If the Heart is good and healthy…

Posted on September 15, 2024 by Laiq Ahmed Atif

Jekk il-qalb hija tajba u b’saħħitha…

Alla jinżel f’qalbek biss meta tkun moralment, soċjalment u spiritwalment devot; meta qalbek tkun sewwa, solida, dritta, soda u b’saħħitha; meta qalbek tkun safja, nadifa u sinċiera; meta tkun mimlija fedeltà, tieba, pjetà, umiltà, devozzjoni u qdusija.

It-Torċa, 15.09.2024|IMAM Laiq Ahmed Atif — amjmalta@gmail.com

Madwar 1500 sena ilu, il-Qaddis Profeta Muħammad, is-sliem għalih, qal xi ħaġa ferm għaqlija u profonda li ġiet ippruvata mix-xjenza medika aktar tard fl-istorja tal-umanità kemm kienet veru. Kien tkellem dwar il-qalb li hija ċ-ċentru tal-ġisem u spjega li jekk il-qalb hi tajba, ir-riġlejn ukoll imorru tajjeb.

Huwa qal: “Isimgħu! Fil-ġisem hemm biċċa laħam, meta tkun soda, il-ġisem kollu jkun jiflaħ, u meta ma tkunx b’saħħitha, il-ġisem kollu ma jibqax b’saħħtu. Isimgħu! Dik il-biċċa hija l-qalb.”

Ir-relazzjoni bejn il-qalb u l-ispiritwalità

Għalkemm ix-xjenza medika wriet din ir-realtà f’dak li għandu x’jaqsam mal-aspett fiżiku u tas-saħħa, madankollu, il-Profeta Muħammad spjega xi ħaġa ferm importanti u ferm akbar f’dan il-kliem, li, jekk il-qalb ta’ persuna tkun moralment u spiritwalment soda u b’saħħitha allura hemmhekk biss il-persuna tista’ jiġi ddikjarata bħala persuna spiritwali u qaddisa.

Barra minn hekk, il-partijiet l-oħra tal-ġisem jistgħu biss isegwu t-triq it-tajba, jagħmlu għemejjel tajbin, isiru spiritwalment sodi u b’saħħithom, ħlief meta l-qalb tkun spiritwalment b’saħħitha.

Messaġġ ieħor importanti hu li jekk tixtieq li Alla jsir tiegħek allura agħmel qalbek safja, nadifa u purissima. Alla jinżel f’qalbek biss meta tkun moralment, soċjalment u spiritwalment devot; meta qalbek tkun sewwa, solida, dritta, soda u b’saħħitha; meta qalbek tkun safja, nadifa u sinċiera; meta tkun mimlija fedeltà, tieba, pjetà, umiltà, devozzjoni u qdusija.

Ir-realtà tal-ħajja sana

Kemm hu sabiħ u meraviljuż li fi ftit kliem spjega r-realtà tal-ħajja sana. Nafu tajjeb wisq li l-qalb hija ċentru tal-funzjonament tal-ġisem ħaj. Il-ħajja u s-saħħa tal-bniedem tiddependi fuq is-saħħa tal-qalb, bl-istess mod il-ħajja u s-saħħa spiritwali tal-bniedem tiddependi wkoll fuq it-tjubija u s-saħħa tal-qalb.

Mingħajr l-iċken dubju, l-għemejjel tajba u safja biss jaslu għand il-Mulej.

Alla jgħid fil-Koran Imqaddes li meta n-nies jissagrifikaw l-annimali f’Isem Alla, it-tjubija tal-qalb biss tasal għandU. “Laħamhom ma jasalx għand Alla, lanqas id-demm tagħhom, iżda hija t-tieba tagħkom li tasal għandU.” (22:38)

X’jogħġob lil Alla?

Dan il-vers jgħallimna lezzjoni suprema u prinċipali li mhuwiex l-att ta’ barra tas-sagrifiċċju li jogħġob lil Alla imma l-ispirtu li hemm warajh u l-motiv li bih twettaq. Jiġifieri l-fedeltà, it-tjubija u s-sinċerità li jogħġbu lil Alla. Fir-realtà, Alla ma jrid u jitlob l-ebda sagrifiċċju minna fil-forma ta’ laħam u demm ta’ annimali, imma s-sagrifiċċju u t-tjubija ta’ qalbna.

Din ir-realtà ġiet spjegata iktar mill-Fundatur tal-Komunità Ahmadiyya Musulmana. Nixtieq nippreżenta xi kwotazzjonijiet mill-kitbiet tiegħu li verament jitfgħu dawl biżżejjed fuq dan is-suġġett sabiex nifhmu sew. Huwa jgħid:

“Kull għajn impura tibqa’ mbiegħda minn Alla. Kull qalb impura tibqa’ ma tagħrfux. Bl-aktar sinċerità profonda tal-qalb, b’saħħa u mħabba soda, siru l-ħbieb ta’ Alla, biex Hu wkoll isir ħabib tagħkom. Jekk f’xi rokna ta’ qalbkom hemm il-kburija, il-pretensjoni vojta, l-ipokresija, il-vanità, l-egoiżmu, jew dispożizzjoni mnellħa, intom ma tkunu tiswew xejn quddiem il-Mulej.”

“Ibqgħu ibżgħu mis-saħta ta’ Alla, għaliex Huwa Qaddis. Wieħed li jwettaq il-ħażin ma jistax ikun qrib Tiegħu. Agħmlu l-għemejjel tajbin kollha b’mod tajjeb u xierqa li jistħoqqilhom. Kunu ċerti ħafna u ħafna li l-ebda azzjoni, tkun xi tkun, ma tista’ teħodkom għand Alla jekk tkun nieqsa mill-ġustizzja, il-pjetà u s-safa tal-qalb.”

“Wara li tkunu saffejtu lil qlubkom, u ppurifikajtu lsienkom, għajnejkom u widnejkom, ersqu lejh sabiex Hu jaċċettakom.”

Abraham kellu qalb sħiħa u safja

Fil-Koran Imqaddes Alla jgħid dwar il-Profeta Abraham li kellu qalb tassew nobbli li ‘ġie għand Sidu (il-Mulej) b’qalb sħiħa u safja.’ (37:85)

Il-qalb sħiħa u safja hawnhekk tfisser qalb soda u b’saħħitha; qalb ħielsa minn kull ħmieġ u mard spiritwali; qalb fil-paċi ma’ Alla u l-bniedem; qalb obbidjenti bis-sħiħ għar-rieda tal-Ħallieq il-Ħanin.

Fil-kapitlu 50 vers 32-34, Alla jgħid li f’Jum il-Ħaqq, il-Ġenna se titressaq lejn il-ġusti, u jingħad li: Dan (li qegħdin taraw) huwa dak li kontu mwegħdin. Huwa mħejji għal kull min dejjem idur lejn Alla, u kien għassa ta’ għemilu; min kien jibża’ minn Alla, il-Ħanin, fil-privat u fis-solitudni, u ġie Lejh b’qalb niedma, safja u purissima.

Jum il-Ġudizzju u qalb safja u sħiħa

Fil-kapitlu 26 vers 89-90, Alla l-Ħanin jagħmel ċarissimu dan is-suġġett u jgħid li f’dak il-Jum la l-ġid u lanqas l-ulied ma jiswew; iżda hu biss se jiġi salvat li jasal għand il-Mulej b’qalb soda, sottomessa, purissima u safja.

Ir-referenzi ta’ hawn fuq jagħmluha ċara ħafna li, kif il-ġisem tal-bniedem ma jistax jgħix mingħajr qalb b’saħħitha, bl-istess mod, l-ispiritwalità ma tistax tgħix mingħajr qalb pura, safja u sħiħa. Kif il-bniedem ma jistax jibqa’ ħaj mingħajr il-qalb b’saħħitha, bl-istess mod, il-ħajja u s-saħħa spiritwali tal-bniedem ma tibqax ħajja u friska mingħajr it-tjubija u s-saħħa tal-qalb.

Mingħajr l-iċken dubju, il-kliem tal-Profeta Muħammad, il-paċi tkun fuqu, huwa għaqli, veru u profond ħafna li jekk il-qalb hija tajba, il-ġisem kollu hu tajjeb, kemm fiżikament kif ukoll spiritwalment.

The Noble Character of the Holy Prophet Muhammad

Posted on September 14, 2024 by Laiq Ahmed Atif

Posted in Ahmadiyya Malta, Holy Prophet Muhammad, Muhammad | Tagged Ahmadiyya Malta, Eid Milad-un-Nabi, Holy Prophet, Holy Prophet Muhammad, Islam, it-twelid, it-twelid tal-Profeta, it-twelid tal-Profeta Muħammad, Iżlam, Makkah, Malta, Maltese, Mawlid, Mecca, milad, Milad-un-Nabi, miladun-nabi, Profeta, Profeta Muħammad, Quran | Leave a comment

A pious woman is the best blessing

Posted on September 8, 2024 by Laiq Ahmed Atif

MARA GĦAQLIJA HIJA L-AQWA BARKA

Il-mara hija l-pilastru tad-dar u tiggarantixxi l-paċi, il-ferħ, is-serħan u l-kuntentizza tad-dar. Kif il-bini ma jistax jieqaf dritt u jkun b’saħħtu mingħajr il-pedamenti u l-pilastri b’saħħithom, bl-istess mod il-familja ma tistax tkun familja soda, kuntenta u b’saħħitha mingħajr mara soda, ġusta u bil-għaqal. Dan jiġbed l-attenzjoni tat-tnejn—tal-irġiel u n-nisa— li jifformaw ħajjithom b’mod tajjeb, dejjem jippruvaw li jkunu bnedmin sħaħ u twajba u jikkumplimentaw lil xulxin f’ħajjithom.

It-Torċa, 08.09.2024 | IMAMLaiq Ahmed Atif — amjmalta@gmail.com

“Id-dinja kollha hija proviżjon, tgawdija, ġid, barka u grazzja; u l-aqwa ġid, barka, premju u grazzja tad-dinja hija l-mara għaqlija, twajba u ġusta.”

B’dan il-kliem għaqli, il-Qaddis Profeta Muħammad, is-sliem għalih, iggwidana lejn il-prinċipju tad-deheb biex nagħmlu djarna kenn ta’ paċi. Jiġifieri, id-dinja hija proviżjon għal din il-ħajja, u m’hemm l-ebda proviżjon aħjar fid-dinja minn mara bil-għaqal.

Il-mara hija l-pilastru tad-dar

Jekk hemm mara twajba u ġusta, allura m’hemm l-ebda dispożizzjoni aħjar fid-dinja. Għax il-mara tiggarantixxi l-paċi, il-ferħ, is-serħan u s-sigurtà tad-dar.

Meta mara tkun twajba, ġentili u fidila, il-familja kollha tibbenefika u tgawdi l-ħajja bl-aħjar mod possibbli. Kif il-bini ma jistax jieqaf dritt u jkun b’saħħtu mingħajr il-pedamenti u l-pilastri b’saħħithom, bl-istess mod il-familja ma tistax tkun familja soda, kuntenta u b’saħħitha mingħajr mara soda u ġusta.

Bnedmin sħaħ u twajba

Filwaqt li dan jiġbed l-attenzjoni tal-irġiel għall-fatt li għandhom jiżżewġu nisa bil-għaqal, dan huwa wkoll parir għan-nisa u l-irġiel li jifformaw ħajjithom b’mod tajjeb, skont ir-rieda u t-tagħlim ta’ Alla, u dejjem jippruvaw li jkunu bnedmin sħaħ u twajba. Sabiex it-tnejn jistgħu jikkumplimentaw lil xulxin f’ħajjithom. Inkella, ma jistax ikun possibbli li jekk mara hija twajba, iżda r-raġel huwa mingħajr valuri, dawn ma jistgħux jibqgħu flimkien.

Għalhekk, it-tnejn għandhom ikunu ġentili. Iżda, il-mara bħala l-pilastru tal-familja għandha li dejjem tippreżenta l-aħjar eżempju tagħha. Hemm messaġġ għan-nisa biex jirriflettu fuqu li għandhom jippruvaw jiffurmaw ħajjithom bil-mod li Alla jridhom.

Wieħed jiżżewweġ għal erba’ affarijiet

Barra minn hekk, il-Qaddis Profeta Muħammad, is-sliem għalih, enfasizza li wieħed għandu jiżżewweġ mara devota u ġusta, u qal: “Wieħed jiżżewweġ mara għal erba’ affarijiet, li huma r-rikkezzi tagħha, l-istat tal-familja tagħha, il-ġmiel u s-sbuħija tagħha u r-reliġjon u l-pjetà tagħha. Għaldaqstant għandkom tiżżewġu lill-mara reliġjuża u twajba, inkella tkunu kollha telliefa.”

Jiġifieri, l-irġiel għandhom jagħtu prijorità lil dik il-mara li għandha r-reliġjon u t-tagħlim ta’ Alla għal qalbha; li hija mara ġusta, twajba, fidila u sinċiera.

Is-sbuħija tal-fidi ssaħħaħ iż-żwieġ

Ma ninsewx li, fl-aħħar mill-aħħar, l-affarijiet fiżiċi u superfiċjali li nsegwu jisparixxu maż-żmien u jsiru bla sens. F’dan il-punt, hija s-sbuħija tal-fidi li nsibu f’xulxin li żżomm ir-rabta taż-żwieġ aktar b’saħħitha maż-żmien.

Id-dar li topera fuq it-tieba u l-ġustizzja, hija d-dar vera fejn il-prijorità hija l-persuna—mara u raġel u tfal—u mhux affarijiet materjalistiċi, hija d-dar fejn il-prijorità tingħata lit-talb, il-qima lejn il-Mulej, il-virtujiet, il-valuri morali, l-għaqda u fit-tisħiħ tar-rabta taż-żwieġ u tal-familja.

Mingħajr l-iċken dubju, djar bħal dawn, fejn l-irġiel u n-nisa jqumu billejl biex ifittxu l-pjaċir u l-ħniena ta’ Alla, żgur li se jkunu bħall-ġenna.

Ġisem wieħed, ruħ u qalb waħda

Għall-ħolqien tal-ambjent paċifiku u kuntentizza, il-Qaddis Profeta Muħammad qal li, “Inti ssib lil dawk li jemmnu bħala ġisem wieħed fir-rigward tal-istil taʼ ħajja, l-imħabba u l-affezzjoni komuni tagħhom. Meta xi riġel jew parti tal-ġisem ma jkunx tajjeb jew ma jiflaħx, il-bqija tal-ġisem ibati b’nuqqas ta’ rqad u deni.”

Il-fidili huma kollha bħal ġisem wieħed. Jekk xi ħadd minhhom ibati, kollha kemm huma jħossu t-tbatija tiegħu minħabba r-rabta ġenwina li għandhom bejniethom.

Iżda, ir-rabta bejn ir-raġel u l-mara hija saħansitra akbar minn rabta bħal din u hija rabta aktar b’saħħitha, fejn mhux biss huma ġisem wieħed imma anke ruħ u qalb waħda. Huma ħafna eqreb ta’ xulxin mill-bqija tal-fidili, għalhekk ir-relazzjoni tagħhom għandha tkun mill-aqwa u bla paragun.

Iż-żwieġ huwa kmandament fundamentali

Il-Qdusija Tiegħu, Ħażrat Mirża Masroor Aħmad, il-Mexxej Spiritwali tal-Komunità Ahmadiyya Musulmana, elabora dwar l-għan taż-żwieġ iktar fid-dettall u jgħid li, iż-żwieġ huwa kmandament fundamentali. Mhux biss inissel il-ġenerazzjonijiet u jmexxi lis-soċjetà, iżda jipproteġi lill-individwu minn ħafna sfidi u joħloq ġenerazzjonijiet tajbin.

Il-koppji li jkunu għadhom kemm iżżewġu għandhom dejjem jiftakru li ż-żwieġ għas-sostenituri ta’ kwalunkwe reliġjon u b’mod partikolari għas-segwaċi tal-Iżlam mhux qiegħed hemm għall-pjaċir biss. Pjuttost, huwa konformi mal-kmandament ta’ Alla l-Eżaltat u jrid jitħaddem biex tinbeda ġenerazzjoni ġdida tajba mibnija fuq it-talb lejn Alla l-Ħanin.

B’dan l-għan quddiem għajnejha kull pass ta’ koppja miżżewġa friska għandu jittieħed bil-ħsieb li jkunu qed jipprattikaw il-kmandament ta’ Alla.

Ir-relazzjonijiet reċiproċi bejn il-koppja

Meta l-bniedem iħares il-kmandamenti ta’ Alla l-Ħanin kull aspett tal-proċess konjittiv tiegħu jipprova jara kif se jikseb is-sodisfazzjon ta’ Alla l-Ħanin. Dan itejjeb ir-relazzjonijiet reċiproki u wieħed jibda jagħti kas tal-proxxmu tiegħu speċjalment tas-sentimenti u l-ħsus tal-individwu.

B’dan il-mod ir-rabta u l-patt reċiproku ma jibqax patt materjalistiku iżda jsir patt li bih jinkiseb is-sodisfazzjon ta’ Alla l-Eżaltat. Dan iwassal biex jitwieldu tfal bil-għaqal lill-koppja u dan għandu jkun l-għan taż-żwieġ.

Posted in Ahmadiyya Malta, Ahmadiyya: The True Islam, Women, Women's Rights | Tagged Ahmadiyya Malta, Couple, faith, Il-mara, Imam Atif, in-Nisa, Is-sbuħija tal-fidi, Islam, Iż-żwieġ, Malta, Mara għaqlija, Marriage, pious woman, Quran, Religion, Torċa, Woman in Islam, Women, Ġisem wieħed | Leave a comment

The journal of mankind’s life

Posted on September 1, 2024 by Laiq Ahmed Atif

IL-ĠURNAL TAL-ĦAJJA TAL-UMANITÀ

It-Torċa, 01.09.2024 | IMAM Laiq Ahmed Atif — amjmalta@gmail.com

Minn żmieni l-iskola, jien dejjem kont inħobb ħafna l-poeżija, għax il-poeżija hija arti daqshekk sabiħa mogħtija minn Alla li tgħid stejjer twal u diskussjonijiet fi ftit kliem. Hija l-ħila u s-sengħa tal-poeta li jqiegħed il-kliem bħal perli midmuma f’ġiżirana.

Dan l-aħħar qrajt poeżija bil-Punjabi li fiha hemm messaġġ mill-isbaħ li nixtieq nikteb dwaru għall-qarrejja tagħna. Il-poeta enfasizza fuq il-punt li l-għarfien mill-kotba mhux biżżejjed sakemm persuna jaqra lilu nnifsu u lill-bnedmin ta’ madwaru, għax, kull persuna hija bħal ktieb, mimlija stejjer, informazzjoni u sfidi kontinwi.

Il-poeta jgħid li, int qrajt, qrajt u sirt studjuż u skular kbir, iżda, qatt taqra lilek innifsek? Tmur u tidħol fil-moskej, fil-knejjes u t-tempji, iżda, qatt dħalt f’moħħok, f’qalbek u f’ruħek? Inti tiġġieled max-xitan kuljum, qatt tiġġieled miegħek innifsek? Tixtieq taqbad dak li jtir fis-sema, iżda, dak li joqgħod id-dar u madwarek, għalfejn ma taqrahomx?

Għaliex ma taqrax il-bniedem?

Il-messaġġ huwa li, meta taqra l-gazzetta, il-ġurnal jew ktieb ippubblikat, għaliex ma taqrax il-bniedem, il-ħajja ta’ kuljum, u x’qed jiġri madwarek.

Dan il-messaġġ jagħmel ħafna u ħafna sens fid-dinja tal-lum, id-dinja moderna, id-dinja tat- teknoloġija, fejn kulħadd għandu xi apparat f’idejh u qed isiefer fid-dinja kollha, iżda jinsa lil dak li joqgħod maġenbu. Dan jiġri regolarment, f’kull qasam tal-ħajja, anke fi djarna, fil-familji tagħna.

Ħabib tiegħi rrakkontali li kien hemm xi koppja li kellhom xi argumenti bejniethom u stedinhom sabiex jgħinhom biex isibu xi soluzzjoni. Qal li baqa’ bla kliem meta hu ltaqa’ magħhom u ra li din il-koppja, minflok li jitkellmu bejniethom, kienu jitkellmu permezz tal-mowbajl tagħhom, kienu jibagħtu messaġġi lil xulxin fuq il-mowbajl.

Fejn sejra d-dinja tal-lum

Jaħasra! Fejn spiċċajna, u fejn qed immorru; fejn sejra d-dinja tal-lum. Meta ma nagħtux kas lill-membri tal-familji tagħna, aħseb u ara kemm se nagħtu kas ta’ dawk li m’għandniex relazzjoni tad-demm magħhom, jiġifieri, in-nies li jgħixu madwarna, fit-triq tagħna, fil-ġenb tagħna, fis-soċjetà tagħna.

Għalhekk, huwa importanti, anzi kruċjali, li nagħtu kas lil dawn il-kwistjonijiet, u nsibu t-triq ’il quddiem, sabiex id-dinja ta’ djarna, tas-soċjetajiet u l-komunitajiet tagħna, issir aħjar.

Wiċċ ferrieħ u mġiba tajba

Il-Qaddis Profeta Muħammad, il-paċi tkun fuqu, ġibed l-attenzjoni tagħna biex anke naqraw il-ġurnal tal-ħajja ta’ kuljum tagħna u ta’ dawk li jgħixu madwarna, u nippruvaw li nuru l-ħniena u l-imħabba lejhom, kemm jista’ jkun. Huwa qal: “Ma tistgħux tgħinu lin-nies bil-flus tagħkom biss. Mela għinuhom b’wiċċ ferrieħ u bi mġiba tajba.”

“Wieħed li ma juri l-ebda mogħdrija u ħniena lejn l-oħrajn ma jkunx jistħoqqlu li jirċeviha mingħand Alla.”

“Kull min iserraħ lil xi bniedem li jemmen minn xi saram ta’ din id-dinja, Alla jserrħu minn xi saram ta’ Jum il-Qawmien. U min jgħin lil xi ħadd fil-bżonn, Alla jgħinu f’din id-dinja u fl-Oħra. U min jostor xi nuqqas ta’ wieħed fidil, Alla jostru f’din id-dinja u fl-Oħra. Alla jgħin lill-qaddej li jgħin lil ħuh.”

