat Malta – amjmalta@gmail.com

L-evalwazzjoni, it-trasformazzjoni, ir-riforma u t-tiġdid huma parti integrali tan-natura umana u simbolu tal-ħajja. Min-naħa l-oħra, dak li ma jinbidilx jistaġna u jipproduċi impurità u xejn iktar. Li tkun f’ waqfien kontinwu u statiku hija n-negazzjoni tal-ħajja.

Il-ħajja hija proċess ta’ bidla kontinwa u taqbida, tkabbir, titjib u tiġdid. Dan it-tiġdid huwa importanti kemm fiżiku kif ukoll spiritwali. Hekk kif niżviluppaw esternament u fiżikament, il-fakultajiet u l-abbiltajiet tar-ruħ, tal-qalb u tal-moħħ tagħna wkoll jgħaddu u jridu jkomplu jgħaddu minn stadji ta’ tkabbir u tiġdid.

Fil-ħajja tagħna ta’ kuljum nadottaw ħafna mezzi u modi differenti għat-tkabbir u t-tiġdid fiżiku tagħna; hemm mezzi u modi li jffurmawna wkoll b’mod ġenwin spiritwalment, fosthom ‘is-sawm’.

Tidwil il-qlub

Is-sawm Iżlamiku għandu sinifikat speċjali ħafna għax huwa wieħed mill-ħames kolonni tar-reliġjon. Ir-Ramadan joħloq ambjent uniku fejn wieħed ikun jista’ jiffoka fuq l-ispiritwalità, il-morali u t-talb tiegħu ħafna aktar minn xhur oħra matul is-sena.

Ir-Ramadanhuwa xahar ideali għat-tidwil tal-qlub. It-talb isaffi r-ruħ u s-sawm idawwal il-qalb. Ir-Ramadan huwa żmien ta’ purifikazzjoni tal-ġisem, tal-moħħ u tar-ruħ umana. Jipprovdi opportunità lin-nies biex jerġgħu jirrelataw ma’ Alla u biex din ir-relazzjoni tissaħħaħ u ttul. Huwa xahar li fih issir komunjoni ma’ Alla u aktar ġenerożità u ħanina mal-umanità.

It-tiċħid tal-ħażen

Il-Qaddis Profeta Muħammad, is-sliem għalih, qal li, “Meta xi ħadd minnkom iqum filgħodu fl-istat tas-sawm, m’għandux juża kliem oxxen, jew iwettaq xi att ta’ injoranza. U jekk xi ħadd iċanfarkom jew jiġġieled magħkom, għandkom twieġbu, ‘Qed insum, qed insum.’”

Jiġifieri, is-sawm mhux biss li wieħed jastjeni mill-ikel u x-xorb, imma li wieħed jikber fil-karattru tiegħu, u jippruva jtejjeb il-personalità tiegħu.

Għalhekk, kompla jgħid li, “Kull min ma jwaqqafx il-kliem falz u l-għemejjel ħżiena, Alla ma għandux bżonn it-tiċħid tal-ikel u x-xorb tiegħu (i.e. Alla ma jaċċettax is-sawm tiegħu).”

Il-filosofija profonda tas-sawm

Meta wieħed jipprova jifhem il-filosofija profonda tas-sawm, huwa jaqbel mija fil-mija li dan huwa mod mill-aqwa lejn it-tjubija umana; għax is-sawm huwa forma kompluta ta’ trasformazzjoni u tiġdid. Is-sawm huwa forma mill-aqwa tal-adorazzjoni u tal-qima għall-Mulej, il-Ħanin, il-Kreatur tal-ħolqien kollu, kif ukoll huwa esperjenza mill-isbaħ biex nifhmu r-realtajiet u l-isfidi tal-ħajja.

Meta bniedem isum, huwa jifhem u japprezza iktar il-barkiet u l-grazzji ta’ Alla fuqna; dan jagħtina opportunità biex nirriflettu fuq dawn il-grazzji sabiex inkunu iktar grati lejn Alla u nsiru aktar umli.

