Imam iżur il-Komunità Santa Marija fi ħdan Sedqa

Rappreżentanti tal-Komunità Ahmadiyya Musulmana Malta ppreżentaw b’donazzjoni għadd ta’ Panettone u ċikkulatini lill-Komunità Santa Marija fi ħdan Sedqa Malta.

F’messaġġ tal-okkażjoni, il-President tal-Komunità l-Imam Laiq Ahmed Atif qal li kulħadd jiżbalja fil-ħajja imma sostna li huwa importanti li wieħed jinnota b’dan l-iżball u jaħdem qatigħ biex jirranġa dak l-iżball. Filwaqt li indirizza lir-residenti tal-Komunita Santa Marija, huwa qalilhom li anke jekk il-vjaġġ huwa twil u diffiċli, m’għandhom jaqtgħu qalbhom qatt.

Huwa qal li, Alla tagħna huwa l-Ħanin u dejjem jixtieq tajjeb għall-ħolqien Tiegħu. Alla jgħid fil-Koran Imqaddes li, “Issirx bla tama mill-ħniena ta’ Alla; għax ħadd ma jitlef tama mill-ħniena ta’ Alla ħlief dak li ma jemminx.” (12:88)

Il-vers jistabbilixxi prinċipju perfett ta’ suċċess mhux biss f’materji spiritwali iżda wkoll fl-affarijiet tad-dinja wkoll biex qatt ma titlef it-tama, taqtax qalbek taħt kull ċirkostanza. Għax ‘wara l-maltemp jiġi l-bnazzi’. Alla l-Ħanin jagħtina l-bxara t-tajba fil-Koran Imqaddes u jgħid: ‘Tassew, hemm is-serħan wara t-tbatija (94:6).’