Kelli bżonnek, iżda…

Hawn niftakar fi tradizzjoni tal-Qaddis Profeta Muħammad, is-sliem għalih, u kważi l-istess insibu fil-Bibbja dwar Ġesù. Hu qal li f’Jum il-Ħaqq Alla se jikkonfrontakom u jgħidilkom li:

“Kont marid u inti ma staqsejtx dwar saħħti.” Il-bniedem se jgħid: “O Alla Inti s-Sid tad-dinja kollha, u qatt ma timrad, u ma kellekx bżonn tal-għajnuna tagħna.” Alla se jgħid: “Le, wieħed mill-qaddejja Tiegħi kien marid u kellek tistaqsi dwar saħħtu u kont issibni hemm.”

U wara dan se jkompli jafferma u se jgħid: “Kelli l-ġuħ u ma tajtnix ikel, kelli l-għatx u ma tajtnix ilma, ma kellix libsa u ma libbistnix.” U kull darba l-bniedem se jgħid: “O Alla Inti s-Sid tad-dinja kollha, għandek kollox, u ma kellekx bżonn tal-għajnuna tagħna.” Alla se jgħid: “Wieħed mill-qaddejja Tiegħi kellu bżonn ta’ dak kollu.”

U kull darba Alla se jgħid: “Li kieku inti għamilt dan kollu, kont issibni hemm.”

Kont bil-ġuħ u tmajtni

U fi tradizzjoni oħra huwa qal li Alla se jgħidilhom, “Jien kont bil-ġuħ u tmajtni, jien kont bil-għatx u tajtni l-ilma, u kont għarwien u tajtni libsa.” U kull darba l-bniedem se jgħid: “O Alla Inti s-Sid tad-dinja kollha, għandek kollox, u ma kellekx bżonn tal-għajnuna tagħna.” Alla se jgħid: “Wieħed mill-qaddejja Tiegħi kellu bżonn ta’ dak kollu.”

U kull darba Alla se jgħid: “Meta tajtuh l-ikel, l-ilma u libsa dak bħallikieku li tajtu lili għax Jien kont hemm.”

Il-ġurnal tal-ħajja ta’ kuljum

Dawn ir-rakkonti juru biċ-ċar li, jekk nixtiequ li Alla jsir jaf minn xiex qed ngħaddu aħna u biex Alla juri l-ħniena lejna u jagħmel l-affarijiet faċli għalina, huwa importanti li nsiru nafu lill-qaddejja Tiegħu, naqraw il-ġurnal tal-ħajja ta’ kuljum tal-umanità Tiegħu.

Għandna biex nuru ħniena ma’ ħutna li huma fqar u fil-bżonn u ma’ dawk li jkunu taħtna; inkunu ġenerużi u nuru r-rispett lejn il-partners tagħna u nixtiequ ġid u paċi għall-umanità kollha.

Ejjew naqraw il-ġurnal tal-ħajja ta’ kuljum tal-umanità kollha sabiex insiru nafu aħjar lil xulxin u nikbru fl-imħabba u r-rispett bejnietna. Ejjew inkunu ta’ qalb tajba u nuru ħniena ġenwina lejn dawk fuq l-art, sabiex tintwera l-ħniena lejna fis-sema.

Posted in Ahmadiyya, Ahmadiyya Malta, Ahmadiyya: The True Islam, Serving Humanity, www.Ahmadiyya.mt | Tagged Ahmadiyya Malta, Humanity, il-Faqar, il-fqir, Il-ġurnal tal-ħajja tal-umanità, Islam, It-Torċa, Kont bil-ġuħ u tmajtni, Malta, Mankind, Poverty, Quran, Umanità | Leave a comment

Public Decency and Morality

Posted on August 27, 2024 by Laiq Ahmed Atif

ID-DIĊENZA PUBBLIKA

It-Torċa, 25.08.2024 | Laiq Ahmed Atif — amjmalta@gmail.com

Dan l-aħħar rajna fil-midja lokali filmati dwar imġiba antisoċjali partikolarment fis-Swieqi. Kien hemm xi filmati u ritratti li juru nies ikissru l-mirja tal-karozzi, jarmu ħġieġ mkisser u żibel fit-toroq u nies jagħmlu l-ħtiġijiet naturali bħall-awrina fuq il-bankini.

Din hija mġiba kompletament inaċċettabbli. Din mhix biss diċenza pubblika, iżda hija wkoll mera tal-karattru ta’ dawk li jagħmlu dawn l-atti antisoċjali.

Kodiċi tal-ilbies

Punt ieħor li nixtieq insemmi huwa li fis-soċjetà hemm kodiċi tal-ilbies li trid tiġi segwita waqt li wieħed ikun fl-isfera pubblika, meta wieħed jimxi fit-toroq, imur fis-swieq, ħwienet u postijiet pubbliċi oħra.

Mhuwiex meħtieġ li l-Istat jagħmel xi kodiċi tal-ilbies; kull wieħed u waħda minna għandu jkollna l-istandard għoli tagħna stess tal-kodiċi tal-ilbies, irridu nżommu lilna nfusna u lill-familji tagħna dejjem pronti biex inżommu d-diċenza u l-pudur fil-kodiċi tal-ilbies tagħna.

Irridu dejjem niċċekkjaw lilna nfusna u nsaqsu: il-libsa li qed nilbes hija denja li tintlibes fil-pubbliku? Nemmen tassew li din hija kwistjoni ta’ diċenza personali, imsejsa fuq il-valuri morali, li dejjem nilbsu kif suppost fi djarna u aktar importanti meta nkunu fl-isferi pubbliċi.

Deċenti u formali

Huwa wkoll fatt li hemm ċerti kodiċijiet tal-ilbies stabbiliti meta nkunu f’postijiet partikolari. Jista’ xi ħadd imur il-qorti b’sidru mikxuf? Tista’ persuna tidħol fil-Parlament bi lbies indiċenti?

Bl-istess mod, hemm ċerti kodiċijiet tal-ilbies għall-postijiet ta’ qima u attivitajiet formali u laqgħat. Ħafna drabi nirċievu xi stedina għal kwalunkwe attività jew laqgħa u nsibu xi linji gwida dwar il-kodiċi tal-ilbies, bħal dress code: “deċenti u formali”.

Allura għaliex ma nilbsux b’mod diċenti u xieraq meta nkunu fil-postijiet pubbliċi?

Is-sempliċità hija virtù kbira

Irridu nżommu f’moħħna li l-libsa tagħna hija wkoll mera u riflessjoni tal-karattru u l-personalità personali tagħna.

Li tkun diċenti u pulit ma jfissirx li għandek tilbes ilbies għaljin u ta’ ditta partikolari; nistgħu nilbsu libsa sempliċi iżda li għandha tidher eleganti. Is-sempliċità fiha nnifisha hija tabilħaqq virtù kbira.

Il-mera u riflessjoni tal-karattru tagħna

Meta ngħixu fis-soċjetà, għandna ma ninsew qatt li dak li niktbu, nitkellmu, nilbsu u nagħmlu hija l-mera tal-karattru tagħna. Il-karattru tagħna jirrifletti dak tal-edukazzjoni u t-taħriġ fid-dar. Il-karattru tagħna huwa l-mera tal-personalità tagħna.

L-azzjonijiet, l-imġiba, id-diskors, il-mod kif nitkellmu, il-mod kif nimxu fit-toroq, il-mod kif insuqu, fil-qosor, kull għemil tagħna jirrifletti min aħna.

Allura, hemm nuqqas anke fit-tagħlim u t-taħriġ ta’ dawn iż-żgħażagħ; għalhekk il-ġenituri għandhom irwol vera importanti li jikkultivaw il-manjieri u l-valuri tajba fit-tfal tagħhom, minn età żgħira, sabiex meta jikbru jkunu jafu l-limiti tagħhom, il-valuri tagħhom, ir-rispett u d-dinjità tagħhom.

It-trobbija xierqa tat-tfal

L-Iżlam jisħaq dwar il-prinċipju kardinali li l-edukazzjoni u t-trobbija xierqa tat-tfal għandha tibda mid-dar u minn età żgħira, u huwa d-dmir tal-ġenituri li jgħallmu u jedukaw lil uliedhom bl-aħjar mod possibbli, il-għaliex l-isforzi tagħhom jilagħbu parti kbira fit-tiswir tal-imġiba tat-tfal tagħhom.

Il-Qaddis Profeta Muħammad, is-sliem għalih, kien saħaq li t-tfal għandhom jibdew jitgħallmu l-etikett mill-bidu tat-tfulija tagħhom. Huwa kien ġie rrappurtat li kien ta l-parir lin-neputi tiegħu stess, waqt li dan kien qed jiekol, dak iż-żmien kellu biss xi sentejn u nofs, u qal: “Kul b’idek tal-lemin u mill-porzjon li hemm quddiemek.”

Il-formazzjoni fit-tfulija

Fil-qosor, il-formazzjoni fit-tfulija hija importanti ħafna, il-għaliex dak li jissawwar f’dan iż-żmien jerġa’ jispikka meta wieħed isir adult. Mhux ta’ b’xejn li l-Qaddis Profeta Muħammad, is-sliem għalih, kien qal:

“Kull tifel u tifla jitwieldu bin-natura tagħhom safja u pura. Huma l-ġenituri li jagħmluhom Lhud jew Insara jew atei jew Musulmani skont it-tagħlim u t-taħriġ speċifiku li jgħaddulhom, u billi jipprovdu mudell partikolari bis-saħħa tal-imġiba tagħhom stess.”

Dan ifisser li t-tfal meta jkunu żgħar ikunu taħt il-ħakma tal-ġenituri tagħhom. Huma jassorbu dak kollu li jgħidu u jagħmlu bħalma jarawhom jagħmlu. It-tfal jafu jikkupjaw kollox.

Għalhekk, it-tfal għandhom jiġu pprovduti b’tagħlim u taħriġ tal-ogħla livell skont il-mezzi tal-ġenituri. Madanakollu, taħriġ morali għandu jingħata prijorità.

Rigal prezzjuż u mill-aqwa

B’aċċenn esklussiv għall-ġenerazzjoni żagħżugħa u għad-drittijiet u d-dmirijiet tagħhom, il-Koran Imqaddes (59:19) iwiddeb: “Intom li temmnu! Ibżgħu minn Alla u ħallu lil kull ruħ tara dak kollu li tibgħat ’il quddiem għall-għada. Verament ibżgħu minn Alla; tassew Alla huwa Konxju Sew ta’ dak kollu li tagħmlu.”

Il-ġenituri għandhom ma jonqsux mir-responsabbiltà tagħhom lejn uliedhom sabiex jistgħu jħallu warajhom ġenerazzjoni sħiħa u tajba. Nagħlaq bi kliem tad-deheb tal-Profeta Muħammad li qal:

“L-ebda missier ma jista’ jagħti lit-tfal tiegħu rigal aktar prezzjuż minn trobbija tajba. Irrispettaw liż-żgħar tagħkom u għallmuhom il-manjieri t-tajba.”

Posted in Ahmadiyya Malta, www.Ahmadiyya.mt | Tagged Ahmadiyya Malta, ethics, Id-Diċenza Pubblika, It-Torċa, Malta, moralità, morality, Morals, Public Decency, social behaviours, society, Swieqi, Torca, values | Leave a comment

Marvellous signs in the creation of God

Posted on August 25, 2024 by Laiq Ahmed Atif

SINJALI MERAVILJUŻI FIL-ĦOLQIEN

Il-Leħen, 25.08.2024 | IMAM Laiq Ahmed Atif — amjmalta@gmail.com

Tassew meraviljuż huwa l-ħolqien ta’ Alla. Meta naqraw il-Kotba Mqaddsa nsibu li Alla jippreżenta l-ħolqien tal-univers bħala wieħed mis-sinjali tal-kobor u s-saħħa Tiegħu. “Minn fost is-sinjali Tiegħu hemm il-vapuri fil-baħar, għoljin bħall-muntanji.” (Il-Koran, 42:33)

Huwa fatt li f’pajjiżna u anke meta nsiefru barra minn Malta naraw ħafna sinjali u ġmiel tal-ħolqien ta’ Alla.

F’dawn l-aħħar snin kelli l-opportunità li nżur xi pajjiżi fosthom il-Ġermanja, ir-Renju Unit, l-Italja u l-Iżvizzera. Dawn il-pajjiżi kollha għandhom is-sbuħija tagħhom, iżda l-Iżvizzera u l-belt Taljana ta’ Venezja huma l-favoriti tiegħi.

Dan l-aħħar mort biex nara Venezja għal darb’oħra. Għalkemm kont diġà żort din il-belt tal-meravilji, xorta waħda bqajt mistagħġeb u msaħħar bis-sħiħ bis-sbuħija tagħha. Kien hemm eluf ta’ nies li ġew biex jaraw din il-belt tal-għaġeb. Kull fejn mort, f’kull rokna ta’ din il-belt, bqajt naħseb fil-Ħallieq Tagħna—Alla l-Ħanin— u s-sbuħija u l-kobor Tiegħu.

Alla jgħid fil-Koran Imqaddes dwar il-ħolqien u jgħid li: “Alla ħalaq seba’ smewwiet f’ordni, fuq xulxin. Ma tistax tara ebda nuqqas jew difett fil-ħolqien ta’ Alla, il-Ħanin. U erġa’ ħares! Tara xi difett jew disparità? Imbagħad erġa’ ħares għal darb’oħra! Il-ħars tiegħek se jerġa’ lura lejk umli, imħawwad u għajjien (wara li ma sab ebda nuqqasijiet fil-ħolqien).” (67:4-5)

“Huwa Alla li qiegħed il-baħar għall-qadi tagħkom biex minnu tieklu laħam frisk, u minnu toħorġu l-ornamenti li tilbsu. U taraw l-imriekeb joforqu l-mewġ tiegħu biex tivvjaġġaw u tfittxu mit-tieba u l-barkiet Tiegħu u biex forsi tiżżu ħajr u tkunu grati lejn Alla.” (16:15)

“Tabilħaqq, tajna ġieħ lil ulied Adam, ġarrejniehom fuq l-art u l-baħar, u tajniehom l-affarijiet tajbin (għall-għajxien tagħhom), kif ukoll għażilniehom fuq ħafna ħlejjaq oħra li ħlaqna.” (17:71)

Dawn il-versi juru biċ-ċar li l-ħolqien kollu, u anke l-ħolqien tal-baħar huwa mill-barkiet ta’ Alla, għax il-baħar huwa sors importanti ħafna għall-benefiċċji materjali għall-bniedem. Is-sħab jieħu l-ilma mill-baħar u jniżżlu bħala xita għalina. Il-baħar huwa wkoll mezz importanti tal-ivvjaġġar u l-kummerċ u sors tal-ikel għall-bniedem.

Ħolqien tal-għaġeb

Venezja huwa wieħed minn dawk il-postijiet li juru biċ-ċar li verament hawn ħolqien tal-għaġeb, mimlija sbuħija meraviljuża li tħallik bla kliem. Is-sbuħija inkomparabbli tagħha tgħaġġeb u tbellah lin-nies, u jidher li kull persuna tibqa’ impressjonata biha.

Meta wieħed jimxi fit-toroq, kull rokna tagħhom tgħid xi ħaġa, meta wieħed jirkeb fuq il-gondola, dgħajsa partikolari, famuża u magħrufa bħala d-dgħajsa ta’ Venezja, dan kollu jħalli impatt partikolari fuq il-memorja tal-bniedem.

Għalkemm Venezja li naraw illum fiha ħafna xogħol li sar min-nies li ġabuha f’din il-forma, imma l-bniedem ma jista’ jagħmel xejn jekk mhux mogħni bl-għerf u bl-għaqal minn Alla. Għalhekk il-ħolqien ta’ din il-belt tal-għaġeb jiġbed l-attenzjoni tagħna wkoll lejn il-fatt, kif imsemmi hawn fuq fil-versi tal-Koran Imqaddes, li nkunu grati lejn il-Mulej u l-Ħallieq tagħna, li ħalaq għotjiet bla għadd, u Hu tefa’ l-barkiet Tiegħu fuqna bħax-xita.

Li nkunu bnedmin twajba, ġentili, diċenti, umli u ta’ morali u virtujiet għolja ħafna. Dan jitlob minna li nikbru fil-karattru tagħna, insiru bnedmin ta’ ġid għall-umanità, u nsiru bnedmin ta’ Alla, dejjem inqimu quddiemu, nitolbu kollox minnu u minnu biss.

Inkunu raġuni ta’ tbissima għal ħaddieħor, inġibu ferħ fuq l-uċuħ ta’ ħutna, u nippromwovu l-paċi, il-ġid, il-ħniena u l-imħabba fis-soċjetajiet tagħna. L-aqwa ħaġa hija din, u dan huwa l-aktar messaġġ importanti, li aħna għandna narrikkixxu lilna nfusna u nistagħġbu bis-sbuħija u l-valuri umani; u li bl-iktar imħabba sinċiera nqimu lill-Ħallieq tagħna, l-aktar Nobbli, l-aktar li joffri għożża u mogħdrija, u l-aktar Ħanin, Alla.

Posted in Ahmadiyya Malta, Alla, Allah, God | Tagged Alla, Allah, Creation of God, God, Il-Lehen, Il-Leħen, signs in the creation of God, Sinjali meraviljużi fil-ħolqien | Leave a comment

Gratitude: A means of Growth and Blessing

Posted on August 18, 2024 by Laiq Ahmed Atif

IL-GRATITUDNI: GĦAJN TA’ TKABBIR U BARKA

It-Torca, 18.08.2024 | IMAM Laiq Ahmed Atif — amjmalta@gmail.com

Il-gratitudni hija virtù mill-isbaħ. Li tkun grat u li tesprimi l-gratitudni u l-ħajr lill-oħrajn hija waħda mill-isbaħ valuri morali li jeżistu. Il-bniedem jista’ jesprimi l-gratitudni lil Alla u anke lill-bnedmin sħabu. Kemm jekk persuna tirringrazzja lil Alla li Jista’ Kollox jew lill-qaddejja Tiegħu, il-bnedmin, fiż-żewġ każijiet hija manifestazzjoni ta’ karattru għoli u l-aħjar valur uman.

Fil-ħajja ta’ kuljum jidher li n-nies donnhom jiddubitaw l-affarijiet u ta’ spiss isiru ingrati u jgergru fuq ħafna l-affarijiet. Xi drabi dwar dħul baxx, ġieli li jkollhom karozza iżgħar minn oħrajn, ġieli fuq iċ-ċokon tad-dar, ġieli fuq ir-relazzjonijiet, u ġieli fuq l-imġiba tal-qraba, ġieli fuq kwistjonijiet tal-familja, ġieli dwar il-ġirien, ġieli dwar il-ġenituri, xi kultant dwar is-sħana u xi kultant dwar il-kesħa. Xi drabi jkun hemm ilmenti dwar id-dehra u l-fiżika, xi drabi jkun hemm ilmenti minħabba l-ħxuna jew l-irquqija, u xi drabi li wieħed ikollu xagħar twil jew li hu qargħi.

Anke normalment meta niltaqgħu ma’ xulxin, ir-risposta tas-soltu għal “Kif int?” hija mwieġba bħal, “Mhux ħażin”. Minflok li nirringrazzjaw lil Alla fuq eluf ta’ grazzji u għotjiet Tiegħu u ngħidu li “bil-grazzja ta’ Alla ninsab tajjeb”, jew, “tajjeb għall-grazzja ta’ Alla”, nużaw frażi li “mhux ħażin”, li turi li l-bniedem mhux grat biżżejjed lejn il-Mulej.

Fil-qosor, insibu li f’diversi każi, in-nies juru d-dubji u l-lamentazzjonijiet tagħhom.

L-iżviluppi kollha huma marbuta mal-grazzi

Imma jekk naħsbu dwarha, minflok ma nilmentaw jew ingergru, għandna tant barkiet u favuri bla għadd ta’ Alla li Jista’ Kollox li kull mument, kull siegħa, kull jum, kull ġimgħa, kull xahar, kull sena, anke l-ħajja kollha hija qasira għall-gratitudni. Anke jekk persuna tkompli tirringrazzja lil Alla l-Ħanin għall-barkiet tiegħu tul ħajjitha kollha, anke allura d-dritt ta’ gratitudni lejn Alla l-Ħanin ma jistax jiġi sodisfatt.

Jiġifieri, il-ħajja umana mhix biżżejjed biex verament tista’ tirringrazzja lill-Ħallieq għall-barkiet u l-grazzji Tiegħu. Dan ifakkarni f’poeżija ta’ poeta li tgħid li, il-ħajja hija għotja ta’ Alla, iżda, il-verità hi li ma stajtx nissodisfa u nħallas lura anke għal din il-barka—ħajti.

Għalhekk, huwa importanti li ma naħlu ebda opportunità li nkunu grati lejn Alla, għax din se toħloq sentimenti ta’ kuntentizza, gratitudni u apprezzament fina u dejjem se tiffoka fuq il-barkiet ta’ Alla l-Ħanin u l-Grazzjuż.

Għaliex niżżu ħajr?

Meta kont nistudja fl-università, barra mill-edukazzjoni l-għalliema tagħna kienu jgħallmuna wkoll ħafna modi ta’ ħajja prattika, manjieri u valuri.

Ġurnata waħda wieħed mill-għalliema kien qed jitkellem dwar il-gratitudni; huwa ggwidana u qal li Alla tana l-barkiet u favuri bla għadd li jitolbu minna li dejjem inżommu ilsna biżlin b’kliem ta’ gratitudni u dejjem nibqgħu grati lejn Alla, f’kull pass u f’kull rokna ta’ ħajjitna.

Huwa stqarr li Alla tana ħajja, saħħa u sigurtà, idejn, saqajn, għajnejn, widnejn, ikel, ħafna tipi ta’ temp, dawl, riħ, ġenituri, mara u tfal, intellett, għarfien u ħafna barkiet oħra ġew mogħtija lilna.

Barra minn hekk, Alla qed jipproteġina minn inkwiet bla għadd, mard, uġigħ u problemi, li kollha jeħtieġu li nżejnu ħajjitna bi gratitudni lejn il-Ħallieq.