Barra minn hekk, huwa wkoll importanti li nifhmu t-tbatiji ta’ ħutna l-bnedmin li m’għandhomx biżżejjed ikel u qed ibatu minħabba n-nuqqas ta’ riżorsi. Dan il-fehim imbagħad jgħin biex jiġi kkultivat u żviluppat is-sens ta’ karità u li wieħed jgħin lil min hu fil-bżonn; jippromwovi l-valuri ta’ ġenerożità, simpatija u empatija.

Biex insiru tassew umani

Għalhekk, il-Koran Imqaddes jispjega għaliex is-sawm ġie obbligatorju. Alla jgħid fil-Koran Imqaddes: “Intom li temmnu, is-sawm huwa obbligatorju għalikom, bħalma kien għal dawk ta’ qabilkom, ħalli tkunu tistgħu ssiru devoti, ġusti u onesti.” (2:184)

Il-kelma li ġiet użata f’dan il-vers hija Taqwa u din il-kelma għandha tifsira wiesgħa ħafna. Din il-kelma tinkludi l-virtujiet kollha; u tiddomina l-valuri, il-virtujiet u l-morali kollha; jiġifieri, l-imġiba tajba u l-għemejjel tajbin kollha tal-bniedem.

Fil-qosor, bl-istqarrija ta’ din il-kelma waħda, Alla li Jaf Kollox iddikjara li l-iskop tas-sawm huwa li jagħmel tassew bniedem ġenwin, reali u mill-isbaħ li l-ġewwieni tiegħu huwa pur, safi u ċar bħall-kristall; bniedem li hu s-sid ta’ kwalitajiet enormi u għandu ħafna virtujiet mill-isbaħ.

Fil-fatt, is-sawm jgħallimna l-filosofija tal-ħajja u jiggwidana lejn il-vjaġġ it-tajjeb u t-triq is-sewwa biex insiru tassew umani.

Posted in Ahmadiyya: The True Islam, Fasting, Ramadan | Tagged Fasting, Fasting: A great means to goodness, In-Nazzjon, is-Sawm, Is-sawm: Mezz mill-aqwa lejn it-tjubija, Malta, Ramadan | Leave a comment

Celebrating Fasting Together

Posted on March 20, 2024 by Laiq Ahmed Atif

Ahmadiyya Muslim Jamaat Malta together with the Kunsill Lokali L-Imsida, Msida Parish Church and the International Moroccan Community in Malta organized an open interfaith fasting event titled “Celebrating Fasting Together”, on 16 March 2024.

The President Emeritus, Her Excellency Marie-Louise Coleiro Preca , the Mayor of Msida Local Council, Ms. Margaret Baldacchino Cefai, the President of the Moroccan Community Ms. Dounia Borg Lakehal, the Archpriest of the Msida Church, Rev. Mario Mifsud and Imam Laiq Ahmed Atif, President Ahmadiyya Muslim Jamaat Malta delivered speeches during this event.

This unique event was a collective effort to advance the cause of peace. In addition, for seeking to bring people together, irrespective of any differences, under the banner of humanity and strive to establish peace and harmony within our communities and our societies. Indeed, peace is a golden key to unlocking the door to collective progress and development and ensuring that our future generations can thrive and prosper.

This year we had many communities represented during the Fasting event and their representatives also had the opportunity to present some thoughts and prayers for the peace building and about fasting.

More than 300 people attended this event. After the Iftar (fast-breaking) all the guests were offered dinner. It was really a wonderful event which was enjoyed by all the participants and they thanked the organisers for their valuable initiative.

Posted in Ahmadiyya Malta, Ahmadiyya: The True Islam, Fasting, Ramadan | Tagged Celebrating Fasting Together, europe, Gozo, Malta | 2 Comments

Soften your hearts

Posted on March 17, 2024 by Laiq Ahmed Atif

RATTBU QALBKOM

L-imħabba u s-servizz għall-umanità huma dejjem importanti, iżda fi żmien tas-sawm huma jsiru ħafna iktar importanti. Għalhekk, għandna biex nieħdu ħsieb lil ħutna partikolarment f’dawn il-ġranet tas-sawm — ġranet ta’ sagrifiċċju, riforma spiritwali, purità, safa u tjubija. Għax jekk verament nixtieque li qalbna titrattab, mela nagħtu l-ikel lil dawk fil-bżonn u nieħdu ħsieb lill-fqir u ż-żgħir fis-soċjetà tagħna.

