TIĠĠUDIKAX KTIEB MILL-QOXRA

Meta naqraw gazzetti u ġurnali li qed jiġu ppubblikati madwar id-dinja nsibu li ħafna drabi l-Iżlam bħala reliġjon qed jiġi mmirat bħala reliġjon tal-imgħoddi li ċċaħħad lin-nisa mid-drittijiet bażiċi tagħhom.

Il-mistoqsija hi, dawn il-kittieba qatt qraw it-tagħlim Iżlamiku, jew iċċekkjaw it-tagħrif jew l-opinjonijiet tagħhom bis-sorsi bażiċi tat-tagħlim Iżlamiku – il-Koran Imqaddes u l-prattiki tal-Qaddis Profeta Muħammad^saw?

Il-ġustizzja vera teħtieġ li m’għandniex niġġudikaw il-ktieb mill-qoxra tiegħu, imma rridu nħarsu lejh, irridu naqraw il-ktieb fid-dettalji, fil-kuntest veru tiegħu, biex nifhmu l-filosofija u r-raġuni wara tagħlim bħal dan.

Għalhekk, nixtieq nissuġġerixxi umilment lill-qarrejja tagħna li qabel ma niffurmaw xi opinjoni, huwa rrakkomandat li naqraw il-Koran Imqaddes u l-ħajja tal-Fundatur tal-Iżlam, il-Qaddis Profeta Muħammad^saw, biex nifhmu t-tagħlim veru tal-Iżlam. Biex insibu tagħlim Iżlamiku dwar in-nisa, u biex insibu kif in-nisa huma trattati fl-Iżlam.

F’din l-edizzjoni u ta’ Novembru se niddiskutu s-suġġett tad-drittijiet tan-nisa, u qed nippreżentaw tweġibiet għal uħud mill-mistoqsijiet importanti dwar “in-nisa fl-Iżlam”.