Huwa kompla li dawk in-nies li jkunu grati u devoti lejn Alla u dawk li huma impenjati fis-servizz tal-ħolqien Tiegħu, Huwa jżommhom dejjem taħt idejh, u jżommhom siguri mill-uġigħ u t-tbatijiet tad-dinja.

Wieħed għandu jipprova jkun qaddej grat ta’ Alla li Jistaʼ Kollox. U wieħed m’għandux jilmenta dwar affarijiet żgħar u m’għandu qatt jiċħad l-imħabba u l-kompassjoni ta’ Alla, iżda, għandu dejjem jistinka biex ikun il-qaddej veru Tiegħu filwaqt li jkun sodisfatt bil-pjaċir ta’ Alla li Jista’ Kollox.

Tifsira ta’ grazzi u l-gratitudni

Alla l-Ħanin iwiegħed fil-Koran Imqaddes li jekk bniedem ikun grat, jirċievi ħafna u ħafna mill-barkiet Tiegħu. Hija l-wegħda Tiegħu li l-gratitudni ġġib barkiet akbar, u jgħid li:

“Jekk tkunu grati, jekk tiżżu ħajr (ta’ kulma għamilt magħkom, u tajtkom), tabilħaqq inżidkom fil-barkiet, u żgur li nagħtikom aktar favuri.” (14:8)

Il-grazzi tfisser li tapprezza lil xi ħadd għall-qalb tajba tiegħu. Bħallikieku rikonoxximent ta’ favur b’espressjoni ta’ valur jissejjaħ grazzi. Dak li jirrikonoxxi favuri b’mod abbundanti jissejjaħ ‘grat’.

Bl-istess mod, in-nuqqas ta’ gratitudni tfisser li tiċħad il-barkiet ta’ Alla u li tkun ingrat għalihom u ma tikxifhomx, li tiċħad il-barkiet tal-benefattur u tgħattihom u ma tagħrafhomx.

It-Tieni Kalif tal-Komunità Ahmadiyya jgħid fl-interpretazzjoni tiegħu ta’ dan il-vers: “F’dan il-vers, ġiet iddikjarata liġi kbira. Li l-iżviluppi kollha huma assoċjati u marbuta ma’ grazzi u gratitudni.”

Xi ġmiel! Xi sbuħija!

Xi ġmiel! Xi sbuħija! Jekk nixtiequ li nirċievu aktar u aktar barkiet mingħand Alla, allura nsiru grati. Dejjem nuru l-gratitudni tagħna Lejh bl-aqwa mod possibbli.

Dejjem ngħidu lill-Mulej li ma nistax nirringrazzjak biżżejjed, mhux possibbli għalija, għax dak kollu li hu tiegħi, fil-fatt huwa Tiegħek u Tiegħek biss, Int imlejt id-dar tiegħi b’kull grazzja.

X’mod ta’ gratitudni li jirbaħ il-qalb li kollox hu ta’ Alla li jista’ kollox. Kollox huwa r-rigal Tiegħu. Meta wieħed jasal sa tali pożizzjoni, allura l-opportunità li jkun grat tiżdied aktar minn qabel u minflok ma jiddubita se juża kliem ta’ gratitudni bi lsienu.

Posted in Ahmadiyya Malta, Ahmadiyya: The True Islam | Tagged Ahmadiyya Malta, gratitude, Gratitudni, Islam, Malta, Quran | Leave a comment

Urgent need for Middle East peace

Posted on August 13, 2024 by Laiq Ahmed Atif

Smoke billows following Israeli bombardment in the central Gaza Strip on Sunday, amid the ongoing conflict between Israel and Hamas. PHOTO: EYAD BABA/AFP

Times Of Malta, Tuesday 13 August 2024 | Laiq Ahmed Atif – amjmalta@gmail.com

Harrowing! Perhaps that’s the most appropriate word to describe the current global political predicament. The world seems ever closer to World War III and stands on the brink of unheard of disaster and destruction.

While the Russia-Ukraine war raged on, Hamas and Israel’s conflict introduced another horrendous episode to the horrific global series unfolding before the world. Despite the conflict being far from a feasible solution, the killing of Ismail Haniyeh in his home in Tehran, a city of Iran, has added further fuel to the fire.

Therefore, before the situation escalates further, and turns into a larger and more horrific conflict and puts at risk the lives of millions of innocent people who do not want to see a war, the major countries of the world and their leaders should play a constructive role based on justice and fairness to mediate between them as stated in the Holy Quran:

“And if two parties of believers fight against each other make peace between them; then, if after that one of them transgresses against the other, fight the party that transgresses until it returns to the command of God. Then, if it returns, make peace between them with equity and act justly. Verily, God loves the just” (49:10).

I believe if world leaders do not realise their responsibility to extinguish this fire before it spreads to other countries and beyond borders, then the onus will be upon all those who remained silent and stood on the sidelines whilst the world was on fire.

His Holiness, Hazrat Mirza Masroor Ahmad, the head of the Ahmadiyya Muslim Community, has repeatedly urged all world powers to de-escalate the conflict stating: “As long as world leaders do not courageously strive for a ceasefire, they are invariably responsible for taking the world towards destruction.”

It is, therefore, strange that people allege that religion is the cause of unrest in the world. Recently, we have seen that religious leaders are becoming the voices of peace and well-being for the entirety of mankind. His Holiness, Pope Francis has spoken on the need for peace building on a regular basis.

Similarly, His Holiness Mirza Masroor Ahmad has been warning of a global world war for over two decades as he saw the injustice unfolding and the ordinary rights of individuals not being upheld.

As mentioned earlier, he has striven for decades to highlight the volatility of today’s world and has called on world leaders, governments and nations to set aside any differences that exist for the greater good of mankind and for the sake of establishing justice, harmony and peace in the world.

Undoubtedly, justice and peace are of paramount importance for our social, cultural, political and economic progress. The history of mankind bears witness to the fact that most of the development and progress the world has achieved was during times of peace and security.

Therefore, we must understand the true value of peace and make ourselves fully aware of the risks of divisive and unjust policies that serve only to ferment unrest and lead to frustrations that are bound to erupt and boil over eventually.

We must hear the call of the times and we must ‘stand up to be counted’. We must play our sincere and effective roles and should never leave any stone unturned to achieve this noble cause of peace, harmony and justice.

Whenever any differences or conflicts arise, we must urge our leaders and politicians to engage in constructive dialogue to find viable solutions to solve such issues and to step back from the precipice because there is no doubt that if a global war erupts, it will be unlike anything the world has ever seen. Surely, its catastrophic and devastating consequences are far beyond our comprehension and imagination.

The wise words of the Holy Prophet Muhammad, peace be upon him, are the guiding principles in such situations, where he said: “The strong one is not he who knocks out others in wrestling, the strong one is he who keeps control over himself when he is roused, incited or provoked.”

I would like to conclude with an all-time guiding principle and declaration of the Holy Quran (4:129) which is: “Reconciliation, harmony, tolerance and peace are surely the best.”

Posted in Ahmadiyya, Ahmadiyya Malta, Islam stands for peace!, Justice and Peace, Love for all, Peace | Tagged Ahmadiyya Malta, Gaza, Harmony, Humanity, Islam, Malta, Middle East, Palestine, Peace, Quran, Reconciliation, Times of Malta, Urgent need for Middle East peace, War | Leave a comment

Find me amongst the weak and poor

Posted on August 7, 2024 by Laiq Ahmed Atif

Fittxuni qalb id-dgħajfin tagħkom

In-Nazzjon, 07.08.2024 |IMAM Laiq Ahmed Atif , President Ahmadiyya Malta

Kulħadd jixtieq li jgħix ħajja sana, soda, ferħana u bis-sbuħija kollha. Hija xewqa naturali li nsibu kullimkien anke fl-annimali li wkoll jagħmlu l-almu kollha tagħhom biex ħajjithom u dik ta’ wliedhom tkun l-aqwa kemm jista’ jkun.

L-għasafar iħallu l-bejtiet tagħhom kuljum kmieni filgħodu biex isibu l-għajxien għalihom u għall-frieħ tagħhom li jkunu jistennewhom fil-bejtiet.

Mingħajr l-iċken dubju, huwa att nobbli ħafna li wieħed jaħdem għall-għajxien tiegħu u għal familtu. Iżda dan isir att mill-isbaħ meta l-bniedem jagħti kas anke lill-proxxmu u sezzjoni dgħajfa tas-soċjetà.

Kemm ikun aħjar li wieħed mhux jgħix għalih innifsu biss, iżda, anke għal ħaddieħor. Kemm ikun għemil meraviljuż meta wieħed jgħin lill-fqir, lid-dgħajjef u liż-żgħir fostna.

Uru kompassjoni ħalli fis-sema tintwera kompassjoni magħkom ukoll

Il-Fundatur tal-Komunità Ahmadiyya Musulmana jispjega dan is-suġġett b’mod tajjeb ħafna, bi kliem tad-deheb, u jgħid: “Uru ħniena ma’ dawk li jkunu taħtkom; kunu ġenerużi mal-partners tagħkom u ma’ ħutkom li huma fqar, ħalli fis-smewwiet intom ukoll tintlaqgħu bis-sewwa. Intom tassew issiru Tiegħu, u b’hekk Alla jsir tagħkom ukoll.”

Fil-qosor, jekk nixtiequ li nsibu lil Alla, il-Ħanin, nistgħu nfittxu u nsibuh qalb id-dgħajfin, il-foqra, iż-żgħar, u dawk li jistgħu jkunu qed ibatu jew għaddejjin minn xi fażi diffiċli f’ħajjithom, jew dawk li għandhom bżonnijiet speċjali.

Wieħed minn dawk in-nies li jagħmlu minn kollox possibbli għall-proxxmu hu l-ħabib tiegħi ta’ ħafna snin, l-Onorevoli Ivan Bartolo. Nixtieq nirringrazzjah u nawguralu kull suċċess f’din il-missjoni nobbli favur il-bniedem.

Aħna nafu lil xulxin għal ħafna snin u ħdimna flimkien fil-qasam soċjali; u dejjem nippruvaw li jekk nistgħu nġibu xi bidla pożittiva fil-ħajja ta’ ħutna Maltin u Għawdxin li huma fil-bżonn.

Il-Premju Formidabli

Naf lil Ivan ħafna qabel ma fil-fatt daħal fil-politika u naf li d-dħul tiegħu fil-politika ma kienx għal xi gwadann personali, anzi, il-motiv kien li jsir vuċi għal min ma jisimgħuhx, u id ta’ għajnuna għal min ma jiflaħx b’idejh jew ma jafux liema bieb għandhom iħabbtu għal xi għajnuna.

Waħda mill-inizjattivi huwa ‘l-Premju Formidabbli’ li beda hu biex jonora lil dawk in-nies ta’ bżonnijiet speċjali li, minkejja ħafna sfidi, baqgħu attivi u komplew jaħdmu għas-soċjetà. Anke f’din l-inizjattiva ta’ din is-sena, il-Komunità Ahmadiyya Musulmana pparteċipat u kkontribwiet kemm setgħet.

Gratitudni u rikonoxximent

Fi kliemu, ‘l-iskop hu l-gratitudni, li hi rigal tal-qalb, dik li tgħaqqad lill-bnedmin flimkien. Il-gratitudni tressaq lill-bnedmin ħdejn xulxin. Kulħadd hu importanti u ħadd m’għandu jkun imwarrab. Imma donnu f’dinja mgħaġġla, ftit huma dawk li jaqraw l-imħuħ’.

Il-Premju Formidabbli huwa premju ta’ ‘gratitudni u rikonoxximent’ għal dawk iċ-‘Champions’, kif hu stess isejħilhom, li jagħmlu ħilithom biex jibnu soċjetà aħjar; u biex iġibu bidla pożittiva fil-ħajja ta’ ħaddieħor.

B’determinazzjoni u kuraġġ urew li huma kapaċi li jagħtu sehemhom lis-soċjetà; ‘where there is a will, there is a way’, huma eżempji eċċellenti. Ir-reżiljenza u d-determinazzjoni tagħhom tawna tagħlima sabiħa tal-ħajja li ‘qatt ma għandna nissottovalutaw il-kapaċitajiet tagħna’, pjuttost għandna ‘nħollu l-potenzjal tagħna’.

Mill-għonja lill-foqra

Għalhekk, huwa dmirna li nuru l-gratitudni u l-apprezzament għax-xogħol siewi li huma jagħmlu minkejja l-impediment fil-ħajja tagħhom. Jistħoqqilhom l-apprezzament tagħna, iżda, dan biss mhux biżżejjed, irridu naqduhom u ngħinuhom fil-ħidma tagħhom.

Il-Qaddis Profeta Muħammad kien dejjem jenfasizza fuq il-karità li tittieħed mill-għonja u tingħata lill-foqra. U kien jgħid li, ħu ħsieb is-sejħa ta’ dak li bata l-inġustizzja, għaliex ma hemm xejn xi jżomm bejn dik is-sejħa u Alla, għax huma qrib Alla u Alla jismagħhom.

Għandkom taqdu lill-foqra

Il-Fundatur tal-Komunità Ahmadiyya Musulmana enfasizza ħafna fuq dan is-suġġett li nibqgħu dejjem qrib iż-żgħir u noffrulhom spalla ta’ għajnuna. Huwa għallimna t-triq li tista’ twassalna għand Alla.

Qal li kif it-turija tal-imħabba lejn l-għeżież jew it-tfal ta’ xi ħadd tirbaħ l-attenzjoni tagħhom, bl-istess mod, meta nuru simpatija lejn il-ħolqien ta’ Alla, nirbħu l-pjaċir Tiegħu. Huwa kompla jgħid:

“Jekk inti kbir, uri ħniena ma’ min hu żgħir — mhux stmerrija; jekk inti bravu u tal-iskola għen lil min ma jafx bi kliem għaqli; qatt tipprova tkażbar l-injoranza tagħhom billi turi kemm taf int. Jekk inti għani, minflok tittrattahom b’sens ta’ kburija disprezzabbli, inti għandek isservi lill-foqra.”

Posted in Ahmadiyya, Ahmadiyya Malta | Tagged Ahmadiyya Malta, foqra, fqar, fqir, Gratitudni, id-dgħajfin, Il-Premju Formidabli, Imam, Imam Atif, Imam Malta, Islam, kompassjoni, Malta, Muslims, Quran, rikonoxximent, Uru ħniena, weak and poor, żgħir | Leave a comment

Beauty Salons and the means of inner beauty and purity

Posted on August 5, 2024 by Laiq Ahmed Atif

Posted in Ahmadiyya Malta | Tagged Ahmadiyya Malta, F Living Show, inner beauty, inner purification, Islam, Karl Bonaci, Malta, Quran | Leave a comment

The Best Influencers

Posted on August 4, 2024 by Laiq Ahmed Atif

L-AQWA INFLUENCERS

It-Torċa, 04.08.2024 | IMAM Laiq Ahmed Atif, President Ahmadiyya Malta

Fid-dinja kummerċjalizzata li dejjem tikber fil-materjaliżmu u l-konsumiżmu nsibu ħafna modi ta’ reklami fosthom hemm ħafna influencers li xogħolhom huwa li jinfluwenzaw lin-nies biex jixtru ċerti prodotti.

Hemm influencers li jitkellmu fuq ċerti suġġetti biex jinfluwenzaw in-nies dwar dawk is-suġġetti. Ħafna minnhom huma ċelebritajiet u nies famużi.

Hemm ukoll nies li jitkellmu kontra r-reliġjon u l-ispiritwalità; hemm dawk li jippromwovu l-ateiżmu u l-umaniżmu. Illum il-ġurnata d-dinja saret villaġġ globali u, meta ngħixu f’dinja moderna u inklużiva, ma’ nies ta’ ħsibijiet u fehmiet differenti, niġu influwenzati minnhom.

Dawn l-influwenzi soċjali jinkludu l-influwenza tal-ħbieb u relazzjonijiet oħra, sħabi tal-logħob, għalliema, istituzzjonijiet soċjali u drawwiet.

Parir mill-aqwa

Illum il-ġurnata minħabba l-midja soċjali t-tfal u ż-żgħażagħ tagħna jisimgħu lil dawk l-influencers u jiġu affettwati mill-parir jew kelma tagħhom.

Iżda huma jinsew li l-aqwa u l-akbar influencers jinsabu fi djarhom, il-ġenituri. Li mhux biss għandhom l-għarfien, l-esperjenza, iżda fuq kollox, l-imħabba, il-kompassjoni bla kundizzjoni u l-ħniena bla limiti.

Huma mhux biss ikbar minnhom, iżda, demmhom. Jafu s-sitwazzjoni, iċ-ċirkostanzi u l-pożizzjoni tagħhom, aħjar u aktar minn ħaddieħor, għalhekk, il-parir li jistgħu jagħtu lil uliedhom huwa l-aħjar u bla paragun.

Għalhekk, nappella liż-żgħażagħ tagħna li minflok jaraw ’l hawn u ’l hemm, minflok ifittxu parir mingħand ħaddieħor, ipoġġu mal-ġenituri tagħhom, jitkellmu magħhom fid-dettall, jiftħu qalbhom magħhom, sabiex isibu parir mill-aqwa.

L-imħabba u r-rispett reċiproku

Dawn ir-relazzjonijiet tal-imħabba u r-rispett għandhom ikunu reċiproċi; mill-ġenituri lejn it-tfal, u mit-tfal lejn il-ġenituri. Għax meta hemm l-imħabba u r-rispett miż-żewġ naħat, ir-relazzjonijiet isiru b’saħħithom u fit-tul, u anke produttivi ħafna.

Nixtieq nikteb kelmtejn dwar din ir-relazzjoni. Dwar il-mogħdrija maż-żgħażagħ u r-rikonoxximent tad-drittijiet tal-anzjani, il-Qaddis Profeta Muħammad, is-sliem għalih, qal:

“Wieħed li m’għandux mogħdrija għaż-żgħażagħ tagħna u ma jagħrafx id-drittijiet tal-anzjani u l-kbar tagħna mhuwiex wieħed minna (jiġġifieri, mhuwiex fidil tajjeb).”

F’dan il-kliem għaqli hemm messaġġ li, sakemm soċjetà tibqa’ meqjusa, attenta, devota u riflessiva lejn iż-żgħażagħ u l-anzjani, qatt ma tonqos u dejjem tirnexxi, dejjem tibqa’ fil-paċi u s-serenità, dejjem tiżdied u tibbenefika minn valuri u virtujiet morali u prosperità.

Kulħadd huwa responsabbli

Il-Profeta Muħammad ippreżenta punt ieħor, prinċipju tad-deheb, u enfasizza li kulħadd huwa responsabbli għal mod jew ieħor, għalhekk, għandna biex inwettqu d-doveri tagħna u dejjem inkunu responsabbli.

Huwa qal: “Kull wieħed minnkom huwa ħakkiem u jkun responsabbli fir-rigward tas-sudditi tiegħu.”

Il-ġenituri huma wkoll responsabbli mit-tfal tagħhom, għalhekk, għandhom dmir biex ikunu mill-aqwa influencers ta’ wliedhom.

Parir ieħor li ta huwa li l-ġenituri għandhom jgħallmu l-morali tajba lil uliedhom; u qal li, “Irrispettaw lil uliedkom u kkultivaw fihom l-aħjar morali u manjieri.”

Il-gwida fl-era diġitali

Għalhekk, huwa ferm importanti li t-tfal dejjem iqisu l-ġenituri tagħhom bħala l-aqwa influencers, u min-naħa tagħhom il-ġenituri għandhom jagħmlu minn kollox li hu possibbli biex jiggwidaw lit-tfal tagħhom f’din l-era diġitali. Għax it-tfal u ż-żgħażagħ jużaw ħafna l-apparati diġitali u l-midja soċjali.

Il-ġenituri għandhom jissalvagwardjaw lil uliedhom mill-influwenza negattiva tal-midja soċjali u influencers differenti li jinfluwenzawhom b’mod materjalistiku biss.

Għalhekk, il-ġenituri għandhom u dan huwa dmirhom li jagħtu ħin biżżejjed—ħin ta’ kwalità— u kumpanija tajba u xierqa lil uliedhom.

It-tfal m’għandhomx ikunu qed jaraw programmi li jista’ jkollhom impatt negattiv fuq it-trobbija tagħhom. Il-ġenituri għandhom jimmonitorjaw il-programmi li wliedhom jaraw u jikkomunikaw limiti ċari.

Jitkellmu ma’ wliedhom regolarment fuq kull suġġett u anke dwar dak li qed jiġri fid-dinja sabiex jifformaw l-opinjoni tagħhom b’mod tajjeb ibbażat fuq informazzjoni, riċerka, għarfien u diskussjoni.

Kun ħabibhom

Il-ġenituri għandhom jispjegaw ukoll l-effetti negattivi u ħżiena li wieħed jista’ jkollu meta jiġi influwenzat mill-oħrajn u meta m’għandux l-abbiltà li jista’ jiddistingwi bejn it-tajjeb u l-ħażin.

Il-Mexxej tal-Komunità Ahmadiyya ta parir tajjeb ħafna lill-ġenituri f’dan ir-rigward u qal li, “Ġegħelhom jifhmu. Kun ħabibhom, u jifhmu. Imma, l-aktar importanti, itolbu biex Alla jipproteġihom mill-effetti ta’ ħsara.”

Huwa enfasizza li l-ġenituri għandhom imexxu b’eżempji pożittivi, għax, jekk ma jipprattikawx dak li jgħallmu lil uliedhom, allura ma jkollhomx impatt fuq uliedhom. Għalhekk, huwa essenzjali li tikkunsidra kif se tagħmel impatt pożittiv fuq il-ġenerazzjoni futura tiegħek.

Għandhom isiru paċenzjużi, umli u qalbhom tajba għax modi umli u ġentili jwasslu għal influwenza dejjiema.

Edukazzjoni, taħriġ u influwenzar

Il-ġenituri jistgħu jedukaw, iħarrġu u jinfluwenzaw lil uliedhom b’mod pożittiv bl-imħabba, l-affezzjoni, il-kompassjoni, l-għerf u bl-għaqal; jirrikonoxxu bil-paċenzja n-nuqqasijiet tagħhom filwaqt li juru tolleranza.

Jekk twettaq dawn id-dmirijiet kollha b’intenzjoni tajba, allura Alla l-Ħanin li Jista’ Kollox se jieħu ħsieb il-bqija, u jindirizza kwistjonijiet u bżonnijiet oħra li jinqalgħu, u jipproteġihom mill-effetti ta’ ħsara.