Laiq Ahmed Atif|It-Torca, 17.03.2024|amjmalta@gmail.com

“Jekk tixtieq li qalbek titrattab, mela agħti l-ikel lil dawk fil-bżonn u qiegħed idek fuq l-irjus tal-orfni u ħu ħsiebhom.” F’dawn il-ftit kelmiet il-Qaddis Profeta Muħammad, is-sliem għalih, spjega r-realtà u s-sigriet tal-aqwa ħajja – ħajja kuntenta, prospera, sana u sodisfatta. Jiġifieri, jekk aħna rridu ngħixu ħajja deċenti mimlija kuntentizza dejjiema, allura huwa importanti anzi obbligatorju li nħobbu u ngħinu lil ħutna kemm u fejn nistgħu.

Il-messaġġ l-ieħor li nistgħu nieħdu minn dan il-kliem huwa li l-għajnuna lejn is-sezzjonijiet żgħar, dgħajfa u foqra tas-soċjetà hija għemil mill-aktar nobbli, li Alla jħobb l-aktar, u jippremjaha bl-aqwa mod. Is-sodisfazzjon, il-kuntentizza u l-umiltà li bniedem iħoss meta jgħin lill-aktar nies fil-bżonn u foqra huwa indeskrivibbli, u s-sentimenti u l-emozzjonijiet ta’ dawk il-mumenti partikolari jrattbu tassew il-qlub tan-nies.

Il-pilastru ewlieni

L-imħabba lejn l-umanità hija pilastru ewlieni lejn it-triq paċifika li tista’ twassalna għal sodisfazzjon tal-qalb u tar-ruħ. Jekk nanalizzaw lis-soċjetà ta’ madwarna u naħsbu fuq l-istat attwali tad-dinja jsir evidenti li dawk li verament jixtiequ u jaħdmu għall-benesseri tal-umanità huma tassew dawk li jgħixu fil-paċi u fis-serenità, anke jekk m’għandhomx riżorsi biżżejjed.

Iżda, min-naħa l-oħra, huwa wkoll bil-wisq evidenti li nsibu nies madwarna li għandhom il-lussu kollu tal-ħajja, imma mhumiex fil-paċi; għaliex? Għax huma impenjati wisq fid-dinja materjalistika u konsumerista, u ma jagħtux kas ta’ ħuthom li jgħixu madwarhom, xi drabi anke l-ġirien tagħhom.

Jien nemmen bis-sħiħ, u dan huwa t-tagħlim tar-reliġjonijiet kollha inkluż l-Iżlam li Alla biss huwa s-sors ta’ paċi, u jekk m’hemmx Alla fil-ħajja tagħna, allura m’hemmx paċi f’ħajjitna. Meta nħobbu lil Alla, ma jistax ikun li ma nħobbux lin-nies Tiegħu.

Iż-żewġ imħabbiet

Jien dejjem nieħu pjaċir u dejjem inħobb u ngħożż meta naqra l-kliem għaqli u profond tar-raba’ Kalif tal-Komunità Ahmadiyya li darba qal li, “Jekk tħobb lill-Ħallieq, allura għandek tħobb il-ħolqien Tiegħu.”

Jiġifieri l-imħabba ta’ Alla u l-imħabba tal-bnedmin imorru paralleli ma’ xulxin u ma nistgħux nagħżlu waħda u ninsew l-oħra u viċiversa. Iżda nżommu ż-żewġ imħabbiet – imħabba ta’ Alla u tal-umanità – qrib qlubna sabiex nistgħu niksbu sliem u sodisfazzjon dejjiema li ma tispiċċa qatt.