Mulej tagħna, ipproteġi lil uliedna minn kull effett negattiv u agħmilhom assi għall-umanità u dawk li dejjem jixtiequ l-ġid u l-benesseri tal-bnedmin kollha. Ammen.

Posted in Ahmadiyya Malta, Ahmadiyya: The True Islam | Tagged Ahmadiyya Malta, Best Influencers, Edukazzjoni, era diġitali, Influencers, Islam, L-AQWA INFLUENCERS, L-imħabba, Malta, Parents, Quran, Youth, Youth Empowerment | Leave a comment

Good intentions and the sincerity of heart

Posted on July 28, 2024 by Laiq Ahmed Atif

INTENZJONIJIET TAJBA U SINĊERITÀ TAL-QALB

It-Torċa, 28.07.2024 | IMAM Laiq Ahmed Atif — amjmalta@gmail.com

Il-ħajja umana hija mimlija sfidi u suċċessi, dlam u dwal, tlugħ u nżul, rebħiet u telfiet, kif ukoll għemejjel tajba u ħżiena. Kif jgħidu li, għal kull azzjoni hemm reazzjoni ugwali u opposta; jew kull azzjoni għandha l-konsegwenzi tagħha. Bl-istess mod, meta l-bniedem jagħmel xi ħaġa hemm żgur ħsieb warajha.

Il-moħħ u l-qalb tal-bniedem jippjanaw l-affarijiet, huma jfasslu l-pjan tal-bniedem u l-partijiet l-oħra tal-ġisem iwettqu u jimplimentaw dawk il-pjanijiet. Għalhekk, ħafna drabi nisimgħu din il-frażi li ‘l-moħħ wara ċertu pjan’, dan ifisser ukoll li hemm dejjem xi ħsieb u motiv wara kull għemil tal-bnedmin.

Dak il-ħsieb, l-iskop u r-raġuni huwa wkoll importanti, anzi, huwa ferm iktar importanti minn dak l-għemil innifsu, għax, dak l-għan, ir-raġuni u r-rationale jiddeskrivi t-tifsira u l-filosofija vera ta’ dak l-azzjoni u għemil.

Intenzjonijiet u għemejjel

Għalhekk, il-Qaddis Profeta Muħammad, is-sliem għalih, jispjega li l-azzjonijiet jiġu ppremjati skont il-motivi warajhom. Huwa qal: “Tassew l-għemejjel huma ġġudikati bl-intenzjonijiet u għal kulħadd huwa premju, skont l-intenzjoni tiegħu.”

Dan il-kliem preċiż u profond jitfa’ dawl bażiku fuq il-filosofija tal-atti umani. Huwa minnu li għalkemm ħafna drabi anke l-qrati ma jiddeċidux fuq ir-reati li seħħew, imma, huma jidħlu fid-dettall biex isibu x’kien l-iskop u l-ħsieb wara dawk ir-reati, sabiex jiddeterminaw il-verità kollha.

Alla li Jaf kollox anke dak li hemm fil-moħħ u fil-qalb tal-bniedem jiġġudika l-għemejjel tagħna bl-intenzjonijiet warajhom.

L-atti tajbin huma taʼ ħafna tipi

Jekk nitkellmu dwar l-għemejjel tajba, huwa evidenti li l-atti li jidhru tajbin huma taʼ ħafna tipi. Xi atti jsiru bil-qawwa tad-drawwa għax il-bniedem baqa’ jagħmilhom għal tul ta’ snin, xi wħud imitazzjoni ta’ nies oħra għax il-bniedem jitgħallem u jikkopja n-nies ta’ madwaru, u madankollu xi wħud għall-wiri u r-reklami għax xi drabi l-bniedem jixtieq li juri lill-oħrajn dak li jagħmel.

Iżda, skont il-kliem t’hawn fuq tal-Qaddis Profeta Muħammad, dawn l-għemejjel kollha huma bla riżultat u ma għandhom l-ebda piż fil-bilanċ ta’ Alla; u li l-għemejjel korretti u tajba huma dawk li jsiru b’intenzjoni vera u b’moħħ sinċier. Għemil bħal dan huwa dak li jistħoqqlu premju veru mingħand Alla.

Il-verità hija li, sakemm il-qalb tal-bniedem u lsienu u riġlejh, jiġifieri, idejn, saqajn u partijiet oħra, ma jkunux qed jaħdmu f’armonija fit-twettiq ta’ att partikolari, att bħal dan m’għandux valur.

Motiv veru f’moħħu, xhieda bil-fomm ta’ din is-safa tal-motiv, u jdejn u saqajn li jagħtu xhieda prattika ta’ din l-onestà ta’ skop, jagħmlu att li jistħoqqlu li jiġi aċċettat.

Ipokrisija, verità u sinċerità

Jekk persuna tkun nieqsa mill-verità u s-sinċerità tal-iskop u r-raġuni, hija mhi xejn ħlief ipokrita. Jekk ilsienha ma juri l-ebda xhieda tas-sentiment ta’ ġewwa tagħha, hija tkun kodarda. U jekk idejha u saqajha ma jaġixxux f’armonija mal-iskop iddikjarat tagħha, hija ma tistax tagħmel xogħolha kif suppost. Għemil veru, għalhekk, huwa wieħed li huwa mmexxi minn motiv u objettiv veru.

Bl-onestà tal-iskop, bniedem jista’ jagħmel l-għemejjel tiegħu li jistgħu jidhru għad-dinja bħala virtujiet superjuri ta’ karattru reliġjuż, ta’ valuri għolja u bla prezz.

Tpoġġi l-ikel f’fomm il-mara

Eżempju eċċellenti ta’ dan huwa kif il-Qaddis Profeta Muħammad jgħid f’dan ir-rigward li, jekk raġel ipoġġi biċċa ikel f’fomm martu għax hija r-rieda ta’ Alla li jipprovdi l-għajxien lil martu u jara l-faraġ tagħha, dan l-att tiegħu għalhekk żgur ikun ittrattat, fil-preżenza ta’ Alla, bħala att ta’ tjubija kbira, bħala għemil mill-aqwa.

X’kien dak, li għamel differenza kbira? X’inhu l-messaġġ moħbi li nistgħu nitgħallmu minnu? Il-messaġġ bażiku huwa li, “l-intenzjonijiet tagħna” jagħmlu differenza kbira f’kwalunkwe xogħol li nagħmlu.

Barra minn hekk, dan ifisser li jekk il-bniedem jagħmel xi ħaġa tajba, iżda, b’intenzjoni ħażina, dak ma jiswa xejn quddiem il-Mulej. Alla jgħid fil-Koran Imqaddes li, anke t-talb b’intenzjoni mhux tajba m’għandu l-ebda valur. Huwa jgħid: Allura l-mewt tkun fuq dawk ukoll li jippretendu li jitolbu. Dawk li ma jagħtux kas it-talb tagħhom. Dawk li jitolbu biss biex jidhru man-nies; u jagħmlu kollox għal għajnejn in-nies u għat-tifħir min-nies. (107:5-7)

Ġisem bla ruħ, qoxra bla sustanza

It-talb jirrappreżenta d-dmirijiet u l-obbligi li għandna lejn Alla. Il-versi jipprovaw jgħidu li t-talb b’mod ipokritu ta’ dawk li jagħmlu biss biex jidhru ġusti f’għajnejn in-nies, u li ma jaqdux l-obbligi li għandhom lejn il-ħlejjaq ta’ Alla huwa ġisem bla ruħ, qoxra bla sustanza. L-azzjonijiet kollha tagħhom huma ipokriti li, flok jagħmlulhom xi ġid, iżidu l-ipokresija u l-insinċerità tagħhom.

Dawn il-versi t’hawn fuq jħallu l-bniedem bla kliem. Kemm huwa importanti, anzi importantissimu, li dak li nagħmlu, nagħmluh b’qalb tajba u b’intenzjoni safja u pura, u bl-akbar sinċerità.

Lupu u serp

Il-Fundatur tal-Komunità Ahmadiyya jispjega dan iktar u jgħid li: “Kunu ġenerużi u qalbkom tajba mal-umanità kollha. Kunu umli fl-ispirtu, kunu ġenerużi u ġentili, u aħfru, uru simpatija lejn kulħadd u awguraw lil kulħadd, ħalli tkunu aċċettati.

Hemm ħafna li jippretendu li huma qalbhom tajba, ġentili u li jaħfru lil għajrhom, iżda minn ġewwa huma lpup; hemm ħafna li minn barra jidhru safja, imma f’qalbhom huma sriep. Ma tistgħux tiġu aċċettati fil-preżenza tal-Mulej jekk m’intomx safja, kemm minn ġewwa kif ukoll minn barra.”

Posted in Ahmadiyya Malta, Ahmadiyya: The True Islam | Tagged Ahmadiyya Malta, Good intentions, Good intentions and the sincerity of heart, intenzjonijiet tajba, Islam, Lupu, Malta, Maltese, Qalb, qoxra bla sustanza, Quran, sincerity of heart, sinċerità tal-qalb, Torca, ġisem bla ruħ | Leave a comment

Beauty Salons and the Means of Spiritual Beauty

Posted on July 21, 2024 by Laiq Ahmed Atif

BEAUTY SALONS U L-MEZZI TA’ SBUĦIJA SPIRITWALI

It-Torċa, 21.07.2024 |Laiq Ahmed Atif – amjmalta@gmail.com

F’pajjiżna u anke madwar id-dinja kollha nsibu ħafna ħwienet li jissejħu ‘Beauty Salons’. Qatt ma dħalt f’xi salon ta’ sbuħija f’ħajti kollha, iżda, nifhem li huma ħwienet fejn jipprovdu ħafna servizzi biex persuna tidher eleganti u preżentabbli.

Illum nixtieq nieħu lill-qarrejja tiegħi lejn tip ieħor ta’ ‘Beauty Salons’ jew ‘ċentri ta’ sbuħija’, li wkoll jemmnu fis-sbuħija ta’ barra ta’ persuna, iżda aktar importanti jipprovdu servizzi għall-ġewwieni, għas-sbuħija ta’ ġewwa ta’ persuna.

Alla huwa ġmiel

Nixtieq niġbed l-attenzjoni tal-qarrejja tiegħi lejn id-Djar ta’ Alla l-Ħanin—il-postijiet tat-Talb u l-Qima, u lejn ir-reliġjon—il-Kelma ta’ Alla li Jaf Kollox, fejn prodotti u mezzi oħra ta’ sbuħija spiritwali huma disponibbli għal kulħadd; fejn jissemma Alla u jinstabu l-materjali kollha ta’ tindif ta’ ġewwa u sbuħija spiritwali.

L-ewwel u qabel kollox nixtieq nispjega li m’hemm xejn ħażin filli l-bniedem jipprova jkun sabiħ minn barra, anzi, huwa importanti, għalhekk, m’għandix ninftiehem ħażin. Il-Qaddis Profeta Muħammad, is-sliem għalih, qal: “Alla huwa ġmiel u jħobb is-sbuħija.”

L-indafa fiżika taffettwa t-tindif ta’ ġewwa

Barra minn hekk, l-Iżlam bħala reliġjon jenfasizza ħafna fuq l-indafa u s-sbuħija li l-bniedem għandhom dejjem iżommuh nadif u diċenti. Skont it-twemmin Iżlamiku, il-kundizzjoni tal-ġisem taffettwa l-moħħ, u l-indafa fiżika hija essenzjali għall-benesseri spiritwali. Alla jgħid fil-Koran Imqaddes biex naħslu ġisimna u nieħdu ħsieb tal-indafa tagħna u jgħid li dan mhuwiex kontra l-bniedem imma għall-ġid tagħna stess.

“Alla ma jridx idejjaqkom, iżda jrid isaffikom u jippurifikakom u jġib il-milja tal-grazzja Tiegħu fuqkom biex forsi tiżżu ħajr.” (5:7)

“Tabilħaqq, Alla jħobb lil dawk li jduru Lejh [bi ndiema] u jħobb lil dawk li jżommu lilhom infushom indaf u safja.” (2:223)

Is-salvazzjoni u l-purifikazzjoni ta’ ġewwa

It-tħassib hawnhekk huwa għall-purifikazzjoni tal-moħħ u r-ruħ, u l-Iżlam jenfasizza li l-purità esterna twassal għal purità interna, bħalma l-impurità esterna twassal għal impurità interna.

Il-purifikazzjoni tar-ruħ u l-moħħ tiddependi fuq il-purifikazzjoni tal-ġisem. Jekk il-bniedem mhuwiex nadif minn barra allura ma jistax ikun nadif minn ġewwa.

Is-salvazzjoni u l-purifikazzjoni ta’ ġewwa hija marbuta mal-purifikazzjoni ta’ barra u viċiversa; jekk barra mhux safi u pur allura ma jistax ikollu ruħu u qalbu nodfa, u jekk ruħu mhijiex safja allura ma jistax jikseb is-salvazzjoni vera.

Fil-qosor, kemm in-naħa ta’ ġewwa kif ukoll ta’ barra ta’ persuna huma marbuta ma’ xulxin u ma jistgħux jiġu separati minn xulxin.

Il-pudur u l-imġiba tajba

Għalhekk, jekk iżżomm l-indafa ta’ barra, tkun qed tipprepara lilek innifsek għall-purifikazzjoni ta’ ġewwa. Moħħ pur f’ġisem pur huwa l-għan ta’ fidil.

Il-Qaddis Profeta Muħammad, is-sliem għalih, qal: “L-indeċenza tagħmel lil min iwettaqha diżastruż u mhux attraenti; u l-pudur u l-imġiba tajba tagħti lil persuna modesta, sbuħija minn ġewwa u minn barra, u tagħmilha sabiħa.”

L-ilbies tat-tieba u l-ġustizzja

Alla li Jista’ Kollox fil-Koran Imqaddes identifika t-tieba bħala lbies. Din hija indikazzjoni li s-sbuħija spiritwali u l-ornament spiritwali jinkisbu permezz tat-tieba. Dan ifisser li wieħed irid joqgħod attent anke fl-iżgħar dettalji tat-tagħlim u l-kmandamenti dwar Alla kif ukoll dwar l-umanità, sa fejn ikun possibbli.

Għalhekk, Alla l-Ħanin jiġbed l-attenzjoni tagħna lejn is-sbuħija ta’ ġewwa. Alla jgħid fil-Koran Imqaddes: “Ja wlied Adam! Tabilħaqq niżżilnielkom ilbies jostor l-għera tagħkom, u biex ikunu l-ilbies sbieħ (mezzi ta’ sbuħija u eleganza). Iżda l-ilbies tal-ġustizzja, is-safa u l-imħabba ta’ Alla — dak huwa l-aħjar.” (7:27)

Għera morali u spiritwali

Il-kliem, l-ilbies tat-tieba, jispjega s-sinifikat reali tal-kliem ‘libsa eleganti’. Jiġifieri, l-ilbies tal- pjetà huwa, fil-fatt, l-ilbies tassew fin għall-bniedem. Ilbies ordinarju jkopri l-għera fiżika tagħna, filwaqt li l-ilbies tal-pjetà u s-safa jkopri l-għera spiritwali u morali tagħna.

Il-vers ifakkarna b’mod sabiħ li meta nqisu li hu tant meħtieġ li jkollna l-ilbies tajjeb biex jgħatti l-għera fiżika tagħna u nużaw libsa eleganti biex nidhru grazzjużi, għandna iktar u iktar inkunu anzjużi li nkopru l-għera morali u spiritwali tagħna, li tista’ ssir biss bit-talb u billi nitolbu l-maħfra u l-ħniena ta’ Alla.

Nimxu fit-toroq kollha tal-pjetà u s-safa

Id-dmir spiritwali tal-bniedem hu li jimxi fit-toroq kollha tal-ġustizzja, il-pjetà u s-safa. Huma l-karatteristiċi attraenti tas-sbuħija spiritwali.

Huwa ovvju li wieħed dejjem iżomm frisk u ħaj f’moħħu l-fidi u l-imħabba ta’ Alla li Jista’ Kollox, u jwettaq il-kmandamenti kollha tal-fidi, u jħaddem il-fakultajiet u r-riġlejn kollha kemm dawk li jidhru, bħall-għajnejn, il-widnejn, l-idejn, is-saqajn u oħrajn bħalhom, u dawk li huma inviżibbli, bħall-moħħ u l-qalb u fakultajiet u kwalitajiet oħra, fl-okkażjonijiet xierqa tagħhom u li jżommuhom milli jidħlu fl-azzjoni f’okkażjonijiet mhux xierqa, u li jkunu mwissija kontra l-attakki ħorox tal-ħażen u li jkunu konxji tad-drittijiet ta’ bnedmin oħra huwa l-mod kif wieħed jipperfezzjona s-sbuħija spiritwali tiegħu.

Posted in Ahmadiyya Malta | Tagged Ahmadiyya Malta, Beauty, Beauty Salons, Għera morali u spiritwali, Id-Dawl, Imam Malta, Islam, L-ilbies tat-tieba u l-ġustizzja, l-imġiba tajba, L-indafa, Malta, Maltese, Quran, salvazzjoni, Spiritual Beauty, Torca, Toroq tal-pjetà u s-safa | Leave a comment

A society free from the scourge of drugs!

Posted on July 17, 2024 by Laiq Ahmed Atif

Soċjetà ħielsa mill-pjaga tad-droga!

In-Nazzjon, 17.07.2024 | IMAM Laiq Ahmed Atif — amjmalta@gmail.com

Il-ħajja hija mimlja sfidi. Iżda, meta hemm rieda soda, determinazzjoni u kuraġġ, il-bniedem jista’ jbiddel dawn l-isfidi f’suċċessi. Is-suċċess jiddependi fuq id-deċiżjoni tal-bniedem li ‘iva, nista’ nagħmel’, u l-vjaġġ jibda meta l-bniedem jiddeċiedi li jixtieq jasal xi mkien. Jiġifieri, is-sigriet tas-suċċess huwa li tibda, għax, kollox jibda b’deċiżjoni soda. Nemmen bis-sħiħ li, jekk temmen, tista’ tikseb.

Bi pjaċir kelli l-opportunità li nattendi ċ-ċerimonja tal-gradwazzjoni ta’ 9 residenti li lestew b’suċċess il-programm ta’ riabilitazzjoni mid-droga, organizzata minn Caritas Malta, bit-tema ‘Sfidi u Suċċess’.

Xejn ħlief dlam ċappa

Matul din iċ-ċerimonja smajna xi stejjer ta’ nies li ffaċċjaw dawn l-isfidi b’kuraġġ u determinazzjoni u ħarġu minnhom b’suċċess. Uħud mill-aktar messaġġi b’saħħithom li kulħadd enfasizza kienu li, jekk nista’ jien, tista’ wkoll tirbaħ din l-isfida; kulħadd kapaċi li jagħmilha; diffiċli, imma mhux impossibbli.

Bla dubju ta’ xejn ‘where there is a will, there is a way’.

Huma appellaw ripetutament li, id-drogi jagħmlu ħsara u ħsara biss. Il-ħajja tal-vizzji mhi xejn ħlief dlam, u dlam ċappa. Għalhekk ibqgħu ħafna ’l bogħod minnhom u dejjem għożżu l-ħajja.

Dawk l-istejjer huma wkoll lezzjoni għal dawk kollha li b’mod jew ieħor qed jaffaċċjaw xi sfidi f’ħajjithom li meta wieħed jagħmel l-isforz kollu biex isib xi soluzzjoni, minflok li jibża’ mill-isfidi, żgur isib it-triq.

L-aqwa kwalitajiet

Determinazzjoni, kuraġġ u rieda qawwija huma karatteristiċi bżonjużi u importanti meta wieħed jixtieq jirbaħ xi sfida f’ħajtu. Il-Koran Imqaddes ukoll jitkellem b’mod tajjeb dwarhom u jgħid: “Intom li temmnu, fittxu l-għajnuna ta’ Alla fis-sabar u fit-Talb; żgur li Alla jżomm ma’ dawk li huma sodi.” (2.154)

“Tassew li se nittestjawkom b’xi biża’, u b’ġuħ, u b’nuqqas ta’ ġid, ħajjiet u frott. Agħti l-bxara t-tajba lil dawk li huma sodi u jistabru.” (2.156)

Il-Profeta Luqman li kien bniedem ta’ għerf għallem ukoll lil ibnu dwar dawn il-kwalitajiet u l-karatteristiċi u qal, “Ibni l-għażiż! Osserva t-Talb, amar it-tajjeb, ipprojbixxi l-ħażin, u ssaporti bis-sabar dak kollu li jiġrilek. Tabilħaqq li dawn (l-għemejjel) huma mill-aqwa kwalitajiet.” (31:18)

It-titjib tas-soċjetà

Smajna wkoll xi diskorsi importanti u ħarġu ħafna punti importanti li aħna bħala soċjetà għandna neżaminaw dawn is-sitwazzjonijiet u nippruvaw nieħdu passi neċessarji għat-titjib tas-soċjetà, sabiex is-soċjetà tagħna u l-pajjiż maħbub tagħna jkunu ħielsa mill-pjaga tad-droga.

Sfortunatament is-sitwazzjoni tal-vizzji hija realtà tal-biki, u naraw li din il-kultura tal-ħaxixa jew drogi oħra qed tiżdied. Hemm xi drogi li huma legali f’pajjiżna bħall-kannabis li n-nies jużawhom u jgħidu li ma jagħmlu xejn illegali.

Għandna biex nifhmu li, affarjiet permissibbli mhumiex obbligatorji. Jekk il-kannabis hija legali dan ma jfissirx li kull ċittadin għandu l-obbligu li jieħu l-kannabis. Għalhekk, għall-ġid tagħna, tal-familji tagħna u tan-nazzjon kollu huwa ferm aħjar li nżommu ħafna ’l bogħod minn kull tip ta’ drogi inkluż il-kannabis. Huwa ferm għaqli li l-bniedem jissagrifika xi ħaġa żgħira għall-ġid komuni.

Permissibbli, iżda, mhux obbligatorju

Fl-aħħar seklu fl-Indja l-baqra kienet il-kawża tal-kunflitt bejn il-Ħindu u l-Musulmani. Il-Ħindu jqisu l-baqra bħala sagra u jżommuha fi stima kbira, huma ma jiklux il-laħam tal-baqra, u l-qatla tal-baqra hija meqjusa bħala insult u dnub. Iżda l-laħam tal-baqra hija permissibbli għall-Musulmani. Meta l-Musulmani kienu joqtlu l-baqra għal-laħam, bi tweġiba, il-Ħindu kienu jużaw kliem malafamanti kontra l-Iżlam u l-Fundatur tal-Iżlam. Minħabba dan kien hemm tensjoni bejn il-Musulmani u l-Ħindu, li kienet qed teqred il-paċi tas-soċjetà.

F’dawn iċ-ċirkostanzi, il-Fundatur tal-Komunità Ahmadiyya Musulmana stieden lill-Musulmani u l-Ħindu biex jistabbilixxu l-paċi, u ssuġġerixxa li l-Musulmani jastjenu mil-laħam tal-baqra minħabba konsiderazzjoni għas-sentimenti reliġjużi tal-Ħindu (billi mhux kull mhu permissibbli huwa obbligatorju), u waqt li jżommu f’moħħhom is-sentimenti reliġjużi tal-Musulmani, il-Ħindu għandhom iwaqqfu t-taħdit infjammatorju kontra l-Iżlam.

F’ġieħ nazzjonali u għall-ġid komuni

Huwa enfasizza fuq il-fatt li, għalkemm, il-laħam tal-baqra huwa permissibbli fl-Iżlam, iżda f’ġieħ kawża akbar —il-paċi nazzjonali— aħna l-Musulmani nistgħu nieqfu noqtlu l-baqra, għax, huwa permissibbli, iżda mhux obbligatorju.

Nemmen li dan l-eżempju brillanti għandu jkun biżżejjed għal min juża ċertu drogi u jippreżenta l-argument li, ‘huwa permissibbli u huma mhuma jagħmlu xejn illegali’.

F’ġieħ nazzjonali u għall-ġid komuni u b’għaqal u razzjonalità, ejjew inwarrbu kull droga mis-soċjetajiet tagħna li tista’ tagħmel xi ħsara u tista’ tkisser ħajjet il-bniedem u l-familji tagħna.

X’prezz tixtieq tħallas?

Għax dan mhux prezz kbir meta mqabbel mal-prezz li wieħed irid iħallas meta s-saħħa tagħhom tiddgħajjef jew il-ħajja tal-familja tagħhom tinqered u djarhom isiru vojt mill-paċi u s-serenità; jew il-familji tagħhom jitkissru, u meta t-tfal tagħhom ma jibqgħux igawdu l-imħabba u l-preżenza ta’ żewġ ġenituri.

Posted in Ahmadiyya Malta | Tagged Ahmadiyya Malta, Caritas Malta, Drogi, Drugs, Imam Malta, In-Nazzjon, Islam, Malta, Maltese, pjaga tad-droga, scourge of drugs | Leave a comment

Good treatment of neighbours

Posted on July 14, 2024 by Laiq Ahmed Atif

IT-TRATTAMENT TAJJEB TAL-ĠIRIEN

It-Torċa, 14.07.2024 | Laiq Ahmed Atif — amjmalta@gmail.com

Is-soċjetà tpoġġi fuqna ħafna obbligi waqt li ngħixu flimkien, u hemm ħafna doveri soċjali fuq spallejna li aħna mitluba li m’għandniex ninjorawhom imma rridu nonorawhom bis-sħiħ. Wieħed minn dawn id-dmirijiet huwa kif nittrattaw lill-ġirien tagħna u lin-nies li jgħixu magħna fil-komunitajiet u s-soċjetajiet tagħna.

L-Iżlam jenfasizza ħafna fuq dan sa tali punt li l-Qaddis Profeta Muħammad qal: “Nixhed f’isem Alla: Huwa ma jemminx! Nixhed f’isem Alla: Huwa ma jemminx! Nixhed f’isem Alla: Huwa ma jemminx!” Sħabu staqsewh: “Min?” Qalilhom: “Dak li ġaru mhux imħares mill-ħażen tiegħu.”

Jiġifieri, jekk il-ġirien mhumiex fil-paċi minħabba xi ħadd allura dan ma jistax ikun fidil veru u ma jistax jippretendi li hu jemmen bis-sħiħ f’Alla l-Ħanin.

Sirna egoistiċi?

Iżda sfortunatament illum il-ġurnata ma nagħtux ħafna kas lil din il-virtù kif suppost, naħseb sirna egoistiċi li naħsbu għalina nfusna biss u ma noqogħdux inqisu jekk il-ġar tagħna huwiex skomdu minħabba ċerti affarijiet li nagħmlu.

Hemm possibbiltà li jkun hemm xi anzjani jew tfal fil-familja li tgħix ħdejna, għalhekk, huwa mhux importanti biss, anzi huwa obbligatorju u huwa dmirna li nkunu konxji għall-ħsibijiet u l-bżonnijiet ta’ dawk li jgħixu madwarna, fis-soċjetà tagħna.

Xi drabi nsibu li hemm storbju u xi nies jarmu l-ħmieġ quddiem id-dar tal-ġirien, xi drabi ma jnaddfux wara l-kelb tagħhom. Affarijiet żgħar iżda huma joħolqu ħafna inkonvenjenza għall-oħrajn.

Min huma l-ġirien?

Tqum hawn il-mistoqsija: Min hu l-ġar jew min huma l-ġirien? Tifsira waħda ta’ din il-kelma hija li dawk in-nies li jgħixu ħdejna huma l-ġirien, iżda, skont l-Iżlam, id-definizzjoni ta’ ġar għandha tifsira ferm usa’.

Il-Qaddis Profeta Muħammad, is-sliem għalih, stqarr li l-ġirien ta’ persuna mhumiex biss dawk li jgħixu fil-viċinanzi immedjati, iżda jinkludu mill-anqas l-eqreb erbgħin dar. Jiġifieri għandna nkunu konxji dwar il-konvenjenza ta’ kważi t-triq kollha fejn noqogħdu.

Aktar minn hekk, il-Koran Imqaddes jgħallem li l-ġirien ta’ persuna jinkludu l-kollegi ta’ fuq ix-xogħol u dawk li jivvjaġġaw magħha; anke sħabna fl-iskola jew l-università huma wkoll jiġu taħt it-tifsira ta’ ġar.

Fil-qosor, huwa d-dmir tagħna li nkunu konxji dwar il-konvenjenza ta’ dawk kollha li jgħixu fis-soċjetajiet tagħna u ma noħolqu ebda xkiel jew problema għalihom. Dan mhux biżżejjed, iżda, l-Iżlam jitlob mill-fidili li jieħdu pass ’il quddiem u jagħmlu ġid lill-ġirien tagħhom. Għax jekk ma noħolqux xkiel għal ħaddieħor dan mhux biżżejjed sakemm ikun segwit minn tjubija u atti ta’ qalb tajba.

Nieħdu ħsieb il-ġirien tagħna

Dan huwa valur mill-isbaħ li nieħdu ħsieb il-ġirien tagħna u nagħtuhom spalla fejn nistgħu u dejjem nibqgħu qrib xulxin fil-mumenti ta’ niket u ta’ ferħ. Il-Qaddis Profeta Muħammad kien jenfasizza sa tali punt li wieħed anke jaqsam l-ikel mal-ġar tiegħu; huwa qal: “Waqt li inti qed issajjar il-brodu għall-familja tiegħek, żid naqra aktar ilma ħalli jkun hemm biżżejjed għall-ġar tiegħek.”

Dan ma jfissirx li l-ġirien m’għandhomx jiġu mistiedna biex jaqsmu affarijiet oħra, iżda, minħabba li l-Għarab kienu poplu li jħobbu l-brodu, u l-brodu kien l-ikel favorit tagħhom, il-Qaddis Profeta Muħammad irrefera għal dan il-platt bħala wieħed tipiku u għallem li wieħed m’għandux jaħseb fuq it-togħma tal-ikel aktar milli jħoss l-obbligu li jaqsmu mal-ġar tiegħu.

Darba waħda, waqt li l-Profeta Muħammad kien qed jindirizza n-nisa, huwa qal: “Jekk xi ħadd isib biss sieq ta’ mogħża xi jsajjar, dik il-persuna xorta għandha taqsamha mal-ġirien tagħha.”

Inħarsu d-drittijiet tal-ġirien

L-Iżlam jenfasizza ħafna fuq id-drittijiet tal-ġirien u jamar lill-Musulmani biex ikunu konxji tal-ħtiġijiet tal-ġirien tagħhom. Pereżempju, f’kapitlu 4 vers 37 tal-Koran Imqaddes, wieħed isib kodiċi ta’ valuri morali li l-Musulmani jridu jadottaw u jsejsu ħajjithom fuqu u dan jurihom kif għandhom iġibu ruħhom ma’ membri oħra tas-soċjetà fosthom il-ġirien tagħhom.

Il-vers jiddikjara kategorikament li l-Musulmani jridu jħarsu d-drittijiet tal-ġirien tagħhom, kemm ta’ dawk li magħhom għandhom ħbiberiji personali u kemm ta’ dawk li m’għandhomx. L-issodisfar tad-drittijiet tal-ġirien ifisser li l-Musulmani jridu jittrattaw lill-ġirien tagħhom bi grazzja u kompassjoni u jkunu dejjem lesti biex jgħinuhom fil-waqt tal-ħtieġa u li jkunu ta’ spalla għalihom biex iwennsuhom fi żminijiet ta’ diqa. Ifisser li jridu jirrispettawhom u jqisuhom bl-akbar stima.

Ġirien twajba

Nixtieq nagħlaq bil-kliem mill-isbaħ li jmiss il-qalb tal-Qaddis Profeta Muħammad, is-sliem għalih, huwa qal: “Kull min jemmen f’Alla u f’Jum il-Ħaqq, ma għandux iweġġa’ lil ġaru, u kull min jemmen f’Alla u f’Jum il-Ħaqq, għandu jagħti ġieħ u jkun ġeneruż mal-mistiedna tiegħu, u kull min jemmen f’Alla u f’Jum il-Ħaqq, għandu jgħid biss dak li hu tajjeb, inkella jiskot.”

Posted in Ahmadiyya Malta, Ahmadiyya: The True Islam | Tagged Ahmadiyya Malta, Good Neighbours, il-ġirien, Imam, Islam, It-Torċa, It-trattament tajjeb tal-ġirien, Malta, Min huma l-ġirien?, Neighbourhood, Sirna egoistiċi?, Ġirien twajba | Leave a comment

Health — A True Wealth

Posted on July 7, 2024 by Laiq Ahmed Atif

RIKKEZZA TA’ VERA

It-Torċa, 07.07.2024 | IMAM Laiq Ahmed Atif — amjmalta@gmail.com

Is-saħħa tajba hija rigal prezzjuż, grazzja kbira u barka mill-aqwa mingħand Alla l-Ħanin u l-Grazzjuż. Jgħidu li, jekk hemm is-saħħa, hemm id-dinja kollha; jekk m’hemmx is-saħħa, m’hemm xejn. Il-frażi popolari ‘is-saħħa hija għana’ turi biċ-ċar il-fatt li bħala individwi aħna għandna tendenza li nqisu s-saħħa bħala waħda mill-aktar affarijiet importanti u prezzjużi. Huwa minnu li s-saħħa hija rikkezza ta’ vera.

Il-Qaddis Profeta Muħammad, is-sliem għalih, kien stqarr li hemm żewġ barkiet mingħand Alla li l-bniedem ma tantx jagħti kashom. L-ewwel hija s-saħħa u t-tieni hija l-ħin ħieles. Huwa qal: “Ħafna nies jitfgħu fuqhom it-telfien ta’ żewġ għotjiet divini: is-saħħa sana u l-ħin ħieles.”

Is-saħħa hija għana

Dan il-kliem għaqli jiġbdilna l-attenzjoni li rridu nkunu konxji mis-saħħa u l-ħin tagħna. Il-għaliex, minħabba li għandna ġisem wieħed u ħajja waħda, aktar għandna nieħdu ħsiebhom sewwa u ngħożżuhom daqs l-aqwa ħwejjeġ favoriti tagħna. Uħud mill-aktar fatturi importanti biex nibqgħu b’saħħitna jiddependu ħafna minn dak kollu li nieklu, l-istil ta’ ħajja tagħna u li nkunu attivi.

Ħafna drabi ma nagħtux kas lil saħħitna u ‘we take it for granted’, iżda l-valur tas-saħħa joħroġ fid-dieher l-aktar meta wieħed jimrad. Meta wieħed jimrad, anke jekk għandu d-deni biss, imbagħad iħoss kemm is-saħħa hija importanti u li mingħajrha ma nistgħu nagħmlu xejn; ma nistgħux niċċaqalqu u nimxu faċilment, ma nistgħux induqu l-ikel kif suppost, ma nistgħux nieklu jew ingawdu saħansitra l-aktar ikel delizzjuż.

Fidil b’saħħtu huwa aħjar

Il-Qaddis Profeta Muħammad, is-sliem għalih, kien qal: “Fidil b’saħħtu huwa aħjar minn fidil dgħajjef (fiżikament).” Dan ifisser li l-fidil b’saħħtu jista’ jagħmel ħafna ġid għalih innifsu, għal familtu u għas-soċjetà. Meta għandu s-saħħa huwa jista’ jagħmel ħafna xogħol ta’ karità, jista’ jgħin lil dawk li huma fil-bżonn, jista’ jservi lill-umanità bl-abbiltajiet u l-kapaċitajiet kollha tiegħu. Fuq kollox jista’ jqum quddiem Alla regolarment mingħajr ebda diffikultà. Għalhekk, huwa dejjem enfasizza li l-fidili għandhom jieħdu ħsieb ta’ saħħithom.

Għalhekk huwa importanti li dejjem ngħożżu saħħitna u dejjem nibżgħu għaliha. Nagħmlu ħilitna kollha, u rridu nagħtu kuljum ftit ħin għalina nfusna biex inżommu ruħna tajbin u b’saħħitna.

Kif wieħed iħossu b’saħħtu?

L-intellettwali sejsu xi prinċipji biex wieħed iħossu b’saħħtu. L-indafa, il-prevenzjoni, il-moderazzjoni, l-eżerċizzju, id-dixxiplina u l-attenzjoni kollha jistgħu jtejbu s-saħħa umana.

Is-saħħa tal-intelliġenza, tal-kariżma, tal-grazzja u tad-dehen ukoll tiddependi fuq is-saħħa fiżika tal-ġisem. Biex wieħed jaffaċċja l-isfidi ta’ xogħol iebes, ta’ riżultati sodisfaċenti u ta’ responsabbiltajiet ta’ obbligazzjonijiet reliġjużi, hemm bżonn bażi soda ta’ saħħa fiżika tajba.

Moħħ b’saħħtu f’ġisem b’saħħtu

Barra minn hekk, is-saħħa mentali hija wkoll marbuta mill-qrib mas-saħħa fiżika. Bħalma qawl Għarbi jgħid b’mod sabiħ: “Ġisem b’saħħtu fih moħħ b’saħħtu.” Għalhekk, huwa r-responsabbiltà tagħna li nipprijoritizzaw il-ħajja b’saħħitha u l-parteċipazzjoni fl-isports u l-eżerċizzju regolari. Il-fitness fiżika tiffaċilita l-funzjoni aħjar tal-moħħ u tal-abbiltajiet kollha tal-bniedem, u ttejjeb il-kapaċità li wieħed iwettaq ir-responsabbiltajiet b’mod effettiv, seren u bl-aħjar mod.

Nafu b’mod tajjeb wisq u din hija r-realtà li l-obeżità tiżdied b’rata mgħaġġla ħafna f’pajjiżna u anke madwar id-dinja. B’mod allarmanti l-obeżità mhix biss fl-adulti iżda wkoll fit-tfal. It-tfal ta’ età żgħira huma wkoll jimirdu minn din l-epidemija allarmanti li hija verament xokkanti ħafna.

Kawżi tal-obeżità

It-tobba jgħidu li piż żejjed, obeżità, u inattività fiżika huma l-akbar kawżi fost oħrajn li jwasslu għad-dijabete li teqred is-saħħa u, jekk ma tiġix ikkontrollata jew jilqgħulha minn qabel, tħalli effetti fit-tul u tikkawża d-danni lill-ħajja umana. Biex insemmu xi ftit, din toħloq problemi fl-għajnejn, tagħmel ħsara lill-vini u l-arterji u l-kliewi, u ġġib problemi fil-qalb. Fil-qosor, l-obeżità twassal għal dijabete, u d-dijabete mbagħad teqred kollox fit-termini tas-saħħa umana.

Suġġeriment mill-qalb

Għalhekk, huwa ħafna importanti li wieħed jibqa’ attiv u jgħix ħajja aktar sana. F’Malta, aħna mberkin b’temp li ħafna drabi jkun sabiħ. Għaldaqstant irridu nkunu grati lejn Alla għal din il-barka meraviljuża, u nagħmlu l-aħjar użu minnha għall-ġid ta’ saħħitna.

Biex inkunu b’saħħitna, huwa rrakkomandat li kuljum isiru mill-anqas 30 sa 45 minuta attivitajiet fiżiċi. Biex joktru l-benefiċċji għas-saħħa dan il-ħin jista’ jiżdied. Barra minn hekk, huwa importanti wkoll li wieħed inaqqas il-ħin li joqgħod bilqiegħda.

Kampanja bħala dmir nazzjonali

Għalhekk, nappella lil kulħadd inkluż lili nnifsi li, ejjew nibdew kampanja rivoluzzjonarja fuq skala nazzjonali biex nippromwovu l-fatt li ngħixu ħajja b’saħħitha u li nieħdu ħsieb saħħitna. Kollha missna nagħmlu sforz biex inħeġġu lil xulxin ħalli nieklu, naħsbu u ngħixu sew!

Ejjew nagħmlu dan bħala dmir nazzjonali, għax, meta nkunu b’saħħitna dan se jnaqqas il-piż żejjed fuq is-sistema tas-saħħa ta’ pajjiżna jiġifieri fuq l-isptar u l-polyclinics. Dan ikun ifisser ukoll li, ikun hemm inqas nefqa fuq is-saħħa, li jirriżulta li l-pajjiż ikollu aktar riżorsi biex jieħu ħsieb ħafna proġetti oħra soċjali u nazzjonali għall-benesseri tan-nazzjon.

Let’s do it!

Nemmen bis-sħiħ li dan huwa dmir nazzjonali li ngħożżu saħħitna, nibqgħu attivi, u nieħdu ħsieb lilna nfusna b’mod tajjeb, għalina, għal uliedna, għall-familji tagħna, għall-ġid komuni u għall-benesseri ta’ pajjiżna kollu. Let’s do it!

Posted in Ahmadiyya, Ahmadiyya Malta, Ahmadiyya Muslim Jamaat Malta, Ahmadiyya: The True Islam, Islam | Tagged Ahmadiyya Malta, Good health and Leisure, Health — A True Wealth, Health is Wealth, Islam, It-Torċa, Malta, Maltese, Quran, Rikkezza ta’ vera, saħħa, saħħa pubblika | Leave a comment

The role of eyes, tongue and ears in happy family life

Posted on June 30, 2024 by Laiq Ahmed Atif

IR-RWOL TA’ GĦAJN, ILSIEN U WIDNA FIL-ĦAJJA TAL-FAMILJA

It-Torċa, 30.06.2024 | IMAM Laiq Ahmed Atif — amjmalta@gmail.com

Il-Qaddis Profeta Muħammad, is-sliem għalih, qal li: “Jiena niggarantixxi l-ġenna lil dak li jieħu ħsieb lill-organi privati u l-ilsien tiegħu, u jissalvagwardja mill-ħażen l-organi privati tiegħu u l-ilsien tiegħu.”

Dawn iż-żewġ kelmiet huma sempliċi, iżda, profondi ħafna u mimlija lezzjonijiet tal-ħajja safja u pura. Jekk inħarsu madwarna nsibu li l-biċċa l-kbira tal-ħażen soċjali huwa mwettaq minn dawn iż-żewġ organi umani, l-ilsien u l-partijiet privati.

Dan il-kliem għaqli huwa wkoll pilastru meta nitkellmu dwar il-ħajja tal-familja—il-ħajja miżżewġa. Jekk iż-żewġ imsieħba—raġel u mara, jieħdu ħsieb sew ta’ dawn il-punti, naħseb il-ħajja tagħhom tista’ tkun mill-aqwa. Huma jistgħu jkunu koppja ideali.

It-tilwim tal-familja

Il-Kalif u l-Mexxej tal-Komunità Ahmadiyya Musulmana, il-Qdusija tiegħu, Ħażrat Mirża Masroor Aħmad, darba ta parir lill-koppji miżżewġa, u qal li, jekk il-koppji jużaw għajnejhom, ilsienhom u widnejhom b’mod tajjeb dan se jagħmel ħajjithom ferħana ħafna.

Huwa enfasizza li, fit-tilwim tal-familja jidher li l-ilsien, il-widnejn u l-għajnejn għandhom irwol kbir. Jekk ikunu rġiel, ma jużawhomx sew. Jekk ikun hemm nisa, mhumiex qed jużawhom kif suppost. Jien ta’ spiss ngħid lil dawk il-koppji li jitolbu parir, li, jekk tużaw ilsienkom, widnejkom u għajnejkom sew għal xulxin, allura qatt ma jkollkom problemi. Jekk il-lingwa tintuża bil-mod u bi mħabba, qatt ma jkun hemm problemi.

Bl-istess mod, agħlqu widnejkom għal dak li tisimgħu kontra xulxin, jew affarijiet oħra bħal dawn li jistgħu jikkawżaw xi tip ta’ mrar meta tismagħhom. Xi drabi, jekk persuna jew parti waħda tgħid xi ħaġa ħażina, l-oħra wkoll twieġeb għalih bl-istess mod. Jekk il-widnejn jingħalqu għal żmien qasir biex itemmu l-kunflitt, ħafna problemi jistgħu jiġu midfuna hemmhekk. Mela agħlqu widnejkom, u taslu għall-paċi.

Barra minn hekk, żommu għajnejkom magħluqa biex taraw il-ħażin ta’ xulxin u żommu għajnejkom miftuħin biex taraw it-tajjeb ta’ xulxin. Wara kollox, f’kull persuna, kemm jekk tkun mara jew raġel, hemm affarijiet tajbin u hemm xi nuqqasijiet.