Il-ġenituri u l-anzjani

L-aktar dmir importanti li rridu nikkunsidraw huwa dak lejn il-ġenituri u l-anzjani tagħna. Aħna obbligati lejn il-ġenituri tagħna. Alla jħeġġiġna biex nittrattaw lill-ġenituri tagħna b’ġenerożità, imħabba u għożża; u li nkunu qalbna tajba u rispettużi lejn qrabatna. Li nieħdu ħsieb l-orfni u lil dawk fil-bżonn u li nintegrawhom fis-soċjetà huwa wkoll mezz importanti ta’ kif ikollna sodisfazzjon kbir.

Alla jgħid: “Kunu ġenerużi mal-ġenituri tagħkom, u ma’ qrabatkom, u mal-orfni, u ma’ dawk fil-bżonn, u mal-ġar li hu qarib u mal-ġar li hu barrani, u mal-kumpann ta’ maġenbek, u mal-vjaġġatur.” (Il-Koran, 4:37)

Tabilħaqq, meta ngħinu lis-sezzjonijiet kollha fis-soċjetajiet tagħna li huma fil-bżonn niksbu l-paċi ġewwiena. Irridu niftakru li l-veri devoti huma dawk li jaqdu lill-umanità kif ukoll lil Alla. M’għandhomx jissieltu biss għad-drittijiet tagħhom iżda jkollhom il-passjoni li jiġġieldu għad-drittijiet tal-oħrajn. Jekk nifhmu dan it-tagħlim ta’ Alla l-Ħanin, mela nagħtu ferħ kbir lill-eżistenza tagħna.

Appell ġenwin u sinċier

Għalhekk, b’ġenwinità sħiħa, nappella lil dawk kollha li huma xxurtjati ħafna u Alla tahom ħafna barkiet u rikkezzi ta’ din id-dinja li għandhom jaqsmu dak ma’ ħuthom li huma fil-bżonn sabiex huma wkoll igawdu mis-sbuħija tal-ħajja b’mod hieni u seren.

Nappella lil dawk ukoll li għandhom il-ġenituri tagħhom ħajjin li nkunu grati lejhom u nuruhom imħabba u kompassjoni bla kundizzjoni u nagħtuhom ħin biżżejjed li jixirqilhom, u qatt ma ninsew dak kollu li tawna meta konna żgħar.

Barra minn hekk, inkunu spalla ma’ spalla ma’ dawk li huma fil-bżonn u għandna dejjem inżommu l-kliem tad-deheb ħaj u frisk f’moħħna u f’qalbna, li, jekk verament nixtieque li qalbna titrattab, mela ngħinu lil dawk fil-bżonn u nieħdu ħsiebhom. Għax l-għajnuna u l-mogħdrija lejn is-sezzjonijiet żgħar, dgħajfa u foqra tas-soċjetà huma jrattbu tassew il-qlub tan-nies.

Posted in Ahmadiyya Malta, Ahmadiyya: The True Islam, www.Ahmadiyya.mt | Tagged Ahmadiyya Malta, Islam, Malta, Quran, Rattbu Qalbkom, Soften your hearts, Torca | Leave a comment

When children should fast?

Posted on March 12, 2024 by Laiq Ahmed Atif

Imam Laiq Ahmed Atif | Read this article in Maltese

When the month of Ramadan arrives, the parents of Muslim children become concerned whether their children should fast or not while them are attending the school; similarly, the teachers are also not sure what to do in such cases and how to deal with the Muslim students during the Ramadan.

Every Islamic commandment is based on profound wisdom and rationality. The five daily prayers – the second amongst the five pillars of Islam – become obligatory at the age of ten. However, even before it becomes obligatory, proper training and education for children is not only necessary but mandatory; and a three year proper training is therefore recommended. It is for this reason that the Holy Prophet Muhammad, peace be on him, has said that children should be urged to offer Prayer (Salat) when they are seven years old, and when they reach the age of ten, the parents can, if necessary, use strict measures to make them regular in Prayers.

Fasting is the third amongst the five pillars of Islam. Thus it cannot become obligatory before the age of ten. However, there is also need some proper training before it becomes obligatory, as in the case of daily Prayers (Salat).