Kliem għaqli għall-ħajja ta’ familja paċifika

M’għandekx tagħmel affarijiet li jweġġgħu l-fiduċja reċiproka, jekk iżżomm il-purità tal-għajnejn, allura ma tweġġax u dawn il-problemi jisparixxu. Tħallix qalbek issir post ta’ affarijiet ħżiena. Żomm f’qalbek il-biża’ ta’ Alla, allura problemi qatt mhu se jinqalgħu. Ix-xitan qatt ma jista’ jidħol fil-qalb mill-bieb u jikkaġuna ħsara fid-djar.

Kemm hu parir sabiħ! Ma jiswa xejn, iżda jħallas lura bil-kbir, b’mod mirakuluż u pjaċevoli. M’għandekx tagħmel xi ħaġa, dak li għandek tagħmel hu li ma tweġibx għal kliem mhux xieraq, tismax dak li joħloq il-firda, u tarax in-nuqqasijiet fil-partner tiegħek imma dejjem fittex it-tjubija fih.

Lingwaġġ artab

Għalhekk, jekk il-koppja tixtieq li l-ħajja miżżewġa tkun paċifika u pjaċevoli, allura għandu jkollhom valuri morali għolja ħafna, qalbhom għandha tkun tad-deheb, għandu jkollhom ilsien mimli bl-għasel, u dejjem joqtor l-għasel minn kliemhom. Il-ħlewwa tal-kliem issaħħaħ ir-relazzjoni tagħhom fiż-żwieġ.

Huwa minnu li kważi kull persuna, anke t-tfal ta’ età żgħira, tħobb il-ħelu fl-ikel, bl-istess mod, tħobb ukoll il-ħlewwa tal-kliem.

Peress li kull ikla jew festa formali mhix kompluta mingħajr id-deżerta u l-ħelu, bl-istess mod, jekk ma jkunx hemm ħlewwa fi kliem koppja miżżewġa, iż-żwieġ tagħhom ma jistax jissejjaħ ideali, komplut u perfett.

Il-pudur isaħħaħ is-seħer

Il-Qaddis Profeta Muħammad, is-sliem għalih, iddeskriva persuna bi lsien ħażin bħala ‘l-agħar’ u qal: “M’hemm ebda karatteristika oħra agħar għall-bniedem minn persuna bi lsien twil.”

Huwa enfasizza fuq it-taħdit u qal li, “Kelma tajba hija karità.” “L-indiċenza tisfigura kollox u l-pudur isaħħaħ is-seħer ta’ kollox.” “Persuna li temmen ma tqarraqx jew tisħet jew tabbuża jew titkellem b’mod indiċenti.”

Huwa kompla jispjega l-karatteristika tal-fidil veru u qal: “Il-fidil veru huwa wieħed li minn ilsienu u minn idejh fidili oħra huma siguri u jinsabu fil-paċi u s-sliem.”

Storja ta’ tifla ċkejkna mimlija għerf

Il-Qdusija tiegħu, Ħażrat Mirża Masroor Aħmad, il-Mexxej tal-Komunità Ahmadiyya Musulmana, darba rrakkonta inċident li seħħ tassew fejn kien hemm raġel u mara li kienu qed jiġġieldu. Tifla ċkejkna kienet qed tħares lejhom u kienet sorpriża ħafna. Wara xi żmien it-tnejn indunaw li kienu qed jagħmlu xi ħaġa ħażina. Sabiex iħassru l-mistħija tagħhom, staqsew lit-tifla ċkejkna għaliex qed tkun sorpriża ħafna meta tara hekk: “Ma jiġġildux il-ġenituri tiegħek; ommok u missierek ma jiġġildux jew ma jitkellmux bl-aħrax ma’ xulxin? Jew ma jkunux irrabjati?”

It-tifla ċkejkna wieġbet fl-innoċenza mirakuluża tagħha u qalet, “Iva xi darba jiġri xi ħaġa, jekk missieri jirrabja, allura ommi tkun siekta u, jekk ommi tirrabja, allura missieri jkun sieket, allura ma jiġġildux.”

Jiġifieri, jekk xi darba jinqala’ xi ħaġa bejniethom, huma ma jweġbux lil xulxin bl-istess mod, jiġifieri, ‘no tit for tat’, għalhekk, kwalunkwe nuqqas ta’ ftehim ma jittawwalx, u l-ebda ġlieda ma ssir bejniethom. B’dan il-mod il-paċi tad-dar ma tiġix affettwata.

Xi sbuħija! Xi ġmiel!

Xi sbuħija! Xi ġmiel! Prosit! B’pass sempliċi, huma rnexxielhom jagħmlu l-ħajja tal-familja tagħhom adorabbli, paċifika u ideali. Allura, ma nistgħux aħna wkoll nitgħallmu minn din l-istorja sempliċi biex ngħixu ħajja sabiħa, ferħana, kuntenta u paċifika?

Posted in Ahmadiyya Malta, Ahmadiyya Muslim Jamaat Malta, Ahmadiyya: The True Islam | Tagged Ahmadiyya Malta, Familja b'saħħitha, Family, Family Life, Family Wellbeing, Family Wellbeing and Islam, Il-familja, Il-Ħajja Paċifika tal-Familja, Imam, Islam, Malta, Quran, The healthy family life | Leave a comment

High resolve and determination

Posted on June 28, 2024 by Laiq Ahmed Atif

Read this article in Maltese:

___________ The Holy Quran ___________

“O ye who believe, seek the help of Allah through steadfastness and Prayer; surely Allah is with the steadfast.” (2.154)

“We will surely try you with somewhat of fear and hunger, and loss of wealth and lives and fruits, then give glad tidings to the steadfast.” (2.156)

“O my dear son! Observe Prayer, and enjoin good, and forbid evil, and endure patiently whatever may befall thee. Surely this is of those matters which require firm resolve. That is indeed a matter of high resolve.” (31:18)

“One who endures with fortitude and forgives achieves a matter of high resolve.” (42.44)

“We will surely try you until We make known those from among you who strive in the cause of Allah, and those who are steadfast.” (47.32)

___________ Ahadith ___________

The strong one is not he who knocks out others in wrestling; the strong one is he who keeps control over himself when he is roused. (Bukhari and Muslim, Gardens of the Righteous, p. 16)

Abu Sa’id and Abu Hurairah relate that the Holy Prophet said: Whatever trouble, illness, anxiety, grief, hurt or sorrow afflicts a Muslim, even the pricking of a thorn, but Allah removes in its stead some of his defaults. (Bukhari and Muslim, Gardens of the Righteous, p. 14)

Usamah ibn Zaid, loved by the Holy Prophet and the son of one loved by him, relates that a daughter of the Holy Prophet sent word to him that her son was at his last breath and begged to go to her. He sent his salutation to her with the message: To Allah belongs that which He bestowed and to Him belongs that which he takes. Everything has its term fixed by Him. Let her be steadfast, therefore, and hope for His grace and mercy. She sent back word to him begging him for the sake of Allah to go to her. He stood up and proceeded to her accompanied by Sa’ad ibn Ubadah, Mu’az ibn Jabal, Ubayy ibn Ka’ab, Zaid ibn Thabit and others. When he arrived the child was presented to him and he took it in his lap. Observing its distress his tears began to run, whereupon Sa’ad said: Messenger of Allah, what is this? He made answer: This is compassion which Allah has placed in the hearts of His servants (and one version has it: in the hearts of such of His servants as He has willed) and Allah has compassion on such of His servants as are compassionate. (Bukhari and Muslim, Gardens of the Righteous, p. 12)

Posted in Ahmadiyya Malta, morality, Morals | Tagged Determination, Determinazzjoni, High resolve, Id-Dawl, Id-Dawl Magazine, Il-Morali, moralità, morality, Morals | Leave a comment

The Family in a Developing World

Posted on June 24, 2024 by Laiq Ahmed Atif

Posted in Ahmadiyya Malta, Ahmadiyya Muslim Jamaat Malta, Ahmadiyya: The True Islam, www.Ahmadiyya.mt | Tagged Ahmadiyya Malta, F Living Show, Family, Family Life, Il-familja, Islam, Karl Bonaci, Malta, Quran, Rev Mario Attard, The Family in a Developing World | Leave a comment

Europe’s strength lies in its unity and the values that unite

Posted on June 23, 2024 by Laiq Ahmed Atif

IS-SAĦĦA TAL-EWROPA TINSAB FL-GĦAQDA TAGĦHA U L-VALURI LI JGĦAQQDU

Is-saħħa tal-Ewropa hija li tibqa’ magħquda, għax fl-għaqda hemm dejjem is-saħħa, u fejn hemm l-għaqda, hemm paċi u serenità. Fil-fatt, minn perspettiva Iżlamika, għandna nħabirku biex id-dinja kollha tingħaqad flimkien. F’termini ta’ munita, u f’termini ta’ kummerċ u suq ħieles id-dinja għandha tkun magħquda wkoll. Bażikament il-pajjiżi kollha tad-dinja għandhom ifittxu l-koperazzjoni flimkien biex id-diviżjoni tinbidel f’għaqda.

It-Torċa, 23.06.2024 | Laiq Ahmed Atif — amjmalta@gmail.com

“Il-formazzjoni tal-Unjoni Ewropea kienet pass importanti ’l quddiem għall-pajjiżi Ewropej għax kienet mezz ta’ għaqda għall-Kontinent. B’dal-mod, għandkom tagħmlu kull sforz possibbli biex tippriservaw din l-għaqda, billi tonoraw id-drittijiet ta’ xulxin. Il-biżgħat u l-preokkupazzjonijiet tal-pubbliku inġenerali jridu jitneħħew. Biex tħarsu s-soċjetà tal-oħrajn ma tridux titolbu iktar minn dak li hu ġust u xieraq minn xulxin, u naturalment, għandu jkun hemm talbiet ġusti u xierqa mill-popli ta’ kull pajjiż.”

Dan il-kliem għaqli u ġenwin tal-Mexxej tal-Komunità Ahmadiyya Musulmana, il-Qdusija tiegħu, Ħażrat Mirża Masroor Aħmad, jagħmel ħafna sens u jenfasizza l-objettiv veru u meħtieġ tal-Unjoni Ewropea.

Vuċi affettiva li tgħaqqad

Biex inkomplu nimxu f’din it-triq biex nilħqu dan l-għan, fit-8 ta’ Ġunju, l-Ewropa vvutat għar-rappreżentanti tagħha fil-Parlament Ewropew għall-ħames snin li ġejjin. X’inhi l-importanza tal-Unjoni Ewropea? Għaliex huwa importanti li l-pajjiżi Ewropej ikollhom vuċi li tgħaqqad?

Naħseb li l-Unjoni Ewropea hija importanti ħafna biex tibbilanċja l-poteri politiċi u ekonomiċi tad-dinja; fil-preżenza ta’ pajjiżi kbar, sinjuri u b’saħħithom bħaċ-Ċina, ir-Russja u l-Istati Uniti tal-Amerika, fost oħrajn. L-eżistenza tal-Unjoni Ewropea tipprovdi wkoll sentimenti ta’ ħarsien u sigurtà lill-istati membri tagħha minħabba l-isforzi kollaborattivi tagħhom kontra kwalunkwe kriminalità, vjolenza u aggressjoni.

L-eżistenza tal-Unjoni Ewropea tibgħat ukoll messaġġ lil pajjiżi oħra barra minn din l-Unjoni biex ma jużaw l-ebda aggressjoni kontra kwalunkwe membru tagħha, għax, dak il-pajjiż mhux waħdu u l-pajjiżi kollha tal-Unjoni se jkunu warajh, u se jgħinu lill-istat membru b’kull mod possibbli u se jkunu spalla ma’ spalla mal-membru tagħha.

Koperazzjoni fis-saħħa, l-edukazzjoni u l-ekonomija

It-tieni, qafas wieħed li jgħaqqad huwa utli ħafna biex jgħin lill-istati membri tiegħu biex is-saħħa, l-edukazzjoni u s-setturi ekonomiċi tagħhom jikbru aktar.

It-tielet, l-eżistenza ta’ pjattaforma magħquda tarrikkixxi l-proċess ta’ tagħlim billi tipprovdi sistemi u esperjenzi diversi tal-istati membri kollha għall-benefiċċju ta’ xulxin.

L-isforzi magħquda huma aktar produttivi

Ir-raba’, l-isforzi magħquda huma dejjem aktar produttivi meta mqabbla ma’ sforzi u approċi individwali. Għalhekk, l-Unjoni Ewropea hija tali pjattaforma li temmen fi sforzi u approċi magħquda u miftiehma biex tkabbar l-eżitu tal-inizjattivi tagħha u biex jibbenefikaw minnhom żoni u territorji sostanzjali.

Il-ħames, li tfassal pjan direzzjonali u li tfassal objettivi futuri b’għerf kollettiv, konsultazzjoni reċiproka u permezz ta’ qsim ta’ esperjenza.

Il-Kalif u l-Mexxej tal-Komunità Ahmadiyya Musulmana, il-Qdusija Tiegħu, Ħażrat Mirża Masroor Aħmad, jgħid:

“Ftakru li s-saħħa tal-Ewropa tiddependi minn kemm jirnexxilha tibqa’ magħquda u pajjiż wieħed. Din l-unità m’għandhiex isservikom biss hawn fl-Ewropa, iżda fuq livell globali għandha tkun mezz biex dan il-Kontinent jibqa’ b’saħħtu u influwenti.

Fil-fatt, minn perspettiva Iżlamika, għandna nħabirku biex id-dinja kollha tingħaqad flimkien. F’termini ta’ munita, id-dinja għandha tkun magħquda. F’termini ta’ kummerċ u suq ħieles id-dinja għandha tkun magħquda wkoll. Fejn jidħlu l-libertà tal-moviment u l-emigrazzjoni, għandha tiġi żviluppata politika prattika ta’ koeżjoni sabiex id-dinja tkun tista’ tingħaqad. Bażikament il-pajjiżi għandhom ifittxu l-koperazzjoni flimkien biex id-diviżjoni tinbidel f’għaqda.

Jekk jittieħdu dawn il-miżuri malajr wieħed jinduna li l-kunflitti eżistenti jintemmu u jinbidlu f’paċi u rispett reċiproku, kemm-il darba tkun ipprattikata l-ġustizzja vera u kull pajjiż jagħraf ir-responsabbiltajiet tiegħu.”

Fl-għaqda hemm dejjem is-saħħa

Għalhekk, nemmen li s-saħħa tal-Ewropa hija li tibqa’ magħquda, għax fl-għaqda hemm dejjem is-saħħa, u fejn hemm l-għaqda, hemm paċi u serenità. Barra minn hekk, għandha li tkun vuċi waħda bilanċjata u ugwali għall-istati membri kollha tagħha, fejn kull pajjiż, irrispettivament mid-daqs jew il-pożizzjoni ġeografika tiegħu jħoss is-sens ta’ appartenenza, b’hekk, isaħħaħ l-isforzi tiegħu ħalli jagħmilha pjattaforma li tgħaqqad b’mod sodisfaċenti f’kull qasam tal-ħajja.

Posted in Ahmadiyya Malta, Ahmadiyya Muslim Jamaat Malta, Ahmadiyya: The True Islam | Tagged Ahmadiyya Malta, Ahmadiyya Muslim Jamaat Malta, art, EU, europe, Ewropa, Islam, Love for all - Hatred for none, Malta, photography, Quran, Torca, Torċa, travel, Unity of Europe | Leave a comment

Guiding our youth beyond materialism

Posted on June 21, 2024 by Laiq Ahmed Atif

It is important to guide our youth beyond materialism towards true contentment, while preparing them to handle both success and failure. Education should be sought to enrich oneself with knowledge, understanding, high moral values and a realistic perspective on life. Photo: Matthew Mirabelli. Source: Times Of Malta 21.06.2024 | Laiq Ahmed Atif

On a bright and sunny morning, while having coffee with a friend who is a philosophy lecturer, we discussed some very important national and international issues.

During our conversation, he brought up an interesting point. During his lecture that morning, he had been discussing materialism and consumerism. He said that, at such an early age, many of his students aspire to become like nothing less than Elon Musk.

The philosophy lecturer said that when he mentioned to his students that when they were young any profit beyond 20 per cent would have been considered excessive, as it was viewed as an act of greed.

However, many of his students disagreed, believing that it is a person’s expertise and business acumen that justify maximising profit without limits.

This conversation highlighted how much the younger generation aspires to the luxuries of life. While dreaming big is not inherently bad, it should not come at the expense of core values and human principles.

There is a serious danger in setting such high expectations; if, God forbid, these dreams are not realised or materialised, the inability to cope with failure can lead to painful and sometimes irreversible consequences.

Often, we overlook the importance of preparing our youth to handle both success and failure.

Success and failure are both integral parts of life. It is crucial to educate our youth not only to cope with success but, more importantly, to handle failure gracefully.

Pursuing knowledge and education solely for securing a good job or achieving materialistic dreams is a flawed approach. This mindset does not equip youth to handle either success or failure effectively. Instead, education should be sought to enrich oneself with knowledge, understanding, high moral values and a realistic perspective on life.

This holistic approach makes individuals better citizens and enables them to navigate through life’s ups and downs smoothly.

Intentions and motives play a crucial role in determining our fate and outcomes. I would like to share an illustrative incident.

Once, a companion of the Holy Prophet Muhammad built a new and beautiful house with an attractive door and window. He invited the Prophet to visit.

Upon seeing the house, the Prophet noticed the beautiful window and asked the owner why he had included it.

Pursuing knowledge and education solely for securing a good job or achieving materialistic dreams is a flawed approach – Laiq Ahmed Atif

The owner replied enthusiastically: “So that fresh air and sunlight can enter my house.”

The Prophet responded: “This is good but if your intention is to listen to the call to prayer, you will be rewarded for your good intentions and sunlight and fresh air will also come in.”

The underlying message is that education should be pursued with positive intentions for a greater cause. This approach will not only complement but enhance one’s chances of securing a better job and livelihood.

Worldly means will follow naturally from such a high standard of knowledge and education.

An argument often presented is that, without money or material means, survival is impossible.

It is true we need money to meet our daily needs and live a decent and dignified life. However, it is unjustifiable to live solely for the accumulation of money and wealth. There is a significant difference between needing money to live and living for the money. Therefore, we must always set our priorities right.

Moreover, we must recognise that happiness and contentment cannot be achieved solely through material means. True satisfaction and happiness come from a deeper source.

The Prophet Muhammad provided timeless guidance on this matter. He said: “Look at one who is below you and do not look at one who is above you. This would enable you to appreciate better the blessings and bounties that Allah has bestowed upon you.”

He further stated: “Do not run too much after property lest you should be absorbed by the world.” And; “Be in the world as if you are a stranger or a traveller.”

I firmly believe that adhering to these guiding principles will prevent us from being fully absorbed by the material world. Additionally, this timeless guidance will help us navigate through life’s challenges with calmness and resilience, regardless of the circumstances.

Laiq Ahmed Atif is the president of Ahmadiyya Muslim Jamaat Malta.

Posted in Ahmadiyya Malta, Ahmadiyya: The True Islam, www.Ahmadiyya.mt | Tagged Education, God, Guiding our youth beyond materialism, life, Materialism, Times of Malta, Youth | Leave a comment

Is one permitted to tell a lie under certain circumstances?

Posted on June 21, 2024 by Laiq Ahmed Atif

Read this article in Maltese:

The allegation is made that in Islam lying is permissible under certain circumstances for example, for the purpose of spreading the faith, during wars, for reconciling quarrelling spouses or other people, or to concealing one’s faith out of fear and that is called Taqiyyah. His Holiness, Hazrat Mirza Masroor Ahmad^aba, responded to this question and said:

“In the Holy Quran and authentic ahadith [sayings of the Holy Prophet Muhammad^sa] lying has been called ‘one of the greatest among the grievous of sins’ and the Holy Prophet Muhammad^sa has repeatedly admonished us to stay away from it.

As far as the narration…‘One who says and promotes a good word for the sake of reconciliation between people is not a liar.’ An example of this is when a conciliator conveys to one party the good things that have been said by the other party about them and remains silent about what has been said against that party. Such a conciliator cannot be called a liar.

Sunan al-Tirmidhi has recorded this narration as narrated by Hazrat Asma^ra bint Yazid in the following words: ‘It is not lawful to lie except in three cases; something the husband tells his wife to please her, to lie during war and to lie in order to bring peace between people.’

Firstly, this narration of Sunan al-Tirmidhi is not acceptable because it contradicts a clear commandment of the Holy Quran and other narrations from among the authentic [sahih] ahadith.

Secondly, Islam has never justified lying on any occasion. On the contrary, it teaches not to abandon the truth even at the expense of one’s life.

The Promised Messiah^as has also guided us in this regard. Hence, while responding to the same allegation he writes in his book, Nur-ul-Quran No. 2:

‘The Holy Quran considers uttering falsehood akin to idolatry, as Allah the Exalted states: ‘Shun therefore the abomination of idols and shun all words of untruth.’… The fact of the matter is that no hadith permits lying at all; rather, the following words are found in a hadith: ‘Tell the truth even if you are killed and set alight.’… Moreover, supposing there was a hadith that contradicted the Holy Quran and the authentic ahadith, it would not be deemed worthy of attention because we accept only those ahadith that are not contrary to the authentic ahadith and the Holy Quran.’ (Nur-ul-Quran No. 2, Ruhani Khazain, Vol. 9, pp. 403-405)

Hence, it is in no way acceptable to believe that lying is allowed in any hadith. Therefore, if there is any way of reconciling these ahadith to bring them in accordance with the Quran and the sunnah [practical examples of the Holy Prophet Muhammad^sa], then we will accept these ahadith upon such reconciliation. Otherwise, we will not deem these ahadith worthy of acceptance because they would be against the clear teachings of the Holy Quran and the Messenger^sa of Allah. (Alhakam)

Posted in Ahmadiyya Malta, FAQ, Q&A, Questions & Answers | Tagged Ahmadiyya Malta, falsehood, Id-Dawl, Id-Dawl Magazine, Islam, Quran, Truthfulness | Leave a comment

Truthfulness —A path to purity

Posted on June 21, 2024 by Laiq Ahmed Atif

Read this article in Maltese:

Truthfulness is a quality that is universally endorsed and largely promoted. However, it is also a reality that after understanding the profound importance of always telling the truth, yet wherever the opportunity arises, falsity is used for personal gain. In the modern technological era, social media is also being used to spread the falsehood and fake news.

However, we must understand that truthfulness is the corner stone of every social, religious and spiritual development; and reformation is not possible without truthfulness.

It is narrated that, once a person who had many weaknesses and vices came to the Holy Prophet Muhammad, peace be on him, and asked him which one evil he should abstain from to reform himself, as he did not think it possible for him to leave all his vices. In reply, the Holy Prophet Muhammad^sa instructed him that he should abandon falsehood and always speak the truth.

The individual was pleased by the Holy Prophet Muhammad^sa response and thought it would be easy for him to stop lying whilst continuing with his other vices, however, it later inspired that whenever he thought of doing something immoral or sinful, he stopped himself and thought that if he were caught, he would have no choice but to admit his offence because of the pledge he had made to the Holy Prophet Muhammad^sa.

As a result, overtime he became free of all the evils and vices he was previously affected with. He could easily have continued to lie, however, once he had made a pledge to the Holy Prophet Muhammad^sa, he was determined and committed to fulfilling it and eventually joined the ranks of the righteous and reached the proper standard of a believer.

Just with leaving falsehood he was able to transform himself and got rid of all the bad habits and evils.

In the Holy Quran, Allah reminds us to become righteous and truthful at many different occasions. Allah tells us that those who exhort each other with truthfulness and steadfastness, which are interdependent and the foundations of good character, are securing a happy, contented, prosperous and progressive life. (Holy Quran: 103)

Moreover, Allah has sent Prophets to different nations to remind them to acquire the straight path and become closer to Allah. This path is always founded upon the principals of truthfulness and has been the fundamental message of all Prophets and divine books. The Holy Quran also guides us to become righteous and follow the straight and the truthful path; and a person cannot become upright unless he is truthful (4:70). The easiest course towards Taqwa (righteousness and piety) is to follow the path of truthfulness.

The Holy Prophet Muhammad, peace be on him, always upheld truthfulness firmly, and he was known as al-Sadiq (the truthful) and al-Amin (the trustworthy). Once he gathered his clan and his people at the foot of a small mount and said, ‘If I tell you that a big army is in wait for you behind this hill, would you believe me?’ Even though it was evident that a large army cannot hide behind that small hill, it was impossible that there was an army and they haven’t seen it or have noticed, they all said unanimously, ‘Yes, because you have always spoken the truth.’ So, this is the power of the truth that it truly attracts sane souls and hearts.

The biggest element of evil is falsehood

In brief, the first and foremost important point is to adopt the habit of truth. The biggest element of evil which is spread in the world today is falsehood. In national and international relationships we see ambiguous policies instead of firmly upholding the value of truthfulness.

Therefore, it is very important that we educate our children to hold firmly on truth from their early childhood and never tell lie at any cost.

It is a fact that those nations which resort to lies always remain weak and they do not have the strength to bear high moral values. No high value project can ever be built without a truthful foundation. Truth is a priceless and one of the highest human values. Truth is a reflection of the high morals and character of a person. Therefore, we should always stick to the truth and never resort to lies, whatsoever. Undoubtedly, truth has an immense power, force and attraction.

Posted in Ahmadiyya Malta, morality, Morals | Tagged Il-Verità, Truth, Truthfulness | Leave a comment

Truthfulness: A Wonderful Value

Posted on June 19, 2024 by Laiq Ahmed Atif

Il-Verità: Valur mill-isbaħ

Il-Leħen, 16.06.2024 | IMAM Laiq Ahmed Atif — amjmalta@gmail.com

Jingħad li kien hemm raġel li kien jagħmel ħafna affarijiet ħżiena. Dan mar għand il-Qaddis Profeta Muħammad, is-sliem għalih, u staqsieh, “Kif nista’ nagħmel biex nieqaf milli nwettaq affarijiet ħżiena?”

Il-Qaddis Profeta Muħammad wieġeb, “Abbanduna l-falsità, u dejjem għid il-verità.”

Ftit jiem wara, ir-raġel kien se jwettaq att immorali jew żieni, iżda ħaseb, “X’jiġri jekk il-Profeta Muħammad isaqsini dwaru? Jiena ma nistax nigdeb.” Għalhekk dan l-att immorali jew żieni ma wettqux. L-għada, kien se jisraq xi ħaġa, iżda ħaseb, “X’jiġri jekk il-Profeta Muħammad isaqsini jekk sraqtx xi ħaġa? Ma nistax nigdeb.” Għaldaqstant ma seraqhiex.

Bil-mod il-mod ir-raġel waqaf milli jwettaq l-għemejjel ħżiena billi ried dejjem jistqarr il-verità. U maż-żmien ħeles min-nuqqasijiet u l-vizzji kollha li kienu jaħkmuh qabel. Seta’ faċilment baqa’ jigdeb iżda, billi kien għamel wegħda u kien determinat u impenjat li jżommha, eventwalment ħeles mill-affarijiet ħżiena.

Il-verità hija kwalità approvata universalment

Minħabba li beda dejjem jgħid il-verità, u li warrab il-falsità, kien kapaċi jittrasforma lilu nnifsu u jeħles mid-drawwiet ħżiena u n-nuqqasijiet kollha. Daqshekk huwa importanti li dejjem tgħid il-verità. Għalhekk, qatt ma għandna nigdbu għaliex Alla ma jiħux pjaċir b’nies li jigdbu u ma jgħinniex jekk jaqbadna f’dan. Alla jgħin u jieħu pjaċir b’dawk kollha li jgħidu l-verità.

Bla dubju ta’ xejn, il-verità hija kwalità u karatteristika li hija approvata universalment u reklamata bil-kbir. Madanakollu, hija wkoll realtà li wara li kulħadd jifhem l-importanza profonda li dejjem ngħidu l-verità, xorta kull meta tqum l-okkażjoni, tintuża l-falsità għall-gwadann personali. F’dan iż-żmien ta’ teknoloġija moderna, il-midja soċjali wkoll tintuża sabiex tixtered il-falsità u l-aħbarijiet foloz.

Madanakollu, irridu nifhmu li l-verità hija l-pedament ta’ kull żvilupp soċjali, reliġjuż u spiritwali; u r-riforma mhijiex possibbli mingħajr il-verità.

Għaliex il-bniedem jigdeb?

Għandna naħsbu wkoll fuq dan il-punt: Għaliex il-bniedem jigdeb? Il-bniedem jigdeb meta m’għandux fiduċja f’Alla u jaħseb li l-gideb se jsalvah minn xi sitwazzjoni partikolari. Jekk il-bniedem għandu fiduċja sħiħa f’Alla l-Ħanin, qatt mhu se jigdeb. Għax jemmen li anke jekk ikun hemm xi sitwazzjoni diffiċli Alla żgur se jsalvah, u hekk jiġri wkoll.

Jiena, bħala ġenitur ta’ żewġt itfal, dejjem ngħid lit-tfal tiegħi biex dejjem jagħżlu l-verità, anke jekk jiżbaljaw, ma jgħidux gideb. Jien ngħidilhom ukoll li meta jgħidu l-verità anke jekk sar xi żball minnhom jien qatt mhu se nirrabja magħhom. Iżda, ma nistax naċċetta l-gideb.

Bil-grazzja kbira ta’ Alla, it-tfal tiegħi dejjem jippruvaw li jgħidu l-verità. Irrid nirrakkonta storja vera. Darba kien hemm il-logħob tal-futbol u hemm sar xi foul u ż-żewġ naħat kienu jgħidu li t-tim l-ieħor għamel dak il-foul. Meta sar diffiċli biex il-coach jiddeċiedi, huwa qal li se jistaqsi lit-tifel tiegħi għax hu dejjem jgħid il-verità.

Il-coach staqsa lit-tifel tiegħi u mbagħad iddeċieda skont dak li qallu. Dan huwa eżempju inkoraġġanti ħafna għalina bħala ġenituri li t-tifel tagħna għandu reputazzjoni tajba li dejjem jgħid il-verità.

Qed naqsam din l-istorja mhux biex niftaħar, iżda, biex nuri li meta t-tfal tagħna jagħmlu tajjeb dan jogħġob lill-ġenituri, għalhekk, il-ġenituri għandhom irwol importanti li dejjem jimxu bl-eżempji tajba u jagħmlu minn kollox biex it-tfal tagħhom isiru nies twajba.

Il-verità tirnexxi fl-aħħar

Il-Koran Imqaddes sejjaħ ukoll il-falsità bħala impurità u xi ħaġa maħmuġa; u l-falsità titqiegħed f’post daqs l-idoli. Fir-realtà, il-falsità hija idolu. Inkella, għala xi ħadd iħalli l-verità u jimxi lejn il-falsità. Hekk kif l-idoli m’għandhom l-ebda verità għalihom, bl-istess mod il-falsità mhi xejn ħlief qerq u dehra.

Barra minn hekk, min għandu d-drawwa tal-gideb jitlef il-kredibilità tiegħu tant li anke meta jgħid il-verità, hemm suspett li se jkun hemm il-possibbiltà tal-gideb. Ġeneralment, in-nies tad-dinja jgħidu li dawk li jitkellmu l-verità huma dejjem jitilfu; għalhekk huma ma jistgħux isalvaw il-kwistjonijiet tagħhom mingħajr il-gideb. Ma nistax nemmen dan. Alla jassigurana li l-verità tirnexxi fl-aħħar; u lilu jappartjenu t-tjubija u r-rebħa.

Posted in morality, Morals | Tagged Ahmadiyya Malta, Il-Verità, Imam, Islam, Malta, Maltese, moralità, morality, Morals, Muslim, Truth, Truthfulness, virtues | Leave a comment

Interreligious meeting at the President’s Palace

Posted on June 16, 2024 by Laiq Ahmed Atif

LAQGĦA INTERRELIĠJUŻA FIL-PALAZZ TAL-PRESIDENT

Alla huwa mħabba, Alla huwa sliem! L-imħabba qatt ma tista’ tnissel il-mibegħda u s-sliem qatt ma jista’ jwassal għall-gwerra. Il-President ta’ Malta, l-Eċċellenza Tagħha Myriam Spiteri Debono, enfasizzat dwar l-importanza tal-paċi u l-fratellanza universali, u li naħdmu għall-ġid tal-umanità kollha. Ir-reliġjon hija strument ta’ tama għan-nies, għalhekk, in-nies tal-fidi u ta’ rieda tajba għandhom dover li jaħdmu id f’id għall-promozzjoni tal-paċi u l-armonija fis-soċjetajiet tagħna u madwar id-dinja.

It-Torċa, 16.06.2024 | IMAM Laiq Ahmed Atif — amjmalta@gmail.com

Meta wieħed jeżamina x-xenarju reliġjuż b’mod ġenerali, wieħed ma jistax jonqos li jinduna li fir-reliġjon jidher li qed tirbaħ sitwazzjoni fejn kullimkien, ir-reliġjon qed titlef il-ħakma tagħha, in-nies qed jitbiegħdu mir-reliġjon u huma jżommu lilhom infushom okkupati b’affarijiet li mhumiex reliġjużi.

Hemm tendenza oħra li turi li hemm bidla qawwija fid-direzzjoni ta’ fehmiet reliġjużi b’riġidità medjevali u intolleranza ta’ oppożizzjoni, fejn in-nies mhux lesti biex juru rispett lejn il-fidi ta’ ħaddieħor.

Fl-istess ħin, qed naraw ukoll li hemm nies li jifhmu l-bżonn u l-effettività tar-reliġjon u jagħmlu minn kollox biex fil-ħajja tagħhom tant impenjata jżommu ftit tal-ħin fejn jistgħu jipprattikaw ir-ritwali reliġjużi tagħhom.

Fuq in-naħa morali, il-verità qed tisparixxi malajr, ir-responsabbiltajiet soċjali lejn is-soċjetà qed jiġu injorati, in-nies qed jiġu kompletament maħkuma mill-konsumeriżmu u l-materjaliżmu, il-bniedem qed isir egoist u egoċentriku, id-diviżjoni bejn ‘jien’ u ‘int’, ‘aħna’ u ‘huma’ qed tiżdied b’rata mgħaġġla, u l-individwaliżmu qed jikseb is-saħħa anke f’pajjiżi tad-dinja li kienu jippretendu li huma reliġjużi ħafna.

Reliġjon u soċjetà

Jiġri x’jiġri, anke llum fid-dinja moderna u diġitali, qed jinħass il-bżonn profond u sinifikanti tar-reliġjon. Jinħass vojt fil-bniedem. Il-bniedem iħoss il-vojt internament, u għalhekk xorta jfittex dejjem il-paċi, is-serenità u s-sodisfazzjon ġewwieni.

F’dan ix-xenarju, ir-reliġjon għandha rwol importanti ħafna biex il-bniedem jerġa’ lura għall-għeruq tiegħu.

Biex tifhem u tenfasizza r-rwol importanti tar-reliġjon, u r-relazzjoni bejn ir-reliġjon u s-soċjetà, ġiet organizzata konferenza internazzjonali mill-Fakultà tat-Teoloġija fl-Università ta’ Malta, fit-30-31 ta’ Mejju, 2024, bl-isem ‘Bridging worlds: society, religion and cultural confluence’. F’din il-konferenza ħafna kelliema minn diversi pajjiżi, inkluż Malta, taw il-preżentazzjonijiet u d-diskorsi tagħhom.

L-essenza u l-punt ċentrali tad-diskorsi kollha kienet kif nistgħu ngħixu flimkien bl-imħabba u l-paċi u noħolqu l-ambjent pjaċevoli tal-ħbiberija bejn in-nies kollha; kif nistgħu nerġgħu għall-għeruq tagħna. Kif ir-reliġjon tista’ tkun l-istrument effettiv tal-bidla u l-pożittività u tindirizza l-isfidi tad-dinja kontemporanja.

Il-laqgħa mal-President fil-Palazz

Il-qofol u l-aktar parti importanti ta’ din il-konferenza kienet il-laqgħa interreliġjuża fil-Palazz tal-President ta’ Sant’Anton li saret il-Ġimgħa 31 ta’ Mejju 2024, fejn il-President ta’ Malta, l-Eċċellenza Tagħha Myriam Spiteri Debono, iltaqgħet ma’ diversi mexxejja reliġjużi mill-komunitajiet ta’ fidi differenti. Kull mexxej għamel stqarrija bħala sinjal ta’ rieda tajba u impenn favur il-paċi.

Din il-laqgħa importanti, imsejħa mill-Professur John Berry bl-għajnuna tal-Fakultà tat-Teoloġija, timmarka pass ieħor sinifikanti biex jitkattar id-djalogu bejn komunitajiet reliġjużi differenti.

Fid-diskors tal-konklużjoni tagħha, l-Eċċellenza Tagħha enfasizzat dwar l-importanza tal-paċi u l-fratellanza universali, u qalet li m’għandniex naħdmu biss għall-komunitajiet tagħna stess imma għall-umanità kollha. In-nies kollha ta’ rieda tajba għandhom jaħdmu id f’id; u n-nies tal-fidi għandhom dover li jaħdmu għall-ġid tal-umanità kollha. Il-messaġġ tagħha ta’ ‘Tama’ huwa tassew mod ’il quddiem fil-promozzjoni tal-paċi u l-armonija fis-soċjetajiet tagħna u madwar id-dinja.

Alla huwa s-Sors ta’ Paċi għal kulħadd

Bħal mexxejja reliġjużi oħra, kelli wkoll l-opportunità li naqra messaġġ qasir f’isem il-Komunità Ahmadiyya Musulmana. L-ewwel nett għedt it-tislija li, jalla l-paċi u l-barkiet infiniti ta’ Alla Omnipotenti jkunu fuq kulħadd. Wara dan, issoktajt:

“F’Isem Alla, l-Aktar Ġust, Dejjem Ħanin! Kull foħrija tmur għal Alla, is-Sid tad-dinjiet kollha, il-Ġust, il-Ħanin, u Sid ta’ Jum il-Ħaqq. (Il-Koran, 1:1-4) Huwa s-Sovran; Huwa Pur u jsaffi ’l-oħrajn. Huwa sigur minn kull impurità u jipproteġi lill-oħrajn. Huwa s-Sors ta’ Paċi għal kulħadd. (Il-Koran, 59:24)

Alla jsejjaħ għal-lok tal-paċi, u jiggwida lil min Huwa jixtieq għall-mogħdija t-tajba. (Il-Koran, 10:26) Tabilħaqq dawk kollha li jemmnu huma aħwa. Għalhekk nisslu l-paċi bejn l-aħwa, u ibżgħu minn Alla ħalli tkunu tistgħu tgawdu mill-kompassjoni u l-ħniena Tiegħu.’ (Il-Koran, 49:1)

Aħna nemmnu li: Alla huwa mħabba, Alla huwa sliem! L-imħabba qatt ma tista’ tnissel il-mibegħda, u s-sliem qatt ma jista’ jwassal għall-gwerra. Għalhekk, il-messaġġ tagħna huwa: Imħabba għal Kulħadd — Mibegħda għal Ħadd.”

Posted in Ahmadiyya Malta, Ahmadiyya Muslim Jamaat Malta, Inter-religious dialogue, Interfaith, Interfaith dialogue, Peace | Tagged Ahmadiyya Malta, Her Excellency the President of Malta, Inter-religious dialogue, Interreligious peace, l-Eċċellenza Tagħha Myriam Spiteri Debono, Laiq Ahmed Atif, Laqgħa fil-Palazz tal-President, Laqgħa interreliġjuża fil-palazz tal-president, Malta, Meeting at the President's Palace, PRESIDENT OF MALTA | Leave a comment

Eid-Ul-Azha 2024 Mubarak

Posted on June 16, 2024 by Laiq Ahmed Atif

— On behalf of the Ahmadiyya Muslim Jamaat Malta we wish you all a very happy, healthy, prosperous, peaceful and blessed Eid-Ul-Azha.

— May Allah bless you with a joyous, healthy and peaceful Eid. May Allah accept our worships and sacrifices; forgive our sins and have mercy on us. Ameen

#EidAlAdha #EidulAdha2024 #eiduladha #eidmubarak #ahmadiyyamalta #malta #Ahmadiyya

Posted in Ahmadiyya Malta, Ahmadiyya Muslim Jamaat Malta | Tagged Ahmadiyya Malta, Ahmadiyya Malta wishes you Eid Mubarak, Eid Mubarak, Eid-Al-Adha, Eid-ul-Azha, Eid-Ul-Azha 2024 Mubarak, Hajj, Hajj - Pilgrimage to Mecca, Islam, Kaaba, Malta, Mecca, Quran | Leave a comment

Can Muslim ladies donate their hair?

Posted on June 14, 2024 by Laiq Ahmed Atif

Can Muslim ladies cut their hair? Can Muslim ladies donate their hair to non-Muslim cancer patients? Read this article in Maltese

Muslim women who are living in the Western countries regularly face the questions about their hair cut and also if they are allowed to donate their hair to cancer patients, and even to those who may not be Muslims, because it is a noble cause. Muslim women should not try to adopt hairstyle like men; otherwise, having their hair cut to a reasonable extent for the sake of adornment, or for any reasonable purpose, there is no harm in it. However, to cut the hair to donate for the cancer patients, for Muslim or non-Muslim patients, as truly a noble cause and a great service to mankind and it is permissible in Islam.

His Holiness, Hazrat Mirza Masroor Ahmad^aba, has given a very comprehensive answer to these questions. He said:

“There is nothing wrong with ladies having their hair cut if there is a need to do so. Hence, upon completing Hajj [pilgrimage to Mecca] and Umrah, women open their ihram only after having their hair cut.

It is narrated in ahadith [sayings of the Holy Prophet Muhammad^sa] that the female Companionsra used to have their hair cut whenever the need arose to do so. However, women are not allowed to shave their heads. Similarly, the Holy Prophet Muhammad^sa forbade men from imitating women and women from imitating men. Thus, women should not have male hairstyles. However, there is no harm in having one’s hair cut to a reasonable extent for the sake of adornment in a way that does not resemble men.

Donating one’s hair to a patient is a virtuous act. There is nothing wrong with that. If one can donate their blood and other organs to another person for treatment purposes, why could they not donate hair?” (Alhakam)

Posted in Ahmadiyya Malta, FAQ, Q&A, Questions & Answers | Tagged Can Muslim women donate their hair?, Cancer patient and hair donation, Hair donation and Islam | Leave a comment

Is there more good or evil in the world?

Posted on June 12, 2024 by Laiq Ahmed Atif

Hemm aktar tajjeb jew ħażin fid-dinja?

In-Nazzjon, 12.06.2024 | Imam Laiq Ahmed Atif — amjmalta@gmail.com

Illum il-ġurnata meta wieħed iħares madwaru, meta janalizza s-sitwazzjoni madwar id-dinja, jara l-aħbarijiet fuq it-televixin, jew jaqra l-gazzetta, wieħed jibda jaħseb li d-dinja qed tmur dejjem mill-ħażin għall-agħar. Il-bniedem jibda jaħseb li d-dinja hija mimlija b’ħażen u jistaqsi lilu nnifsu li: Għaliex hemm daqshekk ħażen fid-dinja? Għaliex hemm iktar ħażen milli tajjeb fid-dinja?

Irridu niftakru li Alla ta lill-bniedem kull xorta ta’ kapaċitajiet u tah ukoll il-libertà u d-diskrezzjoni li jużahom b’mod tajjeb jew ħażin. Il-firda tat-toroq tintwera lilu u mbagħad jitħalla liberu li jaġixxi.

Alla jgħid fil-Koran Imqaddes: “Aħna wrejnieh (lill-bniedem) it-Triq; huwa jew jiżżi ħajr u jsegwiha, jew ma jkunx grat u jirrifjutaha.” (76:4). F’vers ieħor Alla jgħid li, “Hu wera lill-bniedem iż-żewġ toroq.” (90:11)

Jiġifieri, it-toroq tat-tajjeb u l-ħażin, tal-verità u l-falsità, tal-progress spiritwali u materjali; u anke Alla ta lill-bniedem raġuni u fehim. Hu għamlu responsabbli għall-azzjonijiet tiegħu u, permezz tal-Messaġġiera u l-Profeti Tiegħu, urieh it-triq li twassal għar-realizzazzjoni ta’ Alla. Il-bniedem ġie mogħni bil-mezzi kollha li bihom jista’ jsib it-triq it-tajba, u jista’ jiddistingwi t-tajjeb mill-ħażin.