Once an Ahmadi girl asked this question to His Holiness, Hazrat Mirza Masroor Ahmad^aba, the Spiritual Head of the Ahmadiyya Muslim Community; he replied:

“Fasting becomes compulsory upon you when you have fully matured. If you are a student and you are sitting your exams and you are 13, 14 or 15 years of age, then you should not fast. If you are able to bear them, then fasting at the age of 15 or 16 is also fine.

“However, usually it is at the age of 17 or 18 that fasting becomes compulsory. One should definitely start fasting thereafter. If you are really fond of it, you can try out one, two, three or four fasts at the age of eight or ten. However, that would not be compulsory.

“Fasting will become compulsory upon you when you grow older and are able to endure the fasts… The endurance will come once you have become a young adult. When you reach the age of at least 17 or 18 years, then it is okay to fast. Then, you should fast. Understood?

“What do your parents say? Do they say that fasting has become compulsory upon you at the age of ten? Anyhow, you should inculcate the habit. Younger children should also keep two or three fasts every Ramadan so that they can experience the arrival of Ramadan. However, even if you decide not to fast, then, wake up in the morning and eat sehri [early morning food] along with your parents, offer nawafil [voluntary prayers] and offer the [obligatory] Prayers regularly.

“Ramadan for students and girls like you is that you should definitely wake up during Ramadan, eat sehri, make all the arrangements, offer two or four nawafil before that, offer the [obligatory] Prayers regularly and recite the Holy Quran regularly.” (Al Hakam)

This is very comprehensive guideline for the children, parents and teachers. Children at an early age should not fast because it could affect their growth. Allah says in the Holy Quran that, “Allah desires ease for you and desires not hardship for you (2:186).”

However, teenagers are encouraged to fast and to make a habit of their upcoming responsibility. Teenagers when they are strong enough should fast regularly in the month of Ramadan. Meaning, from the age of 13 to 16 they should train themselves and inculcate a habit of fasting by fasting for a few days during the Ramadan, until they become 17 or 18 and then they should fast for the whole month.

Posted in Ahmadiyya Malta, Fasting, Ramadan | Tagged Ahmadiyya Malta, Fasting, Id-Dawl, Malta, Muslims in Malta, Ramadan, Sawm, Should children Fast?, When children should fast? | Leave a comment

Unity in diversity

Posted on March 12, 2024 by Laiq Ahmed Atif

Posted in Ahmadiyya Malta, Ahmadiyya: The True Islam, www.Ahmadiyya.mt | Tagged Diversity, Interfaith harmony, religious diversity, Unity, Unity in diversity | Leave a comment

	Nemat Ali on The life of humility and …
	Nemat Ali on Interfaith Diversity Week 2024…
	Nemat Ali on Is the Holy Quran inspired by…
	prayer time on The Holy Quran – A Casket of…
	prayer time on The Holy Quran – A Casket of…

Tħoss u ttaffi t-tbatija tal-oħrajn

VALURI UMANI – IL-PEDAMENT GĦAL ĦAJJA DINJITUŻA

Nedukaw lil uliedna dwar il-konsegwenzi tal-bullying

IL-ĦLEWWA TA’ LSIENNA U L-GĦEĠUBIJIET TAL-KLIEM

Minn fejn ġej id-Dnub?

INFLUWENZI INVIŻIBBLI

L-OMM: IS-SIMBOLU TAL-ĦNIENA

IL-KILBA GĦALL-FLUS

Kif tirbaħ il-ġlieda kontra l-vizzji?

IŻ-ŻGĦAŻAGĦ MALTIN

IT-TWAQQIF TA’ PAĊI SOSTENIBBLI

Ftehim ġdid ta’ paċi

It-tazza nofsha mimlija jew nofsha vojta…

IS-SEJĦA TAL-KALIF GĦALL-PAĊI

MAGĦQUDIN GĦALL-ĠID KOMUNI

Il-kunċett veru tal-Ġiħad

Hemm xi gwerra qaddisa?

In-nisa u l-ksib tal-edukazzjoni

Is-sawm: Mezz mill-aqwa lejn it-tjubija

RATTBU QALBKOM

Recent Posts

Recent Comments

Archives

Categories

Ahmadiyya Jamaat Malta www.ahmadiyya.mt amjmalta@gmail.com 0035679655255 0035621655255