Iżda sta għall-bniedem li jagħmel użu tajjeb mill-fakultajiet u l-opportunitajiet mogħtija minn Alla u, billi jissottometti ruħu għal-liġijiet Divini biex jilħaq l-għan tal-ħolqien tiegħu jew billi jinjorahom biex iġib il-mewt spiritwali tiegħu.

Il-mistoqsija hija: Hemm aktar tajjeb jew ħażin fid-dinja?

Nemmen li hemm aktar tajjeb fid-dinja; u hekk għandu jkun li t-tajjeb għandu jirbaħ dejjem fuq il-ħażin, u l-imħabba fuq il-mibegħda, u l-paċi fuq il-gwerra.

Il-fatt hu li, minħabba l-aktar żbalji ta’ osservazzjoni, ħafna drabi jintesa li d-dinja hija aktar tajba milli ħażina. Pereżempju, ħu ħalliel. Veru, huwa jwettaq serq. Imma kontra kull serq, jagħmel tant affarijiet li huma tajbin. Forsi jiltaqa’ man-nies b’mod pjaċevoli. Huwa ġeneruż, jagħti karità, jgħin lill-proxmu u lid-dgħajjef. Huwa jaqdi lill-ġenituri tiegħu, u jieħu ħsiebhom sew. Jekk ngħoddu b’dan il-mod, insibu li t-tajjeb f’kull persuna huwa iktar mill-ħażin, it-tajjeb għandu jisboq fuq il-ħażin.

Hekk ukoll l-irġiel meħuda individwalment jagħmlu aktar affarijiet tajbin milli ħżiena. Il-kwantità jew l-ammont tat-tajjeb jew tal-ħażin fid-dinja ċertament jagħti vantaġġ lit-tajjeb fuq il-ħażin. Hemm żgur iktar tajjeb fid-dinja mill-ħażin.

Imma, il-mistoqsija hi li, għaliex in-nies ġeneralment jaħsbu li n-numru taʼ azzjonijiet ħżiena huwa akbar?

L-aktar tweġiba sempliċi għal dan hija din li, il-ħażin jispikka iktar, u anke l-midja tagħti aktar importanza lil dawk l-aħbarijiet, kif jgħidu li, “Good news is no news; bad news is a breaking news.”

Huwa wkoll minnu li aħbar negattiva tivvjaġġa b’veloċità ħafna ikbar minn aħbar tajba; u jingħad ukoll li, l-imħuħ tal-bnedmin fihom mekkaniżmu li huwa ddisinjat biex jagħti prijorità lil aħbar ħażina, u huwa aktar attirat għal aħbar ħażina jew negattiva.

Ħafna drabi n-nies huma aktar attirati mill-affarijiet preżenti li jidhru quddiemhom, u minn benefiċċji u riżultati immedjati, milli minn affarijiet li jieħdu aktar fit-tul. Din hija n-natura tal-bniedem li jixtieq ir-riżultat malajr u mhux ħafna tard. Bl-istess mod, il-ħażen jew in-negattività jispikkaw iktar mit-tjubija. It-tjubija tħalli l-effett tagħha bil-mod il-mod.

Ħafna min-nies huma tajbin jew ħżiena?

Mistoqsija oħra hija: Ħafna min-nies huma tajbin jew ħżiena? Jekk il-biċċa l-kbira tan-nies huma tajbin, l-għadd tat-tajjeb fid-dinja huwa akbar. Jekk ħafna min-nies jippossjedu ħafna mill-kwalitajiet morali tajbin, it-tajjeb jiddomina.

Għalhekk, meta wieħed iqis il-ġid totali tan-nies fid-dinja kollha kemm hi, l-evidenza fuq in-naħa tal-ġid tinstab li tkun aktar aċċettabbli.

Id-dnub u t-tjubija

Irrid nispjega wkoll x’inhu d-dnub u t-tjubija. Id-dnub huwa attivitajiet li jaffettwaw lir-ruħ tal-bniedem li huma fiżiċi li jidhru bħal gideb, qtil, serq; jew spiritwali bħal nuqqas ta’ talb jew il-karità.

It-tjubija hija dik li taffettwa lir-ruħ tal-bniedem b’mod pożittiv, u l-għemejjel tajbin li jagħmlu lill-bniedem il-maħbub ta’ Alla. Il-bniedem twajjeb huwa wieħed li għamel biżżejjed għemejjel tajbin kemm fiżiċi kif ukoll spiritwali biex ikun kapaċi jara wiċċ Alla.

Posted in Ahmadiyya Malta, www.Ahmadiyya.mt | Tagged Ahmadiyya Malta, Hemm aktar tajjeb jew ħażin fid-dinja?, Is there more good or evil in the world?, Malta, more good or evil, tajjeb jew ħażin | Leave a comment

Id-Dawl 77

Posted on June 11, 2024 by Laiq Ahmed Atif

ID-DAWL 77

ID-DAWL-77 Download

Posted in Id-Dawl, Id-Dawl Magazine | Tagged Ahmadiyya Malta, Ahmadiyya Muslim Jamaat Malta, Id-Dawl, Id-Dawl 77, Id-Dawl Magazine, Islam, Love for all - Hatred for none, Malta, Quran | Leave a comment

Feeling the pain and suffering of others

Posted on June 11, 2024 by Laiq Ahmed Atif

Tħoss u ttaffi t-tbatija tal-oħrajn

Id-drawwa li wieħed iħoss it-tbatija u l-uġigħ tal-oħrajn u jipprova li jtaffihom kemm jista’ u jipprovdi serħan u faċilità hija wkoll valur mill-isbaħ. Tassew, il-kompassjoni għall-foqra u li wieħed dejjem jipprova jtaffi t-tbatija ta’ ħaddieħor hija biċċa xogħol nobbli ħafna. Dan għandu jsir mit-tfulija; u t-tfal għandhom jiġu mgħallma dawn il-valuri minn età bikrija. Tfal li għandhom ġenituri ġentili li jirrakkontawlhom l-istejjer tal-mogħdrija għall-foqra u jitkellmu magħhom dwar is-sbuħija tal-valuri tas-solidarjetà, il-ħniena u l-kompassjoni, dan żgur li jikkultiva fihom sens ta’ għotja u ta’ għajnuna lill-oħrajn fin-natura tagħhom. Huwa wkoll importanti immens li nifhmu li t-trawwim tal-kompassjoni umana mhix biss hi importanti, iżda mingħajrha ma nistgħux niksbu l-ogħla skop ta’ twelid il-bniedem.

______ Il-Koran Imqaddes ______

“Intom l-aħjar nazzjon li nħareġ għall-fejda tal-umanità, għax tordnaw u tħeġġu t-tajjeb, u tipprojbixxu u tevitaw il-ħażen, u temmnu f’Alla.” (3:111)

“Tabilħaqq, Alla jordna (li jkun hemm) il-ġustizzja (fost il-bnedmin), u li jsir il-ġid lill-oħrajn, u l-għoti (tal-għajnuna) lill-qraba; u jipprojbixxi l-indiċenza u l-ħażen u t-trasgressjoni evidenti.” (16:91)

“F’Isem Alla, Kollu Grazzja, il-Ħanin. Rajt lil dak li jiċħad il-Ġudizzju? Huwa dak li jaħqar lill-orfni; u ma jħeġġiġx (lill-oħrajn) biex jitimgħu l-fqir. Mela gwaj u telf kbir għal dawk li (taparsi) jitolbu iżda ma jagħtux kas it-talb tagħhom; dawk li jħobbu jidhru (u jagħmlu kollox għal għajnejn in-nies), jiċħdu l-karità u jżommu lura anke mill-inqas benefiċċju.” (107:1-8)

______ Diskorsi tal-Qaddis Profeta Muħammad^sa ______

“Il-karità għandha tingħata minn kull driegħ u riġel ta’ persuna f’kull ġurnata li titla’ x-xemx.”

“L-id ta’ fuq hija aħjar mill-id t’isfel: l-id ta’ fuq tagħti u tonfoq, l-id t’isfel tittallab u tirċievi.”

“L-agħar ikel huwa dak servut f’tieġ fejn l-għonja huma mistiedna u fejn il-foqra huma mbarrin.” (Gardens of the righteous, p.66)

“Ayesha (il-mara tal-Qaddis Profeta Muħammad^sa) tirrakkonta: Mara resqet lejja maż-żewġt ibniet tagħha; ma stajt insib xejn x’nagħtiha ħlief tamla waħda. Hija qasmitha bejn uliedha u hi ma ħadet xejn minnha. Imbagħad qamet u telqet. Meta wasal il-Qaddis Profeta, għedtlu x’ġara. Huwa qal: Wieħed li jkollu l-bniet u jittrattahom sewwa jintebaħ li dawn isiru t-tarka tiegħu min-Nar.” (Bukhari u Muslim, Gardens of the righteous, p.270)

“Iben Adam, jekk ikollok tonfoq dak li hu żejjed, ikun aħjar għalik, u jekk iżżommu jkun agħar għalik. M’intix se tiġi akkużat għax iżżomm dak li għandek bżonn. Ibda onfoq fuq dawk li jiddependu minnek.” (Tirmizi, Gardens of the righteous, p.110)

Posted in Ahmadiyya Malta, Ahmadiyya: The True Islam, morality, Morals | Tagged Feeling the pain and suffering of others, moral values, Tħoss u ttaffi t-tbatija tal-oħrajn | Leave a comment

Human Values—the Foundation for a Dignified Life

Posted on June 9, 2024 by Laiq Ahmed Atif

VALURI UMANI – IL-PEDAMENT GĦAL ĦAJJA DINJITUŻA

It-Torċa, 09.06.2024 |Imam Laiq Ahmed Atif— amjmalta@gmail.com

Dan l-aħħar kont qed nisma’ diskussjoni fuq ir-radju fejn xi ħadd qal li, “tlifna l-valuri u r-rispett lejn xulxin”. Din il-frażi ġagħlitni naħseb ħafna u niżżilt ħsibijieti dwar il-valuri. Huwa minnu li xi kultant naħsbu li huwa veru li qed nitilfu l-valuri, anke pereżempju, ħafna drabi nisimgħu lit-tfal u liż-żgħażagħ jindirizzaw il-kbar, il-ġenituri jew in-nanniet tagħhom b’mod informali, anke xi drabi b’isimhom, minflok jgħidu nannu, nanna, ziju jew zija, eċċ.

Fil-kultura Asjatika hemm xi ħaġa sabiħa li ż-żgħar qatt ma jindirizzaw il-kbar tagħhom fl-età b’isimhom, u dejjem jindirizzawhom bħal, ħija, ziju, nannu, eċċ., anke jekk mhumiex verament relatati magħhom. Imma, b’dan il-mod juru rispett lejhom. Min-naħa l-oħra, anke l-kbar jindirizzaw liż-żgħażagħ bl-istess mod. Diskors bħal dan mill-ewwel iwassal għal relazzjoni ta’ rispett bejniethom.

Il-kliem sabiħ fil-Malti

Għandna wkoll kliem sabiħ fil-lingwa tant għażiża għalina—il-Malti—li nużawh fid-diskors tagħna; naħseb li għandna nużawh aktar ta’ spiss, iktar regolari fid-diskors tagħna ta’ kuljum, pereżempju, qalbi, ħanini, kif inti ħija, kif inti sabiħ, kif nista’ ngħinek sinjur, eċċ.

Bla dubju ta’ xejn, x’hemm isbaħ mill-valuri li huma l-ġojjell tal-bniedem.

Għalhekk, irrispettivament mid-differenzi, nemmen li fuq il-bażi tal-umanità, in-nies kollha u l-għaqdiet kollha għandhom jagħmlu ħilithom b’mod kollettiv biex isostnu l-valuri umani, u jistinkaw biex id-dinja li ngħixu fiha tkun post aħjar u ferm aktar armonjuż. B’riżultat ta’ dan, jekk il-valuri tal-bniedem u d-drittijiet tal-bniedem ma jiġux imħarsa f’pajjiż jew reġjun wieħed, dan ikollu effett indirett fuq partijiet oħra tad-dinja u tali aġir ħażin jista’ jinfirex aktar ’il bogħod.

Bil-maqlub, jekk ikun hemm umanità, valuri umani, moralità, tjubija, prosperità f’parti waħda tad-dinja, dan ikollu effett pożittiv fuq soċjetajiet oħra u nies oħra. Bħala riżultat ta’ forom moderni tal-komunikazzjoni u tat-trasport, aħna lkoll issa qegħdin ħafna eqreb flimkien u m’għadniex limitati jew ristretti bil-ġeografija.

Madankollu, huwa paradoss stramb u traġiku li, minkejja li aħna konnessi aktar minn qatt qabel, fil-fatt qed nitbiegħdu aktar minn xulxin bil-ġurnata. Huwa ta’ dispjaċir kbir, u kawża ta’ niket, li minflok li ningħaqdu flimkien u nxerrdu l-imħabba fost il-bnedmin, id-dinja qed tagħti attenzjoni ferm akbar għat-tixrid tal-mibegħda, il-moħqrija u l-inġustizzja.

Żewġ sbuħijat tal-bniedem

Hemm żewġ sbuħijat: is-sbuħija interna, ta’ ġewwa, jiġifieri s-sbuħija spiritwali; u s-sbuħija ta’ barra, jiġifieri s-sbuħija fiżika. Is-sbuħija ta’ barra, tad-dehra u fiżika hija waħda li tidher, hija viżibbli, u l-bniedem fuq in-naħa l-oħra jista’ jara din is-sbuħija ta’ persuna. Iżda, is-sbuħija ta’ ġewwa hija spiritwali u tidher bl-għemejjel u l-azzjonijiet tagħna, li nsejħulha l-valuri tal-bniedem.

Is-sbuħija tad-dehra u fiżika tista’ tgħib jew tonqos mal-mogħdija taż-żmien, iżda, is-sbuħija ta’ ġewwa ssir dejjem aħjar u aħjar u tiżdied kuljum; tittejjeb mal-ġurnata. Iktar ma l-bniedem juża l-valuri, iktar isir pjaċevoli u attraenti; u l-bniedem isir aktar nobbli, dinjituż, grazzjuż, diċenti, ġust, ġenwin, pur, safi u denn tal-fiduċja. Is-soċjetà tħares lejh bħala mudell għas-soċjetà u l-komunità kollha. Igawdi rispett kbir u riverenza mis-soċjetà kollha u jsir ammirazzjoni għal ħafna.

Barra minn hekk, is-sbuħija ta’ barra tmut mal-mewt tal-ġisem jew mal-mewt tal-persuna, meta l-bniedem iħalli din id-dinja għall-oħra; ġismu jkun midfun fl-art, il-ġid tiegħu u l-qraba u l-għeżież tiegħu jibqgħu fid-dinja, xejn ma jmur miegħu, imma, il-morali tajba u l-għemejjel ġusti tiegħu jmorru miegħu sal-qabar li jkunu s-sors għall-maħfra tiegħu.

L-azzjonijiet li jibqgħu ħajjin

Il-Qaddis Profeta Muħammad, is-sliem għalih, qal: “Meta jmut bniedem, l-azzjonijiet tiegħu jieqfu, ħlief għal tliet affarijiet: (1) waħda hija l-karità kontinwa, (2) l-oħra hija l-għarfien li n-nies jistgħu jibbenefikaw minnha, (3) u t-tielet it-tfal tajbin u ġusti li jitolbu għalihom.”

Fi kliem ieħor, il-valuri jibqgħu fl-art anke wara l-mewt tal-bniedem. Għalhekk, qal li, “L-aħjar fostkom li jemmen huwa dak li l-imġiba tiegħu hija l-aħjar.” “Ittrattaw lin-nies b’kortesija, ġentilezza, imġiba tajba u valuri morali.”

Il-Qaddis Profeta Muħammad, is-sliem għalih, dejjem mexxa bl-eżempju tiegħu f’kull mument, anke bi mġiba mill-aħjar. Irrid insemmi xi wħud minn dawk l-eżempji tiegħu li jistgħu jkunu bħala gwida għalina kif nistgħu nipprattikaw il-valuri tajba fil-ħajja tagħna ta’ kuljum.

Il-mudell u l-imġiba mill-aħjar

Huwa rrakkontat li l-Qaddis Profeta Muħammad ma kienx jiddejjaq jimxi mar-romol u l-fqar. Huwa kien dejjem ta’ għajnuna għalihom it-tnejn.

Kien jagħlef l-iġmla (huwa stess). Huwa kien jagħmel xogħlijiet tad-dar, isewwi ż-żraben, iraqqa’ l-ilbies, jaħleb in-nagħaġ, jiekol flimkien mal-qaddej u jitħan (id-dqiq) miegħu meta dan jegħja. Huwa ma kienx jistħi jġorr ix-xirja mis-suq sa għand niesu. Huwa kien jieħu b’idejn l-għani u l-fqir, u kien ikun minn tal-ewwel li jsellem. Huwa ma kienx jiddejjaq jilqa’ xi stedina, imqar biex jiekol xi tamar.

Il-Qaddis Profeta Muħammad kellu karattru ħelu u qalb tajba. L-imġiba tiegħu kienet mill-aħjar u kien dejjem b’wiċċ ferrieħi. Huwa kien jitbissem, imma ma kienx jidħak jgħajjat. Lanqas ma kien ikun imqit meta kien ikun imdejjaq. Huwa kien umli, iżda ma kienx jintrema; kien ġeneruż, iżda mingħajr ħela. Kellu qalbu tajba u kien ħanin ma’ kulħadd. Huwa qatt ma kien jiekol sa ma jasal biex jibda jitfewwaq. Huwa qatt ma midd idu b’xeħħa.

Ħajja mżejna minn sbuħija dejjiema

Dawn l-eżempji t’hawn fuq huma verament mudell mill-isbaħ biex nimxu fuqhom sabiex nagħmlu ħajjitna mill-isbaħ—ħajja dinjituża, rispettata u nobbli. Għax, x’hemm isbaħ mill-valuri umani li huma l-ġojjell tal-bniedem, u l-pedament għal ħajja paċifika, prospera, diċenti, dinjituża—ħajja mżejna minn sbuħija ta’ dejjem.

Posted in Ahmadiyya Malta, Ahmadiyya: The True Islam, www.Ahmadiyya.mt | Tagged Ahmadiyya Malta, core values, dignified life, Human Values, Islam, Malta, Quran, values, valuri umani, virtues | Leave a comment

Our Children Our Future

Posted on June 7, 2024 by Laiq Ahmed Atif

Posted in Ahmadiyya Malta, Ahmadiyya: The True Islam, www.Ahmadiyya.mt | Tagged Ahmadiyya Malta, Islam, It-tfal, Malta, our children our future, Quran | Leave a comment

An Interfaith event at the Presidential Palace

Posted on June 2, 2024 by Laiq Ahmed Atif

On Friday 31^st May 2024, an interfaith event was held at the San Anton Presidential Palace Malta, where religious leaders in Malta had the opportunity of reading out their messages of peace-building. The event was moderated by Dr John Berry and was concluded with heartfelt Address of Her Excellency Myriam Spiteri Debono, President of Malta. Her Excellency emphasized the need of peace-building not only for own communities but for the entire humankind. Her message of ‘Hope’ is truly a way forward in promoting peace and harmony within our societies and around the globe.

During this august event, Imam Laiq Ahmed Atif, president Ahmadiyya Muslim Jamaat Malta also read his following message.

Your Excellency the President and Apostolic Nuncio, esteemed religious leaders and distinguished guests,

Asslamoaleikum wa Rahmatullah wa Barakatohu — may Peace and infinite blessings of Almighty Allah be upon you all.

In the Name of Allah, the Most Gracious, Ever Merciful

‘All praise belongs to Allah, Lord of all the worlds, the Gracious, the Merciful, and Master of the Day of Judgment.’ (Quran, 1: 1-4) ‘He is the Sovereign; He is Pure and purifies others. He is safe from all impurities and safeguards others. He is the Source of Peace for all.’ (Quran, 59:24) ‘Allah calls to the abode of peace, and guides whom He pleases to the straight path.’(Quran, 10:26) ‘Surely all believers are brothers. So make peace between brothers, and fear Allah that mercy may be shown to you.’ (Quran, 49:1)

We believe that: God is love, God is peace! Love can never beget hatred, and peace can never lead to war. Therefore, our message is: LOVE FOR ALL — HATRED FOR NONE.

Posted in www.ahmadija.org.mt | Leave a comment

	Nemat Ali on The life of humility and …
	Nemat Ali on Interfaith Diversity Week 2024…
	Nemat Ali on Is the Holy Quran inspired by…
	prayer time on The Holy Quran – A Casket of…
	prayer time on The Holy Quran – A Casket of…

Jekk il-qalb hija tajba u b’saħħitha…

MARA GĦAQLIJA HIJA L-AQWA BARKA

IL-ĠURNAL TAL-ĦAJJA TAL-UMANITÀ

ID-DIĊENZA PUBBLIKA

SINJALI MERAVILJUŻI FIL-ĦOLQIEN

IL-GRATITUDNI: GĦAJN TA’ TKABBIR U BARKA

Fittxuni qalb id-dgħajfin tagħkom

L-AQWA INFLUENCERS

INTENZJONIJIET TAJBA U SINĊERITÀ TAL-QALB

BEAUTY SALONS U L-MEZZI TA’ SBUĦIJA SPIRITWALI

Soċjetà ħielsa mill-pjaga tad-droga!

IT-TRATTAMENT TAJJEB TAL-ĠIRIEN

RIKKEZZA TA’ VERA

IR-RWOL TA’ GĦAJN, ILSIEN U WIDNA FIL-ĦAJJA TAL-FAMILJA

Il-Verità: Valur mill-isbaħ

LAQGĦA INTERRELIĠJUŻA FIL-PALAZZ TAL-PRESIDENT

Hemm aktar tajjeb jew ħażin fid-dinja?

Tħoss u ttaffi t-tbatija tal-oħrajn

VALURI UMANI – IL-PEDAMENT GĦAL ĦAJJA DINJITUŻA

Recent Posts

Recent Comments

Archives

Categories

Ahmadiyya Jamaat Malta www.ahmadiyya.mt amjmalta@gmail.com 0035679655255 0035621655255